البارت الثانى عشر
شادى ل فهد :كفايه كده الواد استوى حرام عليك
ورد :محمود بيحبها من صغره ازاى انت ماخدتش بالك من حبه وخوفه عليها انا متاكده انها معاه هتكون سعيده...
ريما : انا يوم الهنا لما اجوز بنتى ل محمود ...
مالك: وانا كمان موافق ...
زينه :يلا يا ابيه عاوزين نفرح...
فهد: لا اربيه الاول المجنون ده...
فهد تانى يوم اخد ملك حفله كان معزوم فيها هو ومحمود اصلا كان مفروض محمود يروح بدل فهد لان فهد مش بيحب الجو ده....
فهد ومحمود مستنين ملك اللي نزلت بفستان ضيق نوعا ما وميكاب وكانت غايه الجمال لانها مش متعوده تحط ميكاب كتير ولما حطت لمسات بسيطه كانت غايه فى الجمال
فهد مفروض يعترض على فستانها بس سكت عاوز يشوف رد محمود ...
محمود شافها قلبه دق جدا و كان هيتجنن بس استجمع نفسه واتكلم بالراحه ...
محمود ل ملك: الفستان ده ضيق اوى لو سمحتى غيريه بواحد اوسع انا مستنيكى اهو على ما تبدليه ...
ملك بصت لابوها وقالت ل محمود:
بس ده عاجبنى اوى
محمود: لو عاجبك البسيه فى البيت بس لكن حفله وناس تبص عليكى لا بلاش مش انتى ولا اخلاقك...
ملك : حاضر يا ابيه..
محمود بيتك علي سنانه من الغيظ ...
ويقول بصوت واطى : وربنا حد موصيهم عليا هى وابوها...
فهد بيكتم الضحك لانه هو اللي خلا ملك تعمل كده علشان يشوف محمود هيتصرف ازاى
فى الحفله محمود جنب ملك كل ما حد يمد ايده يسلم عليها محمود يسلم هو .
وفهد بعد مخصوص بس عينه عليهم ...
محمود ل ملك: ايه رأيك فى اللي ابوكى قالهولك صح مش عاوزه تتجوزينى ..
ملك: مبفكرش اتجوز ولو هتجوز لازم يكون عن حب مش علشان قرايب...
محمود: بت انتى انا بحبك اكتر من روحى انتى الهواء ال بتنفسه والامل ال عايش علشان احققه فاهمه بحبك ولاخر يوم فى عمري بحبك ؛انتي بتحبينى يا ملك؟ ...
ملك سكتت ووشها احمر وقلبها دق اوى
محمود: اسمى ده ايه ...
محمود: ملك وافقى ومش هتندمى ابدا صح انا عصبي بس مش عليكى وبغير بس لانى بحبك ...
ملك هزت راسها وسكتت
فهد شايف وساكت ...
روحو وملك طلعت اوضتها وفهد وقف محمود: انا موافق بس خطوبه سنه واي غلطه هتسيبها للابد
محمود باس فهد وقال له: موافق على اي شرط المهم انها ليا انا بس اوعدك عمرى ما اسيبها قال اسبها قال دانا ما صدقت...
محمود فرحان اوى وبعد ما طلع رجع باس فهد تانى : بحبك وكنت عارف مش ههون عليك ربنا يخليك ليا يا اخويا وعمى وابويا وصاحبي وربنا مش هزعلها ابدا اوعدك
الواد اتجنن وقعد ينادى على ريما ومالك و يقول بعلو صوته: اخيرا وافق
عدى اسبوع والكل اتجمع عند فهد فى الفيلا وعمل خطوبه وكانت خناقه بين محمود وفهد اللي مش عاوز كتب كتاب ومحمود مصمم يكتب كتابه عل ملك ..
واخيرا شادى واخواته اتدخلو وفعلا كتبو الكتاب وبقت مراته
محمود بعد كتب الكتاب قام اخد ملك بالحضن
فهد : اتلم لا اكسر دماغك دى ..
الايام بتعدى ومحمود بيتحكم فى غيرته شويه بشويه بس لما فهد صمم بنته تشتغل كان كل شويه محمود يتدخل فى لبسها واخر حاجه راح بنفسه اشتري لها هو اللبس علشان يتاكد انه واسع وكمان كان نفسه ميكونش اللبس حلو وملفت عليها بس للاسف كل ما تلبس حاجه تكون جميله عليها لانها جميله اوى وهى اللي محليه اللبس ..
الايام بتعدى وملك ومحمود بيقربو اكتر
محمود بيخاف عليها بيوصلها الشغل ويجبها بدأ يثق انها تقدر تتعامل مع الناس وان محدش يقدر ياخدها منه
محمود بيوصلها وكانت جميله اليوم ده اوى فاخد ورد وراح ياخدها بدرى علشان يتغدو سوى كان فيه راجل بيشترى لوحات من الجاليرى بتاعها الراجل حاول يمسك ايدها بس هنا وقبل محمود ما يتصرف لانه لسه كان داخل وبعيد بس شافه ملك ضربت الشاب ده بالقلم على وشه وطردته بره
وهنا محمود شده وضربه ولسه هيكمل ضرب ملك منعته..
محمود : تمام اللي تشوفيه انتى...
محمود باسها من خدها على سهوى
وملك كانت هتضربه
بس محمود: وربنا انا جوز حضرتك يا فندم
ملك ضحكت كتير عليه واخدها من ايدها وراحو اتغدو وبعدها دخلو سينما
محمود كان مختار فيلم رومانسي
محمود طول الوقت اخدها فى حضنه ومقرب من نفسها يشم ريحتها اللي بيعشقها وقضو وقت جميل اوى وهو مروح
ملك باسته من خده بخفه وقالت له: شكرا على اليوم الجميل ده
محمود اتكهرب وقلبه مش متحمل بجد
محمود تانى يوم ل ريما : القمر بتاعنا عامل ايه بعد هزار ودردشه ريما : عاوز ايه البكش ده كله ليه
محمود: عاوز اتجوز الفيلا جهزت وكل شيء علي ذوقك انتى وملك وفى نفس الكمباوند مالكمش حجه وبعدين انا وملك مستنين نشوف تاثيرك على ابيه فهد اما نشوف لو انى متاكد انك هتجيبي الموافقه منه
عدا اليوم وملك كانت فرحانه من اهتمامه بيها وانها كل يوم تروح الشغل تلاقي ورد على مكتبها
جه الليل وفهد دخل اوضته لقا ريما فى انتظاره زى عادتها مشغلو مزيكا هاديه ونور خفيف وكانت لابسه فستان هادي لكن فاتن من كتر ما هو مبين جمالها ومفاتنها قصير وضيق ولونه اسود مع بياضها الساحر كانت حوريه من الجنه باسها بخفه وقال لها نفسي اعرف كل يوم بتحلوى اكتر ازاى
ريما : بحلو اكتر لانى بحبك اكتر وكل ما احبك احلو ..
فهد اخدها فى حضنه كتير يشبع منها هو بيكون فى الشعل وباله معاها وبقا خروجه قليل علشان يكون معها اكتر وقت وهى بتغير عليه اوى كل يوم عن اللي قبله فهد كل شويه وسامته بتزيد والشعر الابيض لما بداء بالظهور عنده زاده جمال على جماله
اما فهد فقعد واخدها على رجله واكلها بايده زى كل يوم لان ده متعته الوحيده هى وبس ريما وجمالها وخفة دمها واهتمامها بيه وبكل شيء يخصه نفسه يعرف ازاى ربت الولاد وكبرو وعمرها ما نسيت مناسبه لحبهم ولا قصرت تجاهه بالعكس هى بتخلق حب فوق الحب وسعاده للكل ريما اكبر نعمه فى حياته
فهد بعد ما اكلها ريما بدلع ودلال:
فهد كنت عاوزه طلب منك وبلاش تقول لاء عليه ممكن
فهد: من امتي بقول لاء ل قلب فهد وروحه انتى تؤمرى يا ملكة قلبي وانا بس انفذ ..
ريما :فيلة محمود جهزت وهو اخد باله من ملك وبطل جنان ممكن نجوزهم قريب ونفرح بيهم علشان خاطرى انا...
فهد : ايوه بس اشمعنا واحنا اتفقنا على سنه
ريما : فهد كفايه كده ادب عليه الواد استوى
وكمان عاوزه افرح بيهم ها قلت ايه ..
فهد: اللي تشوفيه ماشي وبعدين هى اول مره ارجع فى كلامى بسببك انتى الوحيده اللي بتخلينى اغير رأيي موافق حددو ميعاد ...
ريما باسته اوى وقالت له: ربنا يخليك ليا ياقلب ريما وحبها
قضو ليله جميله من لياليهم الحلوه
والصبح محمود راح ل ريما يسالها عملت ايه ريما ابتسمت باانتصار: عيب عليك انا برضوه ريما
محمود: بجد والنبي وافق طب احلفي
ريما بتضحك بصوت عالى محمود باس ايد ريما وبيقول لها : ربنا يخليكى يا يا احلي ريما فى الدنيا وربنا انتى عسل
بس اتفاجئ باللي بيشده من هدومه من ورا وبيقول له: لا يا شيخ احلى ريما وربنا شكلى ما عرفت اربيك وهضربك باين ريما محدش يقول لها كلام حلو غيري مفهوم
محمود اتخض وروحه راحت خاف لا فهد يرجع فى كلامه محمود: اصل........
فهد : لا اصل ولا فصل واتلم ياض انت
محمود: حاضر وطلع يجرى عند ملك اللي لما ريما قالت لها خرجت جرى اتكسفت وخافت تشوف محمود دلوقتى ويشوف فرحتها دى...
محمود راح لها الشغل ودخل عليها حضنها اوى اوى وهى : بس يا مجنون انت احنا فى الشغل..
محمود: وايه يعنى انتى مراتى والكل عارف
ملك احمر وشها من الخجل والكسوفه وهو قرب وباسها ملك :وربنا انك مجنون وهمجى كمان
محمود: انا فعلا همجى بس فى حبك
وحبي ليكى دايم الجنون لا يهداء زى بحر موجه عالى بخاف عليكى وبغير عليكى من فهد وريما ومالك ومن شادى لما يقول لك يا ملاكى بغير من عين غير عيني تشوفك واتمنى اخبيكى بين جفونى بحبك ولو شايفه حبي الزايد غلط فاانا فرحان بغلطى ولو حبي همجى فا انا همجى فى حبي وهفضل كده احبك بجنون عاشق ...
