معشوقتى ريما
البارت التاسع
العيله متجمعه بتجهز لفرح الغاليه الزينه زينه
وكل يوم بليل يتجمعو يوم فى بيت المعداوى عند منال ويوم فى بيت المرسي عند نوال يغنو ويهيصو ونوال بتقود الغنا والرقص والكل ملزوم يعنى اه اصل نوال دى عسل العيله وكمان مبلطجه على الكل ممنوع اعتراض جميله بشخصيتها اللي بحب الكل انسجمت اوى مع ورد مرات اخوها ابراهيم
ورد عوض ربنا اللي براهيم بعد سنين المر اللي شافها مع بنت عمه سناء ام ساره كانت مغروره ومتسلطه وشاف معاها ايام سواد
عكس ورد اللي العيله كلها حبتها لادبها وطيبة قلبها ورد خلفت محمود ولد جميل وفهد وريما حبوه اوى وطول اليوم ريما تلعب بيه واخر اليوم عاوز ينام فى حضن ريما
بس فهد بيقول له بعينك حضن ريما ليا بس
طول الوقت ضحك وهزار والبيت ارتارح بعد موت ساره
منال ونوال هما اللى اجلو الفرح سنه علشان العوايد عيب يعمل فرح بعد موت ساره على طول
شادى طول السنه زعلان لانه اتاجل فرحه
بس فهد ومحمد ابوه عوضوه وعملو فرح البلد هتحكى بيه سنين قدام
مر اجمل اسبوع فى حياة البلد كلها ، اسبوع كامل البلد كلها معزومه عند محمد وفهد
ممنوع حد يتأخر اصل الناس بتحبهم ومعاهم حب مش اكتر
باليل حلقات ذكر متواصله
ده غير الستات اللي عند نوال ومنال
لانهم بيروحو للناس وعمرهم ما اتعالو على حد بيجاملو الفقير قبل الغنى
وده فى نظرى اجمل ما فى الغنا التواضع وحب الناس لانه كنز عظيم
يوم الفرح جه كان فى قاعه جميله اوى وكبيره جدا
المزيكا اشتغلت علشان تستقبل العرسان باغنيه طلى بالابيض بس نوال سكتتهم
واستقبلت العرسان هى بفرقة مزمار بلدى جمليه خلت الكل رقص وهيص وبعدها طلت زينه بالابيض اخدها فهد واداها لشادى اللي فرحته النهارده مالهاش وصف
فهد ل شادى :خد بالك منها اوعى تزعلها والا انت مجرب ايدى تقيله
شادى ضحك على كلام اخوه وصاحب عمره وقال له: فى عينيا وده وعد ...
نوال تسكت ابدا اخدت المايك وادته ل منال وخلت الفرقه الموسيقيه تعزف اغنيه امورتى الحلوه لصباح وغنتها هي ومنال ..
بصراحه ولعو الفرح
ريما فهد اخدها ورقص معاها سلو كانت جمليه اوى بفستان اسود جميل يخربيت كده حامل اه بس قمر ده كلام فهد لها :اخبيكى فين بس وربنا فهد المعداوى اتجنن بيكى ..
الكل فرح وغنىو والفرح كان جميل
والعرسان سافرو بيروت شهر العسل
اما فهد اخد ريما وراح المكان اللي قضو فيه شهر العسل قعدو هناك كمان شهر
ورجعو ...
بعد تلات شهور فهد نايم وريما صوتت الحقنى يا فهد بموت
فهد: مالك ياقلبي
ريما: بولد باين
فهد جرى نده منال
منال جت جرى وفهد كلم الدكتور يجهز ويستناهم فهد اخد ريما ومنال
ابراهيم و ورد راحو كمان والكل هناك وريما تعبانه اوى
فهد دخل معاهم اوضة الولاده مارضيش يسيبها لوحدها الولاده كانت صعبه عليها اوى والكل قلقان عليها جدا
بعد وقت كتير جوه اخيرا ولدت
جابت ولد وبنت جمال الدنيا فيهم
فهد مهتمش للولاد خالص اللي اخدوهم من التمريض منال ونوال طبعا ..
ريما اخيرا خرجوها ومعاها فهد ماسك ايدها ومش سايبها وخوفه من الولاده كان اكتر من خوفها هى خوف ععلى حب عمره وروحه لا تروح منه بس الحمد لله عدت واقسم لها ممنوع حمل تانى
اما ريما وهى لسه تعبانه :لا لسه كمان اتنين عل الاقل. الكل بيضحك علي جنانهم وان ده مش وقته بس الحب بيجنن هو خايف عليها وهى عاوزه كتير ولاد شبهه عاوزه ولاد يتوجو حبهم ...
فهد اختارى انتى الاسامى لهم انتى تعبتى فيهم ريما نسال الكل وبعدين نختار نبداء بماما منال وماما نوال
وكمان عمتهم زينه
بعد يوم كامل من المشورات استقرو على مالك وملك لان البنت جميله زى الملاك فعلا ...
ريما وفهد عاشو فى حب دايم وربنا رزقهم ولد كمان
سنين كتير تقريبا عشرين سنه حصل فيهم حاجات كتير حلوه وحاجات وحشه
الحلو ان فهد كل يوم بيعشق ريما اكتر واكتر وهي بتكبر تحلو اكتر واكتر فهد نقل للقاهره وبيرجع البلد اجازات بعد موت عمه ابراهيم الحمل تقل عليه
بس بعد محمود ابن عمه ما كبر بداء يساعده فى الشغل
وكمان مالك بيروح فى الاجازه الشركه
اما ملك دخلت فنون جميله لانها رسامه موهوبه ودلوعت العيله
زينه خلفت ولدين ادم و زياد
ادم لسه فى اولى جامعه و زياد فى تانيه ثانوى..
ملك جميله ورقيقه اوى وفهد مدلعها وميزها على الكل حتى ريما بتغير منها ومن دلع فهد لها ...
محمود بيعشقها بس حبه لها غريب حب غيره تحكم متروحيش متجيش
ممنوع وقفه بعد المحضرات مع اصحابك تقريبا ولى امرها
ملك مطيعه للكل الا محمود تموت وتقله لا صح غلط لا وبس ملك حاسه له باحساس غريب اللي هو طول ما هو هنا نقار وخناق وعمل عليه كبير و مسؤول عنها بحكم انه عايش معاهم فى نفس الفيلا سوا فى القاهره او الاجازه لما بيرجع البلد معاهم لامه اللي فضلت في البلد جنب ابوه بعد وفاته الحقيقه السنه اللي فاتت كانت صعبه اوى لما ماتت نوال وبعدها بشهرين منال من حزنها على رفيقة عمرها
برغم وجود اتنين اصحاب غيرهم ونفس الطبع الجميل هما زينه وريما
حتى لما قرر فهد الاستقرار فى القاهره اخد شادي معاه واشتروا فيلتين جنب بعض علشان يفضل جنب اخته زينه
ومكان الولاد يتربو سوى ايد واحده
اي شيء مش يفرقهم ...
عدت الايام واتخرجت ملك ومالك، مالك من كلية التجاره وساعد فهد فى الشركه مع محمود اللي مسك نائب المدير وتقربيا هو دلوقتى اللي مريح فهد وماسك كل شيء
ملك فتحت معرض للرسومات بتاعتها
ويوم الافتتاح كانت جميله و مميزه اوى كانت واقفه تتكلم مع الناس وتستقبل التهانى من الدكاتره بتعوها اللي درسو لها وكانت تلميذه مجتهده لهم
كمان كان فيه زمايل لها بنات وشباب
وكانت واقفه تهزر معاهم وتضحك
وصوت ضحها سمعه محمود وهو داخل كان جايب ورد جميل ودخل يبارك لها بس لما شاف المنظر ده رمى الورد ومشي زعلان
ملك زعلت من تصرفه وزعلت من نفسها خصوصا لما شافت الورد عرفت انه اتضايق ويمكن غار عليها بس ليه
وعمره ما قال كلمه تثبت حبه وغيرته معقول يكون بيحبها ..
روحت البيت ودورت عليه بس ماكانش فى البيت ياترى فين ملك حاولت تنام خصوصا لما الوقت اتاخر بس ازاى وهى قلقانه على محمود اوى ..
قرب الفجر كانت مستنياه بس المره دي على الكرسي فى اوضته دخل محمود وولع النور اتفاجىء ب ملك نايمه على الكرسي وشكلها بردان اوى ...
محمود قرب منها شال شعرها من على وشها اتامل فى جمالها و رقة ملامحها معقول فى جمال كده
محمود لنفسه جننتينى يا بنت المعداوى واخرتها معاكى قلبي هيقف من كتر حبه ليكى ..
ملك فتحت عنيها كان محمود قريب منها قاعد بقربها بيتامل جمالها اللي بيحاول يهرب منه وهى صاحيه ...
ملك صحيت وقالت له: كنت فين كل ده وليه مشيت كده ..
محمود افتكر غضبه منها وقام اتعدل وقال: ابدا بس مبحبش المياصه وقلت اسيبك تهزرى براحتك طالما اخواتك وابوكى موجودين وانتي بتهزرى
ملك: اولا دول زمايلى وبابا واثق فيا وعارف انى مش بتعدى حدودى انت اللي طول الوقت خانقنى ممكن اعرف ليه ..
محمود : دلوقتى وهنا فى اوضتى اولا وجودك هنا غلط يلا على اوضتك ماخرجيش تانى منها باليل وخصوصا اوضتى متجيش فيها تانى مفهوم
كلامه استفزها اوى كله اوامر وعدم تقدير وانه مقدرش قلقها عليه عاندت اكتر ووقفت قدامه
وقالت له : اه صح ما انت عمى برضوه ولازم تعمل كده صح يا عمى محمود مش انت ابن عم بابا يعنى انت عمى علشان كده وصى عليا..
كانت بتتكلم بطريقه مستفزه وكملت استفزاز لما قالت بس خلاص قريب هتخلص منى وقريب جدا
وجت تمشي بس محمود شدها من ايدها وقفها يعنى ايه اخلص منك ازاى ومين غبي قال انى عاوز اخلص منك كان بيتكلم وبيبص فى عنيها وشفايفها وكله شوق لها
بس ملك قالت: اصل اللي كنت بضحك معاه ده جاي يخطبنى من بابا رمت الكلمه
ومحمود انفجر فيها انتى اتجننتى اكيد لو مش عاوزانى اقتله بلاش يجى لانه لو جه هنا هكسر رجله مفهوم هكسر رجله
ملك ببرود: ليه ده بقا
محمود متكلمش بس باسها بعنف جدا
باسها بحب وتملك وخوف و حاجات كتير
الفصل العاشر من هنا
