معشوقتى ريما
البارت الخامس
نوال عمة فهد الكبيره: بقى كده انت مسافر بكره طب اخرج روح مع الرجاله وسيبنى مع القمر دى يلا سيب ايدها انت ماصدقت يا واد انت .
الكل ضحك لأن نوال عمة فهد الكبيره واقرب
عماته لقلبه صح كلهم طيبين بس نوال مختلفه هزارها طيبتها حبها لفهد الزايد لانه الولد الوحيد لاخواتها الرجاله محمود وابراهيم كمان لان فهد حنين عليها وبيسأل عنها ويودها على فكره هى متجوزه من محمد المرسي من اكبر عيله فى البلد عيلة المرسي وكمان محمد غنى جدا وشخصيته قويه اوى
والكل يخاف منه لانه عضو مجلس الشعب سنين عن دايرتهم
بس محمد لحد نوال و يقف، هى الامر الناهى فى البيت وقلبه كمان صح عندها 49سنه بس لسه قمر وحبيبة محمد وقلبه كمان
نوال خرجت فهد وقالت ل ريما: تعالى جنبي يا قلب عمتك انا عمتك نوال واحب اشوفك عندى كتير فهد وزينه بيجو كتير عندى وانتى زيهم اه ما حبيبة فهد حبيبتي انا كمان.
ريما قربت منها وحست صدق وحب فى كلامها
اما ساره نار الغل هطق منها وبالذات لما شافت خاتم من الماس فى ايد ريما معقول البتاعه دى تلبس خاتم زى ده صح هى عندها مجوهرات كتير وابوها عمره ما رفض لها طلب لانها بنته الوحيده بس هى مش بتحب حد زيها عاوزه دايما انها تكون احسن من كل الناس .
ساره ل ريما :ايه ده انتى مخطوبه ولا ايه لابسه الخاتم فى ايدك اليمين والله تلاقيه ما اتجوزك اصلا هو احنا شوفنا جواز ولا نيله تلاقيه بيتسلى واما انا قفشته عمل فيلم الجواز ده .
هنا الكل اتصدم من كلام ساره ولسه منال هترد بس ريما بصت لها تسكت واتكلمت هى:
اولا احنا بس علشان موت بابا الله يرحمه نسينا ننقل الخاتم اما لو على جوازنا فكفايه عمى ابراهيم شاهد عليه وكمان ان هو اللي طلبنى من بابا الله يرحمه ولو بابا مش مات بعدها كنا عملنا فرح البلد كلها تحكى عنه سنين ....
هنا منال كملت ولا يهمك ياقلب امك بكره اعمل سبوع ل اول مولود ليكم اه ما هو هيكون وريث عيلة المعداوى لانه ابن كبيرها بس ربنا يحفظكم من العيون المركزه دى ....
ساره نار قادت فيها لما عرفت ان ابوها شهد على جوز فهد من غيرها...
اما نوال شاورت ل كريمه اختها وطلبت منها طلب خمس دقايق وجت كريمه بطبله وادتها ل نوال
نوال لساره: لو على الفرح يا ساره يا بنت اخوى فحالا نعمل فرح يلا يا نسوان ردو عليا
وهنا بدات نوال فى الغنا اغانى قديمه عن الافراح وكل شويه تبص ل ساره اللي هتموت لحد ما ساره خرجت من المكان قبل ما تطب ساكته من القهر ...
نوال قامت رقصت وقالت للكل يرقص يوم الهنا كله النهارده الزين اتجوز الزينه ...
نوال شدت منال ترقص بس منال مش عارفه ف زينه رقصت كتير وهيصت لان النهاره نصها التانى فرح بحبيبته
زينه شدت ريما ترقص ريما مكسوفه اما زينه قالت لها ده امر الكبيره واياكى تكسريه ضحكت ريما وفعلا وسط العيله دى هى فى امان ويظهر انها دعوة ابوها اللي استجابت
نوال هبطط فقعدت ترتاح وقالت ل اختها اميره كملى رقص يابت انتى الصغيره بس لخمه
الكل ضحك على كلامها
و نوال ل زينه: رقصى البت ريما وبعدين افتحى الباب فجأة مفهوم .
زينه :بس يا عمتى انا ......
نوال: اوعى كده عيله لخمه زى عمتك اميره
وربنا اخوكى ورا الباب مبقاش نوال لو هو مش هنا .
قامت نوال اللي كانت ارتاحت شويه شدت ريما علشان ترقص معاها و ريما سمعت كلامها وليه لا وكل الموجودين هنا بيسمعو كلامها
ريما بترقص وفرحانه وسط اللمه الحلوه دى
وفجأه الباب اتفتح وفهد كان وراه وهايقع بس نوال لحقته وضحكت وضحكت كل الموجودين
نوال علشان تعرفو بس الحب بهدله قلب عمته وقع خلاص ربنا يسعدك معاها ....
نوال اخدت فهد من ايده وراحت على ريما اللي وشها الوان من الكسوف لما فهد شافها بترقص
نوال راحت بفهد لريما وقالت له : غير مكان الخاتم يلا من اليمين ل الشمال
فهد مسك ايد ريما وخرج الخاتم منها ولبسه لها فى ايدها الشمال وهو بيبص فى عينيها اوى وقلبه بيدق جدا وهى رعشه فى جسمها من قربه اوى كده
فهد لبسها الخاتم وباس ايدها بدون ما يحس بالموجودين حواليه
بس فجأه سمع هيصه جامده وفاق لقاهم جنبه بيزغرطو وفرحانين ،هنا نوال قالت له : بوسها قدامى يا واد.
فهد :عمتى بطلي بقى.
عمته: انتو لسه شوفتو حاجه انتو بس ترجعو من شهر العسل وشوف عمتك هتعمل ايه وكمان لازم امتحنها ولا ايه مش كفايه انى نجحتها كده ودخلتها العيله من غير اختبارات
ده انا يادوب اتاكدت من شعرها انه حقيقي وانا بحضنها ولون عينيها عجبنى وبس اهم شيء تيجى مطبخ نوال وتطبخ عندى قدام عينيا لينا كلنا وانت تجيبها عندى وتمشي مفهوم .
فهد بيضحك على نوال: مفهوم يا قلب فهد
نوال ايوه كده يا واد يا قلب عمتك ،بوسها بقي.
الكل ضحك على نوال وفهد قرب من ريما وباس جبينها ومجرد لمسه جبينها كهرباء مشيت فى جسمه واتمنى لو النهارده فرحهم بجد .
اما ريما قلبها دقاته مسموعه من كتر ما هى عاليه اوى
نوال ل فهد: مبارك يا اغلى الغالين
فهد: عقبال شادى يا عمتى ..
باس ايد عمته ودعت له بالبركه والفرح دايما
وسلم على باقي العيله عادى
واخد ريما وطلع فوق ...
فهد فتح الباب وقال ل ريما: ادخلى يا غالية فهد وعزيزه قلبه اما ريما فعيطت لما افتكرت ابوها وهو بيقول لها عزيزه ابوكى ...
فهد قرب منها ومسح دموعها وقال لها :
مالك ليه الحزن دلوقتى هو انا زعلتك في حاجة؟؟
ريما: ابدا بس كلامك فكرنى ببابا الله يرحمه ...
فهد :وانتى امانته عندى وعزيزه قلبي زيه بظبط انتى بنتي و حبيبتي وكل ما ليا بس بلاش اختى وضحك اوى .
ريما ضحكت اوى: وربنا انت فايق ...
فهد: بصي هدخل البلكونه وانتى غيري براحتك هنا فى اوضة اللبس او اى مكان انا مش هطلع من البلكونه غير لما تنادى عليا.
دخل فهد البلكونه وهو فرحان بوجودها فى حياته ودعى ربه يحفظها له.
ريما دخلت تغير لبسها وقلبها بيدق هتنام فى اوضه معاه ازاى يارب قدرنى على الجاي.
لبست ريما بيجامه ودخلت على السرير وشدت الغطاء عليها وخايفه بس ندهت على فهد: فهد فهد .
هو سمعها من اول مره بس مستمتع بااسمه منها .
ريما قلقت عليه قامت تشوفه فخبطت فيه كانت هتقع فهد لحقها وضمها له بيشم ريحيتها اللي بتإسر قلبه ...
ريما :اسفه كنت بشوفك لو مش سامعنى ولا ايه.
فهد: لا انتى تخلي بالك بعد كده مش تمشي وخلاص.
ريما زعلت منه وفكرت انه زعل منها فكشرت .
بس فهد قرب منها وقال لها :انا مش قدك واول مره خبطى فيا اخدتى قلبي تفتكريى المره دى اخدتى عقلي وبقيت مجنون ريما فبراحه عليا .وكمان اوعى تعمليها مع حد غيري اه انا بغير ومش حمل حد غيري يحبك
ريما ابتسمت لكلامه بس دمعه من عنيها نزلت
فهد مسح دمعتها وباس مكانها بخفه وقال لها: مش مسموح لدموعك تنزل تانى يلا علشان تاكلى
ريما: اكلت تحت عمتو نوال صممت انى اكل ..
فهد: عمتو دى عسل واوعى تخالفى كلامها اصلها بتزعل بسرعه وهى اغلى حد فى العيله لقلبي ...
فهد :يلا لانى جعان ومستنى اكل معاكى الاكل من غيرك وحش اوى .
اكلو سوا وجه وقت النوم فهد قال لها:
نامى على السرير وانا هنام على كنبت الانتريه دى انا طلعتها مخصوص علشان انام عليها ...
نامت ريما على السرير وفهد على الكنبه ...
الصبح ريما صحت قبل فهد صلت وقربت منه عاوزه تصحيه بس مكسوفه قربت منه تتأمل ملامحه كان وسيم اوى وجميل هى ازاى مش بتتأمله كده وهو صاحى ليه مش بتقرب منه هتعوز ايه اكتر من كده راجل جدع وحنين ووسيم وبيحبها عاوزه ايه يا ريما احمدى ربنا عليه وحافظى عليه احسن يزهق منك
كانت ريما بتكلم نفسها بس فهد سمعها لانها بتتكلم بصوت واطى وهو فرحان ان قلبها رق له
ريما بعدت شويه وندت عليه وهو عامل نايم وصوتها جميل اوى وعاجبه
ريما قربت منه ومتردده تهزه ولا لاء بس هو فتح عينيه فجاءه وعيونهم اتقابلت وهى اتلخبطت من القرب ده وهو سرحان فى عنيها وجمالها .
ريما بعدت وفهد قام وقال: يا لهوى انا هصحى
كل يوم على الجمال ده
صحو وفطرو ودعو منال وزينه اما ساره واقفه تبص والنار والغل ماليها وحلفت لا تخلى ايام ريما سواد ...
اخد فهد ريما علشان شهر العسل
بعد ما نزلو فى السويت المخصوص لهم سويت شهر العسل دخلو كان السويت كله ورد و ذوقه حلو ومزيكا وشموع كان روعه
دخلو غيرو لبسهم وخدها يفسحها ويعرفها المكان ده لانه جه هنا مره مع جروب اجانب فى شغل واتمنى يجيب اللي يحبها هنا....
اتمشو كتير واتعشو على انغام المزيكا الهادية وهو طلب منها يرقصو سوى هى اترددت بس
قالت لنفسها هتديه فرصه
فهد اخدها من اديها وضمها لصدره ورقصو سوي كانو قريبين لدرجه خلت قلب ريما هيقف من الفرحه ايوه قلبها بدأ يدق وبشده
رقصو كتير اوى واتكلمو اكتر كلامهم كان همس وانفاسهم اختلطت ببعض فهد كان طاير من الفرحه ومش عاوز الليل يخلص ابدا
بس فعلا المكان فضي عليهم والناس كلها مشيت فهد مسك ايد ريما علشان يرجعو مشي وفهد سال ريما لو فى حاجه مزعلاها ولو فرحانه
ريما قالت انها فرحانه لان الدنيا عوضتها موت امها بمنال امه وعن اخوها بزينه وسكتت
فهد كان نفسه يعرف هو لها ايه بس احترم سكوتها و لو انه اتمنى يعرف رايح معاها على فين لان الحب سلب منه ارادته ايوه هو ماشي ورا قلبه وبس ياترى هيوديه فين ...
المهم راحو السويت ومفيش فيه كنبه ينام فيها ف فرش ونام علي الارض
هى زعلانه علشانه بس مكسوفه تطلب منه ينام على السرير
فضلو كده تلات ايام طول اليوم بحر والليل فسح وسهر ورقص واشترى لها لبس كتير اوى وهى اختارت له لبس على ذوقها وبرفان كمان عجبها له بس فهد باين عليه التعب وريما كل ما تساله يقول انا كويس ،جه الليل وفهد بعد ما نام ريما سمعت فهد بيتكلم وهو نايم
لما قربت منه كان بيردد اسمها وكلام مش مفهوم غير انه خايف تسيبه
ريما هنا لمست وشه كان سخن اوى وهى خافت عليه اوى خافت عليه خوف زايد لانه املها وامانها وكل ما لها هى من غيره وحيده
يارب احفظه ليا واحميه ريما سندت فهد طلعته على السرير وعملت له كمادات وطلبت منهم فى الاوتيل دكتور يشوفه لبست اسدلها وفتح لدكتور يشوف فهد.
يا ترى الدنيا واخداهم علي فين و هيقربوا لبعض و لا سارة هتقدر تفرقهم .
