البارت العاشر
ملك زقت محمود جامد بعيد عنها وقالت له: انت قليل الادب وانا غلطت انى افتكرتك بنى ادم محترم وقلقت عليك ..
ملك رجعت اوضتها ندمانه انها دخلت اوضة محمود فى الوقت ده فعلا غلطت ومش معنى انهم قرايب وفى بيت واحد تدخل اوضته بالشكل ده ملك عيطت كتير ندم على غلطها
محمود :خبط ايده فى الحيطه كتير وكمان اتجرح وهو بيخبط ايده محمود ندمان جدا لانه غلط ومش غلط سهل لا ده سمح لنفسه بشىء مش من حقه
ازاى يخون فهد بالشكل ده ويخون ثقته فيه ازاى هيبص فى عينه تانى معقول ده جزاء فهد ده يعتبر ابوه فهد عمره ما فرق بين محمود وولاده بالعكس مميز محمود ومديه صلاحيه على الجميع محمود ندم ومحتار يعمل ايه
بعد ما عرفت انه بيحبها وبعد اللي عمله ده هتشوفه ازاى معقول تفهمه غلط ...
الصبح جه وريما دخلت تصحى ملك بس ملك عملت نايمه ومارضيتش تصحى تفطر مع الكل ماكانتش قادره تواجه حد حتسه بغلطها وندمانه لانها هى اللى راحت له وهو قال لها: كده غلط وماسمعتش كلامه وكمان استفزته
محمود ماكانش بيبوسها حب قد ما كان غل من عندها واستفزازها له عيطت وندمانه بس بعد ايه ياترى شايفها ازاى دلوقتى ده كل اللي كان فى بالها ولو حد كان شافها خارجه من عنده كانت هتبرر موقفها ازاى...
عدا يومين و ملك طول الوقت فى اوضتها حابسه روحها وريما زهقت معاها بتتحجج انها تعبت في المعرض ومحتاجه راحه
وفهد كمان قلقان عليها وطلب من ريما تسالها لو بتحب
ريما: معقول يكون ده سبب حزنها
فهد :حاسس بكده كلميها كده انتى او زينه اهى عمتها وصحبتها كمان انتى عارفاهم قريبين من بعض...
فهد فى الشركه اتصل بيه شاب اسمه اسعد الهادى واخد ميعاد منه يوم الجمعه يزوره بخصوص ملك وطبعا فهد وافق يشوفه
جه الجمعه وطبعا الكل اجازه من الشغل ومتجمعين فى البيت وشادى وزينه كمان هناك
فهد سأل عن محمود اللي كان بره البيت
اتصل بيه يجى حالا وماقالش السبب
شادى ل فهد سيبه يشم هواء طول الوقت شغل شغل ..
فهد بصراحه وبينى وبينك نفسي هو يكون جوز ملك مش هطمن عليها غير معهاه راجل كده وتربيتى انا وانت وعمى الله يرحمه خلاه راجل من يومه
بس اعمل ايه هعمل زى زمان واخطب العيال لبعض طبعا لا ومستنيه يتكلم البعيد اخرس معقول يكون بيحب واحده تانيه واحنا مانعرفش خصوصا انه بيتعامل معاها على انها اخته
شادى طب والعمل تحب اكلمه انا ...
فهد لا انا جايبه اشوف رد فعله بس ولو مش بيحبها عمرى ماهغصبه انا اتجوزت عن حب وده اللي عاوزه ل ولادى لانى عشت سعيد وعاوزهم كده ...
الساعه جت سابعه واسعد فى ميعاده بظبط كان جاى لوحده ومعاه ورد شيك وشوكولاته
دخل سلم على فهد وعرفه بنفسه وكمان شادى
قعد معاهم اتعرف بيهم واتعرفو بيه ..
وهنا دخل محمود قال سلام عليكم ولسه هيسلم على الضيف بس لما شاف الشاب اللي كان واقف مع ريما قبل كده وكمان شاف الورد والشوكولاته دمه فار
كان اسعد واقف يسلم عليه محمود وهو بيسلم على اسعد كان هيكسر ايده
وهنا اتدخل شادى وشد محمود بعيد عن اسعد محمود هيطق من الغيظ
وبان عليه اوى..
فهد اخد باله وفكر يضايق محمود علشان ينطق ..
فهد ل اسعد :نورت يا بشمهدس والله ده محمود ابن عمى والنائب بتاعي وشريكى واخو ولادى الكبير
اسعد من غير نفس : تشرفنا
محمود ساكت بالعافيه
اسعد: الحقيقه انا يسعدنى اطلب ايد الانسه ملك
محمود ضربه كتر من لكمه فى وشه واتعصب وقال له نجوم السماء اقرب لك منها والكل بيحوشه وهو بيضرب بغل
محمود فتح عنيه واستغفر بصوت مسموع لان ده كان فى خياله والحقيقه لولا وجود فهد كان عمل كده واكتر ..
فهد وشادى ياخدو ويدو مع اسعد واتعرفو عليه وهو من عيله كويسه ووالده متوفى وهو ماسك شركه ابوه من بعده ومارضيش يجيب امه واخته غير لما يعرف رأي فهد المبدئي ..
فهد: سيبني يومين افكر واخد رأي ملك وباقى العيله لان احنا عيله بنتشاور فى كل شيء
خرج اسعد من عنده وكله امل
بس محمود خرج وراه وقال انه نسي حاجه فى العربيه
محمود حصل اسعد ووقفه وقال له :
اوعى تيجى هنا تانى لو باقي على عمرك مفهوم
اسعد : ليه بقا ان شاء الله
محمود :لانى هدفنك مكانك فهمت ولا اكمل
اسعد: لا مفهمتش اوعى تفكر انى ضعيف وهسكت لك
محمود: يبقا نويت موتك لسه هيضربه بس ايد مسكته
كانت ايد شادى مسك محمود اللي سكت لما شافه
وشادى قال ل اسعد : روح انت وبينا اتصال...
محمود شد ايده من شادى: اتصال ايه ده بقا..
شادى اخد محمود واتمشو
شادى: خير يا استاذ محمود عامل دوشه ليه ها لما العريس مش عاجب سكت جوه ليه او ماستنش ليه لما فهد يسألك عن رأيك...
محمود :انا مش هستنى انا هدفن الزفت ده مكانه معرفش ليه حوشتنى..
شادى :ليه عمل ايه ها الراجل دخل البيت من بابه وقصده شريف و باين عليه ومحترم ولسه هنسأل عليه يلا ورينا همتك انت كمان علشان نفرح بيك شوف بتحب مين وانا اخطبها لك انا وفهد ...
محمود اتعصب: مابحبش حد مابحبش ولا هحب ...
شادى ضحك اوى وقال له : واضح اوى بس خليك كده ساكت لما تروح منك وترجع تندم باقي عمرك ..
محمود: قصدك ايه وهى مين دى ....
شادى: اوعى تفكرنى عبيط ياض لا انا حبيت قبلك وعارف اللى يحب بيكون شكله ايه اه الحق نفسك ولو عوزت مساعدتى انا موجود
شادى مشي خطوتين ورجع : اه خد بالك ابوها ايده تقيله اسأل مجرب ...
محمود فضل ماشي محتار يعمل ايه معقول يسيبها تروح منه ده يموت احسن ملك روحه ده ميقدرش يوم مايشوفهاش ده من يوم اللي حصل ماشافهاش حاسس روحه رايحه هاين عليه يموت ولا ان حد غيره ياخدها منه...
محمود لنفسه: فيها ايه لو اقول ل فهد انى بحبها هفضل لامتى بدارى حبي لها وليه اصلا معقول فهد يزعل لو عرف معقول يفكر انى خنت ثقته وحبيت بنته طب اعمل ايه والحب مش بايدى..
فهد طلع لملك خبط ودخل ازيك يا لوكه معقول ده اللي كنتي حابسه نفسك علشانه مكسوفه منى اخص عليكى فيها ايه لو قولتى ليا انتى ان اسعد جاي يخطبك كده اعرف من الغريب وانا اللي فكرت يوم ما تحبي هعرف منك انا وامك يابنتى انا عمرى ما اقف ضد الحب ابدا طول عمرى بظهر حبي لامكم قدامكم اشمعنا مالك لما حب زميلته عرفنى وعرف امه وحددنا ميعاد الخطوبه بجد زعلت منك...
ملك : ايه كل ده يا بابا انا مش فاهمه حاجه واسعد قال ليا وانا قلت له مش بفكر فى الجواز خالص ومش بحبه ده مجرد كنا فى جامعه واحده واخته زميلتى وشافنى معاها اكتر من مره حتى جه معاها ال الاتليه بتاعى بس مش اكتر مبحبوش ولا هحبه ..
فهد اطمن نوعا ما بس عقله مع محمود وتصرفاته اللي مش مفهومه...
فهد دخل اوضته وشادى كلمه وحكى له اللي حصل ...
فهد :طب لو بيحبها ساكت ليه الغبي ده
معقول خايف منى طب و الله ل عرفك يا محمود مين فهد المعداوى
فهد دخلت ريما واخدها فى حضنه
وحكى لها اللي حصل وقال لها تسأل ملك بطريقه غير مباشره.....
عن محمود وايه رأيها فيه
محمود رجع البيت وفهد نادى عليه وساله: ايه رايك فى اسعد
محمود : عيل رخم وملزق كده وانا مش موافق عليه...
فهد بيكتم الضحك وبيقول له: ده مهندس وكويس
محمود: مهندس على نفسه وبعدين هى لسه صغيره ولسه بدرى ....
فهد طب ده رأيك بس رأي ملك تقريبا موافقه وده الاهم اسال انت عنه ولو هى وافقت وطلع كويس على البركه ...
محمود مشى طلع اوضته مش طايق نفسه من فكرة انها موافقه على الملزق ده ...
محمود مانامش واول النهار ما طلع رن على ملك وقال لها تعالى الجنيه عاوزك...
نزلت ملك له مش عارفه عاوز ايه بدرى كده ..
محمود : تعالى هنا قربي
ملك مكانها لسه
محمود :قلت قربي هنا
ملك: وده ليه بقا
محمود : عاوز اكلمك تعالى
ملك قربت بحذر
محمود: انتى صح موافقه على الواد ده
ملك ابتسمت وكانت عاوز تضايقه بس خافت وكمان مش عاوزه يعرف انها مش موفقه ...
محمود: انطقي يا ملك انا على اخرى اصلا ...
ملك : معرفش اللي تشوفه انت وبابا ...
محمود نعم ياختى اللي اشوفه بت انتى
مفيش جواز مفهوم ولا افهمك انا...
خرج متنرفز وراح ل شادى: بص من الاخر انت وزينه تعالو معايا اخطب ملك من فهد انا خايف منه
شادى بيضحك على اخره وزينه كمان ..
ومحمود مش طايق حد منهم : تصدقو انا غلطان انى جيت لكم اصلا ...
مشى وشادى وراه : استنا يابني انت
حد يخطب الصبح كده.....
محمود استنى فهد نزل واخده ودخل المكتب
فهد بيبتسم ومخبي: خير يا محمود
محمود انا عاوز اتجوز ملك قلت ايه
