معشوقتى ريما
البارت الثالث
فهد اتكلم مع الدكتور عن ريما والدكتور عرفه انها كل اللي محتاجاه حنان ودعم وانها تعرف ان لسه حد بيحبها ويخاف عليها .
فهد: ده حقيقي يا دكتور هى اهم شيء ليا
الدكتور :خلاص اعمل ده عملى مش كلام خلي حبك لها مواقف مش كلام وبس ....
منال دخلت لها واخدتها فى حضنها وفهد جنبها وزينه تقرا قران وتدعى ربنا يحفظ لاخوها حبه ....
بعد وقت كان العزاء خلص وابراهيم وياسر
اخدو العزاء ومشيو بس فهد طلب من امه تروح وتسيبه لكن هى رفضت وقالت له ان انهارده يوم الفراق الاول ولازم تكون جنبها.
فهد :يا امى انا هنا معاها روحى ارتاحى انتى
منال : بص يا فهد انت عند ريما غريب ولازم تتقبلك الاول وانت كمان مش لازم تعاملها على انها مراتك ودى نصيحه لك عاملها على انك خطيبها وخلى حدود بينكم خليها تحبك الاول
فهد: يا امى اوعدك انى اعاملها بحب وعمرى ما اغصبها على اي شيء انتى مش عارفه ابنك ولا ايه .
منال :عارفه بس بعرفك انت .
منال اخدت ريما فى حضنها ونامت جنبها وزينه نامت فى اوضه تانيه اما فهد على الكرسي للفجر .
ريما صحيت لقت منال وخداها فى حضنها اوى فإستسلمت وهى كمان حضنت منال اوى
كانت بتعيط بهدوء علشان محدش يسمعها
بس استغربت وجود فهد على الكرسي نايم
واطمنت شويه .
اما فهد فعامل نفسه نايم ودموعها بتحرق قلبه بس كمان اتطمن لما شافها بتحضن امه اوى وعرف ان امه هتكون دعم لها .
قام بالراحه صلى الفجر ودعى ربه يزيح همها
ويصبرها على فراق ابوها فهد بيدعى ربه يحفظها له ويبارك له فى عمرها ولو مكتوب لها حزن يقسمه معاها وبيقول يارب انزع الحزن منها و ازرعه فى قلبي انا اتحمل بدالها .....
فهد بيدعى وهو مش شايف اللي سمعته وهى رايحه تصلي الفجر وكل الصلوات اللي فاتتها ...
ريما صلت وفضلت على السجاده تعيط وتدعى ربها انها تموت من غير ما هى تنهى حياتها ...
فهد قرب منها وقال: مش من حقك تنهى شيء مش ملكك استغفرى انتى اول مافوقتى ،روحتى تصلى يعنى خايفه تقصري فى صلاتك وانتى فى الظروف دى ومش خايفه تموتى كافره طب ازاى ...
ريما عارفه انه حرام ومش حقى بس اعمل ايه واعيش ازاى و لمين ...
فهد :طب لو ابوكي وامك واخوكى وحشوكي ينفع تموتى كافره منتحره وتدخلى النار وهما في الجنه وكده تتفرقى عنهم اوعى تنسي دى وانتى بتفكرى تنتحرى...
ريما عيطت وعرفت انه معاه حق وفضلت تستغفر كتير....
اما منال صحت صلت الفجر ودخلت المطبخ عملت فطار للكل وندهت زينه تشيل معاها
منال ل ريما: يلا يا قلبي تفطرى ماكلتيش من زمان واخدتى علاج من غير اكل ...
ريما :معلش مش قادرة يا طنط.
منال :انا اسمى منال ام فهد ودى اختك زينه وكان نفسي اعرفك فى ظروف افضل بس نصيب .
لسه ريما هتعيط بس ايد زينه مسحت دموعه واخدتها ل اقرب كرسى وقالت لها حد يعيط وزينه المجنونه معاه.
عدا شهر ومنال قربت اوى ل ريما وزينه كمان
كل ده وهما فى بيت ريما ومش سايبنها ابدا .
ساره هتموت عاوزه تعرف منال وزينه فين وفهد بيروح فين طلبت من حد بيشتغل عندهم يراقب فهد وتانى يوم فهد راح البيت لعمه يتكلمو فى الشغل وهنا الراجل ده مشى ورا فهد لحد بيت ريما وراح بسرعه ل ساره عرفها ان فهد راح عند بنت عايشه لوحدها لان الراجل ده من نفس البلد وعارف ان احمد مات لكن محدش عارف ان ريما مرات فهد ،
ساره راحت جرى و الراجل ده وراها البيت ومشي ،خبطت جامد جدا فتحت ريما لانها الاقرب للباب ساره دخلت وفهد خرج من جوه هنا ساره قربت من ريما وهجمت عليها
بس فهد كان اسرع وضرب ساره بالقلم وشد ريما له وقال ل ساره: انتى اكيد اتجننتى .
هنا منال قطعت الصلاه وخرجت شدت ريما لحضنها . ساره ايه ده ومنال هانم المعداوى هنا ده اسمه ايه ....
فهد :اسمه ان ريما مراتى وامى حماتها فيه ايه انتى ازاى تمدى ايدك على مرات فهد المعداوى.
ساره :ايه مراتك يعنى مش نزوه ...
فهد :ومن امتى ليا فى النزوات دى مراتى شرعا وبعد كده تتعاملى معاها بأدب مفهوم، لسه متخلقش اللي يزعل ريما وانا عايش مفهوم ....
ساره: وانا ايه مش خطيبتك ازاى تتجوز دى ....
فهد :لا مش خطيبتى ولا كنتى ولا هتكونى
ساره :طيب اما نشوف بكره تشوف ساره المعداوى هتعمل ايه وانتى حسابك جاي وبصت ل ريما .....
فهد بص ل امه دخلت جوه
قرب من ريما وقال لها: ساكته ليه كنت عاوزك تضربيها اوعى تسيبي حقك ابدا ولا تسكتى لحد يهينك و اوعدك عمرى كله فداكى ولا هسمح لحد يزعلك طول ما انا عايش ...
ريما جواها بتقول لنفسها يارب يحفظك ويطول عمرك ...
اما فهد مبسوط بقربه منها وانه بيكلمها من قريب كده ....
فهد ل ريما: اعملى حسابك بكره هنروح كلنا بيت المعداوى ...
ريما: بس انا .
فهد :مفيش بس محدش عارف انك مراتى وانا مش هسمح لحد يجيب سيرتك وكنت سايبك هنا تتعودى علينا وعارف ان هنا حياتك بس اوعدك اي وقت تحبي تيجى هجيبك.
ريما :بس انا خايفه.
هنا فهد مسك ايدها وقال لها: اوعى تخافى وانا موجود تمام يلا نشوف امى عملت غداء
ريما :خليك انت انا هدخل لها .
فهد خرج فى جنينة البيت وبيفكر ازاى يعرف الكل ان ريما مراته على سنه الله ...
هنا جت زينه اللي كانت بتشتري لبس ل ريما وعامله مفاجاه لها ...
زينه ل فهد مالك ياقلبي ...
فهد حكى لها اللي حصل من ساره وهى زعلت اوى وقالت له :لازم تخلي بالك من ريما لان ساره شر و مش هتعدى جوازك على خير ابدا
فهد: بس تقرب لها كده ساعتها ولا هيفرق ليا قرابه ولا غيره الا ريما ...
هنا ريما كانت خارجه تنده لهم بس سمعت كلامهم بالصدفه وفرح قلبها اوى خوفهم عليها وحمدت ربها على عوضه لها بفهد واهله بس برضو خايفه من بكره ومرواح بيت المعداوى....
ريما ندهت لهم وزينه جريت عليها حضنتها اوى كانها بتطمنها انها معاها وجنبها....
عدى اليوم وتانى يوم جه ميعاد مرواحهم
ريما مرعوبه اوى ماسكه فى منال جامد ريما لابسه فستان اسود روعه فى الجمال فهد جابه لها كان نفسه تدخل بيته بالابيض بس مراعى ان ابوها ميت وحزنها على ابوها .
دخلو البيت وهى خايفه ابراهيم عمه سلم عليها ورحب بيها اما ساره هتاكلها بعنيها اللي بيطق منها الشر .
فهد مد ايه مسك ايدها يطمنها وكمان علشان يعرف الكل ان دى ملك فهد المعداوى ..
اخدها وطلع علي اوضته وقال لها دى اوضتى ومن هنا ورايح هنتشارك فيها علشان الكل ريحى شويه علشان ننزل بعد المغرب العيله كلها جايه على العشاء تتعرف على ريما المعداوى .
هنا ريما الرعب اتملك منها اوى ياترى ايه هيحصل و ممكن فهد يإذيها اوى يجبرها تكون مراته ده اللي
