البارت التامن
الصبح طلع، فهد فتح عينيه كانت ريما فى حضنه حضنها جامد خايف يكون بيحلم وهى لسه زعلانه وبعيده عنه اقسم بينه وبين نفسه مايزعلهاش تانى ولا يسمح للغيره تفرق بينهم ابدا ....
ريما صحيت على بوسه من فهد ، هى كمان باسته وقالت له: صباح الخير وده طبعا احلى صباح اكيد ....
صحيو وقضو اليوم فى بيت ابوها وريما فاجئت فهد ودخلته اوضة امها كانت عباره عن غرفه موسيقي بيانو وكمان في مكان للقعده تقريبا للعيله امها وابوها واخوها وهى
الاوضه دى مريحه اوي الوانها شكلها الفرش كل شيء
ريما مسحت دموعها ودخلت هى وفهد طلبت منه يقعد مكان ابوها وهى مكان امها وقالت له انها كانت ناويه تفرجه عليها ومعاهم اول طفل
بس باذن الله بكره يجيبو اطفال كتير لانها ناويه تجيب ولاد كتير علشان محدش فيهم يجرب الوحده زيها
ريما : البيانو ده بتاع امى اما الكمان لاخويا الله يرحمه امى علمتنا العزف بنفسها كانت مدرسة موسيقي وبجد الموسيقى كانت كل حياتها كان صوتها جميل واحنا طلعنا لها مدمنين مزيكا ..
ريما عزفت لفهد علي البيانو وغنت له وهو انبسط اوى فضلو يومين فى بيت ابو ريما ووعدها يهتم بيه ويجيب حد ينضفه وحراسه علشان يكون دايما تحت رعايتها ويجو هنا هما وولادهم اللي بكره يجو اكيد ....
ريما وهما فى الطريق للبيت: فهد كنت عاوزه اكلمك بخصوص شادى ممكن ..
فهد :ايوه ياقلب فهد ممكن اتكلمى زى ما تحبي
ريما :شادى كان عاوز يتقدم ل زينه وبصراحه كان عاوز يعرف هى حاسه بحبه ولا بتعامله زى اخوها كان عاوز يتأكد انها بتحبه و كان عاوزنى امهد لك الموضوع
فهد: تمام بس عندى سؤال بحاول مسألوش بس مش قادر اوعى تزعلى ..
ريما :لما تسأل مزعلش طول ما انت بتسأل مش بتتهمنى بتسألنى وانا دايما اوعدك الصراحه معاك
فهد: تمام ياقلبي وانا اوعدك افهم قبل متصرف او اتكلم ..
فهد :كنتى بتضحكى اوى ليه ...
ريما ضحكت وقالت: لانه قال لي اسأليه من بعيد لانى خايف من رد فعله لان فهد بيغير وغبي الله يعينك عليه اكيد عملتى ذنب كان مجرد هزار مش اكتر
فهد: والله لا اصالحه وبعدها اضربه تانى الواطى ده ... بس تصدقى انا طول عمرى بغير اوى على امى واختى حتى عماتى وولادهم
اه لو قابلت بنت من بنات العيله بلبس ضيق او تتكلم فى الشارع بصوت عالى او كده
ريما : طب ما ساره لبسها ضيق وصوتها عالى وميكاب اوفر اوى..
فهد: ساره عنيده وعمى دلعها ومرات عمى كانت زيها بظبط وبصراحه الوحيده اللي مش بتفرق ليا ولا لاى حد فى العيله ...
فهد راح على بيت عمته نوال :عندك عشاء يا نولا ولا اكل فى بيتنا ..
نوال :احلى عشاء ل روح عمته وقلبها
ريما :طب وانا ايه اكل عند امى منال ...
نوال : انتى هنا في بيت امك نوال يا قلب عمتك وروح امك انتى غالية الغالي يعنى قلبي من جوه تعالى ندخل المطبخ نرغي سوى ...
دخلو المطبخ وسابو فهد مع شادى ونوال ندهت محمد جوزها يجهز معاهم العشاء
ريما: ياعمتى ميصحش عمى يعمل عشاء
نوال ضحكت جامد يابت ده عمك بيعمل احلى اكل انا علمته اومال لازم كل مكان ادخله يكون معايا ولعلمك الخدم وقت ما يكون معايا يسيبو البيت ويخرجو اه اومال علشان هو يساعدنى
ريما : طب اخرج انا
نوال : شوف البت الهبله ولادى بيدخلو المطبخ معايا انا وابوهم وساعات نقعد انا وهو وهما اللي يعملو زى ما بعمل مع منال نقعد وانتو تعملو اهم حاجه فى البيت الحب والكل يساعد بعضه صح عمك محمد مقتدر وعندى خدم بس طبق السلطه من ايده بالدنيا وكمان انا ندهت له علشان فهد وشادى يكون براحتهم
يابت يا ريما انتى عاوزه تتعلمى التكتيك من عمتك يابت اه اصبري عليا ده انا هخلي فهد
خاتم فى ايدك اهم شيء لسانك الحلو مع جوزك اه والصراحه يا بنتى وشويتين دلع اه
محمد دخل بيضحك :ايوه يا ريما اسمعي كلام عمتك اهم حاجه شويتين الدلع دول هما اللى جايبين عمك محمد ورا هههههه
فهد دخل باس راس شادى وقال له: بجد اسف كانت ايدى اتقطعت قبل ما اضربك اسف
شادى :بعيد الشر عنك يا غبي مكنتش عارف انك بتغير اوى كده وكمان من اخوك
فهد :شيطان اتملك منى اسف وبعدين خلصنا انت ما صدقت يلا ياض هات بوسه وتعالى بكره علشان نجيب الشبكه ونشوف هنعمل الحفله فين ....
شادى حبيبي وربنا لو كده اضرب اى وقت براحتك
فهد :وربنا مجنون مش عارف عملت انا ايه علشان تكون جوز اختى الوحيده
فهد: خلاص بلاش بكره ونجيب الشبكه الخميس علشان اكلم عمى ابراهيم لانه فى القاهره فى المصنع لانى انا هنا
سهرو سوى ومحمد عرف فهد انه كلم ابراهيم
علشان جواز زينه وشادى وحدد كل شيء
فى بيت المعداوى زينه عامله نايمه لان ريما كلمتها انهع عرفت فهد ومنال سألتها عن رأيها فى شادى وطبعا عارفه ان فهد هيسألها فعملت نايمه ...
فهد : زينه عارف انك صاحيه تعالى هنا
زينه قامت حضنته لانه الفتره الاخيره مش بتشوفه لما كان زعلان وباعد عن الكل
فهد: اسف انى خلفت وعدى معاكى انى اشوفك كل يوم او اكلمك بس انتى روحى واكيد عذرانى
زينه: اكيد المهم مبروك الصلح اوعى تزعلها تانى احسن انا اللي اخاصمك تمام
فهد: تمام ها اقول ايه ل شادى الرخم ده عاوز ياخدك منى ها اقول له ايه
زينه سكتت واتكسفت
فهد :والله بقا كده مكسوفه شوف البت ال كانت بتأررنى كل يوم ماشي خلاص هقول له انك اخوها وبس ...
زينه استجمعت روحها وقالت لفهد :انا موافقه عليه
فهد ابتسم: بتحبي عليا يا زينه ماشي بس انا اكتر مفهوم ضحك واخد اخته فى حضنه وبارك لها فهد بعد ما سهر مع زينه رجع اوضته لقى ريما سهرانا مستنياه وحكى لها على كلامه مع زينه واتعاهدو يحكو لبعض يومهم ومايكنش فيه اسرار بينهم قضو ليله جميله والصبح على الفطار
شافتهم ساره ونارها قادت لانها بتفشل فى انها تفرقهم
ساره بتفكر ازاى تئذي ريما وبدأت تتصنت على كل البيت يمكن توصل لنقط ضعف ل ريما او فهد ....
الكل فرحان وبيرتبو ل كتب كتاب والشبكه وفهد اخد رأي عمه اللي وافق وفرح وقال هيرجع قبل الميعاد بيوم ياترى ايه عجب ابراهيم فى القاهره كده وليه ماعدتش البلد فارقه له حتى ساره بيسأل عنها كل فتره ...
مش موضوعا الوقتى بعدين هحكى لكم ...
فهد مع منال فى اوضتها بيحكى لها عن اقتراح بيفكر يعمله ومنال فرحت اوى بيه وقالت له ايوه كده عاوزاك تفرحها دايما نفسي ماشوفش ريما حزينه
ابدا لانى كل ما افتكر اول مره شوفتها وازاى كانت عاوزه تنتحر وانا بترعب لو تزعل ترجع لها الفكره علشان خاطرى
اهتم بيها دى شافت كتير...
فهد: انا بحبها ياامى ومش محتاج توصيه ولو انى فرحان بحبك ليها وحبها ليكى ....
ساره كانت بتتصنت عليهم ولما سمعت كلام فهد الحلو عن ريما قررت تقتلها ويبان الموضوع انتحار بس لسه بتفكر ازاى تنفذ...
عدا يومين وجه يوم الخميس والكل فرحان بيت المعداوى ال مليان عيله المعدوى وحبيبهم وبيت العريس بيت المرسى اللي مليان بعيلة المرسي والكل فرحان ودبايح واكل كل البلد فرحانه
وفهد اللي دخل بنات من افضل بيوتى سنتر للتجميل فى البلد دخل بيهم ل اوضت زينه وزيهم عند ريما وجاب ل ريما فستان فرح جميل اوى ومميز وطبعا مقاسها بظبط كان مفاجاه جميله لما قال لها ان القاعه معموله ل عروستين وانها النهارده هتكون اجمل عروسه فى البلد كلها ولان موت ابوها منعه يعمل فرح انهارده هتكون عروسته ولازم يفرحها ساب ريما اللي الفرحه مش سايعها ان جوزها وحبيبها بيفكر فيها ...
وراح ل زينه اللي جاب لها خاتم من الماس لبسه لها وقال لها ممنوع تقلعه مهما حصل بس اخته وقال لها انا اسعد اخ لانك اختى ...
جه الليل ودخل العرسان القاعه فهد وريما اللي خطفو الانظار بجمالهم وشادى و زينه اللي جمالها النهارده فاق الحد ...
الكل فرحان وسعيد وابراهيم ومحمد بيستقبلو المدعوين
اما ساره اللي لبسه ومتشيكه وكل شويه تقف مع شويه بنات من البلد وتقول ان فهد عايش من يومها مع زينه فى الحرام ودلوقتى ضميره صحي وقال يتجوزها نشرت الخبر فى الفرح
وبعد الكل ما روح من الفرح الجميل المميز البلد كلها ابتدت تتكلم
وساره خلت بعض الخدم يتكلم ويسمعو الكلام ل ريما من بعيد من غير مايبان ان الموضوع متعمد
ريما غضبت وشدت الستات دول وقالت لها ازاى يتكلمو فى عرضها وجت منال على الزعيق ومنال بكل قوه ضربت الست دى بالقلم وقالت لها مش ريما المعداوى اللي حد يتجرأ ويجيب سيرتها كان فهد فى القاهره وهيرجع اخر اليوم
ريما دخلت اوضتها وعيطت كتير،وكانت حزينه جدا ...
هنا ساره قررت ان فيه سبب للانتحار
جابت سم وقررت انها تنفذ
دخلت المطبخ وقالت ل الشغاله تعمل عصير ل ريما يروق دمها الشغاله عملت فعلا عصير وساره سهتها وحطط سم فى العصير ....
الشغاله طلعت العصير بس قبل ما تحطه فوق على الكومدينو وقعته مخصوص لانها لمحت ساره بتحط حاجه فى العصير ...
الشغاله اتأسفت ل منال وقالت هجيب غيره واجيب حاجه انضف المكان ونزلت تحمد ربنا انها اخدت بالها واللي يا عالم ساره الشر دى كانت حاطه ايه ل ريما ...
فهد رجع كانت ريما نايمه فى حضن منال بعد ما عيطت كتير ومنال هدتها وجت نوال اللي قالت لازم اعرف الكلام ده اصله مين واعرف شغلي معه ...
فهد دخل عند ريما اخدها فى حضنه وهداها وقال لها الكلام شغلة الناس الفاضيه وهي عارفه نفسها وهو متاكد منها وهى كمان عارفه ليه يسمحو لكلام الناس يزعلهم وعدها يقطع الكلام ده ويحاسب اللي اتسبب فيه ...
نوال سألت الستات اللي منال ضربتها وطردتهم منال راحت البيت لهم وسالتهم وورتهم العين الحمرا وعرفت منهم ان ساره السبب ..
الشغاله الصبح نادت فهد وحكت له اللي حصل وانها خافت ووقعت العصير مخصوص لانها عارفه ساره اكيد قاصده ضرر ريما ..
فهد شكرها وطلب منها تخلى بالها اكتر من ريما وكمان ساره لازم تكون حذره منها ..
نوال كلمت ابرهيم وحكت له عمايل بنته وقالت له يرجع قبل فهد ما يعرف ويتصرف هو....
فهد ل نفسه معقول ساره بالغل ده ولا الست دى تكون بتشتغلنى علشان تاخد فلوس فهد فى حيره اخد ريما وراحو عند نوال لان ريما حزينه ريما بعد محايله راحت معره بس هى بجد حزينه اوى
فهد نوال لاحظت زعله وشروده اخدته ودخلت جوه وزينه وشادى مع ريما بيهزرو علشان يخرجوها من الزعل ..
نوال :احكى لي مالك لو الاشاعات دى سبب زعلك لازم تكون اكبر واقوى ده ستنا عاىشه اتكلمو عنها وخليك قوى علشان مراتك ..
فهد حكاثى لها علي كلام الشغاله وانه شاكك بس ماعندوش دليل وكمان مش معقول بنت عمه بالغل ده متوصلش للقتل نوال اتاكدت من كلام الستات ان ساره دلوقتى ورا الكلام وكيد ممكن تكون حاولت تقتلها
نوال ل فهد خد مراتك واطلع على شقتك فى مصر وانا هتاكد وابلغك بس ريما مش فى امان كده وساره حد من البيت هتحذر منه ازاى ولو واجهناها هتنكر
فهد: كلامك ده انك شاكه فيها
نوال: ملكش فيه انا هتصرف
ا خد فهد ريما وراح شقة القاهرة بحجو تغير جو حتى اللبس اشتاروه من القاهره اما ابراهيم اللي وصل وكانت نوال فى انتظاره ...
نوال جابت الستات عندها اعترفو على ساره والشغاله اللي قالت انها شافت ساره بتحط حاجه فى العصير ولما بعد ساعه ساره سالتها وهى متوتره ريما فين وعرفت ان ريما كويسه سالتها انت طلعتى العصير لها الشغاله اه بس وقع منها وهى بتشرب ساره اتنرفذت وكسرت كل شيء قدامها وده اللي اكد ليا شكى فيها ....
ابراهيم اخد نوال وطلع على بيت المعداوى واجه بنته اللي من جبروتها مانكرتش خصوصا لما نوال قالت لها فهد اخد ريما علشان يحميها منك وهيسافر بره مصر علشان مش عاوز زعل عمه ولا مستغنى عن مراته
ساره اه انا اللى اتكلمت عنها وانا اللي حطيت مياه بصابون على السلم اتزحلقت سقطت وانا حطيت سم لها فى العصير بس وقع وكان نفسي تموت ومش هرتاح الا لما تموت او تخرج من البيت ده بفضيحه ها عاوزين حاجه ...
ابراهيم ضربها ضرب جامد وقال لها طلعه غبيه لامك وانا هربيكى من الاول و جديد هخدك من هنا تدخلى مصحه تتعالجى فيها من الغل والكره وفكرت تضمير الناس ولعلمك انا اتجوزت فى مصر ولما تخرجى من المصحه لازم تعيشى معايا وتحت عنيا كويس ان ابن اخويا متجوزكيش والا كان عاش تعيس زي ما انا عشت مع امك سنين سواد بس بس انا اخيرا فرحت وعرفت معنى الراحه اخيرا وانتى يا تمشي زى الجزمه يا اتبرى منك ضربها ومحدش حاش عنها كلم دكتور معرفته يبعت عربيه تاخودها المصحه ...
بس هى جريت من قدامه واستغلت انه متعصب وبيتكلم فى التليفون وخدت العربيه وخرجت بسرعه قبل ما يلحقها
ساقت ساره بسرعه جامده على الطريق السرعه بين طنطا والقاهره وعملت حادثه مع عربيه نقل وماتت فى الحال ...
بعد سنه حزن ابراهيم قال مراته ملت حياته حب وخلفت له محمود الصغير
اللي فرحة العيله بيه كلهم متتوصفش
ابراهيم رجع البلد مع مراته وابنه وفهد
بين القاهره وبين طنطا وريما حامل اهي فى توام والدنيا احلى وميعاد فرح شادى وزينه بعد اسبوع ....
