يطلع دكتور من اوضه حسام
كلهم يقفو
صفيه : ابني ابني كويس ؟؟
الدكتور وهو مش باين على وشه اي ملامح : الحاله إلي في الأوضه الحمد لله لحقناه وساعه كده وهيفوق
يس : شكرا يادكتور
الدكتور : لا شكر على واجب
صفيه : الحمد لله جات سليمه الحمد لله
ريم تفرح وتبستم ل يس
ويس يفرح أنها أخيرا عبرته
صفحة محمد خلف صالح..تقرا القصة وكانك تشاهد بعينك
مي : شكرا ياكريم أنك وقفت جنبنا عكس اختك إلي مشت
كريم بضحك : إنتي إلي مشيتيها على فكره والعفو انا معملتش حاجه ده الواجب
مي بحزن : تفتكر اخويا كده هيتحبس
كريم : إنتي لو مكنتيش أتصلتي على سعاد وعملتي حركتك دي كان زمانهم اتجوزو وخلصونا
مي : كنت غيرانه منها ومتضايقه وغلطت وهو مش كلو بيغلط
كريم : عايز اقولك سعاد مستحيل تحبس اخوكي
مي : ليه كريم بضحك : عشان بتحبه
مي : طب ليه من الأول أصلا
كريم : كانت بتخبط في كلو كانت عايزه تبين أنها قويه لكن لما وقت المواجهة هيجي معدش فيه كذب وكلو هيقولك الحقيقه
مي : مظنش كده سعاد اهم حاجه عندها كرامتها وعمرها ماهتسيب حقها
كريم : انا عايز اقولك اسف
مي : ليه
كريم : عشان مشفتش حبك ليا انا مغفل عشان محبتش القمر إلي زيك وخليتك مستنياني كتير
مي تتحرج من كلامه وتضحك : انت شايف ان ده وقته ومين دي إلي بتحبك غور ياجدع
كريم ميردش ويتحرج من كلامها الدبش
مي بضحك : مسمحاك وهفضل مستنياك العمر كله يامغفل
وتمشي وتسيبه
معتز يطلب من مي وريم وصفيه ويس أنهم يتكلموا شويه
مي بعصبيه: عايز ايه
يس بقلق لأنه عارف معتز هيكلم في أيه: أهدي شويه يا مي مي تبص له بقلق : حاضر
معتز : طبعا انت عارف يا أستاذ يس : أن إلي عمله حسام ده أسمه إنتحار يعني لو متحبسش من قضية الأغتصاب هيتحبس قضية أنتحار
صفيه وريم ومي خافوا جدا ويس قلقان لأن معتز بيكلم صح
معتز : بس للأسف انا مش هعمل كده
يس : يعني أيه
معتز : انا ضغطت على حسام عشان يعترف وشيلته تعب أبوه وكنت ظالم بسبب حاجه حصلت لبنت عمي زمان كنت بحبها فحسيت إن لازم أنتقم
يس : طب ليه مش هتحبسه
معتز : عشان عرفت إني ظلمته لأول مره في حياتي ظلمت واحد وكنت هسبب في موته ولأول مره في حياتي هتستر على مجرم ومش هحبسه في قضية الأنتحار
يس : شكرا جدا ياحضرت الضابط شكرا
صفيه : شكرا يابني احنا شايلين لك الجميله دي طول العمر
معتز يبتسم ويخرج عشان يروح القسم ويلاقي شمس قدامه
معتز : أيه إلي رجعك
شمس : اخويا قالي أنه فاق
معتز : امممم هو انتي لسه بتحبيه ؟؟
شمس : لا طبعا انت بتسأل كتير ليه هو تحقيق
معتز : احم لا مقصدش
شمس : طيب
معتز يحكي ليها إلي حصل من دقائق
معتز : انا كده عملت الصح ؟؟
شمس : مش عارفه الصراحه بس طلامه انت مرتاح خلاص
معتز : انا مرتاح طول مابكلم معاكي
شمس : نعم
معتز : احم احم بقولك
شمس بضيق : ايه
معتز : في محل بيعمل اكل هنا جمب المستشفى عظمه
شمس : كل ده عشان تقولي نتغدى سوى طب ماتقول على طول
معتز : ايه ده انا مقفوش اوي كده
طب ايه رأيك
شمس : لأ طبعا انت ولا خطيبي ولا جوزي
معتز : طب ماهي سهله ممكن ابقا خطيبك ؟؟
شمس بضحك : بص يابابا انا اخويا فوق اطلع أسأله متسألنيش
معتز : يعني انتي موافقه
شمس تبتسم وتضحك وتسيبه وتمشي
وفجأة برقت لما لقت شخص قدامها
في المستشفى عند حسام
صفيه : ليه يابني تعمل في نفسك كده
ريم : خلاص ياماما
حسام : مش عارف حاسس إني ظلمت سعاد وإن انا السبب في إلي حصل لأبويا
صفيه : ابوك بقا كويس وكل حاجه كويسه وإن شاء الله تتحسن وتاخد براءه
حسام : انا مش مصدقك ابويا ماله ياماما
علي يخش من الباب مسند على شمس : ابوك كويس يابن الك.....
مي : يابابا انت أزاي تطلع من المستشفى انت تعبان وطلعت مع مين
علي : حسيت إني لازم اشوف حسام وبعدين لقيت سعاد جات وغصبت عليها انها تجيبني هنا
يس : طب هيا فين
علي : راحت مشوار كان لازم تعمله من زمان
حسام : انا أسف يابابا انا أسف
علي : متتأسفش انا عرفت إلي حصل كله وإن شاء الله كل حاجه ترجع زي الأول وأحسن
وفجأء ريم تترمي في حضن ابوها وتعيط : انا اسفه يابابا انا أتكسفت اخش لك في المستشفى انا أسفه وربنا لو أعرف إن انت هتزعل للدرجه دي مكنتش هعمل كده
علي : اوعي يابنت الج...
صفيه بعصبيه: اهو انت
الكل يضحك وبعدين الدكتور يخش والعسكري إلي معاه
: مينفعش ياجماعه الزياره دي كلها ده مسجون مش يلا كله بره
في القسم عند معتز
الشاويش : سعاد محمود بتاعت القضيه بره يافندم
معتز : دخلها
معتز : أزيك ياسعاد أنا عايز اقولك حاجه مهمه
سعاد عنيها مورمه من البكاء : مبقاش فيه مهم
معتز : ليه بس دي حاجه هتفرق في القضيه
سعاد : انا جايه أتنازل عن القضيه
