روايه الأعمى
بقلمي ليلة عادل ✍️🌹
بارت اربعه وعشرون
المستشفى 12 ص
مروان فى العمليات اميره ومنير يقفون فى الخارج امام الغرفه على ملامحهم القلق والخوف
اميره ... ياربى انا مش هسامح نفسى لو جرالو حاجه بسببى
منير ... ايه اللى حصل انا متاخرتش عليكم
اميره ... الموضوع مخدش دقيقه اصلا بس كانها سنه , معرفش عيال كدا وقفه بموتسكل يعاكسونى مروان حطنى وراه ظهره خاف عليا , العيال نزلو حاولو يخدونى , بس مروان فضل حطتنى ورا ظهره وهو بيحاول يدافع عنى ضربه بسكينه كان معاهم سلاح
منير ... ان شاء الله هيكون كويس
اميره ... يارب
(يخرج الدكتور يجروان عليه)
اميره ... خير فى ايه
الدكتور ... لاء مافيش اى حاجه الجرح سطحى والحمد الله مافيش نزيف داخلى
اميره ... امال اغم عليه ليه
الدكتور ... الضربه بس كانت قويه عليه على فكره هو فاق ممكن تدخلو تشوفوه
منير ... شكرا يا دكتور
(يدخلوان الى الغرفه)
اميره ... (بقلق ) انت كويس
مروان ... الحمد الله انتى مروحتيش ليه
اميره ... اروح ازاى قبل مطمن عليك
مروان ... انا بقيت كويس
(ثم يدخل ادهم عليهم مسرعا)
ادهم ... (بخضه ) اميره فى ايه
اميره ... ادهم شفت اللى حصل طلعو عليا ناس كانو هيخطفنى ولولا دكتور مروان كان زمانى اتخطفت
ادهم ... شكرا يا دكتور
مروان ... بتشكرنى على ايه ده واجبى انا لوكنت بشوف كان زمانا عندك فى القسم بس الحمد الله
ادهم ... اللى حضرتك عاملته ده حاجه كبيره جدا وشئ عظيم صدقنى
مروان ... خد مراتك وامشى عشان ترتاح
اميره ... لاء انا كويسه اطمن عليك الاول
ادهم ... اميره فاكره شكلهم
اميره ... لاء الدنيا كانت ضلمه ومن الخوف مركزتش
ادهم ... طب يلا
اميره ... استنى طيب
ادهم ... بحسم .. قولت يلا
مروان ... اسمعى الكلام انا بقيت كويس
اميره ... ماشى استاذ منير هبقا اكلمك اطمن على دكتور
-عربيه ادهم 1ص
ادهم يسوق واميره فى الكرسى المجاور له على ملامح ادهم الغضب
ادهم ... انتى ايه اللى خرجك اصلا من الفندق
اميره ... قولت استناك برا
ادهم .... بس ده كان برا خالص بره بوابه الفندق بشويه
اميره ... عرفت منين
ادهم ... . (بنرفزه ).. الامن قالى بعدين هى دى مشكلتك عرفت منين , انتى مش هتعقلى وتبطلى تتصرفى زى الاطفال
اميره ... انت بتكلمنى ليه كدا
ادهم ... اكلمك ازاى انتى عارفه كان ممكن يحصلك ايه , اصلا مروان سبحان من وقفه وخلاه يعرف يحميكى
اميره ... اشمعنا يعنى
ادهم ... واحد اعمى هيدافع ازاى
اميره ... خلاص بقا
ادهم ... (بنرفزه وغيره ) وبعدين مالك كنتى قلقانه عليه كدا ليه
اميره ... واحد كان هيموت بسببى عايزنى اعمل ايه
ادهم ... متاكده
اميره ... تقصد ايه
ادهم ... ولاحاجه
اميره ... طب سوق بسرعه متقولش لبابا حاجه لو سمحت
ادهم ينظر لها بضيق دون ان يتكلم .. عند الوصول امام العماره يقف ادهم العربيه )
ادهم ... لينا كلام مع بعض تانى
اميره ... تصبح على خير
بعد نزول اميره من العربيه ..ادهم يخبط على الدركسيون بغضب
- شقه اميره 2 ص
فى غرفه اميره - تجلس اميره بجانب النافذه تنظر للشارع تفكر وتتذكر ما حدث معها
المستشفى 10 ص
غرفه مروان - مروان نائم على السرير ويجلس بجانبه منير يتحدثون وعند دخول اميره تسمعهم يتحدثون عنها تقف خلف باب الغرفه تستمع اليهم
منير ... انت ازاى تعمل كدا فى نفسك
مروان ...امال كنت عايزنى اسبهم يخدوها
منير ... لاء بس كنت نادى عليا انت كان ممكن تموت
مروان ... هى صوتت كتير ماسمعتش , بعدين لوكنت استنيتك كانواخدها الموضوع مخدش دقيقه
منير ... لابس انت طلعت شجاع اهو قادر تاخد بالك منها , بلاش بقا التفكير الغبى بتاعك ده وانك عاجز وكلام الاهبل ده
مروان ... بس انا عاجز يا منير فعلا , انا اه عرفت احميها وربنا قوانى بس انا عاجز , عاجز انى مش عارف اشوفها .., عارف يعنى ايه حبيبتك مراتك تبقا قصادك مش عارف تشوفها وهى بتضحك وهى بتبكى , مش قادر تشوف ملامحها . لبسه ايه عمل ايه , وهى بتتحرك قصادك , انا مش عارف ليه انتم مش فهمنى , انا كان لازم اسبها للى يشوفها
منير ... عادى يعنى تخيلها
مروان ... اتخيلها .... منير اطلع برا
منير ... ليه
مروان ... اصلك مستفز
منير ... يا حبيبى انت هتسافر وان شاء الله هتخف
مروان ... يارب انا عشمى كبير فى ربنا فى العمليه دى , ده اخر امل ليا عارف انا وفقت اعملها بس عشان نفسى اشوفها اوى
منير ... طب اتجوزها بقا مدام دى مشكلتك وهتشوفها وكل اللى نفسك فيه تشوفه هتشوفه وهى قلعه وهى لبسه هههههه
مروان ... منير بقولك اطلع برا
منير ... ياعم ليه
مروان ... اطلع برا بجد يا منير يعنى هيبقى شبه ارتجاج وجلطه
منير ... بس انت بتحبها
مروان ... بحبها اللى جويا اكبر بكتير من كلمه حب , انا حياتى متوقفه عليها هى روحى اللى مقدرش اعيش من غيرها , نبض قلبى مكتوب باسمها
منير ... ياسلام على الحب
مروان ... (بحزن ) .. عارف يا منير كل مره بتجيلى فيها , انا ببقا عارف انها جاية عشان توجعنى , لكن انا ببقا مبسوط ان وجعى على ايدها , اول مابسمع صوتها ببقا هموت واخدها فى حضنى وقربها من قلبى وقولها انا بحبك , عارف انا اوقات كتير بتخيل ده , بس خلاص حتى الاحساس ده والاحلام دى بقت كتير عليا , مش من حقى حتى اتخيلها معايا وملكى , لانها بقت ملك راجل تانى , كل اللى هعمله انى احبها من بعيد مع ندم وحسره ووجع قلبى و بس
منير ... طب فهمنى ليه مستمر انك تبعدها عنك قولها كل ده واعتذر منها , صدقنى اميره هتسمحك لانها بتحبك
مروان ... عارف انها لسه بتحبنى و ان انتقمها منى ده شعور بتهرب بيه من حبها ليا , بتكدب على نفسها بس هى لازم تكرهنى
منير ... (بنرفزه ) .اوف انت بجد فظيع يابنى حرام عليك نفسك انت بتعذب نفسك ليه
مروان ... كل ده بردو مش قادر تفهمنى
منير ... اللى فاهمه انك عنيد وغبى لو عشان مشكلتك انك مش بتشوف خلاص هتعمل العمليه وهترجع تشوف , ليه بقى مستمر اقنعنى , يابنى بطل جنان روح وقولها كل اللى فى قلبك بدل مترجع من انجلترا وتشوفها بعينك فى حضن واحد غيرك , ووقتها مافيش
مافيش مجال للندم ووجعك وقتها هيبقى اضعاف
مروان ... منير انا عايز اروح البيت روح شوف الحساب
منير ... مافيش فايده فيك انا همشى بدل متشل منك
تدخل اميره قبل خروج منير تمسح دمعها وتاخذ نفسها وتدخل
اميره ... السلام عليكم
مروان ... ايه اللى جابك هنا
اميره ... لاء متتكلمش معايا بلاسلوب ده فاهم
مروان ... اتكلم بلاسلوب اللى يريحنى ممكن تمشى
اميره ... ايه قلت الزوق بتعتك دى
مروان ... انا قليل الزوق
اميره ... ده انت استاذ ورئيس قسم فيها بعدين انا مش جيالك انا جاية اشوف استاذ منير
مروان ... والله طب عامل ايه يا دكتور منير دلوقتى
منير ... لااسبكم ان شاء الله تولعو فى بعض , هروح انا اشوف الحسابات
مروان ... اميره ممكن تروحى مينفعش تاجيلى هنا
اميره ... ( تقترب منه وتجلس بجانبه ) ... ليه خايف تضعف
مروان ... اضعف اضعف من ايه
اميره ... شوف انت بقا
مروان ... اميره
اميره ... عيونى
مروان ... لو سمحت امشى مش عايز اشوفك انا حر
اميره .. لا والله متاكد
مروان ... اه و بعدين مينفعش تجيلى انتى ست متجوزه
اميره ... ههههههههههههه انت ليه محسسنى انى دخلت عليك اوضة نومك بقميص النوم
مروان ... بلاش طولت لسان
اميره ... امال عايزنى ارد على التخلف ده ازاى , اوعى تكون فاكر انى جايه هنا حب فيك لا يا حبيبى فوق , انا جاية بس عشان واجب عليا , عشان اشكرك لكن انا مش طايقه اشوفك حتى صدفه
مروان ... منا واخد بالى ياريتك بقا تفضلى محفظه على المبدء ده
اميره ... لا متقلقش انت عليا خليك فى نفسك سلام
- تخرج اميره خارج الغرفه وهى متعصبه تتحدث مع نفسها مستفز والله العظيم وعايز رصاصه فى دماغه
احد الكافيهات 7 م
يجلس ادهم ينتظر اميره يبدو على ملامحه الضيق ثم تدخل عليه اميره
اميره .. معلش يا حبيبى اتاخرت عليك
ادهم .. ولا يهمك انا لسه جاى
اميره (تجلس ) ايه مختفى بقالك يومين يعنى
ادهم .. كويس انك لحظتى غيابى
اميره .. ايه اللى بتقوله ده
ادهم ..(بضيق ) بقول ايه فكرتى تتصلى بيا تشوفى انا مش بكلمك ليه ولا بفتح النت ليه كلفتى خاطرك تسالى عليا اعتقد ان شغلتى ده صعبه ممكن فى اى لحظه اموت وانتى عادى
اميره .. بعد شر عنك انا افتكرتك مقموص
ادهم .. طب مقمص ...متصلتيش تصلحينى ليه يعنى زعلى مش فارق للدرجه دى
اميره .. انا مغلطش معاك
ادهم .. مغلطيش واللى عملتى ده ايه
اميره .. عملت ايه طلعت استناتك بره
ادهم ..(بحده ) متستهبليش انتى عارفه مش هو ده اللى مضيقنى مع انك برده غلطى تهورك وجنانك كان هيوديكى فى داهيه بس اللى حصل منك مع مروان وخوفك الزيده ده اسمه ايه
اميره .. (بالا مبالا) واحد انقذنى عايزنى اعمل ايه
ادهم ... بجد
اميره ... ايوا بجد
ادهم .. اميره يلا نمشى قبل مفقد اعصابى
اميره .. يلا
نادى المعادى 5 م
نور تجلس على احد الترابيزات تنظر احد ثم يدخل عليها ادهم ويجلس
ادهم .. اسف جدا بس حصل مشكله فى الشغل
نور .. ولا يهمك انا كدا كدا كنت هنا
ادهم .. ها عامله ايه طمنينى عنك
نور .. الحمد الله وانت عامل ايه ومرمر عامله معاك ايه
ادهم .. اهو تمام وبخصوص اميره كنت عايز اسالك على حاجه بس تردى بصراحه ممكن
نور .. اكيد
ادهم .. هى اميره لسه بتحب مروان
نور .. مروان لا طبعا دى بتكره
ادهم .. وامال ايه
نور .. هو ايه اللى حصل
ادهم .. هحكيلك (بعد الحديث معها ) ها ينفع
نور .. بص هى غلطانه اكيد كانت لازم تتصل تطمن عليك بس هى حسبتها غلط افتكرتك بتتقل
ادهم .. (باستغراب ) .. اتقل اتقل ازاى هى واحده ماشى معها دى مراتى
نور .. عيله غبيه بقى بص يا ادهم مش عشان صحبتى بس والله اميره نضيفه اوى من جوه هى ساعات كدا بس بيبقى ليها افكار متخلفه وبنسبه لمروان هى بس عشان انقذها عملت كدا انت بس عشان غيران بزياده
ادهم ... تفتكرى
نور .. اكيد
ادهم .. انا بحبها اوى يا نور وبغير عليها من الهوا نفسى بجد اخليها ممبسوطه و سعيده , عايز اكمل معها حياتى بس واضح ان حسبتها غلط
نور ... لا ولا غلط ولا حاجه اميره فعلا كرهت مروان
ادهم .. مش عارف
نور .. هى مش صحبتى بس هى اللى غلطانه اى راجل مكانك ده اقل رد فعل يعمله بس كمل جميلك وروح صالحها وعتبها وشدها من ودنها
ادهم .. هعمل كدا فعلا انا مقدرش على زعلها .. شكرا بجد يا نور واسف جدا انى وجعتلك دماغك بس انا عارف انك اقرب حد ليها
نور .. متقولش كدا تانى احنا اخوات بعدين انت بقيت من شله خالص
ادهم ...هههه اكيييد
السطح فى عماره اميره 9 م
اميره وحمزه ونور يجلسون
اميره ... عارفين انا كنت حاسه بيه هو بيدافع عنى كائنه مربوط مش عارف يعمل حاجه كان بيدافع عنى بعزم مافيه , انا دلوقتى فهمت ليه مروان عمل كدا
حمزه ... بصراحه حاجه صعبه اوى يعنى الناس عايزين يخطفو حبيبته هو مش عارف يعمل حاجه ., انا متخيل الموقف
نور ... المهم هتعملى ايه
اميره ... انا متكتفه مش عارفه اعمل ايه , بس .انا اكتشفت انى لسه بحب مروان وبظلم ادهم معايا
حمزه ... اطلقى من ادهم
نور ... يا سلام بسهوله كدا توجع قلبه , ايه اللى بتقوله ده لاء طبعا اوعى تعملى كدا .مشفتهوش هو بيكلمنى كان عامل ازاى انتى اللى غلطانه وقالى انه هيصلحك
حمزه ... مش احسن ما تفضل معه وهى بتحب واحد تانى
نور ... انا مش موافقه بصراحه مروان مش بيحبك على فكره و حتى لو بيحبك , مينفعش ده انسان ضعيف انت محتاجة راجل قوى يقف معاكى مش باقل موقف يتخلى عنك
اميره .. انتى بس عشان بتكرهى مروان وبتعزى ادهم
نور .. لا خالص بس اى انسان طبيعى هيعمل زى ، واحد زى ادهم شاريكى وبيعمل مستحيل عشان يرضيكى تسبيه بسهوله كدا ، (بقرف ) مروان اسهل حاجه عنده يقولك امشى ايه الضعف والقرف ده
اميره ... بعد كل اللى حكيتهولك يابنتى كان غصب عنه
نور ... والله طب ما هيعمل عمليه ايه بقا حجته ليه مستمر فى الاسلوب وطريقه دى
اميره ... بردو انتى عامله زى بابا
نور ... مروان لازم يتربى على كل اللى عملو فيكى , ادهم مالهوش ذنب حرام عليكى بعدين ده اختيارك ولازم تتحملى
حمزه ... نور متتكلميش تانى
نور ... والله ماشى برحتكم بس انا مش موافقه على الهبل ده
حمزه ... اميره سيبك من نور انتى لازم تطلقى من ادهم عشان بجد حرام هو ميستحقش منك كدا و لما تتطلقى نفكر نعمل ايه
اميره ... عندك حق انا غلطت غلط كبير اوى لازم اصلحها
تفتكرو اميره هتسيب ادهم. وترجع لمروان ولا ايه هيحصل هنشوف
#روايه_الاعمى
#ليلة_عادل ♥️✍️
♥️♥️♥️♥️♥️♥️♥️♥️♥️♥️♥️♥️♥️♥️♥️
مش هتكلم عن تفاعل تانى
وانا فعلا زعلانه
روايه الأعمى
ليلة عادل ✍️🌹
البارت
خمسه وعشرون
شقه مروان 10ص
مروان يجلس فى البلكونه ثم يدخل عليه منير
منير ... خلاص يا حبيبى كل حاجه جاهزة انا متفائل بصراحه مره دى , وعندى يقين فى الله ان عمليه هاتنجح
مروان ... يارب يارب بقولك عايزك تجبلى 100الف كاش
منير ... حاضر
-شقه اميره 12 ص
اميره تجلس فى البلكونه تفكر تتذكر كل شى حدث معها ماذا تفعل ثم تقول مالهاش حل تانى
- داخلى مديرية الامن2م )
فى الممر تسير اميره ثم تقف من الخارج امام باب مكتب ادهم وتتحدث مع العسكرى
اميره ... لو سمحت حضرة الوكيل النيابه ادهم جوا
العسكرى ... ايوه يا فندم
اميره ... ممكن تقوله انى عايزه اقابله ..قوله اميره
العسكرى ... لحظه واحده
(يدخل العسكرى داخل المكتب )
العسكرى ... باشا فى وحده اسمها اميره عايزه تقابلك
ادهم ... خليها تدخل بسرعه
العسكرى ... اتفضلى
اميره ... شكرا
(يقوم ادهم من المكتب لاستقبالها)
ادهم ...(بسعاده ) لا مش مصدق ايه المفاجاه الحلوة دى
اميره ...عجبتك بجد
ادهم ... اه والله عامله تشربى ايه
اميره ... ولا حاجه
ادهم ... لاء لازم هطلبلك عصير
اميره ... ماشى
العسكر ... تمام يا فندم
ادهم ... اتنين عصير ليمون بنعناع يابنى
العسكرى ... حاضر يا فندم
ادهم ..( يقترب منها )ايه يا حبيبى عامله ايه (يقبلها من خدها )
اميره ... تمام هو انا معطلاك عن حاجه
ادهم ... لا خالص وحشتينى اوى
اميره ... وانت كمان
ادهم ...(يجلس بالكرسى المقابل لها )كنت هكلمك نتقابل النهارده والله
اميره .. فى حاجه
ادهم ... يعنى كنت عايز اصلحك (يمسك ايدها ) اوعى تكونى زعلانه منى من رد فعلى معاكى يوم الحادثه وكمان فى الكافى هو بس لانى كنت متعشم انك تكلمينى و تطمنى عليا لانى كنت تعبان
اميرة ... لاء مش زعلانه
ادهم ... انا كنت خايف وغيران عليكى اوى انا بغير عليكى من النفس اللى بتتنفسيه
اميره ... ادهم انا جاية عشان اقولك حاجه مهمه
ادهم ... خير يا حبيبى فى ايه مالك
اميره ... (بتوتر) ... ادهم انت عارف انى انا بحبك جدا ولو لفيت الدنيا مش هلقى احسن منك خليك واثق ان المشكله عندى انا مش انت وانه والله غصب عنى
ادهم ... (بستغراب ) ... فى ايه
اميره ... احنا لازم نسيب بعض
ادهم ... (بصدمه ) ... ايه
اميره ... لازم نتطلق
ادهم ... بطلى هزار ده ههه على فكره مابحبش الهزار من النوع ده
اميره ... (دموع بعينها) ... ارجوك متصعبهاش عليا
ادهم ... (بصوت كل حزن وصدمه ) ... مصعبهاش عليكى انتى بتتكلمى جد انتى عايزه تسبينى
اميره ... ايوا لان ده الصح لو كملت معاك هيبقى بحكم عليك بالعذاب
ادهم ... وانا كدا مش هبقى فى عذاب انا بنام وبقوم بحلم باليوم اللى هنبقى فيه سوى
اميره ... (تبكى) ...ادهم لو سمحت اسمعنى
ادهم ... (بصوت كله حزن واستغراب ) ... اسمع ايه اسمع ان الانسانه اللى بتمناها من الدنيا عايزه تسبنى عايزه تحكم عليا بلاعدام
اميره ... (بحزن ودموع تقف )... ادهم انا بجد اسفه مش هينفع انا لو فضلت معاك هظلمك , انت متستهلش منى كدا ده الحل الوحيد الصح , احنا جوزنا وعلاقتنا من البدايه كانت غلطه و لازم تتصلح و مينفعش تكمل
ادهم ... يقف امامها ويمسك أيدها .. غلطه جوازك منى غلطه طب انا عجبانى الغلطه دى , وعايز اكمل فيها
اميره ... ادهم
ادهم ... (عيون بها دموع وحزن) ... اميره انا بحبك لاء انا بعشق التراب اللى بتمشى عليه انا اللى جويا اكبر بكتير من اللى شايفه , فكرة انك تبعدى عنى دى انا مش قادر حتى اسمعها , بسهوله كدا عايزه تاخدى كل حاجه وتمشى طب قلبى احلام مافكرتيش فيها , قوليلى اعمل ايه
اميره ... تسحب أيدها وتبتعد قليلا انا عشان بحبك وبحترمك لازم ابعد انت متستهلش منى اى حاجه وحشه , والله انا اللى مستهلكش انت تستاهل وحده احسن منى
ادهم ... انا مش عايز احسن منك , انا عايزك انتى طب ادينى فرصه كمان فرصه وحده بس لومخلتكيش تحبينى يا ستى ابعدى عنى
اميره ... ( تبكى بشده ) ... ادهم ارجوك ارحمنى
ادهم ... ارحمينى انتى من العذاب اللى عايزانى اعيشه من بعدك
اميره ... كفايه لوسمحت ورقه طلاقى توصلنى باسرع وقت
ادهم ... كل ده عشان مروان تفتكرى يستاهل
اميره ... ( بدموع وحسره تقف عند الباب) ... مروان ده جحيمى و عقابى ولعنتى فى الدنيا عن اذنك
(تخرج اميره وهى منهار من العياط تترك ادهم مصدوم وحزين ويبكى )
- شقه اميره 4 م
اميره تطرق الباب البيت تبكى بشده تجلس الام براسبشن تفتح لها الام
الام ... فى ايه مالك
اميره ... انا طلبت الطلاق من ادهم
الام ... طب انتى بتعيطى ليه ده الصح انتى كدا بداتى تمشى فى الطريق الصح
اميره ...(تبكى ) ايوه بس انا قلبى وجعنى على ادهم اوى , انا ظلمته وجرحته يا ماما اوى انا مكنتش متوقعه انه بيحبنى كدا
(تاخدها امها فى حضنها)
الام ... اهدى ادهم قوى هيبقى كويس اللى عملتيه ده الصح لو كنتى اتجوزتيه كنتى هتظلميه اكتر واكتر
اميره ... انا قرفانه من نفسى اوى انا شريرة كسرت قلب انسان حبنى من قلبه بجد ووقف جنبى وعمل عشانى كل حاجه , وفى لاخر ظلمته عشان انسان تانى معملش حتى علشانى الممكن , انا بكره مروان بكرهه انا كل اللى بيحصل فيا ده بسببه
الام ... مروان مقالكيش روحى اتجوزى , ولا قالك اعملى حاجه من اللى عملتها كل اللى انتى فيه ده اختيارك انتى
اميره ... لو كان قالى بحبك وتمسك بيا مكنش حصل كل ده
الام ... ترفع وجهها بليدها ... اميره بصيلى كدا لازم تقتنعى ان كل اللى انتى فيه ده اختيارك , مروان مالهوش ذنب .اميره انتى متاكده انه بيحبك بس هو اراءه غلط بس بيحبك
اميره ... انا تعبانه اوى اوى عقلى هيتشل من التفكير قلبى هيقف من الوجع مش عارفه اعمل ايه
الام ... هتبقى كويسة انا متاكده ان بنتى قوية
اميره ... انا ..انا اضعف مما تتخيلى يا ماما
الام ... انا واثقه فى ربنا انك هتبفى مبسوطه وسعيده زى زمان واحسن
اميره ... يارب ... ( ثم تحضن امها )
(بعد يومين)
- شقه مروان 4م
تذهب اميره الى مروان وهى متعصبه جدا مروان يجلس على السفره يناول الغداء اميره تطرق الباب بصوت عالى وترن الجرس تفتح لها فاطمه
اميره ... (بغضب ) .. مروان هنا
فاطمه ... اه
(تشاهده اميره على السفرا تذهب اليه )
اميره ... (بعصبيه) ... طبعا عامل تاكل وتشرب وعايش حياتك عادى جدا ولا كائن فى حاجه يخربيت برودك
مروان ... (يقوم يقف من على كرسى ) ... فى ايه
اميره ... تخبطه على كتفه .. في انى بكرهك بكرهك بكرهكككك
مروان ... اهدى طيب فى ايه
اميره ...عايش حياتك مبسوط وعادى ايه ضميرك ده ميت ما بتحسش مافيش اى دم عندك
مروان (مروان يقترب منها ) . انا عايش حياتى مبسوط انتى شايفه كدا
اميره ... (تبكى وعصبيه ) ... انا بسببك ظلمت انسان كل ذنبه انه حبنى انت ليه عاملت فيا كدا ليه خالتنى اعمل كدا
مروان ... (بعصبيه ونرفزه ) ... انتى اللى عاملتى كدا فى نفسك وفيه وفيا انتى بسبب اندفاعك وعصبيتك السبب
اميره ... لاء انت السبب تفكيرك المريض هو اللى وصلنا لده
مروان ... تفكيرى المريض ده هو الصح و مش هغيره
اميره ... بطل استعباط بقا انا عارفه انك بتحبنى سمعتك بودانى ومن قبلها كمان وانا عارفه , و بسبب تفكريك الغبى ده انا روحت دمرت قلب انسان حبنى ووقف جنبى
مروان ... (بعصبيه وضيق ) ... وانا مدمرتش لما روحتى وتجوزتى واحد تانى ها موجعتنيش لما جبتينى اشهد على جوازك , قلبك وجعك اوى على ادهم وانا ايه فين , انا بموت كل يوم فى الدقيقه الف مره ازعلى عليا شويه
اميره ... (بسخريه ) ايه ده بتحس وبتغير زى البشر لالا لا مش ليق عليك الدور ده يا دكتور يا كبيره
مروان ... (بعصبيه جامده يخبط بايده على سفره ) اميره بس
اميره ... بكدب مثلا من امتى بتحس رود عليا من امتى بتحس زى بشر ها انت السبب فى كل ده
مروان ... اطلعى برا
اميره ... لا مش هطلع و بطل اسلوبك البارد ده بقا
مروان ... انتى عايزه ايه دلوقتى
اميره ... عايزه احرقلك قلبك اشوفك متعذب هبقا مبسوطه
مروان ... وانا قولتك انا ليا الشرف ان قلبى يموت على ايدك , و ببقا مبسوط جدا وانتى بتعذبينى لانى استاهل ده , لكن قرارى مش هغيره واظن من وقت اللى حصل وانتى نازله طعن فيا وانا ساكت
اميره ...(بنرفزه ).. عنك ما غيرته عارف لحد امبارح كان فى قلبى شويه حب فاضلين ليك , بس دلوقتى بكرهك بجد من قلبى , وادهم ظفره احسن منك
مروان ... (بعصبيه ) ... انتى جايه ليه دلوقتى جايه تسمعينى انك بتحبى ادهم
اميره ... جايه اقولك ياريت تسافر بلا راجعه لانى مش طايقه اشوفك , مش طايقه اسمع صوتك نفسك بيخنققنى اوعى ( تاجى تمشى )
مروان ... (يسمك دراعها يقربها اليه )... تعالى هنا
اميره ... ( تحاول ان تفك ايدها) ... اوعى سيب ايدى
مروان ...(يمسكها بايده الاثنين بشده وبعصبيه شديده تحاول تفك ايدها ) بس .. بقولك بس ..اهدى بقا بس .. اميره بس
اميره ...(بغضب ) عايز منى ايه
مروان ... (يصمت قليلا بهدواء) انا اسف ... اناا ...(قبل ان يكمل كلامه )
اميره ... (بحسم وقوه ) اسف ... (تنزل ايده) ... لا وفر اسفك يا دكتور , هى فعلا مش غلتطك بس اوعدك ان دى اخر مره هتشفنى فيها اوهتلمح منى حاجه
مروان ... (بحزن ) ... والله انا مستهلش منك كل ده
اميره ... تروح وتاجى بالسلامه (تخرج اميره من الباب )
(يقف مروان مضايق ومتعصب يخبط بايده على السفره ويرامى كل اللى عليه )
#روايةالأعمى
#تاليف_ليلةعادل ❤️✍️
