معشوقتى ريما
البارت الثالث عشر والاخير
فهد وشادى حددو الفرح وعزمو رجال اعمال كتير وعملو فرح على اعلى مستوي وكل قرايبهم من البلد جم قبل الفرح بيومين غنا ورقص وفرح بجد فرح الناس اللي نفوسها طيبه وبتحب الخير لبعض الكل فى وادى وملك ومحمود فى وادى مش عاجبه فستان وبيعترض وبس وكل ما يلاقيها جميله فى فستان يعترض عليه وملك زهقت من جنانه اخيرا اختاروا فستان وجت الميكاب ارتيست البيت لها وبلمسات بسيطه ملك اصبحت ملاك فعلا ...
فهد طلع لها وماشاء الله بنته اصبحت اميره جميله والنهارده فرحها فهد حضنها كتير وقال لها : اللي مطمني انى اخترتلك راجل هيصونك مجنون اه بس بيحبك اوى وهيخاف ربنا فيكى ربنا يسعدك يا غاليه ابوكى حضنها بس شافت عينيه الملكه بتاعته وهنا راح اخد ريما لحضنه وبهمس لها: ايه رأيك نفضل هنا احسن
ريما ابتسمت ل كلامه: يلا يافهد ...
محمود اخد ايد ملك من فهد
محمود اول ما شافها حضنها اوى و باسها
فهد: واد انت اياك تزعل بنتى اضربك
محمود : محدش يزعل روحه اوعدك انها كانت عندك اميره وعندى هتكون ملكه على عرش قلبي دايما..
راحو القاعه كان الكل فرحان بس فرحة محمود بحبه اللي اكتمل واخيرا بقت ملكه بقت ريما محمود المعداوى ..
خلص فرحهم وراحو فيلتهم اللي محمود كان جايب مهندسة ديكود مخصوص مزينه من المدخل لحد اوضة النوم كان المكان غايه فى الروعه مفيش وصف له جنه على الارض ...
محمود شال ملك اول ما نزل هما وصلوهم لباب الجنينة ورجعو وهو شالها قدام الكل والموجودين بيصقفو له ...
ملك: نزلنى يا مجنون هتعمل ايه شايلنى ليه
محمود بيضحك عليها لحد ما دخل اوضة النوم وقال لها: ابدا هعرفك اد ايه مجنون بيكى وهمجى فى حبك
ملك : محمود اسفه وربنا انت عاقل بس بلاش تخوفنى والنبي ...
كانت متصوره انه فعلا هيكون همجى معاها بس حصل العكس محمود كان فى غاية الرقه معاها وقضو اول ليالى العمر فى حب وسعاده و رومانسية
محمود اثبت لها حبه لها قد ايه كبير وانها اهم انتصاراته ...
الصبح محمود صحى قبلها يتامل جمالها الفتان ومش مصدق انها بقهت فى حضنه وماعدش حق حد يحرمه منها ابدا...
قرب شهر العسل اللي قضوه فى جزر المالديف انه يخلص ،كان كله حب ولعب وهزار عشق لابعد الحدود اعترفت ملك فيه بحبها ل محمود اكتر من مره
اما هو فكان بيقول فيها شعر من كتر حبه لها
نار حبها فى قلبه بتزيد يوم عن يوم اتمنى لو ماسكتش ده كله واعترف لها بحبه من زمان...
كانت واقفه على البحر بتودع المكان اللي شافت فيه اجمل ايام العمر ومحمود حاضنها من ظهرها وفجاه شالها وجرى بيها على الشاليه
ملك نزلنى يا مجنون وربنا انك همجى بجد
محمود كررها تانى: في حبك انا همجى بيكى انا المجنون وجنونى فى الزياده
فى حبك انا العاشق المفتون مجنون واتمنى لو تفضلى العمر كله فى حضنى وجوايا نفضل روح واحده وقلب واحد بجسدين اختلط عرقى معاكى نبضك بقا يدفي روحى ونور عينى بحبك لاخر ايامى بنفس عشت احلم بيه عشقك زاد جنانى.....
رجعو من شهر العسل والكل كان فى انتظارهم ملك فى حضن ريما بتسالها عن محمود
ملك ل ريما : انا بحبه اوى كنت خايفه من جنانه بس جنانه اجمل ما فيه ...
عدت ايامهم الجميله كلها لمه وفرح وسعاده ومالك كمان اتجوز فى نفس الكمباوند تقريبا كده العيله كلها جيران
فهد وشادى ومحمود ومالك...
كل جمعه الكل بيتجمع عند فهد وريما
فهد استغل جواز ولاده وبقا طول الوقت جمب ريما بطل شغل غير الاجتماعات المهمه وطول الوقت مع ملكة قلبه يخرجو ويتفسحو وعايشين اجمل ايام العمر والكل بيحسدهم وخصوصا شادى
محمود اخد ملك الشركه معاه علمها شغلهم وكمان مش علشان تساعده لكن علشان تكون جنبه دايما ....
عدت سنتين على جوازهم وملك نفسها تخلف بس خايفه تفاتح محمود فى موضوع الخلفه ده
استجمعت نفسها وكلمته كانت خايفه يتعصب او يزعل بس محمود طباعه بدأت تهدا يوم بعد يوم الحب والعشق خلاه حنين اوى ويتحملها حتى لو زعلت او اتعصبت الحب خلاه اهدا
محمود علمها الغيره والجنون هى بقت بتغير عليه من اي ست يتعامل معاها من هدومه من اى شيء بتحبه فوق الوصف ايامهم سعاده وهنا بس لو تخلف منه
كشفو وعرفو ان ملك عندها مشاكل والحمل الطبيعى صعب
ملك جنونها زاد على محمود وكانت متوهمه انه ممكن يتجوز عليها
ملك من رعبها ان محمود يسيبها سابت البيت راحت بيت فهد كان فهد وريما فى الجنينه سهرانين سوى
استغربو من شكلها الحزين وفهد افتكر ان محمود زعلها
فهد: مالك محمود زعلك وخرجك لوحدك كده يومه مش فايت
ريما: اهدا يا فهد الاول تتكلم بس وبعدين خرجها ايه احنا فى نفس المكان انت بتدور على غلط للواد وخلاص...
ملك عيطت بحرقة : محمود ملوش ذنب يا بابا انا اللي صعب اخلف وكان نفسي اكون ام لولاده بس مش نافع وانا الغيره هتاكلنى والشك دخل قلبي وخوف انه يسيبنى ويتجوز علشان كده اخدت قرار انى هسيبه قبل ما يسيبنى
ريما عيطت علشان بنتها واخدتها فى حضنها
اما فهد حط ايده على راسه ومش قادر يتصرف حاسس نفسه عاجز مش عارف يساعد بنته ازاى....
محمود دخل عليها وكانت معيطه جامد بس فى حضن ريما ...
دخل والكل بيبص عليه وهو عينه عليها: مالك ياقلبي مش فى البيت ليه قلقت عليكى وليه معيطه كان وهو بيتكلم شدها لحضنه بيراضيها
ملك خرجت من حضنه وبعصبيه : انا حره وكمان مش راجعه هناك تانى هفضل هنا
محمود: ماشي نفضل هنا المهم تكونى كويسه وبس ..
ملك: لا هفضل لوحدى ولا اقول لك هسافر واسيب لك البلد كلها
محمود بصبر حاضر نسافر ياقلب محمو د لما عاوزه تسافرى ماقولتيش ليه مش بقول لكى تعالى نغير جو من فتره بكره احجز ها عاوزه تروحى فين
ملك : عاوزه اطلق منك معدتش هكمل معاك
محمود: انتي اتجننتى اكيد ده علي جثتى انتى مجنونه اكيد
ملك : اه وهطلق ويلا اطلع بره...
محمود: مش ماشي وهاخدك غصب عنك قال طلاق قال مجنون مين اللي يسيب روحه وليه اصلا
ملك: روح اتجوز واحده تخلف لك عيال مش زى مبتخلفش ابدا مش هستنا شفقه من حد طلقنى يلا
محمود: قلت لا وبلاش تعصبينى يا ملك لا مش عاوز خلف انتى بنتى وانا ابنك الاالفراق مفهوم
ملك ذادت فى جنانها مصممه تطلق
بس فهد هنا ضربها قلم وقال لها: بطلى جنان محمود سندك اوعى تخسريه لا هيخون ولا يتجوز اللي بيعشق بجد عمره ما يخون ولا يظلم عيشي وبكره الايام تثبت لكى انى كنت صح لما جوزتك محمود
كانت بتعيط من الحزن وان ازاى فهد ضربها لاول مره....
محمود مسك فهد وقال له: بلاش نزعل ا لا ملك تعمل ما بدالها وبعدين مين اللي هيسمع كلامها ويطلق
محمود شالها فجاه وخرج راح بيها بيتهم الجيران بيتفرجو عليهم ويضحكو عليهم ......
محمود بحث كتير عن مركز للعلاج العقم وفعلا لقي دكتور ممتاز تابعو معاه والحمد لله حملت فى توام طول الحمل محمود جنبها وريما وفهد والكل بيخدمها ومخلى باله منها
ايام حملها وهى مطلعه عين محمود يا قلب امه وهرمونات الحمل طالعه عليه بس هو فرحان بيها وكل طلباتها مجابه
بيخدمها بنفسه لحد ما ولدت توام جميل ولد وبنت
محمود وملك فاجؤو الكل وسمو ولادهم فهد وريما ودى كانت اجمل مفاجاه للعيله وطبعا تخليد لاسم فهد وحبه ل ريما اللي استمر وشال احفاده
وهنا بداء حب جديد يتولد حب الاحفاد ومتعة انك تشيل احفادك شىء جميل اوى بجد ....
ملك ومحمود بيربو الولاد بمساعدة ريما وفهد اللي تقربيا بيدو ل محمود ولاده عنده شويه بالعافيه
كل يوم الولاد يكبرو البنت وارثه جمال ملك وريما والولاد وسامه محمود وخفت دم شادى اللي طول الوقت بيلعب معاهم هو وزينه ولادهم فى الشغل وهما عند فهد بيلعبو ب فهد وريما الصغيرين ...
شادى كل شويه يعلم فهد الصغير يشتم فهد الكبير اللي بيتجنن ويقوم يضرب شادى ....
الحياه جميله والعيله فى سعاده ومالك خلف يزن ونورين
ومحمود كل شويه يدخل علي ملك وهى فى المطبخ او الصالون يشيلها مره واحده ويحضنها اوى ومش ينزلها غير فى اوضتهم
مجنون اه بس جنانه حلو همجى اه بس ياريت الكل يتعلم منه....
