رواية_صفقة_عشق
#بارت6
✨افكركوا✨
كارما : يوسف انا عايزاك في حاجه ضروري
يوسف : قولي في اي
كارما : عايزاك تبعت حد يراقبلي شخص
يوسف : مين و ليه
كارما : عايزاك تبعت حد يراقب حازم
يوسف بصدمه : حازم مين خطيب سما ليه
كارما : اه حازم خطيب سما
يوسف : انتي بتهزري صح طب ليه
كارما : لا مش بهزر دا بجد و عايزه يراقبوه من انهارده أخباره توصلي يومياً و انا هرن عليك من رقم جديد ماشي اما بنسبه ل ليه عايزه اراقبه هقولك بعدين بعد ما اتاكد من حاجه
يوسف : الي يريحك يا كارما
كارما : يوسف صح عايزاك تعرفلي كل الستات الي مرت في حياة حازم من اول أمه لحد اخر بنت عرفها حتي بعد ما خطب سما
يوسف : تمام خلال 24 ساعه هتكون كل حاجه عنو موجوده عندك
كارما : شكرا يا يوسف باي باي
يوسف : العفو باي
قفلت المكالمه مع يوسف و لفت وشها لقيت ريم بتبصلها
ريم : ليه كلفتي يوسف أنه يراقب حازم و ليه طلبتي أنو يبعتلك تقرير بكل الستات الي كانت و اللي مازلت في حياة حازم
كارما : لازم اعرف حازم وراه اي حازم وراه حاجه غريبه
ريم : ليه بتقولي كده
كارما : من كام يوم لما خرجنا مع بعض لقيت رقم كاميليا أو رقم شبه رقم كاميليا بيرن عليه مش عارفه ليه ممكن يكون بيكلم كاميليا
ريم بصدمه : كاميليا اي الي يخلي حازم يكلم كاميليا
كارما : هو دا الي عايزه اعرفه دا الي شككني و بعد الي عمله معايا طبعا شكيت اكتر
ريم : كارما الموضوع يخوف
كارما : عارفه ريم انا عايزاكي تجبلي تليفون الاحتياطي بتاعي من بيت عندك بس بسرعه
ريم : ماشي هروح اجبهمولك و اجي
ريم راحت تجيب التليفون بسرعه من غير ما حد يعرف
كارما في نفسها : ازاي بقا المحدثه دي علي تليفوني انا لازم اول ما الاسبوع دا يعدي اروح اقابل مراد و سليم ضروري
ريم جت
ريم : خدي التليفون اهو بس خبيه كويس علشان الحربايه الي اسمها كاميليا متشوفوش و تفتن عليكي
كارما : حاضر
ريم مشيت و كارما عدي الاسبوع من غير ما ابوها يروحلها الأوضه بتاعتها خالص الاحتجاز بتاع كارما خلص اخيرا
عند كارما بترن علي حد
الشخص : الو يا كارما عامله اي ليه مختفيه الفتره الي فاتت دي كلها
كارما : انا الحمدلله يا مراد انتا عامل اي انتا و سليم
لا عادي مفيش حاجه موضوع كده
مراد : الحمدلله سليم بيسلم عليكي
كارما : سلملي عليه المهم انا كنت عايزه اقبلك ضروري انتا وسليم
مراد : اه اكيد ماشي تحبي امته
كارما : ينفع النهارده الساعه 7
مراد : تمام احنا فاضين
كارما : تمام هشوفكوا في كافيه (******)
مراد : تمام باي باي
كارما : باي
عند مراد و سليم
سليم : كارما كانت عايزه اي
مراد : عايزنا نتقابل
سليم : ايوه يا عم
مراد بسخريه : ونبي تقعد علي جنب عايزاك معايا
سليم بجديه : ليه في حاجه ولا اي
مراد : مش عارف بس انا سألت ريم من كام يوم ليه كارما مش بترد علي التليفون أو بتكلمنا قالتلي ان بابا كارما خد منها التليفون و منعها من النزول لمده اسبوع
سليم : شكل الموضوع كبير
مراد : عندك حق يلا نلبس الساعه 6 و احنا معادنا الساعه 7
سليم : اوك يلا
راح سليم و مراد يجهزوا و كارما هكذا
عند كارما
كارما و هي نازله كاميليا و ادهم كانو قاعدين شافوها و هي نازله
كاميليا: رايحه علي فين يا هانم من غير ما تاخدي إذن ابوكي
ادهم بص لكارما مستني الرد راحت كارما مقربه منه و قالت
كارما : لو سمحت ممكن التليفون بتاعي بما أن العقوبه خلصت
ادهم : ازاي
كارما : انهارده الاتنين و انتي حبستني (و اتكت اووي علي حبستني )يوم الاتنين الي فات و قلت باللسانك أني ممنوعه من الخروج لمده اسبوع بس
ادهم : بس
كارما : لو سمحت يا ادهم بيه ممكن تديني التليفون بتاعي مش عايزه اتاخر
ادهم طلع التليفون من جيبه و بص لكارما بحزن
ادهم بحزن : فين كلمه بابا اي ادهم بيه دي
كارما بألم : ولله اللي يحبس ينته في الأوضه بتاعتها ميرضاش ينزلها و كمان خد تليفونها و صدق كلام شات و كلام بين حد مكلمتهوش يبقا سوري يعني ميستهلش كلمه بابا اسوء حاجه الشك و انا اسفه من هنا و رايح انا هنديك بادهم بيه
ادهم كان حزين اووي الباب خبط الخادمه راحت تفتح الباب لقت احمد والد ريم
الخادمه : اتفضل يا احمد بيه
كارما كانت قريبه من الباب و كانت رايحه نحيته اصلا علشان تمشي
كارما : ازيك يا بابا عامل اي يا حبيبي
احمد : الحمدلله يا حبيبتي انتي عامله اي
كارما : بخير لما شوفتك معلش يا حبيبي هسيبك و امشي نازله ضروري
احمد : لا عادي يا حبيبتي يلا روحي علشان متتاخريش علي معادك
و راح باسها في خدها
ادهم كان حزين و مقهور اووي علشان بنتو بتنادي صاحبه بابا و و بتناديه هو برسميات
ادهم في نفسه : يا ريتني ما سمعت كلام كاميليا كان لازم اثق في بنتي
احمد راح قعد جنب ادهم
ادهم : كاميليا اطلعي الاوضه دلوقتي و سبينا لوحدينا
طلعت كاميليا و قعد ادهم و احمد مع بعض
عند كارما خرجت لقت مراد و سليم واقفين مستنينها ركبت كارما و قالت
كارما : اسفه علي تأخير
مراد و سليم : عادي ولا يهمك
سليم : كنتي عايزنا في اي
مراد : لما نوصل الكافيه نتكلم يا سليم اهدي و اول حاجه مفروض تتقال عامله اي يا يا سليم
ضحكت كارما و قالت : احنا بقينا صحاب عادي و بالنسبه لعيزاكوا في اي هعرفكوا لما نوصل
مراد و سليم : تمام
وصلوا الكافيه و قاعدوا و طلبوا حاجه يشربوها
كارما : خدوا التليفون اقروا المسيجات دي و ممكن اعرف يا سليم انتا اخر مره فتحت الواتس كان امته و ممكن تديني تليفونك و تفتحوا معلش عايزه اتاكد من حاجه
سليم : اه طبعا اتفضلي انا اخر مره تفت الواتس كان من اسبوع انا بفتح الانستا اكتر
كارما : تمام
خدت كارما التليفون و ادتهم التليفون بتاعها علشان يشوفوا الشات قال مراد بصدمه و هو بيدي التليفون لسليم علشان يقراها
مراد بصدمه : ازاي هو انتي و سليم مرتبطين ازاي
كارما : لا طبعا
سليم : دا ازاي احنا متكلمناش مع بعض من ساعت ما عرفتك
كارما : عارفه
كارما مره واحده قالت : لقيتوا
مراد : هو اي
كارما : بصوا دا لينك بيهكر التليفونات اول ما تفتح اللينك دا الي بعت اللينك بيشتغل التليفون عنده كأنه خد التليفون منك و بيقدر يحركوا ويعمل الي عايزه فين و انا نفس اللينك دا ظهر عندي و تفتحتوا قبل المسيجات دي بيوم
سليم بدهشه : انا بالفعل اخر مره فتحت الواتس كان بسبب اللينك دا طيب دا معناه اي و كمان مين ليه مصلحه في أنه يهكر التليفونات بتاعتنا انا و انتي بس و بيعت الرسائل دي كمان
كارما : كاميليا
مراد : مرات باباكي
كارما : اه
مراد و سليم : اي مصلحتها
كارما : تجوزني لاخوها
مراد و سليم بصدمه : اي
كارما : اخر يوم شوفتوني فيه لما بابا كلمني. كان متعصب كان في حد باعتلوا الشات الي بيني و بين سليم و طبعا بابا لما شاف الشات اتعصب و كاميليا اقنعته أنو يخليني اتخطب علي اساس ان لما اتخطب محدش هيقرب مني و هبقا فينظر الكل اني مخطوبه و مفيش ولد هيقرب مني و قالي ان حتي لو سليم جه يخطبك انو مش هيوافق و كمان كان جيلبي يوم الخميس الي فات عريس بس انا فهمت العريس اني مش حبه اني اتخطب صالونات و هو كان محترم و قدر الي قلتوا و قرار يساعدني في اني افركش الجوازه دي و بابا هيبجبلي عريس تاني يوم الخميس
مراد و سليم بصدمه : تاني
مراد : طيب كده باباكي مصر اووي علي الموضوع دا
كارما : اوووي
و هم قاعدين تليفون سليم رن
سليم : معلش هرد
كارما : اه اتفضل
سليم : خلاص انا جيلك سلام كارما انا اسفه لازم امشي في حاجه تبع الشركه لازم اعملها
كارما : مراد روح معاه
سليم : لا ملوش لزوم
كارما : تمام
مشي سليم و قعد مراد و كارما مع بعض يتكلموا علشان يحلوا الموضوع دا
كارما بعفويه : مراد اخطوبني
. ★**********************★
. مين يوسف ؟؟؟
. هل كارما هتسامح والدها بعد ما شك فيها ؟؟؟
. هل مراد هيوافق علي عرض كارما ؟؟؟
