رواية زهرة أصلان كاملة جميع الفصول

#المغامرة_المجنونة💥

#البارت_الأخير 

بيقرب سليم منها وهيا علي الأرض بيمد ايده علي القناع ولسه هايشتاله ..

بتمسك ايده بقوه بتخليه يصرخ من الوجع..

سليم: ماممتتش امسكوها يا اغبيه ..

بيتلموا عليها بتسيب سليم وبتضربهم كلهم لما يناموا علي الارض..

سليم: انتي عارفه التيران اللي اتضربوا دول اخدين كام

بتقرب منه ..

سليم بيجري ..

بترمي الحبل بتاعها عليه وبتشده بيه ..

بيشتال الحبل وبيحاول يضربها وبتتصدي ليه وبتضربه ..

سليم: انتي عايزة ايه؟!!

هنا: عايزة اموتك واشرب من دمك ..

سليم: وليه كل ده انا عملت ليكي ايه ..

هنا بتطلع الخمسين جنيه ..

هنا: فاكرها ..

سليم: لا مش فاكر حاجه وايه دي ؟!!!

هنا بتشيل القناع: كده افتكرت ..

سليم: ههههههه هوا انتي ولسه فاكره يا شيخه ..

هنا بتضرب فيه: ماتت ماتت بسببك وسبب الناس اللي زيك ماتت بسبب فسادك وجشعك ..

سليم: واحده ماتت من 100 مليون مضايقاكي اوي ..

هنا بتكمل ضرب فيه : مش هيا بس اللي ماتت ده كتير مش اخدين ابسط حقوقهم انهم يتعاملوا معامله ادميه ..

سليم وهوا بيتوجع: ااااه وهتستفادي ايه لما تموتيني ولا حاجه حتي فلوسي مش هتعرفي مكانها ..

هنا: هههههه لا فلوسك دي انا عارفه مكانها هنا في المستشفي وهاحرق قلبك عليها وانت عايش

بتمشي هنا وسليم بيمسك رجليها بتحاول تمشي وهوا مكلبش فيها بتضربه برجليها في دماغه بيخبط دماغه في الحيطه والدم بيملي مكانه ...

(سلمي نفسك ارمي السلاح وسلمي نفسك المقاومه مش هتفيدك)

البوليس محاوط المستشفي وجاي بقوه كبيره. .

جاسر ومجموعه بيدخل يتسلل بهدوء ..

هنا بتوصل لاوضه الخزنه وبتفتحها..

هنا: ياااه كل دي فلوس كله من دم الغلابه ..

بتملي هنا الشنطه اللي معاها وبتطلع علي سطح المستشفي..

جاسر بيشوف احمد سليم علي الارض والدم محاوطه بيقرب منه بيلاقيه قاطع النفس..

بيكمل هو واللي معاه بيدور علي هنا ..

جاسر بيشاور ليهم: انتم من هنا وانتم من هنا ..

جاسر بيكمل في اتجاهه وهوا ماسك مسدسه بيلاقي فلوس علي الارض بيمشي وراها لحد ما بتخلص بيكمل للسطح..

جاسر: ارفعي ايدك وسلمي نفسك..

هنا: ههههههه ..

هنا بتكون لافه الحبل علي وسطها وبتطلع تجري ..

جاسر: اقفي بدل ما اضرب بالنار .

هنا: ما تضرب يا فاشل ..يافاااااااشل ...

بتجري وبتنط من علي السطح بيجري جاسر يبص عليها بتنزل علي سطح تاني وبتجري بين السطوح وبتختفي ..

جاسر : فعلاااا انا فاشل .

بينزل جاسر ..

المجموعه الاولي: مالقينهاش يا فندم

المجموعه التانيه:مالقينهاش يا فندم ..

جاسر: وانا كمان مالقيتهاش !!

بيطلع جاسر من المستشفي ..وبيروح بيته ..

جاسر: خسرت يا جاسر بس مش زعلان يمكن كنت عايز كده ..

......................

في الصباح ..

ريم: وهتعملي ايه بكل الفلوس دي ؟!!

هنا: هاعمل اللي بعمله علطول هاتروح للي محتاجينها .

ريم: دي كتير اوي يا هنا ..

هنا: هاتروح لمرضي القلب والكبد والسرطان هانعمل بيها خير كتير اوي ..

ريم: طب واحنا يا هنا؟!

هنا: واحنا ايه ؟!!

ريم: واحنا مالناش الحق اننا نعيش كويس ؟!؟

هنا: قصدك ايه يا ريم؟!!

ريم: قصدي احنا كمان نعيش ناخد جزء من الفلوس نبتدي بيه حياتنا ..

هنا: هنبتدي حياتنا بفلوس حرام مش من حقنا ..

ريم: حرااام انتي اللي بتقولي كده ؟!!

هنا: انا صحيح طريقتي غلط بس الضرورات تبيح المحظورات انا بسرق بس بسرق الحراميه برجع حق الناس للناس ..

ريم: يعني هنفضل كده علطول يا هنا ..

هنا: انا عندي مشوار اما اجي نتكلم ..

ريم: ماشي يا هنا ..

...................

في مركز الشرطه ..

..سياده الرائد المده خلصت ..

جاسر: عارف يا فندم ..

..خلاص القضيه اتحولت لظابط غيرك ..

جاسر: اقدر اعرف مين الظابط ده يا فندم ؟!!

..هوا جاي دلوقتي علي وصول تقدر تشوفه.  

جاسر: شكرا يا فندم..

بعد خمس دقايق..

حد بيخبط علي الباب ..

..ادخل..

بتدخل هنا وهيا لابسه لبس الشرطه ..

جاسر بيتفاجأ..

..الظابط هنا الشافعي اللي هتمسك القضيه ..

جاسر: هههههههه..هههههههههههه...بجد

..في ايه يا حضره الظابط مالك ؟!!

جاسر بضحك: انا اسف يا فندم اذيك يا حضره الظابط!

هنا: الحمد لله ..حضرتك سياده الرائد اللي كنت ماسك القضيه ؟!

جاسر: ههههه ايوه انا انا ..

هنا: ممكن اتناقش معاك في القضيه شويه ؟!!

..طيب هاسيبكم مع بعض شويه ..وبيمشي

هنا: شكرا يا فندم ..

جاسر: هههههههه ازاي ؟!!

هنا: قررت اعمل المعادله الصعبه ابقي الحرامي وفي نفس الوقت الظابط .

جاسر: عملتيها ازاي برده ..

هنا: عادي مازورتش ولا حاجه دخلت كليه شرطه واجتهدت لحد ما وصلت للي انا فيه وعشان محتهده ادوني القضيه دي الروس اتساوت يا عمري ..

جاسر: ههههه حلوه ملعوبه بجد ..

بيدخل الظابط .

..ها اديت للظابط هنا المعلومات اللي محتجاها ؟!

جاسر: ايوه اديتلها ..ههههههه ..اسف يا فندم .

هنا: شكرا يافندم علي ثقتك فيا انشاء الله هاشرفك ..

جاسر: ايوه ههههه هتشرفك بالمناسبه دي يا فندم اسمحلي اقدم استقالتي ..

..انت في وعيك يا حضره الظابط 

جاسر: ايوه يا فندم ..

..علي العموم فكر الاول ولما تقرر ابقي قولي ..

جاسر: تمام يا فندم ..عن اذنك ..

هنا: عن اذنك يا فندم ..

بيطلع هنا وجاسر من المكتب ..

هنا: هتستقيل ليه ؟!!

جاسر: عشان خسرت التحدي!!

هنا: بس ليه تستقيل ليه تضيع تعبك ومستقبلك ..

جاسر: مستقبلي ..مستقبلي ضاع لما ضيعتك من ايدي .

هنا: احم..قفل علي الكلام ده لو سمحت ..

جاسر: انا كنت عايزه اقولك علي حاجه اخيره ..

هنا: اتفضل.

جاسر: كلام ريم اني زقيتها قدام العربيه عشان معقد وشوفتها مروحه مع واحد زميلها غلط ..انا يومها لقيتها مع واحد في عربيته واحد غني خبط علي باب العربيه نزلتلي وقالتلي انها بتحبه وهايعشها في المستوي اللي هيا عايزاه وانها حامل منه ..سمعت الكلمه دي ضربتها بالقلم وقعت قدام العربيه وهوا استغل الفرصه وخبطها كانه عايز يخلص منها ..وهيا محملاني كل حاجه ..اختك مريضه نفسيه لازم تتعالج عشان ماتئذكيش وتئذي نفسها..

هنا: انت بتتكلم بجد؟!

جاسر: انا مش هاكسب حاجه اني اكذب عليكي خلي بالك من نفسك ..سلام ..

بيمشي جاسر وبيسيب هنا واقفه مستغربه ..

هنا: لا مش هاستحمل لازم اسئلها كلامه صح ولاغلط..

بتروح هنا ..وبتدور علي ريم ..

هنا: ريم ..رييييييم ..انتي فين ..

بتدور عليها كتير مش بتلاقيها بتدخل الاوضه السريه تشوف الفلوس وماسكه قلبها بايدها ..

مش بتلاقي الفلوس ..

هنا: بقي كده يا ريم انتي اللي تعملي كده يعني كلام جاسر صح وانا كنت مخدوعه فيكي سيبتيني عشان الفلوس الفلوس اهم مني ..

الدموع غرقت وشي يعني ايه يعني خلاص مش هاشوفك تاني .

طلعت علي عامر اطمن عليه ..

عامر: ايه ياهنا مالك ؟!

هنا: ريم يا عامر ريم اللي افتكرت ان انا طلعت بيها من الدنيا سابتني وخدت كل الفلوس ومشيت طب وانا شكلها عمرها ما حبتني 😭

عامر: اهدي يا هنا صدقيني هيا الخسرانه ..

هنا: انا قلبي واجعني اوي ..

عامر : اهدي يا هنا ..وبيحضنها.

هنا بتطلع من حضنه..

عامر: ليه يا هنا مصره تبعديني عنك وانتي عارفه ان انا بحبك .

هنا: قولتلك يا عامر كل حاجه بينا خلاص انتهت انت دلوقتي بالنسبالي اخويا وصديق الطفوله اللي كنت بحب احكيله كل حاجه ياريت دي كمان ما تحرمنيش منها ..

عامر: خلاص يا هنا المهم افضل جمبك ما تبعدنيش عنك.

...................

بعد اسبوع...

جاسر واقف علي البحر ..

هنا: ممكن شقه فاضيه يا كابتن ؟!!

جاسر متفاجأ: هنا ..

هنا: ها عندك شقه فاضيه ولا ايه ..

جاسر: عندي بس مش في العماره دي .

هنا: اومال فين؟!!

جاسر: في قلبي ..

هنا: ها..

جاسر:بحبك ..

هنا: ها..

جاسر: تتجوزيني ؟!؟

هنا: افكر ...موافقه ..

جاسر: دا انتي واقعه بقا 

هنا: واللهي طب مش موافقه 😡

جاسر: مين اللي مش موافقه ده انا ماصدقت 🔥

هنا: اه اظبط بدل ما اطلع عليك مهاراتي. .

جاسر: عايز اعرف ان ضايقتك بعد الجواز هاتعملي ايه؟!!

هنا: هاتقلب مدام R .

جاسر: علي بركه الله الفرح امتي بقا 😂..تمت ..

وكلما نظرت اليك توقف العالم من حولي❤️💥

اللهم اجبر قلوبنا جبرا يليق برحمتك ❤️

رأيكم في الروايه بقا وتفاعلوا علي البارت الاخير.

+رايكم في نوعيه الروايات دي ؟!

#المغامرة_المجنونة 💥

#بقلم_حنين_عادل

#كاتبه_الجيل😎

تعديل المقال