#المتمرده_الصغيره
تابعوني
بتبقي نور تعبانه من كتر المشي
بتمشي نور علي كوبري قصر النيل وبتبقي عايزه تنام جدا
بتبص نور حواليها كتير وبعدين بتنزل تحت الكوبري وتنام
الساعه 3 الفجر
بيمشي واحد علي نور
وتحس نور ان في حد لامس جسمها
بتقوم نور مخضوضه
نور - انت
تامر - اي دا نور
نور - استاذ تامر
تامر - يخربيتك انتي نايمه كده ليه في الشارع
في اي
نور معلش عملت مشكله مع صاحب البيت ومشيت فا الليل جه ومعرفتش اروح فين
وكمان كنت تعبانه جدا
فا نمت
تامر - طيب يا بنتي
مكلمتينيش ليه
نور - مرضتش اشغل حضرتك
وكنت بكره هدور علي اوضه اقعد فيها علي ما الاقي شغل كويس
تامر - طيب قومي معايا يلا
نور - هنروح فين
تامر - هتستلمي شغلك
وهتباتي في سكن الشغل مع البنات
نور - بجد
تامر -اه يا ستي بجد
يلا قومي
بتقوم نور مع تامر وتمشي معاه
بيعدو من قدام البرج
بيشاور تامر علي شقه في عماره قريبه من البرج
تامر - ودا يا ستي مكان شغلك
نور - في الشقه دي
تامر - اه دي اسمها بيت الغزالي
نور - هو الشغل عباره عن اي بالظبط
تامر - بصي مش هضحك عليكي
دي اسمه بيت الغزالي
الغزالي دا كان باشا زمان
القاهره زمان كانت فيها حظر تجوال بعد الساعه 9 بالليل
كان الغزالي باشا وزملائه يطلعو الشقه دي ويسهرو فيها
مره ورا التانيه
عيالهم بقا كبرو وبقو ييجو كل يوم يسهرو
وهكذا بقا لحد ما اتعرف وبقي زي كافيه كبير كده
بيقعد فيه ناس عاليه جدا
ومعاهم فلوس كتيره جدا
انتي بقا هتبقي مع البنات
بلبس شيك وتقدمي الطلبات بس
شغلانه بسيطه وسهله
وزباينا هما هما وناس محترمه جدا
هتحبي الشغل جدا
واحنا دلوقت رايحين الشقه اللي هتقعدي فيها
فيها بنات كتير
هتحبي الشغل جدا
وكمان البنات هتحبيهم جدا
نور - والشغل من الساعه كام لكان
تامر - مش كتير
دي ناس بتاعت فلوس
اليوم كله في شركاتهم وحواراتهم
وبييجو بالليل متاخر
يعني علي الساعه 11 كده ساعتين ويمشو
نور - نعم بالليل كده بس
تامر - ايوه بس
نور - الموضوع دا مش غريب شويه
تامر - هو غريب طبعا
بس دي ناس معاها فلوس يا نور
حقها تعمل اللي هي عيزاه
وبعدين اقل واحد بيدفع 10 الاف وهو ماشي
نور - نعم بيدفع كام
بيضحك تامر - اه يا نور
ناس معاها فلوس مش عارفه توديها فين
متشربش ليه العصير بالاف جنيه
نور - يا نهار اسود للدرجادي
تامر - لما تبقي البنت اللي معاهم بتاخد 300 جنيه في الساعه يبقي لازم يدفعو
بتقف نور في مكانها
نور باستغراب وعصبيه - في الساعه
هو المكان دا اي بالظبط
وانا هشتغل اي
تامر - ساعه انا قولت ساعه
اهدي بس انتي اتعصبتي ليه
انا قصدي في اليوم بتاع الشغل
وهتعرفي من اول يوم
وبصي يا نور دا شغل عادي
احنا لا بناخد بطاقتك ولا بنجبرك علي الشغل
انتي براحتك
ودا شغل
نور - فاهمه فاهمه
بيوصل تامر ونور الشقه وبيخبط علي البنات فا بيفتحو
تامر - اميره دي نور
صحبتكم الجديده وهتبقي معاكم في الشغل من بكره
اميره - حاضر يا مستر
تامر - في حاجه نقصاكم عايزينها
اميره - لا كله تمام يا مستر شكرا جدا
تامر - تمام
خلي نور تدخل اوضتها واديها مفتاح الاوضه
اميره - حاضر يا مستر
بيسيبهم تامر ويمشي
يتدخل نور مع اميره الشقه وبتبقي كبيره وواسعه جدا
اميره - اتفضلي يا نور
ودي اوضتك
نور - بس دي فيها سريرين
اميره - اه ما احنا العدد بتاعنا مش مكتمل
ناقصنا بنت كمان
ودي اللي هتبقي معاكي ف الاوضه
بس لسه محدش جه
نور - ممكن تكلميني علي الشغل
امير ه- نامي يا حبيبتي دلوقت
وبكره اليوم كله هنبقي مع بعض
ونرغي براحتنا
نور - ماشي
بتطلع اميره وتسيب نور وحدها
الليله دي مبيغمضش لنور جفن
لا هي ولا خالد
تاني يوم بتقوم نور علي الضهر
وترغي مع اميره كتير
بتكلمها اميره علي الشغل ونظامه وجماله
اميره - الشغل حلو قوي بجد
وفلوس عبيطه
البشوات اللي بتيجي بالليل دول ناس من الاخر
انا في الاول كنت خايفه جدا وشاكه في الموضوع
بس بعد اول يوم شغل بصراحه لقيت الشغل عظمه
الشغل يا ستي
بنيجي بالليل ونروح البيت
نلبس لبسنا اللي عليه اسم الغزالي
ونروح
بيبقي في 4 بنات شغالين استف
ودول بيجهزو المشاريب وعارفين كل باشا بيشرب اي
انتي بتبقي مسؤوله عن باشا واحد
مشاريبه او اي حاجه يطلبها
كل اللي بتعمليه بتجيبي المشاريب والطلبات وتقدميها
مع ابتسامه حلوه وخلاص كده
كلها ساعتين او ساعه ونص وبيقومو يخرجو من ورا
ونمشي احنا وييجو بنات النظافه
بس كده
وانتي ماشيه بتدخلي الكشاف وتاخدي فلوسك وانتي ماشيه
والمستر بيجيب الاكل والشرب وكل حاجه لينا ببلاش
يعني سكنا واكلنا وشربنا عليهم
نور - بجد اي الجمال دا
اميره - الشغل هيعجبك جدا بجد يا نور
نور - تمام
عند خالد -
خالد - عصام اتصل علي السيد رئيس مكتب وزير الدخليه بسرعه
بعد نص ساعه بييجب مساعد وزير الداخلية بسرعه
بيجتمع الظباط
خالد - انا بقالي من امبارح صاحي
اكتشفت حاجات كتير متشابهه في الموضوع
يعني مثلا كل البنات قالو انهم راحو علي انه شغل في كافيه
وفعلا شغل تقديم مشاريب
وكلهم قالو انهم بياخدو فلوسهم بعد ما يخلصو
وكلهم قالو نفس التفاصيل
وان في بنات بتيجي تنضف بعد ما بيخلصو
وان البشوات بينزلو من ورا
ورا دا فين
السؤال دا لسه مجهول
انما في حاجه غريبه جدا جدا بتحصل وحكتها كل بنت
ان بعد اول يوم شغل ليهم بتيجي بنت تاني معاها في الاوضه
وكلهم لما راحو قابلو وحده اسمها اميره
وقعدو وحدهم لحد ما تيجي وحده تاني يوم تقعد معاهم
نركز في البنت اللي هتيجي دي
دي بتتكلم في التلفون وتحب في واحد
وببتكلمو كلام سافل جدا قدام البنات
وان البنات كلهم اجمعو ان البنت دي كانت بتبقي قاصده انهم يسمعوها
حاجه غريبه
مساعد وزير الداخلية- وتفسيرك لدا اي يا خالد
خالد - بص يا فندم تخميني الاول و الاخير
والاصح من وجهه نظري
هما بيجيبو البنت علي انها هتقدم مشاريب عادي
وبيزرعو معاها بنت تاني
تكلمها وتحسسها ان الموضوع دا جميل جدا
وتحمسها وتثير غريزتها كا انثه
كتير الكلام والزن بيلعب في دماغ البنت
يعني بنت بتتكلم الليل كله مع واحد وبيحبو في بعض
وكلام كتير جدا
اكيد هيغير مفهوم الب
نت
غريزه الحب والانوثه عند البنت بتشتغل
وبتبقي عايزه تجرب تحب وتتكلم
مره ولا مره بتستسلم للي بيطلبوه
وغالبا الدعاره
دا تخميني
مساعد وزير الداخلية- تخمين صح جدا
وبعدين
خالد - الحاجه التانيه يا فندم
البنات كلهم ميعرفوش مين اللي بييجو ينضفو بعدهم
وبرضو ميعرفوش البشوات بيروحو فين وينزلو منين
كلهم اكدو انهم مشافوش واحد منهم بينزل من باب البيت
مساعد وزير الداخلية- تخمينك اي
خالد - تخميني
ان البنت بتروح تشتغل عادي جدا
وبتقدم مشاريب و عادي جدا
والرجاله بيدخلو من ورا
ومفيش وحده فيهم تعرف ورا دا فين
تقريبا بيدخلو مكان سري في البيت ودا اللي انا يحاول اوصله
وبعد ما البنات يمشو بييجي بنات تاني ودول بتوع الدعاره
وكل بنت من دول بيدربوها انها تكون بتاعت نضافه
بيخلص الاجتماع
بييجي الليل بتنزل نور مع البنات
بيروحو البيت بيبقي البيت كبير جدا
وواسع جدا جدا
كانه قصر من جوه
بتلبس نور الزي مع البنات ويطلعو
بييجو البشوات وبتقدم نور المشروب لشخص منهم وبيبصلها
قاسم - انتي جديده
نور - ايوه يا باشا
قاسم - ماشي يا قمر
بيطلع قاسم تلفونه ويرن علي شروق
قاسم - ايوه يا شروق
فرز اول فعلا
استعجلو في البنت دي بقا
شروق - انت تؤمر يا باشا
بتخلص نور شغل وبييجي معاد المرواح
بتغير نور وتمشي مع البنات
بتروح نور الشقه وهي مبسوطه من الشغل
بعد ساعه بيخبط الباب
بييجي تامر ومعاه بنت جديده
تامر لاميره - البنت الجديده
تقعد مع نور
نور مطلوبه بدري بدري
وانتي يا قمر شدي حيلك عليها
عايزها تحب الحاجات دي جدا
قمر - متقلقش يا مستر
انا هخليها متعرفش تمشي
وهخلي كل تفكيرها في الحاجات دي بس
تامر - تمام
بتدخل قمر علي نور الاوضه
قمر في سرها - انتي بقا الجديده
اهلا بيكي في مجتمعنا يا قمر
شكلك مطلوبه جامد عشان كده جابوني ليكي
وحيات امك لاعزبك
نور - انتي البنت الجديده
قمر - ايوه انا الجديده
نور - نورتينا
انا كمان جديده
اشتغلت يوم واحد بس
قمر في سرها - وهو انتي لسه اشتغلتي
نور - شكلك تعبانه نامي وبكره نرغي
قمر - حاضر
بتنام نور
بعد ساعتين بتحس نور بحد لامس جسمها
بتقوم نور مفزوعه وتتصدم .............
يتبع.........
نور وقعت ف الفخ
خربت خالص 🙂
الكاتب / youssef
1
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)