عمر.بصدمة بس انا في القاهرة يا تيتا
عائشة.بصت قدامها علي مالك وكان مالك بيتكلم في الفون وهي مفكرة إنه عمر:بس بقي كدب مانت واقف قصادي هناك اهو...استني انا جايلك يا وسخ
عمر.بحيرة ودهشة: قدامها...تيتا إنتي بتكلمي جد ولا بتهزري
"عمر علي وشك كشف حقيقة إن مالك عايش كما إنه حبيس أربع جدارن مهدد ب انطلاق أربع طلقات في ان واحد ومن اتجاهات مختلفة طلقة تريد سلب معشوقته وطلقة تريد سلب طفله وطلقة تريد سلب حياته والطلقة الرابعة تريد سلب كل شىء وطبعاً لن يستطيع عمر التصدي لكل هذه الطلقات...ف من الأكيد ستصيبه طلقة ف من ستسلب تلك الطلقة يا تري"
.................
عمر.كان بيبص ليوسف والاتنين بيضحكو علي عائشة.لانهم عارفين إنها تعبانة وبتتخيل حاجات مش صحيحة وكده:هااا يا تيتا لقتيني ولا لسا ��
عائشة.بعد ما قربت من مالك:هقفل بقي اديني وصلتلك وقفلت من غير ما تسمع رد عمر
يوسف.انفجر من الضحك:هههههههه مش قادر تيتا دي رهيبة أقسم بالله
فاطمة:هي كده من زمان
عمر.وهو مندهش وبداخله تمني:ل لحظة حسيت إن مالك عايش !
يوسف.خد نفس عميق: إنت مسكت في كلامها بسرعة...مانت عارف إنها بتتخيل حاجات مش مظبوطة...دي موهمة أن جدو عايش لحد دلوقتي... إنت مدرك لكده !
فريده.مسكت أيده:انا عارفة إنك مشتاق لمالك وأنك بتتمني إنه يكون موجود...لكن إنت مش بتقول إن المستحيل الوحيد عندك هو إنه يرجع حد من الموت والفراق الوحيد عندك هو فراق الموت... عشان كده لازم تصدق اللي بتقوله الأول...لازم تعرف إن الميت مستحيل يرجع
أسيل:لا علي فكرة يا فريده الميت بيرجع عادي يعني
عمر ويوسف بسخرية وفي صوت واحد: إزاي يا دكتورة المستقبل ؟
أسيل:اوووف بقي انتوا أكتر اتنين متنمرين شوفتهم في حياتي والله ��
يوسف.موجها كلامه لعمر: إنت مصدق إن واحدة زي دي في تالتة ثانوي ؟!
عمر:هههه حاجة زي كده
فاطمة:انا أملي اتقطع فيها خلاص دي 24 ساعة افلام ومسلسلات انا تعبت منها والله ��
أسيل:سافر الهند يا عمر
عمر:افندم!
أسيل: يعني هتروح الهند هتلاقي مالك في وشك اصل الهند دي بلد عجيبة والله اللي بيموت بيرجع ف إنت روح وجرب حظك
شهد:انا أتفق وخدني معاك عشان اشوف شاروخان والنبي
يوسف:حسبي الله ونعم الوكيل... عايزة تشوفي شاروخان...والله عيب عليك ده انا حتي قمر عنه
فريده: هاهاها هو في حد زي شاروخان بس اسكتوا
عمر:بتقوليها قدامي !
فريده:هااا
عائشة.وقفت قصاد مالك: وحشتني يا ***
مالك.رفع حاجبه بتعجب:احمم...هو حضرتك تعرفيني
عائشة:واد يا عمر انا بخرف وبشوف حاجات مش مظبوطة لكن إنت الوحيد اللي عمري ما اغلط فيه انا بحبك لله ياض
مالك.بتهديب:بصي يا حجة انا مش عارف عمر مين...وحضرتك مش بتتخيلي بس انا مش عمر... إنتي أكيد غلطانة...بس انا مش عمر *ولف عشان يمشي*
عائشة.بحزم وغضب:اقف هنا وانا بتكلم معاك وإلا والله ابعت اجيب فريده والواد إبنك واقولك معنديش بنات للجواز وإنت اتجوزتها من غير موافقة جدتها ~استهدي بالله يا حجة ����~
مالك.في نفسه:عمر مين وفريدة مين... لأ وكمان عندي إبن مشاء الله ده أشبه بالمسلسلات والنعمة...طب اعمل ايه طيب مش فاهم... أقوله انا عمر وارتاح وبعدين اسيبها وامشي ولا اعمل ايه
عائشة: إيه يا ابن الصياد واقف بتفكر في ايه عشان تهرب مني...يا *** بقالي زمن بقولك تيجي إنت وابو طويلة وتجيبو فريدة واختك بس كل مرة تقولي حاضر يا تيتا ربنا يسهل وهنيجي...والله لولا أني تعبانة ومش حمل سفر لا كنت جيت وفضلت قاعدة علي قلبك...انا اصلي بحبك أكتر من احفادي نفسهم والله
مالك.لف ليها وبهدوء:والله انا مش عمر والله إنتي أكيد بتشبهيني بيه لكن أنا مش هو...مش عارف أقولك إيه أكتر من كده...لكن إنتي باين عليكي تعبانة فين عيلتك وانا اوصلك ليهم...
عائشة:اوووف إنت فعلاً رخم يا زفت إنت بتحب تهزر كده كتير يا عمر والله هزعل
مالك.لسا هيتكلم بس لقي آسر وحازم بيتخانقو ف ساب عائشة وراح ليهم
عند حازم وآسر من البداية....
حازم.مشي بعد حوراه مع آسر وبعد اللي عرفه عن أمه ومكنش مركز وخبط في شخص وده من سوء حظ حازم إنه خبط فيه
عبدالله:ااااا حازم ازيك يا بني
حازم.بصله بضيق وقرف:اوووف أبعد من وشي انا أصلا مش ناقصك
*عبدالله (ابن عصام البحيري عم فريده كان موجود في الجزء الأول) وطبعاً عبدالله ده كان موجود في انتقام هيثم وكان عايز فريده تتجوز عبدالله...ليه بقي... عبدالله بسم الله ما شاء الله عليه...رد سجون...مدمن...بيقتل القتيل ويمشي في جنازته...مش فارق معه حاجة...عايش حياته بالطول والعرض...عامل كل حاجة وحشة ممكن حد يتخيلها...هو مش انسان...ده شيطان بهيئة إنسان... وأهم حاجة بيعملها إنه سبب في إدمان أشخاص كتير... وطبعاً هيثم كان علي دراية بكل ده...
عبدالله:تؤ تؤ...ابعد من وشك...دي صعبة شوية يا زوما...وقرب منه وهمس في ودنه...لو مخنوق ولا حاجة...قولي مش هتلاقي احسن مني يريحك...ده انا عبدالله بردو...وإنت محظوظ علي فكرة...انا معايا في جيبي حتة إنما إيه...دماااااغ...استني خدها يا عم ...وطلعها من جيبه وحطاها في جيب حازم...خدها وإنت تنسي مشاكلك وكمان تنسي أمك الجميلة خرابة البيوت...
حازم.ضربه بغيظ من كلامه علي أمه وكمان اصراره إنه يخلي شباب عندهم مشاكل بسيطة لمدمنين وللاسف حازم كان ضحية عبدالله في يوم: إنت أكيد مش إنسان... إنت شيطان حسبي الله ونعم الوكيل فيك...انا مصدقت اتخلصت من الهباب ده...حرام عليك بقي يا اخي أنت بتضيعنا وأحنا مش عارفين.... إنت ***إنسان شوفته في حياتي... وكمان حاجة اياك تجيب سيرة أمي علي لسانك تاني...وفضل يضرب فيه بغيظ... إنت فاهم
آسر.شافه من بعيد وراح يسلك بينه وبين عبدالله وكان كل من حازم وعبدالله بيبادلو بعض الضربات
حازم: أقسم بالله انا دلوقتي ممكن اقتلك في أيدي يا زفت إنت ...ف ابعد من وشي
آسر.بغضب:طب فهمني في إيه الأول
عبدالله.بسخرية: الله الله عاش من شافك يا آسر افندي... إلا قولي متعرفش أمك خرابة البيوت عاملة إيه مع عمي
آسر.من غير تردد بدأ يضرب في عبدالله.بغضب: إنت بالذات اياك تتكلم ومهما كانت أمي عاملة...لكن إياك ثم اياك تنسي إنها أمي في الآخر....فاهم يعني انا مستحيل اسيبك أو اسمحلك إنك تكلم عليها كلمة... وإياك تتعرض أو تقرب من حازم تاني... وإياك أصلا تخرج قدامي مرة تانية... إنت فاهم!
عبدالله.وفمه بينزف:تؤ تؤ...هخرج قدامك تاني...انا حر من النهاردة مش مسجون ولا حاجة...ف انا وانتم والزمن طويل...في النهاية... أنتم أعدائنا...والواحد لازم يقوم بالواجب مع أعدائه...وانا هقوم بالواجب ده...انا وأنتم والزمن طويل
مالك.جه وسلك حازم وآسر ووقتها كان عبدالله هرب من قدامهم...مهما كان عبدالله ف هو حتة عيل جبان مفهوش حيل أصلا من المخدرات...كان نفختين كمان وهيكون تحت التراب....
آسر.بغضب:يلا قدامي علي البيت يا استاذ حازم... إنت باين بينك وبين الزفت ده حاجات تانية...وبص لمالك... وإنت يا مالك هات ميساء وحصلنا علي برة
مالك:تمام شوية ونيجي...
مالك راح عند ميساء.وكانت بتكلم ع الفون
ميساء:يعني أبلغ بابا وآسر؟!
اسراء: أيوة يا بنتي...ده انا مصدقت... الاقي مكان أشتغل فيه بعد التخرج...ده انا ممكن اطير ع المكتب من دلوقتي
ميساء: لأ مانا عارفة إنك مجنونة وتعمليها يا اسراء هانم
اسراء:اهااا...انا ملكة الجنان يا ميسو... إنتي هتوهي عني...يلا أقفل انا دلوقتي... عشان تقضي وقت مع أخواتك
ميساء:تمام...سلام
مالك.بهدوء: آسر وحازم زمانهم مشيو
ميساء.باستفهام:مشيو إزاي...هو إحنا لحقنا نقعد حاجة
مالك:كان لازم اصل حازم اتخانق وكانت الخناقة هتكبر بعد تدخل أسر...لكن هما دلوقتي برا مستنين...أو بمعنى أصح مشيو لأن حازم مستحيل يقف ثانية عاقل وأكيد اسر هيكون خده وروح...
ميساء.بضيق: اووووووف حازم بوظت اليوم ربنا يهديك
مالك: عادي ممكن نعمل حاجة مختلفة
ميساء.بدهشة:زي؟
مالك.حط ايده علي شعره واتكلم ب ارتباك: يعني مش لما كنا صغيرين بنقعد عند البحيرة ونحكي همومنا وكده...وانا قولت إني هفتح صفحة جديدة وعندي شوية حاجات عايز اشاركهم معاكي لو ينفع...يمكن توقولي ليا إيه الطريق الصحيح اللي امشي فيه ��
ميساء.بسعادة:وانا موافقة يلا اهو بالمرة يكون آسر وحازم حلو مشاكلهم
مالك:تمام يلا اسبقي إنتي وانا جاي وراكي... كده ولا كده البحيرة مش بعيدة
ميساء:تمام
مريم (بنت خالة اسراء):اوف يا بنتي كفاية بقي خرمتي ودني اسكتي بقي ماما هتسمع
اسراء.بتطلع للمستقبل: دلوقتي انا هبدا شغل وكمان...هدور علي حد غني وكده...طالما آسر مش نافع
مريم:طيب إنتي ليه ولا مرة حاولتي تشوفي آسر ده
اسراء.بسخرية: لأن ده السيد المثالي....ده إنسان غامض اوي
مريم:انا قصدي تشوفي من خلال الحسابات بتاعته علي مواقع التواصل الاجتماعي بتاعته وكده
اسراء:ههههه....ما قولتلك ده السيد المثالي...كل حسابته غامضة... الانستجرام برايفيت...الفيس بقالي قرون باعتة ادد ومش قبله...تويتر فاضي...انا حاولت قد كده اعرف شكله لكن لأ
مريم:ومش حاطط صورة بروفايل ليه ولا حاجة!
اسراء:ههههه بقاله يجي 10 سنين حاطط نفس الصورة ....الصورة اللي بتجمعنا سوي واحنا صغيرين
مريم:بتجمعكم سوي.... قصدك إنتي وهو؟!
اسراء: لأ وفيه وميساء وحازم... يعني صورة متجمعين كلنا فيها وكده
مريم:اهاااا..
اسراء:بقولك إيه ما تيجي نعمل سيرش كده عن الاغنياء وكده
مريم:ده إنتي مصرة بقي إنك توقعي حد غني...بس يلا
مريم:بصي يا ستي...فيه فارس الريس (بطل رواية الغرفة المضيئة...هتنزل بعد اصبحت لك ��)...بصي ده صاحب افضل المستشفيات في الشرق هنا وكمان معروف جدا برغم سنه الصغير ودي صورته
اسراء:يالهوووي مز...بس دكتور صعب اوصله
مريم:وفيه ياسين الريس اخوه بردو وتقريبا مشهور عشان اخو فارس...وفيه إياد عز الدين بس ده لسا متجوز من قريب بس عسل والله (رواية الشاب الأسمر موجودة علي الواتباد بتاعي ��)
اسراء:ما علينا كملي
مريم: وطبعاً في عمر الصياد وده مفيش حد ميعرفوش...بس متجوز ومفيش ولا صورة ليه...وفيه شريكه يوسف البحيري
اسراء: قولتي يوسف إيه؟!
مريم: البحيري !
اسراء:واو يوسف هشام البحيري...انا عارفه من وأحنا صغيرين...وخدت منها التليفون عشان تشوف شكله بعد ما كبر...اوبس الواد بقي مز أوي خلاص انا قررت هو يوسف اللي هرسم عليه...ده حتي معرفة قديمة كنت مع اخته في المدرسة وكنا احيانا بنلعب سوي��
مريم:كم إنتي محظوظة يا فتاة...فيه موضوع شغل بينه وبين الشركة اللي هتشتغلي فيها... يعني عندك فرصة تشوفيه...بس هو متجوز
اسراء:متجوز ولا مش متجوز انا عزمت النية خلاص إن مكنش ابن المهدي ف ابن البحيري موجود ��
مريم:تمام
مالك:يلا هنقعد هنا مفيش وش كتير
ميساء:تمام...ادينا قعدنا...عايز تقول إيه بقي
مالك.بحيرة:والله انا مش عارف هبدا منين انا مشتت اوي أصلا
ميساء: تمام ابدأ من اي حتة
مالك.خد نفس عميق: يعني مش عارف اقولها ازاي لكن اتخيلي... إنك تكتشفي بعد فترة أن اللي إنتي مفكرهم عيلتك دول مش عيلتك... يعني انا مش عارف عيلتي مين... عمي محمد وماما أمينة...لا يقربو ليا ولا أعرفهم...انا لما عرفت كده حسيت بسعادة كبيرة وفجأة السعادة دي اتقلبت لحزن
كبير... ملحقتش افرح حتي...ليه بقي... عشان بعد ما كنت مفكر إني يتيم... دلوقتي عندي عيلة...يمكن اب او أم أو أخ أو اخت... مهما كان لكن عندي حد...أيوة كان عندي عمو محمد وماما أمينة...لكن كان فيه نقص جوايا...أول ما عرفت...إني مش إبن مازن الأدهم...بقي عندي أمل... عندي أمل أعرف عيلتي الحقيقة...لكن رجعت حزنت...فكرت من جوايا ليه محدش منهم حاول يوصل ليا مثلاً؟!...أو هل هما عايشين أصلا ولا لأ...والاسواء بقي شعور العجز اللي حسيت بيه...لما لقيت نفسي متكتف كده مش اعرف اروح أسأل عمي محمد عن عيلتي وعن اصلي...فضلت عايش شهور... بشعور الغضب والخوف من جوايا...كان الغضب لأن جزء من قلبي مصدق إني عندي عيلة وأب وام والخ لكن حسيت إن محدش منهم بيدور عليا وإني مش فارق معاهم...الخوف بقي من إن مين هما أبويا وأمي وهل هما ناس كويسين ولا لأ مش قادر أصلا اسكت الشعورين دول طول السنين دي...وبسببهم دخلت في عالم...خلاني مضطر أبعد عن كل قريب...وجرحت حبيب وكسرت صديق...كل ده بسبب اختيار غلط اختارته بسبب مشاعري المتلغبطة...جرحت أكتر شخص حبيته في حياتي وكان حقيقتي الوحيدة في الحياة...وكسرت صديق كان جنبي من بداية حياتي كان بيسمع همي وبسمع همه...بقيت وحيد بسبب اختيار خاطئ...انا كرهت نفسي بسبب العالم اللي دخلت فيه ده...بقيت بتمني إني املك القدرة علي الرجوع بالزمن...اوقف نفسي لما جرحت الحبيب وكسرت الصديق اوقف نفسي وقت ما قررت أدخل العالم المظلم *** ياريت عندي القدرة امنع نفسي...لكن دلوقتي فرصتي الوحيدة هي حد ينصحني ويوجهني للطريق الصحيح (كان قصده بجرح الحبيب هي...وكسر الصديق هي بردو)
ميساء.بدهشة من كل كلمة قالها:مبقتش قادرة تفهم قد إيه هو متحمل وشايل جواه ومفيش حد جنبه مبقتش عارفه تزعل منه لأنه خبي عليها حاجة زي دي بالرغم من إن هو عرف من وهما صغيرين وفضل مخبي عنها سنين...او تديه الحق إنه مقالش ليها حاجة...بقت محتارة تقوله إيه...زي ما كان هو محتار يبدأ يتكلم ويقول إيه
ميساء: مش قادرة أتخيل حتي نفسي مكانك لثانية... إنت إزاي قادر تعيش وجواك بركان كده ازاي قادر تكون هادي... وإنت جواك نار وطاقة تلف العالم لف عشان تعرف مين عيلتك...انا أصلا مش عارفة اقولك إيه...لكن معقول محاولتش تخطي خطوة وتحاول تعرف اهلك مين؟!
مالك:قررت بدل المرة ألف إني أعرف هما مين لكن مع الأسف مفيش ذاكرة...وبيرجع الغضب والخوف يتملكوني!!
ميساء:طيب مش فاكر وأحنا صغيرين...لما كنا دائما بنلعب سوي وحازم ياما كل شوية بيقع ياما يخسر...مش فاكر كنت بتقوله إيه...مش كنت دائما بتقوله... إن الأطفال دائما بتقع وده عادي لأنهم لسا بيكتشفو الحياة... وإن ده طبيعي لكن اللي مش طبيعي إنك تفضل تعيط...وتستني حد يجي يمدلك أيده عشان تقف...لازم تتعلم تقف لوحدك لأن لسا قدامك تجارب كتير في الحياة ولسا هتقع وفي وقت من الأوقات مش هتلاقي الايد اللي تتمد ليك عشان ترجع تقف...ف اتعلم تقف لوحدك من غير ما تستسلم أو تستني عشان ممكن تستني كتير ومفيش أيد تتمد ليك...اتعلم تقف وتواجه كل مشاكل
ومصاعب الحياة اوعي تستسلم ابدا...اياك أصلا تستسلم... فاكر كل ده... إنت تعرف إن حازم دلوقتي بقي في طب...بسبب كلامك اللي إنت كنت بتقولها... دائما بلاقيه بيستعين بجملك لما بيتعب...وبلاقيه بينصحني زي ما أنت كنت بتنصحه... إنت نصحته وهو عمل بنصيحتك لكن دلوقتي الدور والباقي عليك أنك تعمل بالنصيحة اللي هي سبب في تقدم شخص في الحياة دي...اقف بنفسك اوعي تستني حد يمد ايده ليك... إنت اللي دخلت العالم المظلم بنفسك انا هرشدك وإنت حاول تطلع زي ما دخلت لأني مش عارفة الطريق زي ما أنت عارفه... إنت الوحيد اللي تقدر تساعد نفسك...انت الوحيد اللي هتقدر تلاقي اهلك لو حاولت تدور...ومين يعرف مش يمكن أول ما تبدأ تدور عليهم تقدر توصلهم بسرعة لأنهم أصلا بيدورو عليك!... يمكن هما بيدورو عليك من سنين بس إنت مش مديهم الفرصة أنهم يلاقوك وأول ما تدور هتديهم الفرصة والخيط...ف يلا اقف علي رجلك من جديد واياك تستسلم يلا حدد وجهتك يا مالك... وساعد نفسك عشان ترتاح
مالك:انا هقف لكن لو رجعت وقعت...هتشجعيني إني اقف من جديد...لأني تعبت من نفسي اوووي... مخنوق والله بسبب العالم اللي انا فيه...عالم وحش وكل حاجة فيه وحشة وانا تعبت...ف عشان كده توعديني...إنك تكوني جنبي لو وقعت وتشجعيني إني اقف من جديد؟!
ميساء:وعد هكون جنبك علي طول...بس إنت مش ناوي تقولي عن العالم المظلم ده...أو مش دلوقتي لو مش عايز
مالك.بصلها بهدوء:اتاكدي إني أصلا عايز اقولك النهاردة قبل بكرة عايز اقولك...لكن وعد هقولك لما يجي الوقت المناسب تمام؟!
ميساء:تمام ��
ومر اسبوع علي ابطالنا بهدوء بين عمر اللي بيتصرف ببرود لكن خلاص بروده علي وشك الانتهاء لأنه خلاص جه الوقت اللي مستنيه وبين فريده اللي بتتصرف مع عمر بنفس البرود ومالك اللي بيحاول يبدأ حياة جديدة ويعرف حقيقته...وبين آسر اللي خايف من رجوع أمه هو وخالد أبوه...وحازم المشتت بعد اللي سمعه وبيحاول إنه ياخد قرار مصيري...وبين يوسف اللي بقي عنده نفس هم اسر لأن عرف بردو إن أبوه رجع وخايف إنه يزعل أخواته وخايف علي حزنهم... وطبعاً الشر اللي حوالين كل شخص في كل لحظة
.........................
فريده:ده إنت رخم بجد !
عمر.بغرور:قولت أتصرف ببرود لحد ما اعملك مفاجأة لكن مشاء الله عليكي كنتي أبرد مني...وانا اللي كنت بتقهر بدل ما اقهرك
فريده:واتصرفت ببرود عشان كده ولا فيه حاجة تانية أو التصرف ببرود والتغير خطتك بس ولا فيه حاجة تانية ؟!
عمر: الحقيقة فيه...
فريده.بحماس عشان تعرف موضوع الصور: إيه ؟
عمر:انا كنت عايز اوصلك بطريقة ما إنك اتغيرتي معايا جامد بعد ما جه دخيل حياتي...بس عرفت إني أناني... لأني عايز كل الاهتمام ليا...لكن أنا دلوقتي ومن موقعي هذا بقولك... إني قررت أكون اب صالح وحنون لذلك الدخيل ��...لكن بشرط
فريده: وايه هو شرطك بقي
عمر:يعني تعلمي الدخيل ده معني الخصوصيه وإنه مش مسموح ليه يعيط في أوقات غلط ويحاول يبقي راجل وبلاش يتعب كتير وكده
فريده:عندك اومر تانية يا فندم ؟
عمر:لا انا عندي طلب واحد وبس
فريده.بمكر: وايه هو طلبك
عمر.بدراما:انا أريد من زوجتي الجميلة أن تسمح لي بتقبيلها ومعانقتها لي لأني حقا أشتاق لها ��♥️
فريده:لكن زوجتك تريد أن تسالك بعض الأسئلة ��
عمر.شدها ليه:تؤتؤ مفيش وقت للكلام لقد اشتقت الي زوجتي ♥️
ونسيبهم مع بعض والمشهد ده اعتذاراً مني علي النكد القادم تمام ��
مالك.وصل للمكان اللي فيه خليل
مالك:خير في إيه...اوووه نسيت مفيش منك خير أصلا
خليل:هقولك علي الجديد من الخطة
مالك:اتفضل قول
خليل:******* يعني بالمختصر المفيد هيسافرو مع بعض لكن كل واحد منهم هيرجع لوحده
مالك:قد إيه هي خطة ق-رة زيكم
خليل:بدل ما تشكرنا إن ده هيسهل شغلك
مالك:هيسهل شغلي...ده انتوا كده بتسلبو منهم في الأول حبهم وعلاقتهم وبعدين هتسلبو ابنهم...يا تري ودنك سمعت الخطة الق-رة اللي قولتها
خليل:ده شغل شغل لازم تفهم
مالك:****إنت مدرك عايز تخلي شكله عامل إزاي قدام مراته مدرك إن الخطة دي هتقضي علي علاقتهم خالص...وهي هتدمر وهو هيتظلم وهو برئ وهيكون عاجز إنه يثبت براءته قدامها... إنت مدرك إنك بتفرق حبيبين وانا مستحيل أسمح بكده
خليل:ما هو إنت مالكش دعوة باللي هيحصل بينهم كل اللي عليك أنك تخطف الواد
مالك.سكت شوية وقعد يفكر للحظة وأن دي آخر مهمة ليه ولازم يعملها عشان يخلص بقي
خليل.وهو فاهم كويس مالك بيفكر في إيه: متفكرش كتير انا اللي بقولك اهو دي آخر مهمة إنت هتعملها تمام
مالك.وبعد تفكير:تمام خلاص...قول الخطة تاني من جديد واشرح بالتفصيل من أول تدمير علاقتهم لحد ما إزاي هخطف الولد يلا اخلص معنديش وقت خليني اشوف أتصرف إزاي !
خليل:تمام بص يا سيدي **** اي خدمة تانية
مالك: لأ كده تمام.....
وبالفعل تاني يوم عمر وفريده سافرو ويا تري إيه اللي هيحصل ويخلي كل واحد يرجع لوحده ؟!
الحلقة ٨ بعد 300تعليق بس
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)