بقلمى إيمان المهدى
صفحة حكآيآت إيمى
ف الصباح الباكر
على سطح اليخت
مايا مراد انت لسه صاحى منمتش
مراد بإبتسامه تعالى يا حبيبتى .. إيه ال صحاكى بدرى انت نايمه انت وحسام من ساعتين بس
مايا كان نفسى اشوف الشروق وسط البحر بيبقى عامل ازاي وكمان قلقت عليك
مراد. ليه
مايا. منمتش ليه ...بتفكر فيها
مراد. بتنهيده. ....
مايا. عارفة ان مش سهل.
مراد. تعبت مبقتش عارف الاقى طريقى كل الطرق المتاحة مش كامله ان مشيت ف طريق لازم أخسر حاجة أنا ليه بيحصلى كدا ليه حياتى متلغبطه ليه مش عارف أعيش مع ال قلبى اخترها ولا عارف أعيش بحقيقتى.
مايا. أخدته ف حضنها أكيد كل حاجة وليها حل. انت بس اصبر
مراد. ايه ممكن يكون السسب ال يخلى عمى يعمل معايا كدا طيب لو كارهنى وكاره أبويا. ليه كان بيحبكم زي ما حكتولى ليه رباكم. واحتضنكم. ما كلنا ولاد سليم ليه أنا يعمل فيا كدا.
مايا. للأسف ولا أنا ولا أي حد هيقدر يجاوبك على أسألتك غير فايد بنفسه بس المهم متبعدش عن نور ملهاش ذنب يا مراد
مراد. وتفتكرى إيه الحل ساعدينى أعيش مع نور بعد كل دا إزاي قوليلى روح اتجوزها وكمان حياتك معاها بس خلينى أنسى سنين بعدى عنك وعن حسام خلينى انسى ان أبويا اتقتل بسبب ابوها خلينى أنسى ان عايش بهويه مش هويتى. خلينى أنسى ان هخرج عظام أبويا عشان أثبت نسبى ليه ولا أنسى ان اتعلمى شهادة وفاة وانا عايش
عارف نور ملهاش ذنب لو سيبتها هيبقى ظلم ليها بس الظلم الأكبر ان أتجوزها وأذيها. ويمكن أدمرها. لا أنا هقدر أعيش معاها هي بتحمل لقب فايد سليمان ولا هي هتقدر تعيش معايا بعد ال هعمله ف أبوها حتى لو كان دا حقى. عرفتى بقا ان بس مش صعب دا مستحيل
مايا ببكاء خلاص بس اهدى أنا جمبك وكمان حسام. ومش هنسيبك هنبقى إيد واحدة. انت مش لوحدك ولا هتواجه فايد لوحدك
ف مستشفى
باب غرفة نور ف المستشفى .نور اتفضل
فهد. ممكن أدخل
نور بعصبيه. عايز جاى هنا تعمل ايه
فهد. نور ممكن بس تسمعينى وبعدها مش هضايقك تانى
نور. عايز ايه يا فهد
فهد. نور عايزة اقولك ان والله حبيتك
نور فهد اخرج برا
فهد. اسمعينى من فضلك. أنا حبيتك وبردوا أذيتك وضايقتك كتير. وال بيحب ميعملش كدا. بس أنا معترف ان غلطت ف أسلوب تعبيرى عن الحب دا. يمكن لان متعودتش الرفض على حاجة عايزها بس بجد أنا اتغيرت. مش عايز منك حاجة أنا عارف أنك بتحبنى أدهم وانا والله ما هحاول ادخل ف حياتك بس ارجوكى تسامحينى. ولو مش هتكونى حبيبتي اقله نرجع اصدقاء زي زمان
نور انت بتتكلم جد مش معقول ال واقف قدامى دا يبقى فهد الصافى
فهد. والله صادق ف كل كلمه مش بس كدا أنا هثبتلك هحاول تخلى عمو فايد يوافق على زواجك من أدهم.
نور. وبابا بقا هيسمع كلامك يافهد
فهد. أنا لأ بس هيسمع كلام بابا انت عارفة صداقتهم قويه وباباكى دايما بيوافق بابا ف رأيه
نور. بفرحة. أكون شاكرة ليك جدا يا فهد لو دا حصل
فهد. بمكر. يعنى هنرجع أصحاب زي زمان.
نور. بعد ال حكيته دا أكيد.
فهد. طيب استأذن دلوقتى عشان شغلك
نور لنفسها معقول فهد تتغير بالسرعة دى. .. يمكن لو بيحبنى بجد زي ما بيقول وعايزنى مبسوطه الحب بيغير
بعد يومين كانت مايا وحسام ف فيلا البحيرى
عبير. بدموع يعنى هو كويس
مايا والله كويس ياطنط كفايه بقا عشان ضغطك
عبير. كدا يا أدهم. 7 سنين وانا محرومة منك ويوم ما أرجع تحرمنى منك تانى
مايا. صدقينى غصب عنه انت مشفتيش هو تايه ازاى
عبير. عارفة يابنتى ان مش بإيده بس أنا كمان غربته وبعدها عنه وجعنى ازاي
حسام بصراحة يابخت مراد بيكم سنين وهو عايش وسطكم وسط الأمان والدفا وناس بتحبه كدا
مروة أدهم دا أخونا ال كتير ضحى عشان سعادتنا. مع ان مش عارفة ليه حظه كدا. مش عارفة ايه ال ممكن يحصل ف علاقته بنور
محمد. نور كلمتنى واديتها رقمه
مايا. مكنش وقته يا محمد مراد ايه محتاج ياخد وقت يفكر
محمد. لأ. دا وقته مينفعش يفضل الهروب من المواجهه نور لازم تفهم وتعرف وهو لازم يحسم الأمر ويعرف هو عايز إيه. وأتمنى ان يحاول يبعد نور عن دايرة خلافه مع أبوها
مايا مراد بشر وصعب يتحمل وجودها بعد كل أغلاط أبوها معاه. أظن هو محتاج يكون قوى كفايه عشان يقدر يواجهه العاصفة ال جواه بين اختياره لنور ولا انتقامه من فايد
حسام. حتى لو اختار نور. أنا مش هسيب قتل فايد لأبويا وظلمه لأخويا من غير إنتقام ولازم حقهم يرجع
عند نور. كانت مترددة انها تكلم أدهم كرامتها ازاي ميكلمنيش ولا يسأل عليا ويختفى من غير أي مقدمات.
بعدت الأفكار عن مخيلتها. هكلمه وأعرف أسبابه وبعدين أحكم
نور. الووو أدهم أنا نور
أدهم. ساكت مش قادر يكلمها عارف ان أي كله بسيطه منه هيخسرها
نور. يا أدهم. انت فين قلقنى عليك
أدهم. أنا كويس
نور. طيب ازاي مش تكلمنى ولا طمنى عليك الكلام يوم ال فاتوا وأكملت به بإبتسامه إنت اخدت على البعد يا أستاذ أدهم
أدهم. أه وهفضل بعيد لباقى عمرى
نور. بصدمة. أدهم. انت بتكلمنى صح. بعيد ازاي يعنى
أدهم. نوووور. انتهى
نور. هو إيه ال انتهى يا أدهم
أدهم. أنا وانتى خلاص انتهى مش قادر أكمل
نور. بنغزة ألم ف صدرها.وبصوت باكى أدهم. انت بتتكلم ازاي كدا أكيد بتهزر صح طيب أنا. زعلتك ف ايه
أدهم بدموع. إسألى أبوكى. آسف يانور ال بينا انتهى الحب ال جمعنا خلاص خلص وياريت تشوفى حياتك بقا وتنسى أدهم البحيرى لانه خلاص مبقلوش وجوود ومن النهاردة مهما هتدورى عليه مش هتلاقيه لان مجرد خيال اسم من غير شخص. سلام. وقفل الفون.
خرجت نور من المشفى وذهبت للقصر مباشرة
نور بصوت مرتفع ممتزج بعصبيه. بابااااا. .. بابااااا
خرج فايد من مكتبه. ونزلت سميرة وسارة. مع وجود أحمد اجتمع الكل على صوت نور
فايد. بغضب. فيه إيه يابنت صوتك عالى ليه ايه قلة الذوق دى
نور. صوتى عالى دا كل ال يهمك. يافايد بيه. دا كل ال ظاهر عليا ان صوتى بقى عالى وبقيت قليله الذوق.
دا كل ال أحد بالك منه ... وأكملت بدموع. طيب مأخدتش بالك من روحى ال انطفت وقلبى ال اتكسر مخدتش بالك أن بقيت جسم من غير روح ومخدتش بالك ان مبقتش نور بتاعت زمان
فايد. كل دا ليه أنا مش فاهم
نور. عملت إيه تانى لأدهم يابابا. خليته يبعد عنى ليه قلتله إيه عشان يقرر ينهى كل حاجة
فايد أنا معملتش حاجة ولا أعرف بتتكلمى عن إيه
نور. أدهم مستحيل يكدب ومستحيل يبعد عنى وينهى كل حاجة الا لو كان عنده سبب مقنع
فايد. قلتلك معرفش وبعدين ازاي تصدقيه وتكدبينى.
نور. لإن أدهم ليا الروح والنفس ال عايشه بيه واعرفه كويس اوووى اكتر ما اعرفك انت شخصيا أتمنى تكون صادق المرادى وميكونش ليك دخل فعلا
مر اسبوعان كان أدهم بيجمع كل المعلومات عن ممتلكات آل سليمان ودا بمساعدة مايا وحسام
مصطفى. كل الأوراق جاهزة من دلوقتى تقدر تقول أنك مراد سليمان
أدهم دلوقتى بس أقدر أرجع حقوقى أنا واخواتى وحق أبويا
مصطفى. طيب ونور. يا أدهم
أدهم بتنهيدة مؤلمه. مبقاش فيه نور خلاص
مصطفى مش عارف اقولك أيه او أساعدك ازاى
أدهم. مفيش حل ال بين أنا ونور. انتهى. مش بمزاجنا داغصب عننا
مصطفى. طيب يا أدهم أنا همشى وكلمنى أول ما تكون مستعد
على الشاطئ كان يرسى اليخت
أدهم وهو يعطى ظهره لها ويشم رائحتها ... كنت عارف ان جايه. عشان كدا استنيتك
نور أنا ياما استنيك يا ادهم وانت كل مرة بتخذلنى واحد دلوقتى لسه مؤمنه بحبنا وعندى أنا ان كل هيعدى ونكون لبعض
أدهم كان لسه عاطيها ظهره وعيونه تدمع. يبقى بتحلمى يا بنت فايد أنت بالنسبالى بنت أكبر عدو ليا
نور. أدهم. بصيلى هنا وواجهنى ايه ال بتقوله دا بابا كل ال عمله عشان خايف على بنته ودا حقه كأب. أرجوك يا أدهم بلاش تبعدنى بلاش نخسر حبنا عشان أي حد
أدهم. بس لازم أخسره. لو مكنتيش بنت فايد كان مستحيل أخسر حبك
نور. طيب لو المشكله ف بابا أنا هبعد عنه هبعد عن الكون كله بس متبعدنيش عنك
أدهم. مش سهل أكون معاكى مش هقدر أشوف بنت عدوى ف حضنى
نور. أدهم انت أكيد مجنون. ايه ال عمله فيك فايد سليمان عشان يبقى عدوك بالشكل دا
أدهم. بعصبيه. قتلنى. أبوكى قتلنى قتل روحى يوم ما قتل أهلى. يوم حط مسدسه هنا. وشاور على جبيبه قتلنى لما عطانى لموظف بسيط يربيتى. لما حرمنى من اخواتى من قصرى من هويتى بالكامل
نور. بصدمة. اااانت تقصد ايه واهلك مين انت ابن عمى محمود.
أدهم. بغضب لأ لا أنا ابن محمود البحيرى ولا أنا أدهم
نور اومال انت مين
أدهم. أنا مراد سليم ابن سليم سليمان عمك يانور ال أبوكى بدم بارد واستولى على قصره وحياته كلها دمرها أبوكى بإشارة واحدة منه
نور. بدموع انت. ازاى. تكون مراد هو مات من سنين
ادهم.لأ أنا عايش تحبى تعرفى أبوكى عمل ايه فيا وف اهلى. ......
نور. .......
أدهم اظن كدا فهمتى أنا ليه أبوكى عدوى. عرفتى ايه ان مستحيل نتقابل ف طريق واحد. لان طريقى. كله إنتقام من أبومى. تحبى تعيشى معايا وانا بخطط للإنتقام من أبوكى. هتقدرى. وانا تفتكرى هقدر أتجاهل انك بنت قاتل أبويا وأعيش معاكى
إنسى يانور. لازم تواجعى قدرك وهو ان أدهم البحيرى دا ملوش وجود اعتبريه كان حلم ياريت بقا تفوقى. لانك كدا هتغرقى ف نار مراد سليمان.
نور انا آسفه لكل ال بابا عمله. مش هقدر أقولك انسى انتقامك وخلينا نكون لبعض.. لان وجودنا مع بعض هيكون جحيم ليا وليك.
اقتربت من أدهم ووضعت يدها مكان قلبه
اتمنى قلبك يكون سعيد بدونى
أدهم. كان جواه ألم وحيرة قلبه حزين مكسور
نفسه يصرخ ويقلها متبعديش
بس نار الإنتقام كانت أكبر من حبهم
اكملت نور . أنا هبعد مش هكون سبب ف حزنك تانى. هبعد لآخر عمرى. اتمنالك حياة أفضل وسعادة دائمه...
نور كانت بتعبد وأدهم كان بيبكى كل حاجة جواه رافضه بعدها رافض القدر ال يبعده عن روحه. بس مش دايما أقدارنا بتكون زي ما بنتمنى. الله وحده أعلم بخبايا القدر.
السابعة عشر عاصفة القدر
بقلمى إيمان المهدى
صفحة حكآيآت إيمى
أول يوم ف حياة مراد سليمان.
ف الشركة
أحمد بعصبيه أجتماع ايه ال بعد 5 دقايق ومين ال عمله من غير إذنى
سهى يافندم أنا معرفش مين ال عمله آنسه مروة بلغتنى ان أقولك ف إجتماع للإدارين ولما سألتها قالت اقول كدا وبس
أحمد أنت هبله يابت انتى هو فيه ادارين غيرى
سهى. يافندم استاذ حسام وآنسه مايا وكمان فايد بيه كلهم ف غرفة الإجتماعات
أحمد. طيب وبابا من امتى بيجى الشركة وحسام ومايا من إمتى بيعملوا إجتماع
وقام بكل عصبيه اتجه لغرفه الإجتماعات
فايد. فيه ايه يا أحمد إجتماع ايه دا ال لازم احضره
أحمد. يعنى مش انت ال طلبت نعمل إجتماع
فايد يابنى أنا إيه دخلى وبعدين أنا سبتلك كل حاجة تديرها من سنين كفايه عليا المجلس وهمه.
أحمد اومال مين بلغك
فايد سكرتيرة مكتبك ال طلبت منى ان لازم أحضر فكرت ان فيه مشكله وانت طلبت حضورى
أحمد بس مش أنا ال عامل الإجتماع دا وبعدين سكرتيرتى قالت متعرفش
سهى بجد معرفش. مروة هي ال طلبت فايد بيه
أحمد. مروة. مين ال طلب منك كدا
مروة ......
أحمد. يوووووه. انت يا حسام ولا مايا
حسام. لا أنا ولا مايا يمكن صاحب الشركة
أحمد. هي فزورة. هو فيه صاحب للشركة غيرى
دخل مراد. بهيبه. بكل ثقة. أنا
التفت الجميع له. أحمد. انت ادهم. انت هنا بتعمل ايه
مراد. أدهم مين حضرتك. أنا مراد سليم ابن سليم سليمان صاحب الشركة وانا ابنه ووريثه
فايد كان مصدوم من وجود مراد. وتقريبا كدا فهم ان عرف كل حاجة. وان خلاص زُفت طبول الحرب
أحمد. مراد مين انت اتجننت
مراد اتقدم ناحيه المحامين. دى أوراق تثبت نسبى وشهادة ميلادى وأوراق ملكيه مجموعة آل سليمان كل الأوراق والإثباتات هنا داخل كل ملف هتلاقوا صور يثبت صحة كلامى وقرب من الكرسى الرئيسي وقعد عليه بكل ثقه. ودا دايق أحمد زيادة ماتقعد يا أستاذ أحمد المحامين هياخدوا وقتهم على مايراجعوا الأوراق
أحمد أنا ... أسكته فايد. اقعد يا أحمد
المحامى كل الأوراق سليمه ومراد بيه فعلا ابن سليم بيه الله يرحمه وبكدا بيكون مالك رئيسى ف الشركة
أحمد. بابا ازاى الكلام دا مش دا أدهم البحيرى انتوا هتجننونى
مراد. قولتك إسمى مراد مفيش أدهم البحيرى
وكمل كلامه للمحامى أظن كدا ليا الحق ف إدارة المجموعة كلها
أحمد أنت اتجننت حتى لو نفترض أنك مراد فأنت ليك أسهم معدودة هنا ودا ميخلكش تدير المجموعة
مراد ليا ايه
أحمد. 25بالميه بس
مراد أحسب كويس يا أستاذ أحمد أنا ليا 75 بالميه أسهمى أنا واخواتى ال اتنازلوا ليا عن حق التكفل بأسهمهم
المحامى. يعنى حضرتك يا أستاذ أحمد ليك 25 بالميه فقط ف المجموعة
مراد. ثوانى يا متر. دا كان قبل الخسارة الأخيرة ف صفقه ال راحت عليك وال استاذ أحمد كان داخل فيها بأسهم الشركة ال هو مايملكهاش وطبعا خسر أسهمنا كتير ودا كان بدون موافقتى. وانا المساهم الأكبر يبقى بالعدل كدا يا تعوضنى خسارتى يا اما تتنازل حالا عن 10 بالميه من أسهمك كتعويض
أحمد ايه الكلام ال بيقوله دا إزاي خسرنا المناقصة
سهى كنت هبلغ حضرتك بس نسيت بسبب الإجتماع المفاجئ ف شركة جديدة بإسم البحيرى هي ال أخدتها
أحمد بس لمراد. بصدمة دى شركة أدهم ال ملوش وجود صح.
مراد بإبتسامه. ايه رأيك يافايد بيه أظن عرفت كل دا بيحصل ليه
أحمد. فهمنى يابابا. انت قاعد ساكت والشركة بتروح منى
فايد. أحمد. تعالا معايا دلوقتى
أحمد هنمشى إزاي يابابا
فايد. بغضب. قولتلك امشى معايا
مراد. لسه الحساب تقيل يافايد
بعد ما خرجوا.
مايا أنا زعلانه على أحمد هو ال كبر الشركة السنين ال فاتت وتعب عليها
مراد أنا عارف بس لازم فايد سليمان يتعلم الدرس الأول. الصبر حلو
بس دلوقتى يالا بينا احنا كمان الحاجة عبير عملنا الاكل ال بنحبه لو إتأخرنا شويه كمان هتعلقنا
دخل فايد القصر وأحمد وكان الغضب مسيطر على الكل
أحمد. بصوت عالى اتجمع عليه القصر يعنى ايه تعبى السنين دى كلها يروح كدا ف دقايق. وازاي يعنى مراد سليمان عايش وكلنا عارفين ان مات من سنين
فايد معنديش أجابات ليك
أحمد. بقى هي بقت كدا لازم استسلم وأسلم تعبى لغيرى
سميرة. مراد مين ال عايش
أحمد مراد بن عمى سليم عايش والمفاجأة بقى ان هو نفسه أدهم البحيرى.
سارة معقوله إيه ال بتحكيه دا
خالد. أدهم مين أدهم صاحبى. ازاي بقى مراد سليمان
أحمد بنفاذ صبر. ايوه هو وجاي يستولى على كل حاجة بشوية أوراق. هو دا ياست نور ال حبتيه وبتقولنا فيه أشعار. اهو جاي ياخد كل حاجة ومش همه حتى حبك. والله لو آخر يوم ف عمرى ما هجوزهولك يانور
نور. أنا كنت بحب صياد بسيط اسمه أدهم بس أنا معرفش الشخص ال بتتكلم عنه دا وبعدين متقلقش يا أحمد. سواء كان أدهم او مراد خلاص حكايتنا انتهت وللأبد. والبركة ف بابا. وسابتهم خرجت بره القصر تحاول تلملم نفسها بعيد عن الكل
خالد أنا ماشى لازم أفهم من أدهم ايه حكايه مراد دى
فايد دخل مكتبه وبص لصورة سليم المبتسم. وبحزن. خلاص الأمور خرجت من إيدى يا سليم وإبنك محدش هيقدر يحميه بعد النهاردة الا إذا كان قدره مكتوب فيه أن يعيش بعد ما اتعرف هو مين
ومسك الفون وكلم محمود.
محمود. عايز إيه يافايد
فايد. بحزن. وكسرة. عملت ليه كدا حكيت لمراد حقيقته ليه
محمود خايف منه خايف من انتقامه
فايد. بصوت متحشرج يكاد يبكى خايف عليه انت غبى يا محمود لو كنت فكرت لمرة واحدة كنت عرفت ان بحميه مش بأذيه.
محمود. بإستغراب بتحميه من إيه دا انت رفعت عليه مسدسك كنت عايز تقتله
فايد. عمرك ما هتفهم. ولا عمرك هتشوف صح. انت ضيعته اوعى تفتكر أن لما أخد اسم مراد سليمان هيكون كدا قوووى وف آمان. انت بغبائك ضعيته وضيعت الكل
محمود. انا مش فاهم ضيعته ازاي لم يكمل بسبب غلق فايد الفون
فايد. أعمل ايه ياربي. احميه ازاي. بس
طيب اقوله ايه واحكيله أنا عملت كدا ازاي وصورتى هتكون شكلها ايه قدام عيلتى لو الحقيقة اتعرفت.
بعد قليل. استأذن مصطفى بالدخول ( من حرس القصر) ارجعوا لثانى حلقة. تحت أمرك ياباشا
فايد. مصطفى أنا بثق فيك وعارف أنك عندك ضمير. عايز أطلب منك خدمة واطلب ال انت عايزة
مصطفى يافايد بيه أنا تحت أمرك ف اى حاجة
فايد. مراد سليمان. اقصد أدهم البحيرى يبقى إبن أخويا سليم اسمه مراد
مصطفى. أدهم بيه ازاى ..
فايد مش وقت أسئلة. أنا عايزك تبقى زي طله ميغبش عن عينك ف ناس عايزة تخلص منه ودول مش أى حد لازم تلاقى أحسن حرس يقدروا يأمنوه معاك. وإياك يحس او يعرف أن حد بيراقبه. ابن أخويا حياته بين إيديك
مصطفى حاضر ياباشا. أنا وال معايا هنكون زي طله مش هسمح بحاجة تحصله
على طاوله الطعام ف فيلا البحيرى.
مراد الله يا ست الكل تسلم ايدك وحشنى أكلك يا أمى وقبل إيديها
عبير ببكاء. كنت خايفه لتنسانى يا حبيبى وتبطل تقولى يا أمى
مراد مقدرش انسى ال عملتيه عشانى انت أمى حتى لو مكنتيش ال جبتينى على الدنيا كفايه أنك مفرتيش ف المعاملة بينى وبين ولادك محستش يوم انك مش أمى
مروة. قلبناها دراما بقى. والنبى كفايه يا بيرو عشان تعبنا من الحزن
عبير. مفيش حزن تانى من النهاردة
مراد. عشان كدا أنا جاي أطلب إيد أخويا لأختى
الكل بإستغراب. نعم!!!
مراد. ههههه اهدوا بس. هي مش مايا أختى ومحمد أخويا وانا جاي افك الحصار ال عملينه على نفسهم واجوزهم بقا
محمد. بإستغراب. انت. ...
مراد قبل ما تقول حاجة أنا عارف أنك انت ومايا عايزين بعض ومن زمان وغمز تجاه مروة بس حضرتك مبتتكلمش قولت اتكلم مكانك أنا
مايا بزعل. مش هينفع يا مراد. محمد عمره ما قال ان عايزنى بلاش تحرجه
مراد بص لمحمد. وغمزله عشان ينطق
محمد. أنا عارف ان متكلمتش ولا قولتلك. بس كان كل حاجة بعملها بتبين ان عايزك وبتمناكى. وسكوتى كان بعد ما عرفت ان أدهم هو نفسه أخوكى مقدرتش اتكلم ولا اعلقك بيا غير لما أدهم يرجع وأعرف مصيره إيه
مايا. بس كنت قولت على الأقل أنك عايزنى
محمد. خفت اتعدى حدودى وقتها هحس ان بخون أدهم. ولان مش قادر اتقدم فسكت
حسام. اظن كدا كل حاجة وضحت.
محمد. تتجوزينى يا مايا
مايا ابتسمت بخجل ...
مراد. يابنى افهم بقا وخلصنا البت بارت جمبك
عبير. متقولش كدا على مايا. دى ست البنات ايه رأيكم يا ولاد الخطوبه تبقى الإسبوع الجاي
مروة. هااااا مبروك يا مايا وأخيرا عندنا فرح
مراد. بس ياهبله. وعقبالك الدور عليكى.
مروة انت الأول ياسطى
مراد. يابنتى نقى كلامك وخليكى كيوت شويه يمكن نلاقى حد يتهبل ويتجوزك.
مروة اتذكرت أحمد. ال بقى صعب يكونوا سوا بالأخص بعد انزعاج أحمد من مراد النهاردة
ف وقت متأخر من الليل
كان مراد ف سيارته ولكنه تفاجى بأحد يشاور له ان يقف
مراد هدى سرعة السيارة ورجع للخلف نعم يا آنسه خير
عليا بمكر. أنا آسفه ان وقفت حضرتك بس عربيتى عطلت والوقت اتأخر ومش عارفة أعمل ايه
مراد اتفضلى اوصلك واقفلى العربيه كويس وانا هبعت حد يسحبها يصلحها ويجبهالك مكان ما تحبى
عليا. شكرا جدا يا أستاذ ....
مراد. مراد.
عليا. استغربت الإسم هي عارفة ان إسمه أدهم بمكر. مراد
مراد مستغربه ليه
عليا والله مش عارفة أنت ولا أنا بتهيألى
مراد هو مين
عليا أصل أنا كنت أعرف حد اسمه أدهم يشبهك جدا
مراد مبتسم ياشيخة وتعرفيه منين بقا
عليا. كنت ف خطوبه ناس معرفه وشوفته وعرفت ان إسمه مراد وكمان حبيب صديقه ليا تقريبا كدا يخلق من الشبه أربعين
مراد لا ياستى هو أنا نفس الشخص ال بتتكلمى عنه بس اسمى مراد مش أدهم او تقدرى تقولى غيرت إسمى
عليا. هههه بالسهوله دى نغير اسمائنا. طيب ياأستاذ مراد أنا تشرفت بمعرفتك أنا اسمى علياء بيقلولى عليا
مراد امممم طيب يا عليا ايه ال مأخرك برا للوقت دا
عليا. دا سؤال بقا شكلك فضولى
مراد ابدا أنا بسأل عادى تقدرى متجاوبيش
عليا لا ابدا أنا بحب اهزر ياسيدى أنا دكتورة وشغاله ف مستشفى بابا وكان عندى عمليه فاتأخرت بس كدا
مراد. اممم دا من حظى
عليا بمكر. مش يمكن من حظى أنا بس قولى امتى هتتجوز انت ونور
مراد......
عليا أنا آسفه ان كنت ضايقتك بكلامى بس أنا بجد بحب نور ونفسى تستقر بقى بعد ماحبت مرة واتنين ولسه كدا مش عارفة هي عايزة ايه
مراد. نعم. حبت مرة واتنين.
عليا. اااانا مقصدش حاجة هو بس أصل
مراد. اتكلمى وبلاش توتر أنا ونور اصلا مش لبعض كلامك مش هيأثر على علاقة انتهت
عليا حست ان مراد سهل ليها الوصول ليه أصل طول عمرى وانا عارفة ان نور وفهد الصافى اصحاب اوووى وكانوا بيحبوا بعض بس معرفش ليه نور اتحولت عليه يوم حفلة اليخت مع ان فهد كان شارب ومش حاسس كان ممكن تسامحه ولو كانت محافظه اوووى وبتخاف على سمعتها مكنتش ف الراحة والجايه معاه وهي ماسكة ايده بس تغيرها المفاجئ كان مضايق فهد وفضل سنين يترجاها تسامحه وفعلا سامحته وباباها قرأ فاتحة وحددوا الخطوبه ويومها استغربت ردت فعل نور ليه عملت كدا واحرجت فهد وهى كانت موافقه عليه اصلا بس لما شفتك ف الحفلة اتأكدت ان نور هتعمل مشكله عشان الخطوبه متمش ال زعلنى بس هي ليه عايزة كل حاجة عايزاك وعايزة فهد ليه وافقت عليه لما هي بتحبك. وليه دلوقتى رجعوا لبعض تانى وسابتك
مراد انت بتقولى ايه انت كدابه
عليا. وانا هكدب ليه هستفاد ايه ممكن تقولى
مراد نور لا يمكن تحب حد غيرى
عليا. الله يسامحك يا نور على ال بتعمليه نفس كلام فهد ان مش بتحب غيره أنا خايفة فهد يرجع يتوجع منها تانى بعد ما رجعتله
مراد انت عرفتى ازاي انهم رجعوا لبعض
عليا كانوا مع بعض النهاردة ف كافتيريا المستشفى وتقريبا يوميا بيتغدوا سوا ويوصلها آخر اليوم لبيتها. وكمان فهد نفسه قالى كدا لان احنا الثلاثه اصحاب من زمان طيب استنى اقرا الرسالة دى فهد بعتهالى من شويه " أنا مبسوط اوووى يا عليا ان نور رجعتلى أنا لازم اعجل بجوازنا لترجع تبعد تانى عنى انت عارفة ان حبنا مش من يوم ولا اتنين دا
حب عمرنا كله حب طفولتنا ". صدقت. عشان كدا اتبسطت لما قلت أنكم نهيتوا علاقتكوا. كدا نور مش هتبقى ف حيرة ولا مقارنة بينك انت وفهد
مراد. كان جواه بيصرخ. مش مصدق ال سمعه ولا الرسالة ال شافها معقول نور كل السنين دى بتخدعه. طيب ازاي. دموعها كانت مزيفه حبها كله كان كذبه وانا عايش فيها فاق من شرودة على عليا بتكتب رقمها ف فونه وبتتصل على نفسها
عليا بخجل مزيف أنا آسفه كتبتلك رقمى عشان لما تكلمنى بعد تصليح عربيتى وسامحنى لو كان كلامى عن نور دايقك
مراد كان ساكت مش لاقي
