العبقري
( الجزء الثاني والعشرون )
البيدج الاصليه حكآآيآآت مآآهي
بقلمي مآآهي آآحمد
يامن : يلا يانايا مافيش وقت ونايا لسه هتمد ايدها لي بصت قدامها وبقت متنحه ضمت حواجبها وهي بتحاول تشوف من بعيد
بقلمي مآآهي آآحمد
يامن كان فوق ومادد ايده لنايا
يامن : يلا يا نايا مافيش وقت مستنيه ايه ؟؟
نايا بتبص لاقت بنت صغيره ماتجيش الاربع سنين قاعده في الارض وضمه رجليها وبتعيط وامها جنبها ميته وهي بتحاول تقوم امها
الطفله : ( بعياااط ) مااااما .. ماااماااا
نايا شافت فيها اخواتها الصغيرين من مامتها اللي ربتها
ومن غير تفكير راحت مشيت قدام وراحتلها ومش همها ضرب النار اللي حواليها ..
يامن : ( بينادي علي نايا ) نايا .. ناااااايا ..
يامن نزل مره تانيه وجري عليها وراحلها ووقف قدامها وحط ايده علي راسها وخلاها توطي راسها عشان ضرب النار
يامن : ( بزعيق ) رايحه فين ؟
نايا : البنت ( وشاورت عليها )
يامن بص وراه لقي البنت بتعيط وقاعده جنب مامتها الميته وممكن الرصاص ييجي فيها في اي بحظه وتموت بس هو كان بين نارين بص لنايا
يامن : البنت بعيده جدا علينا .. ولو طلعنا من الممر ممكن مانعرفش نرجعله تاني من ضرب النار
نايا : مش هينفع نسيبها يا يامن .. انت نفسك مش هتعرف تسيبها
يامن : طيب خليكي هنا
نايا : مش هسيبك .. هاجي معاك ..
بقلمي ماهي احمد
نايا مسكت ايد يامن وشبكت صوابعها بصوابعه يامن بص علي ايدها وابتسم وهي بقت تبص في عنيه
مافيش احلي ولا اجمل من احساس انك تلاقي حد معاك وفي ضهرك دايما مهما حصل ..
يامن : ( يامن بابتسامه ونظره حب لنايا ) تعالي معايا
يامن بقي يوطي في عز ضرب النار وبقي بيستخبي ورا عمود
وكله حرفيا كان بيضرب في بعض رجاله القائد مع رجاله الجبالي الاتنين سوا
بقلمي ماهي احمد
يامن وهو مستخبي ورا عمود وماسك ايد نايا وكل شويه يبص علي البنت كان ضرب النار حرفيا حواليها في كل مكان نايا خافت علي البنت اكتر ومش همها نفسها وسابت ايد يامن وجريت علي الطفله
يامن شاف كده وقتها بقي بيضرب نار وبيحمي ضهر نايا لحد ما راحت للطفله وشالتها علي دراعها بسرعه جدا وبقت تجرى بيها مره تانيه ليامن .
ووقفت وراه ورا العمود
يامن : ( بزعيق ومسك وش نايا ) انتي مجنووووونه .. انتي ازاي تعملي كده .. ازاي تروحي وسط ضرب النار ده كله
نايا وهي بتبصله وحاضنه البنت في حضنها والدموع بتلمع في عنيها
نايا : كنت خايفه عليها لا تيجي رصاصه فيها وتموت
يامن : تقومي تموتي نفسك .. ده اسمه انتحار
نايا : لا يا يامن .. انا عارفه انك هتحميني .. انت معايا ومش هتسمح لحد انه يأذيني صح يا يامن
يامن حط ايده علي نايا ورا راسها وضمها لحضنه والبنت كانت في النص ما بينهم
يامن : صح يانايا .. صح ..مش هسمح لحد يأذيكي بعد كده
بقلمي ماهي احمد
يامن مسك نايا من ايديها وحاول يرجع في طريق الممر مره تانيه للاسف معرفش
مسك ايد نايا وشال البنت منها والبنت كانت بتعيط وبقت نايا ماشيه وراه وبتتحامي فيه
وبعدها فتح زي سرداب نزل منه تحت الارض وقعد نايا والطفله اللي معاها
يامن : اسمعيني كويس يانايا خليكي هنا اوعي تتحركي انا مش هقدر اتحرك بيكم انتوا الاتنين في وسط ضرب النار ده
كله انا محضر مكان نتخبي فيه .. بس لازم اجيب نواه الاول مش هينفع اسيبه استنيني اوعي تتحركي من هنا
نايا بصت ليامن وشاورت براسها من فوق لتحت
نايا : هستناك يايامن
يامن : ( بابتسامه خفيفه وهو بيبص في عنيها ) عارف
يامن لسه بيدي نايا ضهره
نايا : خللي بالك من نفسك يايامن
(يامن لف وبصلها )
يامن : ماتقلقيش هرجعلك
نايا : ( بابتسامه خفيفه ) عارفه
يامن ساب نايا وطلع مره تانيه عشان يجيب نواه ونايا اخدت الطفله في حضنها اكتر وبقت تسمع صوت ضرب النار من فوقيها وكل ما تسمع صوت الطلقات والناس اللي بتموت تغمض عنيها اكتر وتحط ايديها علي ودان الطفله عشان الطفله ما تسمعش صوت الضرب ده كله
يامن بقي وهو ماشي كل شويه حد يقابله ويضرب عليه نار
بقلمي ماهي احمد
وبسرعه جدا كان بيضرب عليهم نار من المسدس بتاعه بيبص لقي الطلقات اللي معاه خلصت رمي المسدس وبقي يطلع سهم من الشنطه اللي علي ضهره دايما ويموتهم بالسهم ده
اخيرا عرف يعدي الممر وطلع علي السلم مره تانيه لقي نواه مرمي في الارض ومغم عليه من كتر التعذيب اللي الجبالي عذبهوله وكان لازم يتعالج
يامن جري علي نواه وبقي بيحاول يفوقه
يامن : نوااه .. ( بيضربه علي خده بالراحه عشان يفوء ) نوااه اصحي يانواه فوء
نواه : ____________
يامن حط ودنه علي قلب نواه عشان يسمعه لقاه قلبه بيدق
يامن اتنهد واطمن ان صحبه لسه عايش
بقلمي مآآهي آآحمد
يامن رفع نواه وشاله علي كتفه ونزل بي من علي السلم
بسرعه وبقي يطلع من الممر مره تانيه وهو شايل نواه وبيحاول يعدي بي طلع علي ساحه القريه ودخل جوه عشه من عشش اهالي القريه لقي ست مستخبيه فيها ومعاها اولادها وحضناهم والرعب مالي عيونهم واطفالها بيعيطوا وماسكين فيها وحضناهم ..
الست : ماتعملناش حاجه احنا مالناش دعوه بحد ياعبقري
العبقري نزل نواه من علي كتفه وسنده علي الكنبه
العبقري : ماتقلقيش .. مش هعملك حاجه بس اوعي تطلعي من هنا
العبقري لسه بيتكلم سمع حد جاي عليهم شاور للست انها تقوم بسرعه هي واطفالها .. الست استخبت بسرعه هي واطفالها والعبقري وقف علي جنب لقي اتنين رجاله ماسكين السلاح وداخلين العشه
بقلمي ماهي احمد
العبقري بيبص لقي حبل مرمي في الارض واول ما اول واحد دخل منهم حط الحبل حوالين رقبته وبقي يحاول يخنقه الراجل التاني بسرعه بقي بيحاول يضرب نار علي العبقري بس العبقري وقتها كان حاطط الراجل التاني قدامه وكان بيخنق فيه بأيديه
بقلمي ماهي احمد
اللي كان ماسك المسدس مكانش قادر يصوب ناحيه العبقري راح ضارب صاحبه بالنار في قلبه بقصد عشان يمسك العبقري صاحبه مات والعبقري اول ما شافه كده سابه بسرعه ولسه بيطلع سهم من الشنطه بتاعته الراجل ضربه طلقه بالنار جت في كتفه العبقري مسك كتفه وبص للراجل نظره غيظ راح الراجل لسه بيضرب نار مره تانيه علي العبقري لقي الرصاص خلص من المسدس العبقري بصله كده نظره غيظ وحقد وريأكشنات وشه كلها اتغيرت
العبقري: دورى انا بقي
قرب من الراجل ومسك راسه تناها في ايده وموته
الست : انت كويس
العبقري: خليكي هنا اوعي تطلعي من هنا واقفلي الشبابيك والباب اقفلي الباب وماتخليش حد يدخل انتي فاهمه
الست : فاهمه ..
هسيب معاكي نواه خمس دقايق وراجع علي طول
العبقري طلع من العشه بسرعه وبقي يحاول يدور علي اي عربيه يقدر ياخدها من رجاله القائد بسرعه لحد ما اخيرا لقي واحده وفيها راجل ميت وساند علي الدريكسيون براسه والدريكسيون كان كله دم العبقري نزله ورماه في الارض بسرعه وشغل العربيه ووقفها بعيد ناحيه الممر بس من بره القريه بحيث انه اول ما يطلع من الممر تحت الارض هو ونايا والبنت يلاقوه العربيه
---------------------------بقلمي ماهي احمد -----------------------
(في نفس الوقت )
تيم راحت للقائد
تيم : اسمعني ياقائد عايزاك حالا
القائد وهو مشغول جدا مع رجالته وبيحاربوا الجبالي
القائد : مش وقتك خالص ياتيم
تيم : بالعكس ده وقتي يامن كان عاملنا كمين من الاول عشان نخلص علي بعض افهم
القائد : يعني اي انا مش فاهم حاجه
تيم : يامن كان عارف من الاول ان نايا ليها اخت توام ورغم كده جابها لينا واخدناها وشربنا المقلب عشان يورينا القريه بتاعت الجبالي وفي نفس الوقت ادى اسلحه للجبالي
عشان يحاربنا بيها .. الاسلحه بتاعتنا اللي كانت ضايعه مننا في المخزن اكيد في حد بيساعده وطبعا انت بدور عليا وعلي نايا وهو استغل الحته دي وبقي يسرق الاسلحه بتاعتنا لعبها صح ابن ال ..
القائد : طيب والعمل هنعمل اي
تيم : فرص ان احنا نفوز علي الجبالي قد اي
القائد : لحد دلوقتي مش عارف الفرص متساويه طول ما معاهم اسلحه فرصنا متساويه وماتنسيش اننا علي ارضهم هما بيطلعولنا من تحت الارض
تيم : لازم نجيب الجبالي ونحط ايدنا في ايده طالما بقي معاه اسلحه ونقف في وش يامن وهو معانا
القائد : انتي اتجننتي
تيم : لو انسحبنا من قدام الجبالي الدنيا كلها هتعرف اننا انهزمنا وصورتنا هتتهز قدام القري كلها لازم ناخده في صفنا طول ما معاه الاسلحه هيبقي راسه براسنا فهمت
القائد : انتي شايفه كده
تيم : انا مش شايفه غير كده لازم نطلع من الموقف ده بأي طريقه وبعد كده نبقي نخلص عليه براحتنا
القائد : تمام هبعتله حد يبلغه بكلامك
تيم : ( قفلت عنيها نص قفله بنظره شر ) انا متاكده انه هيحط ايده في ايدينا
----------------------بقلمي ماهي احمد ------------------------------
( في نفس الوقت )
يامن رجع مره تانيه العشه لنواه عشان ياخده
(يامن بص للست )
يامن : تعالي معانا لو فضلتي هنا هتموتي
الست: ماقدرش اسيب العشه اروح فين انا هفضل مستخبيه هنا مش هتحرك انا وولادي مش هسيب ابوهم هو اكيد هييجي
يامن : كل اللي بره مات اتحركي قومي بسرعه
الست : يبقي نموت انا وولادي معاه
يامن لسه هيتكلم لقي ضرب نار والست بقت تترجاه يطلع بسرعه من العشه عشان تقفل الباب ومكانش في حل قدام يامن غير انه يطلع بسرعه يامن طلع وقفل الباب وراه وبقي شايل نواه علي كتفه وبيجرى بي في وسط ضرب النار والدمار وحطه في العربيه بسرعه في الكرسي اللي زراه وقلبه مكانش مطاوعه يسيب الاطفال دي لوحدها رجعلهم مره تانيه بس وهو رايح اتحدف علي العشه قذيفه ار بي جي دمرت العشه باللي فيها ويامن اتحدف بعيد ووقع في الارض وبقي شايف العشه وهي بتولع قدامه بص للعشه والاطفال اللي بتتحرق جواها وداس علي سنانه وضرب بايده في الارض من غيظه وقام بسرعه وبقي يجرى عشان يروح لنايا واول ما دخل الممر فتح السرداب بيبص مالقاش نايا ولا الطفله
يامن : نايا 
