غرام مشعوذه 💕
(الجزء السابع)
بقلم ماهى احمد♥
لاقيت دوده بتمشي في شنطتي زي الدود اللي حلمت بيه روحت لخالتو فريده بسرعه وقولتلها شايفه الدوده دي لاقيتها في شنطتي ياخالتو معنى كده ان التعويذه حقيقي وبدفع تمن تحقيقها قالتلي يابنتي البيت قديم وكله دود بياكل الخشب عادي يعني لما تلاقي دوده في شنطتك قولتلهم يووووه انتوا مش عايزين تصدقوني ليه؟ ردت خالتو حكمت وقالتلي عشان يابنتي فهد كويس بلاش تضيعيه من ايدك قولتلها اضيعه ما هو ضاع خلاص ياخالتو هو انا لسه هضيعو 🙂🙂
فضلت اسبوع مابروحش المستشفى وبعد كده نزلت تاني
واول ما روحت لاقيت دكتور فهد هناك كنت بحاول ابعد عنه بكل الطرق وبقيت تحت التمرين مع دكتور فارس صاحبه واحنا بنتمرن دخل علينا دكتور فهد وقال ياجماعه انا خطوبتي الخميس اللي جاي ان شاء الله اتمنى من الكل يحضر الخطوبه هتكون في الفيلا عندنا والجواز اخر الشهر ان شاء الله
انا سمعت كده زي ما يكون حد جاب سكينه وغرزها في قلبي
ومشيت على طول دخلت الاوضه عشان اقلع البلطو بتاعي
وامشي واول ما دخلت ماقدرتش امسك نفسي من العياط وبقيت اعيط بصوت جامد لاقيت فهد فتح الباب بسرعه ودخل عليا مسحت دموعي بسرعه بس كان باين اني معيطه وقولتله انت بتعمل اي هنا قالي انتي كنتي بتعيطي قولتله وهعيط ليه؟ قالي عشان سمعتي خبر خطوبتي مثلا قولتله ان..انت بتقول اي لا طبعا قرب مني ومسك ايدي وشيك صوابعي بصوابعه وبقي يرجع بيا لورا لحد ما خبطت في الحيطه وبقي وشي في وشه بالظبط وقالي كداااااااااابه انتي بتحبيني وهتموتي عليا من جواكي دلوقتي انا مش عارف بتعملي كده ليه بس كل اللي اعرفه انك لو عايزه تثبتيلي فعلا انك ما بتحبنيش تعالي خطوبتي وشوفيني وانا بلبس دبلتي لغيرك ممكن وقتها أصدق انك ما بتحبنيش وقرب مني عشان يبوسني بعدت وشي الناحيه التانيه راح ضحك وقالي براحتك ياملاك وساب ايدي ورزع الباب وراه ومشي فضلت واقفه مكاني استوعب اللي حصل وبعدها وانا ماشيه سمعت دكتور فارس بيقول ان دكتور فهد دخل في غيبوبه تاني جريت بسرعه اشوف في اي لاقيتهم بيدوروا على دم a+ولأن الفصيله دي نادره مش بيلاقوها بسهوله ومافيش غير كيسين دم بس في المستشفى منهم بقيت اقول لدكتور فارس انا فصيله دمى A+
وابتدوا ياخدوا مني الدم وعرفت بعدها ان دكتور فارس عنده مرض تكسرات الدم البيضا من الضغط الكتير او الشمس الحارقه او لأسباب تانيه لازم مره واحده يغير دمه كله عشان يقدر يعيش
بيغير دمه كل ست شهور تقريبا وبيبقي عامل حساب اليوم ده واكياس الدم بتكون جاهزه لكن المره دي نسي نفسه ودكتور فارس بيقول مش عارف ازاي نسي نفسه لما فاق لقى خرطوم الدم بينقل من دراعي لدراعه على طول قولتله اسفه كان لازم نعمل كده ابتسم وقالي شكرا يا ملاك قولتله ماقولتليش ليه قالي اقولك اي اني عيان وبحب الدم وان الدم فصيله A+ دي حياتي سيبته ومشيت وقولتله ارتاح دلوقتي وكانت دي اخر صفه في الصفات كلها رغم كل الصفات كانت باينه انها موجوده فيه بس كان عندي امل ولو واحد في الميه ان الصفه الاخيره دي متكونش فيه ونبقي لبعض سيبته
وروحت بيتنا وانا تايهه كانت في عربيه هتخبطني وانا ماشيه بس المره دي فهد مبقاش هنا عشان ينقذني زي كل مره
حبست نفسي في اوضتي لحد ما دموعي نشفت من العياط حاول يكلمني كتير بس مكنتش برد عليه
لحد واخدت قرار انه لازم يعيش واحنا عمرنا ما هنكون لبعض روحت خطوبته وكنت لابسه فستان شيك اوي انا وراندا صحبتي وكنت لابسه صندل كعبه عالي وانا عمري ما لبست الكعب العالي ده بس حبيت إبان شيك اليوم ده وابقى حلوه
روحت وشوفته وهو عريس كان بيبصلي لحد ما خطيبته جت بقى يضحك ويهزر معاها كان حاطط ايده على وسطها كانت بتميل عليه عشان تقوله كلمه في ودنه ولما رقصوا slow سوا اخدها في حضنه كل دي حاجات كانت بتموتني من جوه
لحد ما جه وقت انه يلبسها الخاتم اول ما لبسها الخاتم والناس ابتدت تهنيهم مقدرتش اكمل الفرح اخدت بعضي ومشيت بقيت اجري اجري لحد ما طلعت من باب الفيلا وقعدت على الرصيف وانا بعيط وهموت عليه والصندل اتفك مني وحالتي بقت صعبه جدا ولسه بوطي عشان اربط الصندل بتاعي لاقيت فهد وطي وربطهولي بصيتله كده قولتله انت بتعمل اي هنا سيبت خطيبتك ليه كمل ربط الصندل وقام وقف ومدلي ايده ووقفت وقالي مش هتبطلي عناد بقى ملاك انا بحبك ♥️
ومستعد امشي معاكي دلوقتي لآخر الدنيا اسيب اهلي وناسي ودنيتي بس عشان اكون معاكي قولتله انت مش فاهم حاجه 😔 وسيبته ومشيت مسكني من دراعي وشدني لحضنه وقالي هفهم لو فهمتيني ياملاك قولتله مش هتصدقني وهتخاف مني قالي مش هيحصل ابدا كنت لسه هقوله على اللي جوايا لاقيت دكتور فارس بيقوله فهد بتعمل اي هنا الناس كلها وعروستك بيسألوا عنك جوه ولسه بيتكلم معاه روحت وقفت تاكسي بسرعه ومشيت وانت طول الليل على السرير بتقلب ومش جايلي نوم كل شويه اشوفه في خيالي وهو حاضنها وبيلبسها دبلته الغيره كلت قلبي وعامتني كانت الساعه ٢ بالليل تقريبا صحيت شروق وقولتلها انا موافقه قالتلي على اي قولتلها اني احضر ملك الجان معاكم مابقيتش مصدقه وقالتلي بجد ياملاك قولتلها بجد بس اهم حاجه واول طلب هنطلبها منه انه يكسر التعويذه اللي عملتها زمان
قالتلي طبعا.. طبعا موافقه شروق صحت خالاتي بسرعه
وجيبنا الكتاب تحضير ملك الجان مش سهل زي الباقيه
والتعويذه صعبه محتاجه قوتنا كلنا جيبت الكتاب وابتديت انفذ اللي فيه بالحرف الواحد وكان مكتوب ان نحضر اربع مرايات كبار بنفس الطول ( فجأه قولت بس احنا معندناش مرايات بنفس الطول لاقيت خالتي فريده بتقولي انا محضراها) استغربت وبعدها المفروض نحط كل مرايتين قصاد بعض وبعدها نعمل دايره توصل المرايا ببعضها
وخالتي حكمت خلطت مكونات التعويذه كلها ببعض قولت لخالتي حكمت المكونات دي عمرها ما كانت عندنا دي مكونات صعبه قالتلي انا كنت عامله حسابي قولتلهم للدرجه دي كنتم عارفين اني هوافق ردت شروق وقالتلي مافيش أصعب من انك تشوفي حبيبك مع واحده غيرك اكيد كنتي هتوافقي قولتلها بس انا بعمل كده عشان واحد مايموتش انتي بتعملي كده ليه؟
ردت وقالتلي ما تعمليش فيها الطاهره البريئه انتي بتعملي كده عشان نفسك وبس هو ممكن يعيش عادي وانتي مش معاه بس انتي اللي مش قادره تشوفيه مع غيرك فكرت للحظه وحسيت انها عندها حق انا هداوي غلط بغلط اكبر غلط هياخد من قوتنا وروحنا تحضير ملك الجن مش سهل وممكن اي غلطه نتلبس من عشرات الجن
كنت خايفه حبيت ارجع في كلامي قولتلهم فهد لازم يكون هنا عشان اول حاجه هطلبها اني افك التعويذه شروق قالتلي هو وجوده مش مهم بس انا عارفه انك هترجعي في كلامك وتطلبي انه ييجي فكلمته وجه بصي وراكي كده فهد قالي شروق حاكيتلي على كل حاجه كملي ياملاك عشان نبقى سوا
شبكت ايدي في ايد خالتي وعملنا احنا الاربعه دايره وقولتلهم محدش يسيب ايد التاني مهما حصل واللي هيخرج بره الدايره قبل ما نخلص هيلبسه عشرات الجن من اللي بيخدموا ملك الجان وافقوا وقالولي طول ما انتي معانا هننجح ماتقلقيش حطينا شموع في النص ورمينا المكونات في النار وابتديت انطق اتقل كلام لساني مكانش عايز ينطقه
وابتديت انطق الكلام اللي بقالي سنين مانطقتهوش
ياخدام هذا الطلسم بروح بطين.. مهينآآ مهين أقسمت عليكم بقسم الأولين بحق عد سليمان الحكيم يا أقرب الجالسين بحق حياه الملك زهرائيل وبكلمات براقيه نصرفكم وبكلمات براقيه نحضركم ونؤذيكم اقلعوا آمنين واهبطوا سالمين الواحه.. الواحه
العجل.. العجل.. الساعه.. الساعه بحق حيآآه الملك طهرائيل وبين المسخوط والحجاب هتنفذوا كلامي ومش هتعصوا أمري
احضروا ملك الج...
وفجأه لمحت ابو فهد في المرايه وهو واقف ورايا.. ابو فهد واقف مش مشلول ده ازاي 😳😳 الهوا ابتدي يبقى شديد والبرق بقى في السما سامعه صوته والرعد اشتغل بقيت في نص التعويذه مش عارفه اكمل ولا أقف مش مصدقه ابوه فهد مش مشلول طيب ازاي 😳😳
خالتي بقت بتقولي كملي ياملاك مش هينفع توقفي سيبت ايديهم وقولت لفهد انت ابوك مش مشلول يافهد 😳😳
صلوا على الحبيب المصطفى ♥
