الصديق الغامض
#الجزء_الاخير
الساعة 4:00 الموظفين كلهم مشيو مفضلش غيري هخلص الشغل اللي معايا وهمشي.. سمعت صوت كركبة ف الحمام قمت ورحت اشوف اي ده لقيت احمد.. قلتله انت بتعمل اي هنا قلي ملكش دعوة انت واطلع امشي من هنا دلوقتي.. قلتله اي ده انت بتتكلم معايا كده ليه لقيت عينه حمرت مره واحده انا اترعبت من منظرة وفجاءه اختفي رحت خرجت من الحمام ببص اي ده !!
لقيت دماغ حاتم واسراء ومروة متعلقين ف الحيطه واجسامهم ف الارض والدم مالي المكان انا انهارت من المنظر بس حاولت اهدي وبلغت البوليس وجم وطبعا اتهموني ان انا اللي قتلتهم لان مكنش فيه حد موجود ساعتها غيري انا قلقت وحسيت ان كده هتدبس ومعرفتش ادافع ع نفسي اقول اي بس ف قلت للظابط اللي حصل وان احمد جه هنا وقلتله انه شغال ف البنك اللي جمبنا وبعتو فعلا يتاكدو انه شغال هناك وجابو قايمه ب كل الموظفين اللي هناك
الظابط: هو اسمه احمد اي؟
معرفش بس هو ساكن ف عنوان *****
الظابط: مفيش موظف اسمه احمد ساكن ف العنوان اللي انت قلت عليه ده بس عشان نتاكد احنا هنروح البنك ونشوف احمد اللي انت بتقول عليه..
ورحنا فعلا البنك وللاسف شفت كل الموظفين بس مفهمش احمد وساعتها حسيت نفسي تايه مش عارف استوعب اللي حصل
الظابط: انت كده التهمه ثبتت عليك ومفيش داعي للانكار حط الكلبشات ف ايده يا عسكري..
- يفندم بشمهندس خالد معملش حاجه
الظابط: نعم انت مين!!
-انا الموظف المسئول اللي باجي استلم الورق من البشمهندس خالد ف الوقت اللي حصلت فيه الجريمه انا كنت مع البشمهندس خالد بستلم منه ووقتها حصل اللي حصل وشوفت المنظر بس اترعبت ومقدرتش استني ف المكان
الظابط: انت متاكد من اللي بتقوله ده؟
- اه يفندم
انا كل ده بحاول استوعب اي اللي بيحصل مين ده انا معرفهوش واول مره اشوفه بس فضلت ساكت لاني حسيت ان الظابط اقتنع بكلامه
الظابط: تمام احنا هنحقق تاني ف الموضوع ده وان شاءلله هنوصل للي عمل كده
الظابط مشي وبعدين ببص عشان افهم اي اللي حصل ده
اي ده هو راح فين!!! فضلت ادور علي اللي جه انقذني ده بس ملقتهوش ده انا حتي معرفش اسمه
وبعد كده روحت وانا حاسس نفسي ف كابوس و لقيت كريم بيرن علياا... الو ي خالد انت كويس
اهاا ي كريم انا كويس بس..
بس اي ي خالد.. حكتله كل اللي حصل
طب ي خالد انا جاي بكره وهقابلك وانا عندي حل
وقفلت ونمت صحيت لقيت باب الشقه بيخبط فتحت لقيت كريم
دخل وبعد كده قعدنا وحكتله كل حاجه من اول ما قابلت احمد لحد ما حصل اللي حصل ده
كريم: انت تعرف عنوان احمد؟
اه هو قالي عليه ساكن ف العمارة اللي جمبي دي ع طول ف الدور التالت اول شقه ع اليمين
كريم: طب يلا بينا كده احنا هنروحله هناك
روحنا انا وكريم ووصلنا للعمارة ولسه طالعين
-طالعين لمين ي بهوات؟
انت بواب العمارة هنا؟
- اه يا بيه طالعين لمين؟
احنا طالعين الدور التالت اول شقه ع اليمين
- بس دي شقه فاضيه يا بيه مفيش حد ساكن فيها
ايه بتقول ايه!!
كريم: طب فيه حد ساكن هنا اسمه احمد!!
البواب بان علي وشه الخوف بس قالنا لا مفيش
تمام شكرا ومشينا انا وكريم من عند العمارة
كريم: بص فيه حاجه غريبه بتحصل انا اعرف شيخ كويس هاخدك عنده ونشوف حل..
هزيت دماغي انى موافق انى اروح.. ورحنا للشيخ ده
حكتله كل اللي حصل ...
بص ي خالد ي ابني احمد ده عفريت ومش انسان..
انا اتصدمت!! انا كل ده كنت بقابل عفريت واقعد معاه انا اه ساعات كانت دماغي بتروح للتفكير ده بس كنت بحاول اقنع نفسي انه انسان عادي
بص ي ابني من 5سنين احمد ده كان ساكن ف العمارة اللي جمبك ف نفس الشقه اللي قالك عليها وكان بيحب واحدة وعنده صحاب وف يوم لقي حبيبته بتخونه مع واحد صاحبه وبعدين اكتشف ان صحابه كلهم يعرفو ولما واجههم قالولو انهم كانو مصاحبينو مصلحه عشان ياخدو منه حبيبته ولما نجحو ف كدا خلاص هما مبقوش محتاجينه.. احمد اتعقد وروح البيت وشنق نفسه وانتحر وبعدها روحه سكنت المكان وراح قتل كل صحابه وقتل حبيبته كمان...
انا فتحت بوقي كده وخلاص مصدوم مش مستوعب.. طب لي جالي انا؟
يمكن ي ابني علشان انت معندكش صحاب ولا حبيب ف صعبت عليه ف قرر يحميك عشان محدش يعمل معاك نفس اللي عملوة صحابه معاه...
كريم: طب ي شيخ احنا عايزين نخلص من روح احمد ده لاحسن كده شهر كمان وكل اللي حوالين خالد هيتقتلو وبعدين احمد ده...
مين بيجيب ف سيرتي 😈!!
اي ده.. ده صوت احمد ببص لقيت احمد قاعد جمبنا بس وشه اسود وعينه حمراا وبوقه مليان دم
هااا سكتو لي متتكلمو عايزين تخلصو مني! انسو انا هقتلكو انتو الاتنين قصده (الشيخ وكريم)
كريم: نعم انت عبيط
انا بصيت لكريم كده.!! وف سري بقول عبيط اي ي ابن الغبيه ده عفريت ده انت هتتنفخ دلوقتي .. لقيت احمد بيبحلق ف كريم وفجاءة كريم فضل يصرخ ويقول بتخنق هموت وفضل يتقلب ف الارض وماسك رقبته كأن حد بيخنقه...
لقيت الشيخ بيقول كلام مش مفهوم ببص لاحمد لقيته خايف وبيصرخ وبيقله لا اسكت والشيخ كلامه بيزيد واحمد بدا صراخه يزيد ويقول للشيخ هقتلك وفجاءة عمل حركه ب ايده الشيخ وقع علي الارض وكأن حد بيكهربه فضل يترعش ويقولي فيه مياه في القزازة دي مقري عليها يا خالد رشها عليه بسرعه احمد بصلي كده وقالي لو قربت منها هقتلك انت كمان وهنا لقيت كريم بيقول لاحمد انت عايز ايه مننا يعم مش كفايه اللي عملته وهو حرفيا مش قادر ياخد نفسه انا حسيت ان كريم بيحاول يلفت انتباه احمد ف استغليت الفرصة وقمت رشيت عليه المياه فضل يصرخ لحد ما اتحرق واختفي.. ببص لكريم قلتله انت كويس ي كريم.. اهاا ي عم كان هيموتني ابن الجزمه.. قلتله اي ده اي اللي وراك ده جه تاني ي كريم لقيت كريم اتنفض من مكانه 😂😂 قلتله بهزر معاك ي عم اومال مش فالح غير تشتمه ف ضهرة وخلاص
كريم: خضتني ياخي طب استني لما نخرج من هنا
الشيخ: هو كده روحه اتحرقت خلاص اتفضلو واداني حجاب كده كان فيه ايات قرانيه قلي خلي ده معاك ي خالد عشان انت اكيد هتحلم بكاوبيس وده هيمنعها ان شاء الله
كريم: وانا ي عم الشيخ مليش حجاب منا برضو كان هيموتني لما خنقني 🙄😂
وضحكنا وقمنا مشينا ومن ساعتها واحمد اختفي من حياتي وانا وكريم اعز صحاب واتجوزت اخت كريم ودلوقتي عايش احلي حياة انا وهي وسي كريم قارفنا طبعا 😂😂♥
النهاية 🖤🥀
عايز رايكم دي اول رواية اكتبها اكمل كتابه ولا كفايه كده؟
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)