احببت صعيدي
البارت الخامس
بعد فتره
وصل دياب ووراه قاسم ويونس وسليم
دياب شاف فيروز بتبكي وحوليها البنات بيهدوها وفاطمه جمب فيروز وبتمثل انها زعلانه دياب قرب من فيروز وفاطمه بخطوات ثابته وفجاه طخخخخخخخ قلم نزل علي وش فاطمه
دياب مسك فك فاطمه وضغط عليها جامد وقال: مش عيب عليكي يابت عمي لما تاجري واحد ميسواش يجول علي واد عمك أكده
فاطمه بتبكي وحاطه ايدها علي وشها دياب ساب فك فاطمه وقال: تعرفي يا فاطمه ايه اللي خلاني محبكبش عشان طول عمري شايفك زي ورد كنت زي ما بهتم بورد بهتم بكل واحده فيكم انتي وهمتي نفسك يافاطمه اني بحبك ومحدش اتوجع غيرك دلوجتي من النهارده انسي أن ليكي اخ وواد عم اسمو دياب
فاطمه مقدرتش تستحمل الكلام وطلعت فوق بتبكي
فيروز بدموع: حرام عليك يا دياب عملت فيها كده ليه وطلعت وري فاطمه
دياب قرب من ساميه مرت عمه وباس ايدها وقال
دياب: سامحيني يا مرت عمي بس انا لازم افوقها من اللي هي فيه دا
ساميه : مسمحاك ياولدي انت اخوها برضو
عند فاطمه
فيروز: متزعليش يا فاطمه من دياب هو اكيد عايز مصلحتك
فاطمه بصت لفيروز بدموع وقالت: بعد كل اللي انا عملتو فيكي وبرضو بتكلميني
فيروز بطيبه: انتي زي اختي يافاطمه وانا هبقي معاكي ديمااا
فاطمه حضنت فيروز جامد
فاطمه: سامحيني يا فيروز
فيروز:مسمحاكي بس توعديني انك هتتغيري
فاطمه: انا فعلا هتغير كلام دياب خلاني افوق من اللي انا فيه دا انا كنت فاكره اهتمام دياب دا حب بس هو كان بيحبني زي ورد اكملت بدموع وانا نفسي اعتذر ليه بس هو قال انسي أن ليكي واد عم اسمو دياب
فيروز: صدقيني دياب قلبو طيب وهيسامحك زي ما أنا سامحتك وهنبقي صحاب صح
فاطمه: صح
فيروز: خلاص تعالي معايا واعتذري ليهم
فيروز اخدت فاطمه ونزلو تحت
فاطمه بدموع ليهم كلهم وهي منزله راسها في الأرض: انا عارفه أن مليش عين اعتذر بس انا كنت فاكره اني كده هتجوز دياب انا بعتذر ليكم كلكم ولسه هتمشي هاله مسكت أيدها
هاله بطيبه وهي بتمسح دموعها:اللي حصل حصل يابنتي المهم انك تتغيري وانا متاكده أن جلبك ابيض بس جنانك موديكي داهيه تعالي في حضني يابت
فاطمه بتضحك وبتروح في حضنها وبتقوم احلام وامها ساميه وبيحضنوها وبيقومو البنات كمان يحضنوها
وفيروز واقفه مبتسمه فاطمه بتفتح دراعها لفيروز وفيروز راحت حضنتها ودياب واقف بيبص عليهم
فاطمه راحت لدياب
فاطمه لدياب:انا اسفه يا دياب سامحني
دياب: المهم انك تتغيري يا فاطمه وإذا كان عليا فتعالي في حضن اخوكي
فاطمه اتفاجات وراحت حضنتو
فاطمه بدموع:انت احسن اخ في الدنيا يا دياب
دياب بهزار: يابت انتي اختي يعني كان لازم اضربك بالقلم علشان تفوجي
سليم بهزار:يعني اليوم اللي اجي فيه يحصل كده دا ايه العيله الفقريه دي. (اااش انت اللي نحس يالااااااا😂❤️)
قاسم بضحك: احنا اللي عيله فقريه ولا انت اللي نحس
هاله:انت تسكت خالص يا سليم باجي ياواد متجيش بيت عمك
سليم باعتذار: معلش يا مرت عمي المهم اني جيت بس القاعده عندكم حلوي جوي (قصده علي ورد لئيم الواد ده😂😂)
يونس فهمو وقال بهمس:اتلم ياد بدل ما اقول لدياب
سليم بهمس: ياعم اختك خطيبتي هو انا شاقطها
قاسم: انتو بتقول ايه
يونس: خليك في حالك انت بس
هاله: تعالو نأكل كلنا بما اننا اتجمعنا يلا وراحو علي سفره الاكل
في فيلا والد فيروز
سالم: يعني هتكون راحت فين
عبير: والله علمي علمك شوف بنتك قليله إلر*بايه راحت فين فعلا ماهي ملقيتش حد يربيها
سالم :مش وقته الكلام دا انا هتصل بجمال خليه ياجي دلوقتي ويشوف معانا خل في المصيبه دي
عفاف الخدامه: جمال بيه بره يا سالم بيه
سالم:دخليه بسرعه انا كده كده كنت عايزه
عفاف:حاضر سلبيه
راحت عفاف وبعدين دخل جمال
جمال: عاجبك اللي عملتو بتك المحترمه دا
سالم: وطي صوتك وتعالي نفكر هنعمل ايه في المصيبه دي
جمال: انا دورت عليها عند صحابها كلهم محدش يعرف عنها حاجه والنهارده كمان مرحتش الكليه بتاعتها
عبير: يعني هتكون الأرض انشقت وبلعتها
جمال:انت مش عارف ممكن تكون راحت فين بس انا هفضل مراقب الكليه بتاعتها وصحابها قالو لو عرفوا حاجه هيبلغوني الطول
هند: طب ماتعملو اعلان في الجرايد عنها انها مختفيه
سالم برفض: لا طبعااا لأن سمعتنا هتبوظ ويقولو أن هي هربت
عبير: مش هي دي الحقيقه
سالم:ايوه هي دي الحقيقه بس محدش يعرف حاجه ولا عايزين حد يعرف
عبير: يعني بعد اللي عملتو كلو دا وبرضو بتدافع عنها
سالم: انا عمري ما دفعت عنها كنت دايمااا بفضلك عنها انتي وبنتك عليها كان المفروض اني ابقي ليها الحاجه اللي تسند عليها واعوضها عن حنان الأم اللي مش عاشته ولاكن اعمل ايه معرفتش قيمتها اللا بعد ما ضاعت مني انا رايح فوق لاني تعبان ومش قادر طلع سالم فوق
(اخيرا الجبله حس🥲💔)
عبير: ها هتعمل ايه يا جمال هتسيب البت وكل اللي عملناه دا ضاع
جمال: والله مانا سايبها في حالها ولازم اجيبها تحت رجلي
هند: هتعمل ايه يعني
جمال:متخفيش انا مرتب لكل حاجه وسايب عيون في الكليه بتاعتها واول ما تظهر هجيبها وامضيها علي بيع المصنع وأكمل في نفسه وهاخد اللي انا عايزه(الواد ده حيوان🥲)
عبير: جدع يا جمال
جمال:بس متنسيش هاخد نص المصنع
عبير: اللي انت عايزه هدهولك
جمال بطمع:كدا اتفقنا
عند فيروز
بعد ماخلصو اكل
فيروز: ماما هاله انا قولت لدياب اني هروح الكليه بكره وهو معترضش
دياب:انا وافقت علشان هوروحي بحراسة
فيروز:ايه ده هو انت لسه فاكر
دياب: ايوه انا قولتلك هتروحي يبقي بحراسة مش هتروحي يبقي في حراسه مفيش حراسه يبقي مش هتروحي
فيروز: خلاص حراسه حراسه
دياب: ايوه كده انا كلمت حراس من الشركه عندي وبكره الصبح هتلاقيهم علي البوابه
فيروز: هو انتو مش بتروحو ليه
فاطمه:لا أنا كنت واخده كام يوم اجازه عشان عندي محاضرات مخلصتهاش وهروح بكرا وامل وورد وليلي لسه مخلصوش محاضراتهم
فيروز:انتو كلياتكم فين
امل : احنا كلنا في محافظه سوهاج نفسها
فيروز: ممكن يادياب بعد الكليه بتاعتي نروح المول اصلي عايزه اشتري هدوم واسعه غير بتاعتي لاني هتحجب
هاله: ربنا يهديكي يابت
فيروز: يارب ياماما هاله
دياب:ماشي انا معنديش مانع بس تيجي علي القصر الاول
فيروز: انا كنت هعمل كده عشان هاخد البنات معايا
دياب: خلاص تمام معنديش مانع
فيروز: هو انا ممكن اتكلم معاك في الجنينه
دياب: ايوه طبعاا روحي وانا هحصلك
تسريع الاحداث راحو الجنينه
فيروز: هو انت عرفت الحقيقه ازاي
دياب: هحكيلك
فلاش باك
دياب: هتنطج ولا اخلي الرجاله يقوموا بالواجب معاك مع أن مفيش في وشك حته سليمه( عمل من وشه كفته😂)
قاسم: ما قولتلك سيبهولي وانا وسليم نربهولك في القسم
الراجل:لا لا يابيه هقول البت اللي اسمها تهاني اللي بتنضف في البيوت هي اللي قالتلي اعمل كل ده
دياب: يونس خلي الرجاله يجبوها دلوجتي
بعد فتره الرجاله جابت تهان
دياب: انا مش بمد ايدي علي واحده ست فا احسن ليكي انك تقولي كل حاجه بالزوق(اخلاق الصعايده برضو❤️)
تهاني بخوف:حاضر يا حضره العمده فاطمه بت عمك هي اللي قالتلي اعمل كده وادتني الفلوس من الباب الوراني
دياب:قسما عظما لو الكلام دا حدا من اهل البلد عرفو انا هدفنك صاحيه فاااااهمه
تهاني بخوف: فاهمه ياحضرت العمده
بااااااك
دياب:بس ياستي هي دي الحكايه
فيروز بابتسامه:انا مش عارفه أشكرك إزاي علي اللي عملتو معايا
دياب بابتسامه: لا متشكرنيش انا معملتش غير الواجب
فيروز: عن ازنك انا هروح انام عشان هصحي بدري
دياب:اتفضلي
فيروز مشيت وهو كان بيبص للأثر بتاعها
في اليوم التالي..........
احببت صعيدي
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)