سم القآآسي 💕
( الجزء الثاني والخمسون
بدور : خللي بالك ياغالب .. حاااسب .. حااااااااااااسب
غالب : 😳😳
غالب بص قدامه بسرعه وحط رجله بسرعه علي الفرااامل والعربيه عملت صوت فرمله فظييييعه جدا وبدور مكانتش لابسه حزام الامان من كتر الفرمله دماغها اتخبطت في التابلوه وجبينها نزل د"م
غالب : ( بخوف ولهفه علي بدور ) بدور .. بدور انتي كويسه
بدور ضمت حواجبها وحطت ايديها علي جبينها بتبص لاقت د"م نازل منها
بدور : ( بخوف ) انا .. انا كويسه شوف البنت اللي كانت بتعدي الطريق الاول
بدور وغالب فتحوا الابواب بتاعت العربيه بسرعه ونزلوا للبنت لاقوها مرميه قدام العربيه
بدور جريت عليها بسرعه .. ووطت قعدت علي ركبها جنب البنت
بدور : انتي كويسه
البنت فتحت عنيها بالعافيه وكانت زي ما تكون بتشوف قدام عنيها خيالات رفعت ايديها وابتسمت لبدور اول ما شافتها
البنت : ( بتتكلم بالعافيه ) معقول .. ( اتنفست بالعافيه ) غرير .. انتي عايشه ماموتيش
بدور : ( استغربت ) غرير .. غرير مين
غالب : انتي تعرفيها ..
بدور : اول مره اشوفها
بقلمي ماهي احمد
غالب وطي وشال البنت
بدور : هتعمل ايه
غالب : هكون بعمل ايه هوديها المستشفي طبعا
غالب حطها في العربيه من ورا
بدور : غالب بص هناك كده
غالب بيبص لقي عربيه حمرا الببان بتاعتها مفتوحه جه يتحرك عشان يروح للعربيه
بدور: غالب ماتروحش لا يكون فيها حد ولا حاجه
غالب : اكيد دي عربيتها لازم نعرف اي حاجه عنها
بدور : ( بصت لغالب بخوف ) البنت دي كانت مرميه علي الطريق لما احنا جينا .. اكيد في حد اذاها انا خايفه عليك
غالب : ( بص لبدور وابتسملها بابتسامته القمر دي ) بتخافي عليا بجد
بدور : ( بابتسامه ووشها احمر وبقت متوتره ) اكيد
غالب: ماتخافيش انا هاجي علي طول
غالب مشي مسافه ٣٠ متر قدام
بدور دخلت العربيه بتاعت غالب وركبت من قدام
بصت وراها وسمعت البنت مره تانيه
البنت : (وهي مش قادره تفتح عنيها بتخطرف بالكلام كانت بتقول ) غرير .. غرير .. انتي ماموتيش ياغرير
بقلمي ماهي احمد
بدور بقت مستغربه مين غرير دي
بصت قدامها مره تانيه علي غالب
غالب بقي بيدور علي اي حاجه في العربيه علشان يعرف مين البنت دي بيبص لقى شنطتها ولقي المفتاح بتاع العربيه موجود قفل العربيه واخد المفتاح وشنطتها وراح لبدور
بقلمي ماهي احمد
ركب عربيته وساق العربيه
بدور : ايه لاقيت حاجه تثبت هي مين
غالب : ( ادا الشنطه لبدور ) خدي افتحي الشنطه دي وشوفي اي حاجه نعرف بيها شخصيتها
غالب بقي سايق وبدور بقت تطلع اللي في الشنطه
بدور : ( طلعت البطاقه ومسكاها وبتقراها )
بدور : اسمها جنه عادل الشرشابي
هنعمل ايه دلوقتي
غالب : اكيد هنوديها المستشفي يابدور مش هنعمل حاجه غير كده ( لف وشه شمال لبدور ) مالك قلقانه ليه ؟
بدور : خايفه لما نروح المستشفي يفتكروا ان احنا خبطناها بالعربيه
غالب : ( ابتسم ) ماتقلقيش هي مش مخبوطه بعربيه ولا حاجه مافيش اي اصابات في جسمها لما تفوق هنعرف منها كل حاجه
غالب وصل المستشفي وشال البنت وبدور كانت معاه ودخلوها المستشفي بسرعه
البنت الممرضات اخدوها بسرعه وابتدي الدكتور يكشف عليها
الدكتور اول ما طلع
غالب : اي يادكتور طمنا
الدكتور : واضح ان في شخص اتعدي عليها بالضرب وكمان البنت واضح عليها علامات الاد"مان هي تقربلكم
بدور : لا لا لا .. احنا لاقيناها مرميه في وسط الطريق ولولا ستر ربنا كنا هندوسها بس ربنا ستر ولحقناها
الدكتور: احنا هنركبلها محاليل وشويه وهتفوق وتقدر تطلع من المستشفي بس نصيحه لو عايزين تكملوا الخير اللي بتعملوه ده للاخر اعرفوا مين اهلها وبلغوهم ان البنت لازم تتعالج
غالب : ان شاء الله يادكتور
الدكتور : انا كده لازم اعمل محضر باللي حصل ده اعتداء بالضرب ولازم اللي عمل كده ياخد جزاؤه
غالب : اللي يريحك طبعا انا معنديش اي مشاكل
الدكتور: اتمني انك تكون هنا كمان ساعتين بالكتير تكون البنت فاقت
بدور : ان شاء الله
غالب طلع من المستشفي وبدور طلعت وراه
بدور : هنستناها تفوق ولا هنروح
غالب : لو حابه اروحك مافيش مشاكل
بدور : انا حابه اتكلم معاك شويه ممكن
غالب : ( هز راسه فوق وتحت ) ممكن
--------------------- ( في نفس الوقت )--------------------------
عاصي : ( وهو في المكتب بيسأل نفسه ) معقول كريم يكون فاق وهو اللي نشر الصوره
وانا هفضل اسأل نفسي كده كتييير انا لازم اروح اشوفه اذا كان فاق من الغيبوبه ولا لاء
عاصي دخل الاوضه لقي احسان بتعيط وللاسف ماهتمش
احسان : ( لاقت انه مش همه مسحت دموعها بسرعه ) ممكن اعرف رايح فين
عاصي : مافتكرش يهمك
احسان : يهمني باعاصي صدقني يهمني
عاصي : ( اتنهد وقعد علي الكنبه ) احسان .. ارجوكي انا فيا اللي مكفيني ومش ناقص وجع دماغ زياده
احسان : ( وقفت قدام عاصي ) انا ماطلبتش منك انك تحبني بس بص للي في ايديك بلاش تجرى ورا حاجه مش هتحصل بدور خلاص اتخطبت لغالب وانت واتجوزتني وقريب اوي هيبقي معانا بيبي .. ( مسكت ايد عاصي وحطيتها علي بطنها ) انا عارفه انك متجوزني غصب عنك بس علي الاقل اديني فرصه .. فرصه تعرف انا قد ايه بحبك.. ( عاصي شال ايده من علي بطن احسان واداها ضهره وابتدي يطلع لبسه طيب . . طيب .. بلاش عشان بحبك وابنك اللي جاي علي وش الدنيا مش محتاج يطلع يلاقي اب وام حواليه
عاصي : انا اتجوزتك بس عشان خاطر اللي في بطنك وعشان ماشيلش ذنبك لما كنتي عايزه تنتحرى بس اكتر من كده مش هقدر اديكي يا احسان ده اللي عندي
عاصي اخد هدومه وبيفتح الباب ولسه هيطلع
احسان : بدور .. كل ده عشان بدور .. لو ماكنتش بدور موجوده كان هيبقالي فرصه معاك صح ياعاصي
عاصي : ( وقف علي الباب وهو مديها ضهره ) بس بدور موجوده يا احسان ( رزع الباب ومشي في وش احسان )
احسان : ( بغيظ وحقد ) كله منك يابدور الكلب 😡😡
عاصي لبس في اوضه المكتب واخد عربيته وراح المستشفي عشان يتأكد اذا كان كريم فاق او لاء
واول ما راح بيبص لقي كريم لسه في الغيبوبه
استغرب جدا
عاصي : ( بيكلم نفسه ) لما كريم لسه في الغيبوبه ياترى مين اللي بعت الصوره 🤔
