صعيدي علمني العشق
البارت_الثالث
روح وهي بتجري:
مش انت نمر موته !
النمر :
دا فهد !
روح:
ايوه وايه يعني
النمر: احنا بيجري ورانا اسرع حيوان في العالم وتقولي لي وايه يعني !
بيلاقوا شجرة كبيرة بيطلع النمر عليها ووراها روح والفهد بيكون تحت..
روح: ههه مش هاتعرف تطلع لنا ضحكنا عليك يا رايق
بيبدأ الفهد يتسلق الشجرة..
روح: نهار اسود !
يونس: اتبسطتي كده !
روح: بص علي نص الكوباية المليان يا نمر مش احسن ما كنا نتاكل من ناس عالأقل ده فهد ههههه هيبة كده
بيقرب منهم الفهد اكتر واكتر بينط النمر ووراه روح اللي بتتجرح في رجلها بس بتكمل جري ..
____________________________
كرم : كاريما يا كِريما ياقشطة.
كريمة: ايه يا كرم مابحبش الدخلة دي !
كرم: يا كريمة انا عاوز مش خابر عاتفهميني ولا لاه بس انا عاوز اتچلع
كريمة: كيف يعني اكتر من اكده عشان تخيب !
كرم: هه عليكي حاجات اخيب ايه يابت عشان ما ابصش بره
كريمة: طب اعملها وشوف اللي هايجرالك ياكرم يابن نعيمة
كرم: جري ايه يابنت حشمت نسيتي نفسك اياك ولا ايه انا متجوز راچل يابت انا عاوز واحدة كيف الأستاذة ايتن عامر لما كانت بتدلع الأستاذ مصطفي شعبان وتقوله احبوش ..طب انا عندي فكرة ايه رأيك نروح هاني مون
كريمة: مول ايه نشتري خلچات يعني
كرم: ههه لاه نعمل شهر عسل نروحوا مصيف ننحرف يابت دا انا لو كنت شكل هندسي كنت هاميل للانحراف
بيشدها عليه ..
كرم: ايه رأيك
بتبسم كريمة: ماشي بعد بقا اما اخلص الغسيل
كرم: سيبك من الغسيل والغسالة الاوتمنتيكي شغلتها ايه خليكي فيا انا وتعالي نجيب حمادة
بيقرب منها اكتر فا تليفونه بيرن ..
كريمة: رد رد يا كرم
كرم: همليه مش وقته اللحظات المؤثرة دي مش بتيجي كتير
كريمة: طب رد بس
كرم: ليه يا كريمة خرجتيني من العسل وقطعتي احبال امنياتي وطموحاتي
بيرد كرم : ايوه يا جالوس الطين انت ايه اللي حوصل اييييييه كلها يا مرارك الطافح يا كرم
كريمة : ايه في ايه
كرم: المخزن انحرق يا بوز النحس يا كريمة
بيطلع كرم يجري .
كريمة: ليييه انا عملت ايه ماشي ياكرم ياولد نعيمة الأسلوب ده فيه نكد اسبوعين
___________________________
بيدخل خالد الشركة وبعدين لمكتب ميرا وبيحط قدماها ورقة ..
بتشوفها ميرا ..
ميرا: دي استقالتك طب ليه
خالد: انا وقفت معاكي في الاول عشان ماكنتيش تعرفي الشغل ماشي ازاي لكن انتي دلوقتي ماشاء الله فهمتي كل حاجة فا انا هاتفرغ لشغلي عن اذنك
بيمشي خالد
ميرا: خالد
بيلف لها خالد:
نعم !
ميرا بتبص له نظرة وكأنها عاوزة تقول كلام كتير وبتسكت
خالد: لما تحبي تتكلمي انا موجود ولو احتجتي لأي حاجة أخوكي موجود
ميرا: اخويا !
خالد: اكيد
بيمشي خالد وبيسبها وبتنزل دمعة من عيونها ...
خالد وهو شايف الموظفين بيضحكوا عليه بيتعصب وبيمشي
________________________
مصطفي بيكلم بسمة في التليفون...
بسمة: خايفة يا مصطفي خايفة قوي
مصطفي: من ايه يا قلب مصطفي
بسمة: من الناس اللي حطينك في دماغهم وعاوزين البحث باي طريقة وانت مش معرف حد من اللي حواليك ولا خبرت حتي اخوك
مصطفي: ما تخافيش مش هايقدروا يعملوا حاجة كل تهدادتهم في الفاضي وانا مش هاقلق الكل حواليا وعد يابسمة ماتقوليش لحد كفاية اخوكي
بسمة بتسكت ..
مصطفي: اوعديني يابسمة
بسمة: بوعدك يا مصطفي بس خلي بالك من نفسك عشاني يا مصطفي
________________________
رجل روح بتكون ورمت ولكنها بتفضل تقاوم الألم وماشية لحد ما بيعرفوا يروحوا لما بيساعدهم ناس كان بيستكشفوا الغابة وعارفين مداخلها ومخارجها
بتدخل روح وبيكون بدر مع الناني بتبص في وشه فبيضحك لها..
روح: اغا ياروح مامي وحشتني جدا
بيحرك ايديه ورجليه وبيبتسم وهو بيردد :
اغا..ايييه
روح: مرينا بوقت عصيب هههه عصيب قصب
بيضحك النمر:
هاتطلعيه مجنون زيك...
بتدمع عينيها بيقرب عليها فابتمسك رجلها.
بيقعدها وبيرفع رجلها بيلاقيها وارمة جدا
يونس: ايه ده
روح بعياط: وانا بنزل من علي الشجرة
النمر: وماقولتليش ليه
روح: كفاية اللي حصل بسببي مارضيتش ازود عليك ....
بيشتالها يونس بسرعة فابتحضنه وبيطلع من الشاليه علي اقرب مستشفي
____________________________
وعند كرم كان المخزن مولع وبيحاول يطفي بيه وهز لابس الطقم الأبيض السديري والبنطلون وطلع من النار وشه مهبب وهدومه النار مسكت فيها..
في نفس الوقت عربية سودا بتوقف وبتنزل منها واحدة
جميلة جدا
بتقرب منه : انت بخير
كرم: ها..
بتكرر كلامها تاني: انت بخير
كرم بيحاول يعدل من هدومه:
بخير الحمد لله الا مين القمر يعني
____________________________
في الليل ...
بيطلع مصطفي من البيت وبيركب عربيته وبيكون باين ان في عربية واقفة بتراقبه من بعيد
بيكون معاه ملف بيحطوا جمبه وبيسوق عربيته لحد ما بيطلع لطريق عمومي والعربية وراه ومعاها عربيتين تانيين بتوقف قدامه العربية فجأة وبينزل منها رجاله ماسكة سلاح
وبيبدأوا يضربوا فيه ..
وبينزل راجل ماسك سيجار كبير وبيقف قدامه وبينفخ الدخان في وشه
_مش هاتدينا البحث برده يا مصطفي
مصطفي: لا ولو علي جثتي مش هاديكم البحث بملاليم وترجعوه للناس الغلابة بعد ما يتصنع بملايين .
_يبقي هاناخده بس علي جثتك ..
بيطلع مسدس من جيبه وبيبتسم ببرود وبيضربه ناحية قلبه بيقع مصطفي علي ركبته وكأن شريط حياته بيمر من قدامه
لحظاته مع ابوه ويونس وروح وبسمة وكرم وبعدها بيقع وبيغمض عينيه وبيستسلم لكل اللي حواليه......يتبع
