صعيدي علمني العشق
البارت_الثاني
روح: ههه دا باين انه قرش
النمر: اه تصدقي ههه منك لله اجري
روح: احنا في البحر
النمر: خلاص عوميييييييي عومييييييي ...
بيفضلوا يعوموا بسرعة لحد ما بيطلعوا علي الشط...
وبيناموا علي الرملة ..وبتتفتح روح في الضحك
بيبص لها بعصبية:
احنا كنا هانموت!
روح: بس ما موتناش!
بيتنهد: روح احنا مش لوحدنا احنا معانا دلوقتي بدر لازم نفكر فيه قبل اي حاجة...
بتصرخ روح فجأة .....
بيبص النمر حواليه وبيبتسم:
اهلا ! منك لله يا روح النمر ..
بيكون ناس غريبة محوطاهم وبيرموهم بسهام فابيفقدوا الوعي ..
بيتكلم قائدهم بلغة غريبة وبيشيلوا روح والنمر معاهم وبيمشوا لحد ما بيدخلوا غابة و ......
_____________________________
مصطفي : بسمة وحشتيني قوي
بصت بسمة في الأرض بخجل..
مصطفي: بلي ريقي بأي كلمة دا انا بالله مشتاق والشوق محيرني دا انا في حبك خسيت النص
بسمة بضحكة: وه ..
بيدخل اخوها:
منور يا ابو نسب كيفك
بيتنهد وهو بيحاول يداري غيظه:
بخير ياخويا بخير انت كيفك وكيف دراستك
_الحمد لله بسمة كانت خبرتني انك ماشاء الله مجتهد وبتعمل بحث كبير هايفيد الناس ما تحكي لنا عنه
مصطفي : لما اخلصه وينجح هاتعرف اكيد .
بيضحك اخوها:
ايه خايف من الحسد وداري علي شمعتك تقيد واكده!
مصطفي بيضحك: هههه لا والله بس داري علي شمعتك عشان لما تفشل ما تبقاش مفضوح وفاشل مش اكتر
بعد نص ساعة...
مصطفي: احم منور يا ابو نسب
_دا انت كنت واحشني بشكل!
مصطفي: ماتشوفش وحش ياخويا
بتحاول بسمة تكتم ضحكتها بالعافية ...
ومصطفي بينفخ وهايطق من الغيظ وبيجز علي سنانه
_________________________
بيدخل كرم البيت...
كرم: كريمة يا كِريما يا قشطة انت فين !
بيلاقي البيت عتمة ..
كرم بابتسامة: معقول اتحققت امنيتي وعاملة لي جو رومنتيكي وهاتدلعني..
بيرفع الجلابية وبيمسك طرفها ببوقه:
وااااه لو لابسه حتة شفتشي وترقص لي اباااااي انا من قبل ما اشوف حاجة وانا مثار ...
بيمشي لحد اوضة النوم وبيفتحها بيلاقي شموع..
بيصقف بحماس وبيلف وهو بيرقص:
شكلها هاتحلو ياض يا كرم وهاتجيب عيال هههه عاااااااااااااا
بتقع كريمة علي الأرض وهي بتضحك بعد ما كرم طار وقف فوق السرير وهو بيصرخ..
كريمة: خلعتك ههههه ايه رأيك في الميكب اب
كرم: ابو اللي جابوا ابوكي يا جزمة خلعتيني بس دا انت خلعتي كل حاچة لييييه ليه اكده دا انا كان عندي سقف طموحات عالي ليه دشدشتيه فوق نفوخي ليييه
كريمة قامت:
اييه عملت فيك مقلب !
كرم بينزل وبيقعد عالسرير:
بااااس همليني دلوك الم شتات روحي
كريمة بتقرب لوشه :
عووووووو
كرم بيعدي عليه لحظات صمت وبعدين بيتكلم:
هو انا لو طلقتك يا كريمة هايوحصل حاجة والنبي ماهايوحصل حاجة
كريمة: ماتقدرش عارف ليه
كرم: ليه
كريمة: عشان هاقتلك لو فكرت فيها ماتجيب بوسة عوووو
بيقوم كرم وبيسيب الأوضة وهي بتجري وراه ..
كرم: شيلي اللي في خلقتك ده ابو اللي جاب ابوكي متجوز رامز جلال
كريمة بضحك : هاروح اتسبح بقا اجهزلك الوكل
كرم: لاه مش طافح
كريمة: ما خلاص يا سيد الناس ..
كرم: لاه زعلان
كريمة: والنبي ماتزعل ولا تشيل في نفسيتك اقولك ايه رأيك أرقصلك ..
كرم بفرحة: بتتكلمي چد
كريمة: جد الجد يا ولد عمي ...
بيقعد كرم يستنيها بحماس وهي بتدخل الأوضة ..
كرم: يااااه لو تلبس قميص نانسي عجرم اطبطب وادلع اوباااا ولا هيفاء ابوس الواوا ..
بتطلع كريمة وكرم واقف فاتح بوقه..
_________________________
بتفتح روح عينيها :
هو في ايه هي الدنيا مقلوبة ولا ايه
بتحاول تتحرك بتلاقيها مربوطة من رجلها ..
روح: عااااا يا نمر ...يا نمر يا يونس يونــــــــس
بيفتح النمر عينيه وبيبص حواليه ...
النمر: عاجبك كده يا اخرة صبري
روح بخوف: بص علي نص الكوباية المليان بدر مش معانا كده عادتشي هانعرف نهرب
حد بيحركهم وبيمشوا بيهم...
روح : هما هايعملوا فينا ايه يا نمر !
النمر: هاتعرفي دلوك ..
روح: بص علي نص الكوباية المليان يا نمر بيمرجحونا
بيحطوهم في وعاء كبير وايديهم مربوطة ورجليهم وبيكونوا واقفين معدولين وبيصبوا فوقهم مية
روح: بص علي نص الكوباية المليان يا نمر بيحمونا
واحد بيجي ومعاه حاجات زي بصل وطماطم وبيرميهم في المية
روح: بص...
بيقاطعها النمر: بص علي نص الكوباية المليان يانمر بيتبلونا نفسي اروح الصين يانمر عاوزه اكتشف الصين النمر عاوزه اهد صور الصين العظيم واثبت له اني اعظم منه يا نمر .
روح: اهدي يانمر مش كده صحتك ...
بيولعوا النار عليهم...
روح: بص علي نص الكوباية المليان يا نمر بيدفونا
النمر: انا ازاي وافقت وجبتك هنا دول مش سايبين حاجة الا وكلوها مش هايكلونا
روح : ماتظلمهمش يا نمر دول شكلهم هنود حمر ..
واحد منهم بيسيب السكينة بياخدها النمر ببوقة بسرعه وبيحطها في المية
روح: ايه ده انت ناوي تخلص عليا ولا ايه دا احنا عشرة عمر يا عم اخص عليك
النمر: اخلص عليكي ايه انتي نصيبي وقسمتي السودة ساعديني امسك السكينة بسرعة المية ابتدت تسخن وهانتسلق ..
روح : طيب ...بس الموقف ده هههه فكرني بتوم وجيري لما حطوة في المية وجيري حط فوقه جزر وبطاطس ههه نفس الموقف
النمر:انتي بتهزري واحنا ممكن نموت
روح: بص علي نص الكوباية الحلو هانموت مع بعض عشان ما اموتش لوحدي وتتجوز عليا هزعل اوي
النمر: اسكتييييي وهاتي السكينة.
بيمسك النمر السكينة وبيفك ايده بصعوبة وايد روح وبيطلع بره الوعاء وبيفك رجله وبيطلع روح ويفكها..
بيجوا اربع افراد من بعيد يجروا ...
النمر: اجري بسرعة...
بتجري روح هي والنمر...
روح: كنت عارفة انك جامد مش هاتسيبنا نتاكل ياعم ربنا يخليني ليك ههه
بيفضلوا يجروا وبيتداروا في شجرة كبيرة منهم لحد ما بيعدوا ...
بيسمعوا صوت غريب...
بيبصوا عليه..
النمر بيبص لروح..
روح: مش وقته تبص علي كوبايات ولا ماجات اجري بس اجرييييييي
__________________________
بتدخل ميرا الشركة وبيقف كل اللي فيها.
بتدخل علي مكتبها وبتطلب السكرتيرة..
ميرا: استاذ خالد اجي
_لا يا فندم ..
بتهز ميرا راسها وبتتنهد بحزن .
ياتري مخبية ايه ...
___________________________
بيدخل مصطفي البيت..ولأوضة المكتب وشاكر بيكون قاعد بيكح...
مصطفي: ايه يا بوي عجزت ولا ايه ههه
شاكر: فشرت دا دور برد كيف اللي بيجي لمصر كولاتها
مصطفي: يا ابو يونس ! جرا ايه يا نمر السن برده ماتنسهوش
شاكر: انت عاوز تعجزني وخلاص دا انا هاخاويك يا واد
مصطفي بضحك: ربنا يديك الصحة يابوي وتملي الدار عيال...
شاكر: الأوضة اللي مليانة حاجات مش فاهمها دي بتعمل فيها ايه يا ولا اوعي تكون بتعمل حاجات مش ولابد
مصطفي بيضحك: الله يحظك يا بوي حاجات مش ولابد ايه دا بحث هايغير مجري التاريخ
شاكر: هاينزل في التورعة ههههه
مصطفي: تورعة ايه ؟ اااه مجري ايه القلش ده يابوي اتعلمتوا منين ياشقي
بيطلع مصطفي الأوضة او المختبر بتاعه ...
بيدخل فيه وبيكون فيه ورق كتير وبيدمج محلولين فوق بعض وبعد كده بيضحك وبياخد عينه يعينها وهو مبسوط
____________________________
سي السيد علي ايه بلا نيلة
سي السيد من بره هيبة ومن جوه تلميذ وخيبة
كرم كان قاعد بيرمش بسرعة ورا بعضه
بتقرب منه كريمة بقلق..
كريمة: فيك ايه !
كرم: مذهوووووووووول بس لازمن الأغنية العفشة دي !
كم انت لا يعجبك العجب ولا الصيام في رجب يا كرم
_____________________________
روح وهي بتجري:
مش انت نمر موته !
النمر :
دا فهد !
روح:
ايوه وايه يعني
النمر: احنا بيجري ورانا اسرع حيوان في العالم وتقولي لي وايه يعني !
__________________________
بيجي اتصال علي تليفون مصطفي من مجهول ..
_فكرت !
مصطفي: انتم عارفين جوابي
_لو مش معانا هاتكون ضدنا !
بيتقفل السكة وبيرمي مصطفي التليفون بعصبية......يتبع
ولسه اللي جاي تقيل مع كاتبة الجيل😎
ايه رايكم في البارت.
تفتكروا ميرا مخبية ايه ومصطفي
عاوزة كومنتات برأيكم
وياريت كل اللي يقرأ يسيب كومنت
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)