.jpeg){kind=small}
رواية بئر كندراش الفصل الخامس 5 بقلم نورهان اسلام
فى جميع بقاع الأرض تختفي من الروح البشريه صُنع السحر ولكن على تلك الارض يتحقق كل ما عجز البشر عن فعله . لإن سكان الارض ليسوا بشر "سكان ارض كِندراش
الوزير نظر للملك مستنى منه الأمر علشان يطلق سراح نجمة ولكن الملك غمض عينه وشاف قمر قاعدة فى جناحها ... فتح عينه وهو بيسأل نجمه بالعربى لما عرف إنها مش قمر ومش من أهل الارض: من انتى .. وكيف جئتى إلى هنا؟؟
حاولت ترد بثقه وبدون خوف من نظراته ليها: جئت لاختي جلالة الملك .. جئت ل قمر
الحديث كان متراقب من ادم وماندريانا .. اللى كانوا فاهمين قدرات الملك الخاصة نظراً لإنه ملك الأرض .....
الملك بص ل نجمه وهو بيقول: إذن كيف دخلتي أرض كِندراش !
نجمه: كما دخلت قمر.
الملك بص ل نجمه وهو بيهز رأسه .. الوزير رفع ايده وهو ماسك ختم الأرض... ومستنى أمر الملك ... الملك أذن للوزير وبعدها الوزير ختم على ايد نجمه واصبحت رسمياً من اهل الأرض .. اتحررت من القيود السحريه للسور وكان متابع الموقف ادم اللى طمنها عن طريق العقل انها تتكلم مع الملك بثقه وتتطلب منه رؤيه قمر.....
نجمه بصت للملك واتكلمت: اريد رؤية قمر زوجتك جلالة الملك راناش
الملك كان مستغرب إنها قادرة تتكلم معاه بثقه وكمان عارفة عادات وتقاليد الأرض اللى محدش ينفع يخالفها .. بص ليها الملك وهو بيحاول يعرف هى عرفت لغة الأرض ولا لا اتكلم معاها وقال: كند اتبعينى راش..
نجمه فهمت قصده لكن متحركتش من مكانها علشان يفهم إن محدش اتواصل معاها من اهل أرض كِندراش .. كان مشي خطوتين ومسمعش صوت نجمة وراه فبص ليها وقال: اتبعينى
لعنة أصابت جسدى الهزيل أصبح لا يستطيع الرحيل .. قلباً تشوق لرؤية حبيب لكن قانوناً منع الرحيل وترك الحزن فى القلب يزيد كانت قمر بتغنى وهى قاعده فى جناحها ( عاملة بيدج بأسمى اسمه حكايات نور بنزل عليه يومياً) بصت لصورة متعلقه على الحائط كانت صورة ليها هى وأهلها من الصغر اتخيلتها لما قدرت تعمل السحر .. بصت لصورة نجمة لما كانت طفلة وبعدين بصت فى المرايا وهى بتتخيل نفسها على الأرض مع نجمه و والدتها واخوها وجدتها ... بصت ل سماء الاوضه لإن الاوضه عندها سقفها زجاج وشكل السماء هو اللى باين بس ...
...جلالة الملك راناش يدخل الأن ...
قالها الحارس الشخصي لغرفة الملكه قمر لكن بلغة اراسي
قعدت قمر على السرير وهى باصه للباب اللى هيدخل منه دخل منه الملك وهو بيبتسم ليها وقال : كندعندى راش كند ليكى راش كند مفاجأه راش " عندى ليكى مفاجأه "
بص على الباب اللى دخلت منه نجمه وهو بيراقب تعابير وش قمر اللى اتبدل فجاءة ل فرحه وهى شايفه نجمه فعلاً مش خيال زى كل مره ... النظرات ما بينهم اتقابلت نجمه عيونها دمعت وهى شايفه اختها لأول مره بعد زمن .. قربت عليها وهى بتمسك ايدها علشان تتأكد إنها فعلاً شيفاها هزت رأسها بتأكيد ودموع الفرحة نازله وإبتسامة إترسمت على شفايفها وهى بتحضن قمر ...
الشباب بيتجدد!!
_يعنى ايه!!
= يعنى الواحد بيوصل لسن معين ومش بيكبر تانى .. ولو كبر سناً بتفضل ملامحه زى ما هى ...
_ ازاى ده
فتحت الباب وهى بتبص لوالدها وقالت: زى كدا.
كانت نجمة وقمر واقفين أمام غرفة والدهم .. بص عليهم وشافهم اتنين للحظه عيونه لمعت من الفرحة وهو بيروح ناحية نجمة وبيحط ايده على وشها وهو بيقول: ياااه . اخيراً شوفتك يا بنتى..
__________________
كان قاعد بيعمل تماثيل من الخشب وهو سرحان لحد ما السكينة اللى بيعمل بيها عو_رت إيده .. بص عليها وهو بيتألم وكانت فى اللحظه ديه ماندريانا داخله عليه بصت على إيده وهى بتقعد وقالت:مش تاخد بالك يا ادم
ادم بصلها بحزن وقال: كنت سرحان
ماندريانا استخدمت السحر بتاعها وعالجت الجرح وهى بتقول : انا كد ليا عندك خدمة!
بصلها ادم لعلمه إنها دايماً بتهزر وقال: شكراً
ماندريانا: ايه بئا اللى كنت سرحان فيه!!
ادم بتهرب: لا مفيش .. الفتره اللي فاتت بقيت بسرح كتير مش اكثر
ماندريانا بضحك: على دودو ... يا ادم انت نسيت إنى بعرف الصادق من الكذاب ولا اى!!
ادم بتذكر: يووووه.. من ساعة ما بئا عندك القدره ديه والواحد مش عارف يتكلم معاكى .. كنت بفكر فى نجمه ... بقالى فتره بصحى الاقى حد معايا فى الكوخ وبلاقي دايماً ونيس .. الوضع لما اتغير مش عارف حصل ايه بس حسيت إنى بقيت لوحدى .. قبل ما تدخل حياتى كان الموضوع عادى .. بس لما دخلت اتعودت على وجودها!!
ماندريانا بحزن على حالته: طب متوصلتش معاك!!!
آدم : لا .. اخر مره لما كانت مقيده فى الساتر السحرى ...
قد يعجبك ايضا
_______________________
_ عايزك تحكيلي كل حاجه حصلت .. وازاى جيتى هنا .. واخبار اسر وامى وكريمة "زوجته"
نجمه بفرحه إنها قابلتهم اخيراً ومتناسية السؤال: هحكيلك كل حاجه .. المهم إنى قابلتكم وإنى فرحانة اوى إنى معاكم
قمر: مش متخيلة إنى قابلتك تانى يا نجمه .. وحشنى لعبنا مع بعض فى القرية
نجمة بتذكر: ياااه .. عارفة بعد ما وقعتى وبابا راح معاكى .... مكنتش بخرج العب .. فضلت مستنية اليوم اللى هتخرجى فيه على امل إنك راجعه تانى بصت لوالدها وقالت : راجعة انتى وبابا
_______________________
حين يكون فى الأرض اثنان ... تولد طاقة ليس لها مثيل بها يمكن أن تنكسر اللعنة .. لعنة أرض كِندراش .....
"من كتاب الساحر كِندراش "
قفل الملك الكتاب وهو بيتنهد بعد ما قرأ مذاكرت الساحر... وقف فى شرفة القصر وهو بيبص على سكان الأرض وعلى الحرس بتوعه
___________________
نجمه بحزن وهى بتنهى كلامها: وده اللى خلانى اجى هنا ... بس احسن حاجه حصلت إنى شوفتكم
بصت لوالدها ول قمر اللى معالم وشهم بقت حزينه وقمر دموعها لا إرادي . حالة من الحزن سيطرت عليهم بعد ما الموضوع كان شبه اتنسى
_______________
ماندريانا ل ادم: تعرف إن الخطه اللى قولتلك عليها مينفعش تتعمل !!
ادم : كدا كدا مكنتش هعملها .. بس ليه!!!
ماندريانا:تخيل بسبب الشبه اللى بينهم" نجمه وقمر" نقدر نكسب قدرات سحرية وناخد خدمات كتير .. نقدر نكون من اغنياء الأرض .. بس دلوقتى الملك عرفها ولو عرف إن إحنا استغلينا الموضوع وكسبنا قدرة مش من حقنا .. هيتحكم علينا بالموت ..
ادم بتركيز : استنى
ماندريانا: ايه!!!
ادم: نجمه بتحاول تتواصل معايا ..
___________
نجمة بحزن فى عقلها : حكيت ل بابا وقمر حكاية اخويا وماما.. انا متضايقه لزعلهم .. حاسه إنى مخنوقه
ادم: حاولى تطلعى برا القصر انتى كدا مش هتعلقى فى الساتر السحرى .. حاولى متكونيش فى مكان فيه حرس كتير
________________
الوقت اللى اتفقت فيه نجمه تتقابل مع ادم جيه فضلت مراقبه حركة الحراس وطارت ل برا القصر فى مكان دايما بيقعدوا فيه
فضلت قاعده مستنياه لحد ما لمحت خيال شخص جاى من بعيد .. فضلت مستنية الشخص اللى جاى وهى بتبتسم لإعتقادها إنه ادم لكن قبل ما يقرب مكنش ادم
اول ما دخل الناس كلها بصوله باستغراب... فيه اللى بعد عنه واللى برق وقعد يقول اعوذ بالله .. اللهم اصرف غضبك ومقتك عنك
واحد بصله وبعد وهو بيقول استغفر الله العظيم ايه يارب العفاريت اللى بتطلع فى النهار ديه
