.jpeg){kind=small}
رواية أسيرة قلبي الفصل السادس 6 بقلم انجي جمال
رواية أسيرة قلبي الفصل السادس
فريدة بتذكر: صحيح يا عمرو انا مش طلبت منك تجيبلي كل المعلومات عن الصحافية صاحبة مرام .
عمرو بتأكيد: النهارده بعد بارتي عيد الميلاد هتلاقيها علي مكتبك .
فريدة بهدوء : ماشي
عمرو: انا رايح الشركة عندي اجتماعات كتير مع الموظفين.
فريدة بتأكيد : خلاص استني وانا جاية معاك
عمرو بملل : ماشي .
وبعد ذلك يقومون بالتوجه لشركة السويفي
🌹🌹
🌹🌹🌹🌹🌹🌹🌹🌹🌹🌹🌹🌹🌹🌹
وفي هذه الأثناء وأمام المول تحدث مشكلة بين بنت وولد
انجي لمرام : تعالي نشوف في أي
مرام ببرود : ملناش دعوه خلينا نخلص
انجي بإستغراب: يعني اي ملناش دعوه دا ولد بيرخم علي بنت والكل واقف يتفرج ومحدش راضي يدخل .
مرام بغرور : مش مرام السويفي الي توقف تتفرج علي المهزله دي يلا علشان نخلص الشوبينج .
انجي في نفسها( الله يخربيت السويفي الي واكلين دماغنا بيه دا أنا هكرهكوا في الاسم ده )
انجي بعند : عايزة تمشي اتفضلي بس انا مش هقف ساكته واسيب واحد قليل الادب زي ده يعمل الي هو عايزه .
مرام بإستنكار : واحدة مش تعرفيها هتوقعي نفسك في المشاكل بسببها ليه وبعدين انتي عارفه الي واقف معاها ده مين وابن مين .
انجي بسخرية : لا معرفش ومش عايزة اعرف انا ماشيه ..........
وقامت انجي بالتوجه للفتاة الواقفة وتبكي بشدة.
علي الجانب الآخر :.
الفتاة ببكاء : لو سمحت عيب كدا ابعد عني.
رامي بخبث : ليه بس يا قمر تعالي معايا بس وانا هعملك الي عايزاه .
الفتاة بعصبية : انت واحد قليل الادب ومش محترم أوعي سيب أيدي
رامي بزهق : ما تهدي بقي و تبطلي صداع وبعدين ما الناس واقفة من ساعة ومحدش ادخل ف يلا بقي وخلصيني وتعالي ..
الفتاة ببكاء : انا مش جاية
رامي بعصبية وبزهق : قولتلك تعالي يبقي تخلصي والا انتي مش بتيجي بالذوق ويرفع يده لكي يصفعها ولكنه يجد يدا تمسك بيده بشده
انجي ببرود : هي مش قالتلك مش جايه اي مش بتفهم والا مش بتسمع علشان نعرف تخصص الدكتور الي هيكشف عليك .
رامي بغرور : انتي مش عارفه انا مين
انجي بزهق : لا محصليش الارف
رامي بغرور : علشان انتي مش عارفه انا مين فهسامحك ويكمل انا رامي العمري ابن رجل الأعمال محمد العمري .
انجي بعدم اهتمام : مش مهم وبعد ذلك توجه كلامها للفتاة التي تبكي وتتحدث بلطف ممكن تبطلي عياط ويلا علشان نمشي .
تنظر لها الفتاة بعيون حمراء أثر البكاء : هو احنا نعرف بعض .
انجي بإبتسامة هادئة : لا بس ممكن نتعرف .
رامي بعصبية: وهو انا قولت لواحدة فيكوا تمشي
انجي بعصبية لم تستطع السيطرة عليها : بقولك اي ياض انت امشي من هنا بدل ما امسح بكرامة أهلك الأرض قدام الناس ومش هيهمني حد ماشي وأوعي من وشي كدا .
رامي بإعجاب: شرسة جدا وانا يعجبني النوع ده
انجي بعدم اهتمام لمدحه لها : يلا يا. ؟
الفتاة بهدوء: اسمي ميرنا
(أيوة دي ميرنا بنت عم آسر صديق أيان وخطيبته)
انجي بإبتسامة : طيب يلا يا ميرنا وتقوم ميرنا للرحيل مع انجي ولكن تجد انجي يدا قوية تمسك بيدها فترفع نظرها لتجده ذلك المتعجرف ومن غيره رامي العمري.
رامي بخبث : طيب طالما عايزاها تمشي يبقي تيجي انتي مكانها .
انجي بهدوء : نزل ايدك .
رامي ببرود : ولو قولت لا
انجي بمكر : تبقي انت الي جنيت علي نفسك وتقوم بالامساك بيده بإحكام ومن ثم تقوم بالالتفاف وراءه وهي ممسكه بمعصم يده بقوة وتقوم بكسرها وتضرب رجلها برجله من الخلف مما أدى الي سقوطه أرضا وهو يصرخ من الالم ولم تكتفي بذلك بل أمسكت رأسه وقامت بضربه بالأرض .
انجي ببرود : علشان تبقي تقل أدبك على بنات الناس وتستعمل سلطة باباك ونفوذه في الموضوع .
وتمسك بيد ميرنا ويذهبا سويا الي الكافيه الخاص بالمول وميرنا لا تزال ترتعش من الخوف وطلبت انجي لها ليمون لكي تهدأ قليلا وبعد ذلك
ميرنا بابتسامه باهته: مش عارفة اشكرك ازاي .
انجي بهدوء : علي اي محصلش حاجة
لتمد ميرنا يدها بهدوء : ميرنا المحمدي .
لترد انجي عليها السلام : أسيل عمران .
ميرنا : تشرفت بمعرفتك .
انجي : انا اكتر سلام انا بقي لأن لسه ورايا شوبينج وعندي حفلة بالليل تحبي اتصلك علي حد لو تعبانه ييجي ياخدك ويروحك أو انا اوصلك بالعربية بتاعتي
ميرنا بامتنان: شكراً ليكي لا انا هتصل علي خطيبي ييجي ياخدني .
.
انجي بإبتسامة : طيب فرصة سعيدة أن انا اتعرفت عليكي يلا سلام .
ميرنا بفرح : انا أسعد والله ويا رب متكنش آخر مرة نتقابل فيها .
انجي بهدوء: اوك باي
ميرنا : باي
وبعد ذلك تذهب انجي لشراء هدية وفستان لحضور بارتي عيد ميلاد مرام
وميرنا تقوم بالاتصال علي آسر و...........
🌹🌹
🌹🌹🌹🌹🌹🌹🌹🌹🌹🌹🌹🌹🌹🌹
وصل أيان لمديرية مكافحة المخدرات وأثناء دخوله الي هناك يلتقي بصديقه آسر ويقوم بمعانقته :.
آسر بمرح : وحشتني يا ابو الصحاب .
أيان بإبتسامة : انت أكتر والله يا صاحبي .
آسر بسعادة: انا مبسوط اوي إن إحنا هنشتغل مع بعض في القضية دي .
أيان بسخرية: طيب تعالي يا اخويا وريني مكتب اللواء صالح فين .
آسر بتذمر : تعالي يا اخويا مش عارف مستعجل علي اي .
أيان بإبتسامة: طيب خلينا نخلص شغل الاول وبعد كدا عايزك في حوار .
آسر وهو يؤشر إلى نفسه بدراما: عايزني انا وفي حوار الدنيا حصلها اي يا جدع .
أيان بضحكة رجولية : طب قدامي يا ظريف .
وقاموا بالتوجه إلى مكتب اللواء صالح المنصوري وبعد أن أذن لهم بالدخول :.
اللواء صالح بترحاب : اهلا اهلا منور المديرية يا شبح .
أيان بإبتسامة: منوره بحضرتك يا فندم .
اللواء صالح: طبعاً انت حابب تعرف انا طلبتك ليه واستدعيتك من المخابرات المصرية ومركز العمليات الخاصة.
أيان بتأكيد : طبعاً يا فندم .
اللواء صالح: الرائد أسر كان متابع عملية مخدرات كبيرة وكدا ولسه مش عارفين لسه مين من مصر الي بيتعامل مع الناس دي بس في ناس احنا شاكين فيهم .
أيان بهدوء : بس انا برضوا يا فندم لسه معرفتش حضرتك طالبني ليه إذا كانت دي قضية مخدرات فده شغلكوا .
اللواء صالح بإبتسامة :مش مختارك من شويه يا شبح بس علي العموم عرفنا بعد كدا أنهم بيتاجروا في البنات القاصرات والاعضاء والآثار .
أيان بهدوء: يعني دي شبكة إرهابية كاملة .
اللواء صالح بإعجاب: بالظبط .
آسر ببلاهة : براڤوا عليك يا أيان .
اللواء صالح بسخرية: عقبالك لما نقولك براڤوا عليك يا آسر .
آسر بغرور مصطنع : مبحبش اتكلم عن نفسي .
أيان بإبتسامة: كدا تمام فين ملف القضية علشان ادرسها كويس .
اللواء صالح هو يأخذ من علي مكتبه ملف باللون الاسود : اتفضل اهه ادرسه لو عرفت حاجة جديدة في القضية عرفني بيها .
أيان : اكيد يا فندم وبعد ذلك يقف ويقول استأذن انا .
اللواء صالح بإبتسامة : اتفضل يا سيادة المقدم وورينا شغلك .
أيان بإبتسامة: بإذن الله يا فندم
آسر : وانا كمان استأذن يا فندم .
اللواء صالح: اتفضل يا سيادة الرائد
وبعد ذلك يخرج أيان وآسر من المديرية :.
🌹🌹🌹🌹🌹🌹🌹🌹🌹🌹🌹🌹🌹🌹
أيان : كنت عايزك في موضوع .
آسر بانتباه : موضوع اي ..
أيان : كنت ..................
