رواية زهرة أصلان كاملة جميع الفصول

 

رواية ليالي الغول الفصل الرابع عشر 14

#ليالي الغول14

عمار كان مصدوم اللي بيسمعهم اللي بيحصل الدكتور كان بيتكلم بيقول

مروان اخو حضرتك فاق

وعمار حاطط التليفون لسه وبيسمع السكرتيره وهي بتقول له في حاجه كمان يا عمار بيه ما فيش واحده اسمها ليالي جاءت اشتغلت في المستشفى طبعا في المواقف ده التليفون وقع من عمار حركه لا اراديه بسبب اللي بيسمعه يعني ايه ما فيش واحده اسمها ليالي اشتغلت في المستشفى امال دي مين البنت دي

دي مراتي ده انا اتجوزتها

بس عمار وهو بيستجمع قوته قال كلمه واحده اكتب العنوان اللي عندك في ورقه وقفل السكه ودخل يشوف اخوه

دخل الاوضه على مروان كانت حياه اخته وبوسي وعثمان كلك في الاوضه بيطمنوا عليه

بس مروان اول ما شاف عمار شاور له بايده بالرحه ومش قادر يتكلم بسبب الجرح

عمار قرب عليه وبدا يطمن ويقول له انت عامل ايه انت كويس ما تتكلمش حاسس بايه عمار مشاعره كانت مهزوزه بسبب اخوه وبسبب اللي بيحصل فعمار كان محطوط عليه جامد قوي

بس مروان هنا طلب منه يقرب ليه وهمس له قال له عايز

اتكلم معاك خرجهم كلهم بره انا عايزه احكي لك حاجه

عمار بدا يهز راسه ويطمنه ويقول له حاضر وقال لحياه ارتاحي  واخرجي بره انتي

روحي اطمني على ماما اشوفها فاقت ولا لا وانت يا عثمان انت وبوسي معاهم

كله نفس كلام عمار وخرج وفاضل عمار ومروان بس في الاوضه

عمار ركس على رجله عشان يبقى في مستوى جسم مروان وعشان يسمعه كويس

وهنا مروان بدا يتكلم بتهتها وبندم ويقول له

انا بحكي لك واتمنى انك تسامحني انا ندمان على كل اللي عملته بس الشيطان غواني مش شيطاني لا الشيطان امجد الاسيوطي

طبعا عمار اول ما سمع اسم امجد الاسيوطي عفاريت الدنيا ركبته بس حاول يتماسك كويس عشان يفهم ايه اللي بيحصل لان حاله اخوه ما كانتش اطمن

مروان ما تقلقش كل حاجه تطلع يا مروان اهم حاجه انت تقوم بالسلامه

مروان اسمعني بس يا عمار لاني حاسس اني مش هقوم بالسلامه اسمعني وارجوك تخلي مراتك تسامحني

 عمار كان شاكك اساسا ان في حاجه غريبه بتحصل واول  مروان قال كده اتاكد وبدا يسال اسئله مريبه

 ايه اللي حصل عشان ما ردتش سامحك وايه اللي حصل لك في الاوضه وانت كنت عندها اساسا بتعمل ايه وانتوا كنتوا ع'ريانين ليه

مروان هحكي لك كل حاجه يا عمار بس اسمعني انا للاسف وقعت في سكه اللي بيروح ما بيجيش وقعت في سكه التعاطي والسبب في السكه دي امجد الاسيوطي هو اللي خلاني اعمل كده عشان ابقى تحت رحمته عشان انقله كل اخبارك

طبعا عمار كان بيسمع وهو ماسك نفسه وهو ما يقدرش يتعصب لان اخوه تعبان جدا

ومن ضمن الحاجات اللي امجد خلاني اعملها اني سرقت الورق من شركتك وبوسي  شافتني على اخر لحظه وخدته مني وبدات اعيط لها واقول لها انها مش لازم تقول لك وان انا هتغير وماما كمان 

اول ما قلت لها على اللي حصل كلمت بوسي وقالت لها ما تجيبلكش سيره عشان المشاكل ما تكبرش وان انا هتغير

وكمان رحت شقه بوسي وبوسي مش موجوده في الشقه

اخذت نسخه المفاتيح منك انت بالميداليه بتاعتك ولما رجعت حطيتها تاني من غير ما تلاحظ امجد كان بيطلب مني ان انا اخذ اي ورق يخص شركتك وديه له وطلب مني ان انا احط كاميرا في شقه بوسي عشان يصورك وانت وبوسي علشان يستغلوا كل الحاجات دي ضدك عشان ينتقم منك عشان قت'لت باباه

وكل ده كان غصب عني يا اخويا بسبب التعاطي سامحني ياعمار

عمار والدموع بدات تسيطر عليه

كل ده مش مهم فداك الشركه فداك كل حاجه وامجد الكلب ده انا هعرف اتصرف معاه وانت هعالجك من التعاطي وهتبقى تمام وكل حاجه هترجع زي الاول بس انت خف

وسكت شويه عمار ورجع قال له وايه اللي حصل بينك وبين ليالي

كان بدا يتكلم بصعوبه لانه كان تعبان لان الجرح كان جاي له في مكان حساس يعني اللي ضربه كان قاصد ان هو يموته 

مروان برده امجد قال لي ان مراتك مش تمام  لانها شمال ووحشه ما فيش حاجه ان انا لو اته'جمت عليها ونمت معاها الموضوع كله ارمي لها قرشين وهي هتوافق

عمار.بعصبيه وبعدين 

مروان كان ملاحظ عصبيه عمار وقال له

اهدى اهدى ما حصلش حاجه مراتك دي طلعت كويسه وكل ما اقرب لها كانت بترفض وامك شهد على الكلام ده كانت بتسكتها

واخر يوم انا جبت منوم وحطيته لكم في العصير ايه عشان كانت فوق ما شربتش من المنوم وكلكم نمتوا وانا طلعت عشان اعمل التخطيط اللي في دماغي لكن هي قومتني على قد ما تقدر فضلت تصرخ وتقول لي خلي بالك في حد هنا

بس انا كنت فاكرها بتهرب بس اللي اتفاجئت بيه ان كان في حد موجود في الاوضه وكنت لسه هتحرك واخذ حذري لكن الاوضه ظلمت وما شفتش حاجه ما سمعتش غير صوت مراتك وهي بتقول لي معاها س'كينه 

بس قبل ما اضرب بالس'كينه سمعت صوت

 بيقول اسكتي انتي معانا ولا معاهم

عمار..مين قصدها يبقى معانا ولا معاهم

مروان..كان صوت حور اختك .حور عايشه 

عمار.

🙂🙂🙂🙂

لوجي احمد 

رابط الفصل الخامس عشر

تعديل المقال