الحلقه التانيه ♥
موج: ومين قالك ان ادهم مات يا بابا؟ ادهم عايش
كامل بصدمه: عايش ازاى يا بنتى وحدى الله مش كده
موج: لا اله الا الله، صدقنى يا عمى والله م بكذب، ادهم عايش، انتو ليه مش مصدقينى
كامل: احنا مستلمين جثته من القياده بتاعته يا بنتى ودفنينه بايدينا، و..
موج: مش ادهم يا بابا صدقنى، انتو شوفتوا وشه؟ لا، مجرد م القياده بلغت بوفاته، ادهم عايش يا بابا صدقنى
كامل: اهدى يا بنتى، وصلى ع النبى كده مترجعيش لنفس تفكيرك بعد م قولنا انك هديتى
موج: عليه افضل الصلاة والسلام، يا بابا صدقنى دى مش حاله هتجيلى ولا انا اتجننت، ادهم عايش، طول م قلبى بيدق يبقى عايش، ادهم وعدنى انه هيرجعلى يا بابا ومستحيل ادهم يخلف بوعده، عايزنى اقوله ايه اما اشوفه اقوله افتكرتك مت واتجوزت بعدك؟ مستحيل يا بابا
كامل: انا بعمل ده لمصلحتك ومصلحه اللى ف بطنك يا موج
موج: مصلحتى مع ادهم وانى اعيش مع ادهم، ومصلحه الى ف بطنى انه ييجى الدنيا يلاقى امه صاينه ابوه ف غيابه قبل وجوده، مش عشان ادهم غاب 3 شهور عن البيت تعملوا كده، م ياما كان بيغيب بالخمس شهور واكتر ليه مكنتش بتتكلم
كامل: عشان كان بيطمنا عليه، تقدرى تقوليلى لو ادهم عايش زى م بتقولى متصلش ليه؟ مجاش ليه؟!، ارجعى لعقلك يا بنتى انا حايش اخوكى عنك بالعافيه وهو عايز يدخلك مستشفى المجانين من اللى عملاه ده
موج وهى بتقف: كلامى قولته يا بابا ادهم عايش ومستحيل اتجوز غيره، بعد اذنك
سابته ودخلت اوضتها طلعت البوم الصور اللى فيه صورها هى وادهم وفضلت تفتكر قبل م ادهم يسافر
flash back....
كانو قاعدين فى البلكونه ومشغلين ام كلثوم وبيشربوا شاى بالنعناع مع بعض وادهم واخد موج فى حضنه
ادهم: موجتى
موج: نعم يا حبيبي
ادهم بتنهيده: جالى مأموريه شغل، ولازم اسافر بكره الفجر.
قامت موج من حضنه مره واحده: ايه بكره الفجر؟ بسرعه كده
ادهم: انتى عارفه يا حبيبى ان الشغل مفيهوش انذار، مش فاكره ف مره طلعت مأموريه نفس اليوم!
موج بدموع: طيب هتطول زى كل مره ولا لا؟
ادهم وهو بيحضنها وبيملس على شعرها: ممكن تهدى عشان النونو، انا مش عارف هطول ولا لا، حسب م ربنا يكرم
موج وهى بتدخل فى حضنه جامد: متروحش يا ادهم اعتزر عشان خاطرى، متسبنيش
انفجرت فى العياط بصوتها كله وحاول ادهم يهديها معرفش لحد م نامت ف حضنه وشالها ودخلها مكانها ونان جنبها.
تانى يوم الصبح صحى على صوت موج وهى بتعيط، فتح عينه لقاها بتحلم
ادهم: موج، موج قومى يا حبيبتى انتى بتحلمى
فتحت عيونها وهى بتعيط وقامت مره واحده وحضنته: متروحش يا ادهم عشان خاطرى يا ادهم متروحش
ادهم: ششششش اهدى اهدى خالص، احكيلى مالك وحلمتى ب ايه
موج: حلمت انك روحت المهمه دى ومرجعتليش متروحش يا ادهم.
فضلوا شويه حاضنين بعض وفجأه ادهم قام وشالها ودخلها الحمام
ادهم: ممكن بنوتى تاخد شاور قمر زيها وانا هاخده ف الحمام التانى وتلبسى وننزل نتفسح سوا
موج: ممم، وهتودينى النيل وناكل درا مشوى
ادهم: عنيا لموجه قلبى
خرج ادهم وخلص وكذلك موج اللى لبست دريس زيتى وخمار كافيه وادهم لبس بنطلون كافيه وقميص زيتى
موج: الله يا ادهم، حلو اوى اننا بنماتشينج مع بعض
ادهم: تعالى نتصور هنا، ونبقى نتصور واحنا خارجين
اتصوروا ونزلوا فطروا بره واتمشوا سوا، واتغدوا وراحوا السينما واتصوروا وطبعوا الصور وحطوهم ضمن الالبوم بتاعهم، وراحوا ع النيل واكلوا درا مشوى وقعدوا..
موج: تعرف يا دومى نفسى ف ايه
ادهم: ف ايه يا حبيبى
موج: انك تفضل طول العمر معايا ومتسيبنيش مهما يحصل، عارف يا ادهم، انت ومش معايا بحس نفسى زى العصفوره اللى جناحها اتكسر، او الطفله اللى باباها سابها لوحدها ومشى، ببقى تايهه يا ادهم عايزه اوصل لبر الامان اللى هو حضنك ومش بعرف، مش بلاقيك وقتها، انت عارف ف كل مهمه انت بتسافرها انا بلبس التيشيرت بتاعك كل يوم عشان احس بالدفا واحس انك معايا، باخد البرفان بتاعك واغرق بيه هدومى والمخده، وبدل م ارش معطر ف البيت ارش البرفان بتاعك ههههه، انا مجنونه بيك يا ادهم، حياتى من غيرك فاضيه، مش هعرف املاها وولا هعرف اجيب غيرك يملاها، متسيبنيش مهما يحصل عشان خاطرى
خطفها ادهم ف حضنه جامد وفضلوا ساكتين حبه قطع حضنهم ادهم وهو بيبعد
ادهم: انا عمرى م هسيبك، وعمرى م هتخلى عنك
Back..
موج: واديك سبتنى يا ادهم، وحشتنى اوى ارجع بقى كفايه كده.
.................
ياسين: يعنى رفضت يا بابا
كامل: يابنى بقولك كل اللى ف دماغها دلوقتى ان ادهم الله يرحمه لسه عايش، البت اتجننت خالص يا ياسين، لو خالد اخوها شم خبر بكل ده انت عارف هيعمل ايه.
ياسين بغضب: هيعمل ايه يعنى، ولا يقدر يمس شعره واحده منها ولا من اللى ف بطنها.
كامل: عارف انك تقدر تمنعه بس لو جه وخدها من ورانا ولا حتى خدها بحجه ان جوزها مات وخلاص
ياسين: بابا انت عارف دماغ خالد ده شكلها ايه، موج لو راحت معاه لحظه اتأكد ان كلنا هنخسرها هى واللى ف بطنها
كامل: ربنا يسترها يا بنى، انا مش عارف اجيبها منين ولا منين
ياسين: خير يا حج ان شآء الله
قطع كلامهم خبط شديد على الباب، فتح ياسين بسرعه
ياسين: خالد.....
يتبع.....
#حى_بداخلى
بقلم / عهد عامر ♥
♥♥♥♥♥♥✨
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)