رواية ديفا الفصل الثاني
الكاتبة فاطمة حسن
2
اتصلت بالسواق بتاعي يجي ياخدني مكنتش قادرة اتحكم في اعصابي كل اللي كان في دماغي سؤال واحد يا ترى رجع تاني ليه؟
روحت تعبانه فتحت باب البيت و دخلت لقيت ماما قاعدة في الصالة كان نفسي احضنها و اقولها قد أي هي وحشاني بس مقدرتش ...
قعدت جنبها لقيتها بتعيط صعبت عليا فطبطبت عليها
- أبوكِ طلقني
كنت متوقعه منه اي فعل عادي اللي خلاه باع بنته و رماها بنته اللي حتة منه و من دمه
خدتها في حضني و فضلت اطبطب عليها نامت روحت غطيتها و دخلت اوضتي
مش من عادتي إن اكون ضعيفه طول عمري معروفه إني استرونج انديبندنت وومن و دا اللي دايما بظهره بس اكتشفت إني جوايا هشه اوي
بعدت ما اتعودت على غيابهم راجعين ليه طيب ؟ طيب و قلبي اللي سمعت صوته و هو بيتفتت في غيابهم هيسامحهم ازاي؟
اصوت كتير جوايا انتهت بغمضة عيني علشان انام و انهي كل الجدل دا
صحيت الصبح طلعت من اوضتي لقيت ماما محضرة الفطار
ابتسمت كان نفسي من زمان اوي اشوف ماما معايا و اصحى القاها محضرالي الفطار و احضنها و انا نازله شغلي او اسمع دعواتها ليا بالتوفيق
- مش هتقوليلي بقى اتطلقتوا ليه
= ابوكِ طول عمره بياع و خاين و معندهوش عزيز و لا غالي كان عايز ياخد كل فلوسي و يصرفهم على واحده عرفها و هي مشاركه في شغله و لما رفضت طلقني
- اممم و ليه مصرفش من فلوسه
= ما هي كدا مش فلوسه لوحده هي داخله معاه في الفلوس دي بالنص و هو اصلا طمعان فيا
- طيب أنا هروح شغلي و كل حاجه موجودة في البيت لو احتاجتي اي حاجة اديني بس رنة و انا هتصرف
= مسمحاني؟
- سلام يا ماما
سبتها و مشيت على قد ما هي أذتني و وجعتني على قد ما انا مش عارفه اوجعها زي ما هي عملت فيا
عليت صوت الموسيقى و أنا ماشيه لحد ما لقيت عربية بتقطع طريقي و وقفت قصاد عربيتي
كان يونس
خدت نفس عميق و نزلت من العربيه
اتكلمت بصوت عالي
- أنت يا بني آدم انت .. انت عب.يط؟!
= منتي مش عايزه تسمعيني
- بقولك اي أنا مش فاضيه للفراغ اللي أنت فيه روح شوفلك حاجه العب بيها غير يا عسل
= أنا عسل
- دا بس هو اللي فرق معاك
= أيام أنا بحبك
سكتنا شوية لحد ما لقيت واحده غريبه جت وقفت جنبه و اي دا دي بتسلم و بتحضنه عادي قدامي كدا
اتعصبت منهم قومت شداها من زراعها بعدتها عنه و ضر.بت يونس قلم على وشه و خدت عربيتي و مشيت بأقصى سرعة
- اااه يا يونس يا بن فاطمة جاي تلعب بيا تاني مش مكفيك إنك لعبت بيا و بمشاعري و سبتني و سبت الشركه
----------------------------
- دا أنت طلعت بتتاخد اهو
= إنتِ عايزه مني أي
جاوبت ببرود عايزك أنت
- و أنا مش عايزك يا ندى إنت مبتفهميش
= بقولك أنا بحبك هي عمرها ما حبيتك أنت مبتفهمش
-غوري من وشي مش عايز اشوف وشك تاني
----------
نزلت من العربيه دخلت الشركة لقيت يونس جاي ورايا
- بقى أنت يا بنت هدى بتعلي صوتك عليا و بتديني بالقلم
= لو ممشتش من هنا هتاخد كمان واحد زيه
صوته علي و هو بيقول
-لا بقااااا زي ما ليكِ في ام الشركة دي أنا ليا فيها يا بنت هدى
قربت منه و مسكت ياقة قمصيه و اتكلمت بصوت هامس
= صوتك دا لو علي تاني هزعلك و هزعلك جامد اوي
سكتنا و عيوننا اتلاقت... سبته و مشيت قبل ما أضعف و اعيط
دخلت مكتبي وقفت قصاد الشباك لقيته داخل ورايا
قعدت ع المكتب و سندت راسي بأيديا من كتر التعب و اتكلمت بصوت واطي
- لأ كدا كتير يا ربي تعبت من البأف دا
= علي صوتك على فكرة البأف دا بيحبك
اتكلمت بعصبية
- و أنا؟ و مشاعري أنت سبتني و انت عارف إني مليش غيرك اصلا ، طيب ازاي هونت عليك؟ ازاي تفرط فيا
دموعي خانتني و أنا بتكلم
- دي كانت غلطتي مكنش ينفع انسانه بائسه زي ملهاش حد و محدش متقبل وجودها تفكر إن في حد هيبقى معاها إذا كان عيلتها اتخلت عنها.. عموما يا يونس أنا مش هاكل عليك حقك في الشركة اطلب الرقم اللي أنت عايزه
= بس أنا عايزك إنتِ
اتكلمت بحزن و انا بشاور على قلبي
- شايف دا مش هيستحمل تاني انا مبقتش قادره تاني
جريت من قدامه و رجعت البيت لقيت ماما محضرة الغدا
قعدت جنبها لقيتها بتعيط
حضنتها و عيطت جامد اوي
طول عمري كان نفسي القى حضن مفتوح ليا لما ازعل اروح اترمي فيه و اعيط
لقيتها بتطبطب عليا و هي بتقول
- أنا عارفه إن كنت أنانية لما سبتك لوحدك أنا مستاهلش إن أكون أم ليكِ أنا بخجل من اللي عملته سمحيني يا أيام
حضنتها
= حصل خير يا ماما المهم إنك معايا دلوقتِ
قعدنا كلنا سوى و اتفرجنا على التليفزيون سوى و شربنا شاي بنعناع مع بعض ،كنت مبسوطه اوي إنها رجعت بالرغم من كل حاجه حصلت لكن هتفضل أمي
مسكت الفون فتحت الفيس و فتحت صفحته لقيته منزل بوست
"يميل لك الورد،فالورد لموطنه يحن"
ابتسمت بعدين افتكرت البنت اللي كانت بتحضنه دي اتعصبت و رميت الفون
و دخلت نمت
صحيت الصبح لقيت مسدج منه على الماسنجر محتواها
" لا السيف يفعل بي ما انتِ فاعلة و لا لقاء عدوي مثل لقيااكِ،لو بات سهم من الأعداء في كبدي ما نال مني ما نالته عيناكِ"
شوفت المسدج ابتسمت و مردتش
قومت لبست بسرعة و نزلت على الشركة
وصلت لقيته في قاعد في المكتب
- دا انت شكلك مش ناوي تجبها لبرا يا سكر
= اتعلمتي الردح امتى؟
- عمررررررر أنت يا زفت يا اللي اسمك عمر
= نعم يا افندم
- في ثواني تجبلي قهوة و برشام للصداع
= في ثواني
خبطت بأيدي على مكتبه بعصبيه.. فوقف و قرب مني
- عينيكِ فيها حزن
رفعت ايدي و قفلتها بعصبية
= أيدك لو اتمدت تاني مش هيحصل خير
واحنا واقفين نتكلم لقيت نفس البنت داخله علينا تاني و رايحه تسلم عليه روحت مسلمه عليها مكانه
- مبيسلمش على بنات يا عسل
= هي بقيت كدا يا يونس
- اه و متورنيش وشك تاني
مشيت بعصبية و انا لفيت ليه
- بتصاحب عليا يا يونس؟
= و الله هي اللي بتجري ورايا
قربت اكتر
- قدرت تحب غيري
لزق في الحيطه
= و الله ما حبيت غيرك
- إن ما وريتك يا يونس مبقاش أنا ايام
سبته و طلعت برا المكتب بتاعه كان عندي شغل كتير
فضلت حوالي 3 ساعات بشتغل على اللاب لحد ما فصلت
شيلت النضارة لقيته جاي
- الوضع مش هيفضل كتير شوف عايز كام و اخلص
= دي شركتي زي ما هي شركتك
اتعصبت
- أنت نسيت نفسك يالا الشركة دي لولا وجودي كانت وقعدت
= هي كلمة و خلصت شركتي زي ما هي شركتي
جه يمشي روحت حطيت رجلي قدامه فوقع على وشه
وقفت اضحك عليه و اتكلمت بغرور
- لما تيجي تتكلم اعرف الاول بتتكلم مع مين دا أنا ايام يالا
عديت من قدامه و سبته في اندهاشه و هو واقع على الأرض.
يتبع......
#ديفا
#Fatma_Hassan.
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)