رواية رغد وكبريائه الفصل الثاني 2 بقلم الكاتبه الصغيره
مراد اخد رغد ودخل الكافيه بكل كبرياء
مراد / من اولها كده عملتي مشكله
رغد / يعني اي حضرتك هو اللي وقفني وقال ممنوع ادخل بالنقاب و.
مراد بعصبيه /انا عارف كل ده . كان ممكن تتصلي من الاول بس انتي وقفتي تتكلمي معاه واتأخرتي 5 دقايق
رغد / حضرتك انا كبيرة واقدر احل مشاكلي بنفسي
مراد / واضح جدا
رغد / ممكن اعرف انت مين ؟
مراد / افندم
رغد / يعني حضرتك مين عشان تقدر ترفد مدير الكافيه كده بمنتهى السهوله
مراد / صاحب الكافي مثلا
رغد / اممم بس اللي انا اعرفه انك صاحب شركه استارز للأزياء
مراد / عندي مجموعه من الشركات مش بس شركه استارز للأزياء والكافي ده بردو . عندك مانع
رغد بإحراج / احم لا ابدا انا آسفه اني كنت سبب غير مباشر ع التأخير اتفضل حضرتك ده ال c.v بتاعي
مراد بإعجاب بعد ما القى نظرة ع ال c.v/ تمم هتبدأي من بكرة
رغد / بالسرعه دي
مراد / معنديش وقت اضيعه وال سي في بتاعك مناسب . اتفضلي امضي ع الورق ده
رغد / لي كل ده .
مراد / كان المفروض ليكي 5 دقايق تقريهم بس انتي ضيعتي الوقت ده
رغد بدموع/ على فكرا انا اعتذرت مع ان دي مش غلطتي وحضرتك السبب اصلا انك مش فاضي تعرف إي اللي بيحصل في الكافيه بتاعك
مراد عارف ان معاها حق / طيب ممكن تاخديهم دلوقتي وتجيبيهم معاكي بكرا الشركه بعد ما تمضيهم
رغد / امم ممكن اسئل سؤال ؟
مراد / بسرعه
رغد/ داليا اسيستنت حضرتك كانت هي اللي هتقابلني النهارده . هي كويسه؟ عشان حضرتك يعني اللي جيت بدالها
مراد / اه كويسه . الميتنج خلص اتفضلي تقدري تمشي
رغد ف سرها / اي التكبر ده . بس يستاهل الصراحه . اي ده استغفر الله
رغد خدت الورق وهي باصه في الأرض وقالت .السلام عليكم . ومشيت
مراد بإبتسامه بعد ما مشيت / وعليكم السلام
رغد ركبت تاكسي وهي بتفكر قررت تروح تقضي اليوم عند باباها
(رغد باباها ومامتها منفصلين لسبب هنعرفه بعدين وهي قررت تصرف على نفسها من اول يوم اتخرجت فيه وبقت تاخد كورسات اون لاين في لغات كتير وكانت متابعه دايما عروض الأزياء اللي بتعملها ((شركة استارز)) دي واحده من اكبر شركات الأزياء في مصر والعالم كله كانت بالنسبالها مجرد حلم مش اكتر لان اغلب الشركات العالميه ليها اوتفيت معين ممنوع الحجاب والنقاب مين ممكن يسمحلها تدخل هناك حتى لو عندها موهبه زي التصميم اللي محدش يعرفها )
وهي في التاكسي مقدرتش تصبر عايزة تشوف اي اللي مكتوب في الورق و تمضي عليه وتخلص هي اصلا مش مصدقه لحد دلوقتي
الورق كان موجود في دوسيه شفاف عبارة عن ٤ ورقات، الورقه الاولى مكتوب فيها كل حاجه مسموح بيها وكل حاجه ممنوعه في الشركه زي مثلا . ممنوع استخدام التليفون أثناء العمل ، ممنوع الأكل أثناء ساعات العمل ،وغيرها كتير .
رغد وهي بتضحك / مش معقول بجد ده فاكرنا في مدرسه ممنوع الأكل ممنوع الشرب ممنوع التليفون ناقص يقول ممنوع دخول التويليت كمان.
الورقه التانيه / مكتوب فيها شروط كتير لازم تقبلهم
من ضمنهم البقاء في الشركه اليوم بأكمله اذا استدعى الأمر ،السفر خارج مصر في اي وقت ميتنج ، وغيره
رغد ل نفسها / انا مستحيل اضيع الفرصه دي يبقى مش لازم اكمل قرايه عشان أمضي و كده كده هقراهم بليل عشان اعرف باقي القواعد
وقعت على باقي الورق بفرحه وهي بتتخيل انها خلاص بقت اسيستنت لصاحب الشركه اللي نفسها تدخلها طول عمرها وهي متعرفش ان ده هيسببلها مشاكل كتير بعدين
في منزل والد رغد ..
رغد / السلام عليكم ورحمة الله وبركاته
والد رغد واسمه عبد الله / عليكم السلام ورحمه الله وبركاته . جايه بادري النهارده
رغد / عشان وحشتني مقدرتش استنى لحد العصر
عبدلله وهو بيحضنها بحب / وانتِ وحشتيني اكتر يا حبيبتي اطلعي اوضتك غيري وتعالي عشان عايزك في موضوع مهم
رغد / من عيني بس هي فين ماما مروة
عبدلله / لسه نايمه . يلا بسرعه يرغد
رغد طلعت بسرعه على اوضتها وغيرت هدومها و اتوضت ولبست إسدال
كانت هتنزل بس سمعت صوت تخبيط
رغد افتكرت مرات أبوها لان مفيش حد تاني في البيت / اخيرا صحيتي يا ماما مروة
صوت رجولي هي عارفاه كويس / لا ده انا يا رغد
رغد بصدمه ومش مصدقه ان الشخص اللي مصدقت تخلص منه رجع تاني / رعد !!
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)