.jpeg){kind=small}
رواية زواج بالاجبار الفصل الخامس والأربعون 45 بقلم فريدة أحمد
رواية زواج بالاجبار الجزء الخامس والأربعون
رواية زواج بالاجبار البارت الخامس والأربعون
رواية زواج بالاجبار الحلقة الخامسة والأربعون
مساءا
واخيرا اليوم الموعود يوم زفاف حازم وريم
كانت ريم جهزت وهي بالفستان الابيض وكان أقل ما يقال عليها ملكة
دخل حازم واول ما شافها انبهر بيها وبجمالها اللي بيسحرو دايما
قرب منها وهو بيقول .. ماشاء الله . اجمل مما تخيلت
وباس راسها
لاحظ حازم عليها الحزن فسألها بتردد .. مالك يا ريم
اتنهدت ريم بصوت مسموع وفضلت ساكته
مسك حازم وشها بإديه وقالها .. في ايه . حد زعلك . حد ضايقك
هزت ريم راسها بنفي
بس حازم كان ملاحظ و متأكد انها مش طبيعية
حازم .. طيب مالك
اتجمعت الدموع في عينيها وقالت وهي بتشاور علي نفسها .. فستان ابيض وفرح كبير . الزاي
ابتسمت ريم بسخرية وقالت .. المفروض اني عروسة
طب الزاي .الزاي وانت دخلت عليها من شهور ..
بصت في وشه وقالت .. انت مقتنع باللي بنعمله . احنا بنمثل علي نفسنا ولا بنمثل علي الناس .. رد عليا انت مقتنع
حازم .. لأ . مش مقتنع بس مبسوط . مبسوط بيكي
مسك ايديها وقالها .. انا عملت كل ده علشانك . علشان ابسطك مش عاوز يبقي ناقصك حاجة أو نفسك في حاجة ومعملهاش ياريم . انتي تستاهلي يتعمل ليكي اكتر من كده
دموعها نزلت وقالت .. بس انا مش مبسوطه .
وهزت راسها وقالت .. ومش مقتنعة ..
مسحت دموعها قبل ما تقول .. كان نفسي لما البس كده ويتعملي فرح زي ده اكون بتجوز لأول مرة .
دموعها نزلت تاني غصب عنها وقالت بمرارة .. كان نفسي اكون لسه بنت يكون جوزها لسه ملمسهاش ويكون الليلة بيلمسها لأول مرة
هزت راسها كذا مرة وهي بتقول .. إنما انا .انا مش كده .. احنا مش كده
غمضت ريم عينيها ودموعها كانت بتنزل بألم
مد حازم ايده ومسحلها دموعها بحنية وقالها .. شيلي الأفكار دي من دماغك ياريم . انسي اللي فات واتبسطي وافرحي
مسك ايديها الاتنين وباسهم بحب وقال.. مش عاوز اشوف دموعك .. ممكن .. كفاية حزن ..
مش عاوز اشوفك زعلانه تاني
حرك ايده علي خدها وقال بعشق .. انا بحبك يا ريم . بحبك اوي . بحمد ربنا عليكي وانك في حياتي ..
سكت ثواني قبل ما يقول .. واتمني انك تسامحيني
ريم رفعت وشها وبصتله
كمل حازم وقال .. تسامحيني علي كل الوجع اللي سببتهولك .. هز راسه وقال .. عارف وحاسس انك لسه شايله مني . بس اوعدك اني عمري ماهزعلك
. هحاول علي قد مااقدر اني اعوضك
باسها حازم من خدها وبعدين قال .. عاوز اشوف ابتسامتك . ممكن
ريم ابتسمت بهدوء
رفع حازم وشها بصباعه وقالها .. بحبك
بعدين بص عليها وقال بحيرة .. طيب قوليلي هنزل بيكي الزاي دلوقتي
بصتله ريم بعدم فهم
قالها حازم .. مش عاوز حد يشوف الجمال ده . الجمال ده ليا لوحدي
ريم ابتسمت
قرب منها وهو تايه في جمالها ولسه هيبوسها
ريم بعدت علطول وقالت .. انت كنت هتعمل ايه
حازم .. كنت هبوسك . فيها ايه بس
ريم بغيظ .. وده وقته يعني . الناس تحت
حازم .. طيب ماتيجي نكسل الفرح . وزي ماقولتي احنا كده كده متجوزين .
حازم .. نكنسله
ريم ابتسمت غصب عنها ولفت وشها بعيد
حازم لف وشها ليه وقال .. يبقي نكنسل
ريم فضلت تضحك
بعدين خدت نفس وقالتلو .. يلا اتفضل انزل بقا علشان اظبط الميكب
……….
داليا وهي بتظبط الميكب لريم .. كان لازم يعني تعيطي .. طول عمرك نكديه
ريم .. اشتغلي وانتي ساكته ياداليا
وبعد دقايق
الحفلة كانت ابتدت واللي كان موجود فيها اكبر رجال الأعمال و الأهل والأصدقاء والمعارف وممثلين ومغنيين والصحافيين ومعارف وصحاب حازم وجميع الرتب اللي في الداخلية تبع حازم
…
نزلت ريم مع خالها اللي سلمها لحازم اللي كان واقف مستنيها
مجدي خالها .. حطها في عينك ياحازم
باس حازم راسها وقال .. دي في قلبي
خدها حازم وبدأو برقصه سلو علي اغنيه حالة حب لإليسا
وبعدها كل واحد خد حبيبته وراحو يرقصو
عمر وندي .وشيرين وأمجد وناس تانيه
ياسين وإنجي كان اتكتب كتابهم
سحب ياسين انجي وقام يرقص معاها هو كمان
انجي كانت متوترة
ياسين .. ممكن اعرف ايه سبب التوتر ده
انجي بهدوء .. مفيش . انا كويسة
ياسين اتنهد وقالها .. انجي انا بحبك وعمري ماهأذيكي . بطلي بقا خوفك ده .. ليه مش عاوزة تنسي .وليه الخوف ده كلو
ياسين بص في وشها وقال .. ممكن ترجعي تتعاملي معايا زي الاول . وتفكي الحاجز اللي عملاه مابينا ده .. انا مش هعضك
انجي ابتسمت
مسك ياسين ايدها وباسها وقالها .. صدقيني انا بعشقك
انجي .. هو احنا اتكتب كتابنا الزاي واحنا متجوزين اصلا
ياسين ابتسم عليها
انجي باستفهام .. هي الورقه اللي انت مضيتني عليها دي ايه
ياسين .. ولا كان ليها لازمه
انجي بعدم فهم قالتلو .. الزاي
ياسين .. انا عملت كدة علشان اضمن وجودك في حياتي لإني مكنتش هسمح ان حد ياخدك مني
……….
دينا اخت ريم كانت قاعدة
جي كريم وقالها .. ممكن ارقص معاكي
دينا برفض .. لأ مش ممكن
كريم عمل نفسه كإنو مسمعش حاجة وقال تاني .. ممكن ارقص معاكي
دينا بصتله شويه وبعدين قامت معاه بضيق
دينا .. هو انت عاوز مني ايه
كريم .. بحبك
…….
ويارا ويوسف هما كمان قامو مع بعض وراحو يرقصو
…
بعد دقايق كانو كلهم رجعو مكانهم
عند هنا كانت واقفة
تامر جي جمبها وقال .. عامله ايه
هنا بصتله ورجعت بصت قدامها تاني ومردتش
اتنهد تامر وقال .. هنا انا لسه باقي عليكي
بصتله هنا .. وبعدين
تامر .. تعالي نرجع . كفاية كدة
هنا .. كفاية ايه
تامر .. كفاية بعد . تعالي نصلح اللي فات ونبتدي مع بعض من جديد
هنا .. وتفتكر هنسي خيانتك
تامر بتعب .. ليه مش عاوزة تسامحي .. طب ماانا كمان استحملت منك كتير . ومع ذالك لسه باقي عليكي ومش حابب اني اخسرك
هنا .. لأن ببساطة مهما اكون غلطت في حقك مش هيجي حاجة جمب خيانتك . انا عمري ماهسامحك ولا هرجعلك ياتامر
تامر .. معقولة نسيتي الحب اللي بينا
ابتسمت هنا بسخرية وقالت .. تفتكر مين فينا اللي نسي الحب ياتامر
كملت بجمود وقالت .. انا اللي خونتك ولا انتا .. مش انتا اللي روحت رميت نفسك في حضن واحده زبا.لة
لأ وعاوزني اسامحك وارجعلك عادي .. طب الزاي
الزاي ياتامر . طيب حط نفسك مكاني كده لثواني . لو كنت انا اللي خونتك كنت هتسامح . يعني انت مثلا بتقول اني مقصرة معاك علشان كده روحت عرفت عليا ستات والمفروض بقا إن دا مبررك الخيانه . طيب هل انا ينفع لو انك مقصر معايا اروح انا كمان اخونك .. رد عليا . هتقبلها . هتسامح . هتسامحني ياتامر . ولا هتقتلني
تامر .. الراجل غير الست
هنا .. لأ الاتنين واحد وحسابهم عند ربنا واحد …
تامر .. بس انا اتغيرت صدقيني . اديني فرصة
اتنهدت هنا وبعدين قالت .. ملكش عندي فرص . من الاخر ياتامر انا مش هقبل علي نفسي اني اتخان واسامح وانسي .. تؤ مش انا . مش انا اللي كرامتي تتهان وارجع ولا كإن في حاجة حصلت
تامر بيأس .. يعني مفيش فايدة
هزت هنا راسها وقالت .. اه . مفيش فايدة . لأنك ببساطه متستاهلنيش ومتساهلش اني اسامحك
بصلها تامر بيأس واتنهد بتعب ومشي
……..
عند شيرين وامجد
كانو واقفين مع بعض
امجد وهو محاوط كتف شيرين .. متعرفيش كنتي وحشاني الزاي
شيرين .. مش مصدقاك علي فكرة
امجد قربها منو اكتر وباس راسها وقالها .. انتي عارفه ومتأكده اني بحبك ياشيرين
بصتله شيرين هي كمان بحب وقالت .. انا كمان بحبك ياأمجد . بحبك اوي
امجد .. هخلص بس القضية اللي شغال عليها وبعدها هاخدك ونسافر اسبوعين عسل
شيرين بفرحة .. بجد
امجد مسك إيدها وقالها .. انا عاوز نبتدي حياه جديده مع بعض وننسي اللي فات
بصتله شيرين وهي عيونها بتلمع بحبه وقالت .. يعني مفيش ستات تانيه في حياتك خلاص
رفع امجد أيدها اللي في ايده وباسها بحب وقال .. مفيش غير شيرين . شيرين بس
……
كانت واقفة ندي مع عمر اللي واقف بيتغزل فيها
عمر .. شكلك حلو اوي النهاردة
ندي .. النهاردة بس
حاوط عمر كتفها وقال .. انتي دايما بتعجبيني ياندي
ندي .. بحبك علي فكرة
عمر .. وانا بموت فيكي علي فكرة
سكت عمر شويه وبعدين قال .. انتي مش ملاحظه ان الشهرين بتوع ابوكي خلصو
ندي بضحك .. اه . ملاحظه
عمر بص علي ريم وحازم وقال وهو بيشاور عليهم .. اهم الاتنين دول اتجوزو علينا مرتين لحد دلوقتي
ندي ضحكت
عمر بصلها وقال .. بتضحكي علي ايه ياندي .. انا حاسس اني بموت بالبطيئ
ندي .. بعد الشر عليك
عمر .. ابوكي هيموتني ياندي
……………….
كانت داليا واقفة تبص علي ريم بحب وهي فرحانه ليها من قلبها
جي ياسر من وراها وقال وهو بيبص عليهم هو كمان .. شكلهم حلو اوي
داليا ردت من غير ماتبص عليه وقالت .. اه اوي
وبعدين انتبهت ليه وبصت علي اللي بيكلمها وقبل ما تتكلم
ياسر ببتسامة مد ايده وقال .. انا المقدم ياسر الاسيوطي
داليا فضلت تبص عليه باستغراب من غير ماتمد أيدها
كمل ياسر وقال .. ابن خال ريم وحازم
داليا مدت أيدها بإحراج وقالت .. تشرفنا
وقبل ما يتعرف عليها ياسر أو هي مين
قالت داليا .. عن اذنك
ومشيت علطول من قدامه
………
كانت كاميليا واقفة بعيد تبص علي ياسر بضيق وفي نفس الوقت بتبص علي ريم وحازم بحقد وغل . بس غصب عنها دموعها نزلت وهي شايفة حازم مع ريم
…………
يوسف وهو واقف مع يارا قال .. عقبالنا
يارا بغباء مصطنع .. عقبالنا الزاي يعني
يوسف .. عقبالنا لما نتلم في بيت واحد بقا
وغمزلها
يارا .. اتلم يايوسف
يوسف .. طب وانا قولت ايه غلط دلوقتي . هو مش انتي بتحبيني
يارا قالت .. ايوا
يوسف .. وانا بحبك
حط ايده علي كتفها وقال .. مش المفروض اخرة الحب ده بقا جواز ولا انا غلطان
………………..
عند كريم كان واقف مع بنات
دينا لمحته من بعيد واضايقت واتغاظت جدا وهي مش عارفه ليه اضايقت كده
لكن ومن غير ماتحس
قربت عليه وقالت بهدوء مصطنع .. ممكن ثواني ياكريم
كريم قرب وقالها .. غريبه
دينا وهي واقفة بعصبيه مش عارفه تداريها قالت .. هي ايه اللي غريبه
كريم ببرود وهو بيبص في تليفونه.. انك تيجي تكلميني
من نفسك
دينا .. هو انت ايه اللي موقفك مع البنات دول
كريم بصلها وقال .. نعم
دينا بتوتر .. قصدي يعني انت الزاي كده
كريم ببرود .. كده اللي هو الزاي يعني
دينا بضيق .. لأ مفيش . وبصتله بقرف وقالت .. عن اذنك
وراحت تمشي بس قبل ما تتحرك كان مسك كريم أيدها وقالها .. انتي بتحبيني صح . ضحك بثقة وقال .. متنكريش قولي انك بتحبيني
دينا شدت أيدها منو وقالت .. بحب مين يااهبل انت . انت عبيط
كريم .. اقسم بالله بتحبيني .. طيب لما انتي واقعة كده .. عامله فيها تقيله ليه بقا . ولا دي حركات بنات . اه عارفها انا الحركات دي تبقي الواحده واقعة ودايبه وتعمل
كريم .. استني هقولك اسمها ايه . اه يمتنعن وهن الراغبات
كريم وهو بيخبط ايديه علي بعض .. دانتو مش ساهلين
دينا .. وربنا انت مجنون
كريم .. طب مانا كمان بحبك فيها ايه يعني سكت ثواني وبعدين قالها .. بصي تعالي معايا
دينا .. كريم بطل جنانك ده اجي معاك فين
كريم .. تعالي بس
وخدها من أيدها وراح لسحر وقال .. عمتو انا عاوز أخطب بنتك دي
دينا .. وربنا مجنون انت مش طبيعي
كريم بتجاهل بص لسحر وقال .. قولتي ايه ياعمتو . موافقة عليا
بصت سحر لدينا اللي واقفه هتتجن
وقالت بخبث .. موافقة ياحبيبي مش هلاقي احسن منك لدينا
بصت دينا لمامتها بدهشه وقالت بجنون وعصبية .. انتي بتقولي ايه ياماما . ده مجنون
وسابتهم ومشيت وهي متعصبة
كريم بصوت عالي .. وحيات امك لتجوزك
وبص لسحر اللي واقفه كاتمه ضحكتها وقال .. لا مؤاخذه ياعمتو
…………..
عند ريم وحازم
كان ياسر واقف مع حازم بيتكلم معاه فجأة لمح داليا اللي واقفه مع ريم بعيد شويه
بص ياسر علي داليا بإعجاب و قال لحازم .. هي مين القمر دي ياحازم اللي واقفه مع ريم
بص حازم لاقاه بيشاور علي داليا قالو .. دي صاحبة ريم
ياسر .. متعرفش ايه نظامها
حازم بصله … نظامها في ايه بالظبط
ياسر .. يعني مخطوبة مرتبطه
حازم .. لأ مش عارف
ياسر .. طب ماتخليك جدع وشوفلي الموضوع ده
حازم بخبث .. هي عجباك اوي كده
ياسر وهو بيبص عليها .. ياعم دي بطل انت مش شايف
حازم .. لأ
بصله ياسر بستغراب
كمل حازم وقال .. انا مش شايف غير واحدة بس
ابتسم ياسر لما فهم وقال .. ربنا يسهلك
كمل وقال ..المهم انا عاوز ريم تعرفني عليها . بعد اذنك يعني
حازم .. عد الجمايل
وبص لريم اللي مشغولة مع داليا وقالها .. ياسر عاوز يهنيكي وقالها بصوت واطي .. عرفيه علي صحبتك
ريم بستغراب .. اشمعنا
حازم .. اعملي بس اللي بقولك عليه
سلمت ريم علي ياسر وقالت .. اعرفك
وبصت علي داليا وقالت .. داليا صحبتي وانتمتي . وشريكتي كمان
وقالت ل داليا .. ياسر ابن خالي
ياسر اتحرك ناحيتها وسلم عليها وداليا سلمت عليه لتاني مره باستغراب
وقف ياسر يكلمها عن نفسه وكان بيحاول يتعرف عليها اكتر
وداليا رغماً عنها وبدون ما تحس وقفت تتكلم وتجاوبت معاه واندمجت معاه في الكلام
كانت كاميليا واقفة متابعة ياسر والنار شايلاها وكانت هتتجنن وهي شايفاه واقف مع واحدة
وبعد ماياسر اتحرك بعيد عن داليا
قربت كاميليا عليه بغضب وعصبية وقالت .. ممكن اعرف مين دي اللي كنت واقف معاها
ياسر بلامباة .. وده يخصك في ايه
كاميليا .. ياسر رد عليا مين دي
ياسر ابتسم بسخرية وقالها .. انتي بتسألي ليه ياكاميليا .. ايه غيرانة مثلا
كاميليا من غير ما تحس قالت .. ايوا غيرانة .. انت عايز ايه . بتعمل ليه كده
ياسر .. بعمل ايه
كاميليا بثقة .. انت بتحبني . بتحبني يا ياسر . لازمته ايه اللي انت بتعملو ده بقا
ضحك ياسر وقالها .. وانتي دلوقتي عاوزة ايه . عاوزة ياسر
بص علي حازم ورجع بصلها وقال .. ايه هو حازم بح
يبقي في الاستبن ياسر مش كده . لأ فوقي . انا مبحبكيش ياكاميليا
كاميليا .. انتا كداب انت بتحبني
ياسر قرب منها وقالها .. صدقيني دا كان حب مراهقه وراح لحاله . أو تقدري تقولي تعود علشان انتي بنت عمي
وكده ودايما قدامي فتهيألي اني بحبك
لكن صدقيني .. اكتشفت انو مش حب .. تخيلي بفتكر الايام دي بضحك علي نفسي
كاميليا بصتله بضيق ومشيت من قدامه
…………….
خرجت كاميليا بره بغضب وهي وبتقول بغل وديني لانتقم منكم كلكم . استحالة اسيبكم كده
فجأة بصت قدامها لاقت شاب واقف قدام عربيته وساند عليها ودموعه نازلة وهو باين عليه الحزن
اتحركت كاميليا ناحيته وقربت عليه
و باستغراب قالتلو … انت مين
فارس بصلها ورجع بص قدامه وهو تايه وقالها .. انا الحمار اللي بغباءه خسر حب عمره . اللي حاول بكل الطرق علشان يفشكل الجوازه دي ومنفعش . اللي مستعد يعمل اي حاجة بس يرجعها ليه تاني
كاميليا باستغراب .. انت بتتكلم عن مين
فارس بصلها وقال .. ريم
كاميليا .. انت مين
فارس بتوهان .. خطيبها
كاميليا باستغراب .. خطيب ريم ..الزاي .. ريم بتتجوز جوه . هي اصلا متجوزة حازم من فترة
فارس .. انا خطيبها السابق
كاميليا .. طيب انت بتعمل ايه هنا دلوقتي
فارس بدموع .. جيت اشوفها لأخر مرة .. ضيعتها من ايدي بغبائي
كمل بضياع وقال خسرتها .. خسرت حب عمري
قربت كاميليا منه وقالت .. مين قال كده
سكتت ثواني وبعدين قالت بتفكير .. اه . انت ممكن ترجعها تاني علي فكرة
فارس بصلها
قالت كاميليا بغل .. انا ممكن اساعدك كمان
فارس بستغراب .. انتي مين
كاميليا بسخرية .. بنت خالها .وقالت بحقد وكره شديد .. بس متقلقش انا اكتر منك مش عاوزه الجوازه دي تكمل . وعندي استعداد اعمل اي حاجه علشان افرقهم ..
كاميليا .. بص مش هينفع الكلام هنا . احنا لازم نتقابل في وقت تاني
وكلمت بغل .. ونتفق هنبعدهم عن بعض الزاي . بس الاهم يكون معانا اللي نقدر نفرقهم عن بعض بيه
بصلها فارس وشرد مع نفسه وهو بيفكر في موضوع الصور اللي معاه
يتبع….
