رواية حبيت طفله الفصل الخامس 5 بقلم منة عبدالعزيز
رواية حبيت طفله الحلقة الخامسة
تاني يوم الصبح
في فيلا رعد
صاحي وخد شور ولبس بدله سوده وحط برفانه ولبس جزمه سوده ونزل
رعد: صباح الخير يانانا
ناديه: صباح النور ياحبيب نانا
رعد: اي الشياكه دي خرجه ولا اي
ناديه: اه ريحه مشوار كده
رعد: اخدك في طريقي
ناديه: لا بلاش انا هخد السواق عشان هتاخر
رعد: اللي يريحك
ناديه: اقعد افطر بقا
رعد: لا لا هفطر في الشركه عايزه حاجه
ناديه: تسلملي ياحبيبي
عند تاج صحيت ودخلت اخدت شور
وطلعت لبست هدومها وسابت شعرها وشعرها ناعم جدا وكنت جميله اويي
وفضلت قاعده في الاوضه عشان مرات ابوها
تلفونها رن
تاج: الوو ياتيته
جدتها: اي ياحبيبتي صحيتي
تاج: من بدري ومستنياكي
جدتها: انا قربت اوصل اهو ياحبيبتي
تاج: ماشي ياتيته
جدتها: باي ياحبيبتي
تاج بعدها قفلت مع جدتها قامت خرجت بره لاقت مرات ابوه قاعده تاج حبت تضايقه
تاج: اي ده مخرجتيش يعني
سحر: انتي مالك اخرج ولا لا
تاج: اصل مش عوايدك تقعدي في البيت
سحر: عادي يومين وهخرج بس تيجي عشان تقعدي مع عز
تاج: إن شاءلله
عز: هو انتي هتيجي امتي ياتاج
تاج: يومين هقعد مع تيته واجيلك علي طول
عز: متتاخريش عشان اكلك بيبقي حلو
تاج ضحكت: متخافش بابا شكله كده هيجيب اكل من بره
سحر متغظه وعايزه تقوم تضرب تاج
الباب خبط وتاج فرحت جداا وراحت فتحت الباب
تاج بدموع: تيته وحشتيني
(تاج بقالها كتير مشافتش جدتها بتكلمها في التلفون بس)
جدتها: وانتي كمان ياقلب تيته
تاج: تعالي ادخلي
جدتها: لا لا يلا عشان السواق مستنينا تحت
تاج: حاضر هجيب شنطتي
جدتها: لا ياتاج متجبيش حاجه يلا
تاج بستغراب: حاضر
تاج نزلت مع جدتها وركبوا العربيه
جدتها: وحشتيني ياتاج
تاج: انتي وحشاني اووي ياتيته
جدتها: دلوقتي هخدك نجيب لبس عشان انتي مجبتيش لبس
تاج: انا كنت هجيب بس انتي قولتيلي لا
جدتها: تاج هو بابا بيجبلك لبس
تاج: ساعات بس مش كتير
جدتها: عشان كده قولتلك متجبيش لبس لاني الطقم اللي لبسها صغير عليكي
تاج اتكسفت
جدتها: مفيش حاجه انا هجبلك كل اللي نفسك في وهنتغدا بره بس هنتعشا في البيت عشان ابن خالتك
تاج: اي ده هو انا عندي ابن خالة وخالة
جدتها: خالتك توفت
تاج: الله يرحمها تيته انا عايزه اروح ازورّ ماما
جدتها: خلاص بكره هوديكي عشان دلوقتي هنروح نشتري لبس وبالمره ناخد رعد
(نوقف الرواية ناديه هيا جدت تاج ورعد هو ابن خالتها؟ نكمل)
تاج: مين اسمه رعد
ناديه بضحك: ابن خالتك ياهبله
تاج: هو اسمه رعد
ناديه: اه ياحبيبتي
وصلوا مول عشان يجيبو لبس
تاج: تيته المكان هنا شكله غالي
ناديه: لا ياحبيبتي اللي يعجبك قولي عليه. ولا اختارلك انا
تاج: ماشي
وفضلوا يلفوا وناديه جابت لتاج لبس كتير وراحوا اتغدو وبعدها راحوا الفيلا
ناديه: يلا اطلعي البسي ترنج كده وتعالي نقعد مع بعض
تاج: هطلع فين
ناديه: ام ياسين هتطلع معاك ياااام ياسين
ام ياسين: نعم ياهانم
ناديه: خدي تاج وديها الاوضه تغير هدومه
ام ياسين: تعالي معايا ياحبيبتي
تاج طلعت ودخلت الحمام وكان مستغرابه الحمام
تاج: هيا دي اوضه تاني ولا اي 😂 بس لا ده حمام بس هو في سرير في الحمام ولا اي
باب الحمام خبط
تاج: نعم
ناديه افتحي يااحبيبتي
تاج فتحت
ناديه: انتي لسه مغيرتيش
تاج: تيته اهو اي ده
ناديه: ده باينو
تاج: يعني اي
ناديه راحت نحيت الباينو وشغلت الدش
ناديه: بتنام هنا وتخدي شور
تاج: هحاول مش هعرف بس يلا هحاول
ناديه: ماشي ياحبيبتي 😂
ناديه: هيا اي العلامه اللي علي ايدك دي
تاج: ده حتي لبسه بضي شوفتيها ازاي
ناديه: هي باينه
تاج: طب هحكيلك بعدين
ناديه ماشي حبيبتي خلصي وانزلي انا تحت
ناديه نزلت وتاج حاول تعمل اللي ناديه قالتلها عليها وبعده لبست ترنج وكان حلو وسابت شعرها ونزلت
ناديه: تعالي ياحبيبتي اقعدي
تاج: عارفه انتي وحشاني اووي
ناديه: وانتي كمان وحشاني جداا
وبعد شويه رعد جاه
رعد: مساء الخير
ناديه: مساء النور يحبيبي
رعد راح قاعد وبص علي تاج: هو احنا عندنا ضيوف ولا اي
ناديه: لا دي مش ضيفه دي تاج بنت خالتو حنان
رعد فضل باصص علي تاج وقال: هيا دي تاج
ناديه: اه فاكرها
رعد: بس ده انا كنت شايفه بيبي صغير دلوقتي كبرت
ناديه حضنت تاج: كبرت وبقت زي العسل
تاج اتنفضت لما ناديه حضنتها
ناديه: مالك ياتاج
تاج بتوتر: مفيش بس جسمي وجعني شويه
ناديه: انتي هو اي العلامات اللي في دراعك دي ياتاج
تاج بتوتر: ه. هاا دراعي عادي مفيش حاجه
ناديه بشك: في اي ياتاج
تاج بدموع محبوسه: اصل ابله سحر كانت بتضربني بالكربال
رعد وناديه في صدمه
ناديه: انتي بتقولي اي وابوكي ساكتلها
تاج بعياط: بابا مكنش يعرف
ناديه: طب اهدي
رعد: طب وهي بتضربك ليه
تاج: هي ع طول بتضربني ومن غير سبب
ناديه: دي مفتريه الوليه دي
رعد: طب اي مش هنتعشا
ناديه: لا هنتعشا اطلع غير اهدومك وخد شور وانزل
رعد: ماشي عن اذنكم
ناديه: انتي كويسه يعني
تاج: انا كويسه وانا معاكي ياتيته
بعد شويه رعد طلع وغير هدومه ونزل يتعشه
ناديه: متيجي يارعد معانا بكره
رعد: فين
ناديه: ريحين نزور مامتك وخالتك
رعد: اممم ماشي هروح معاكم وبعدها هطلع علي الشغل
ناديه: خلاص ماشي ياحبيبي
تاج مكنتش عارفه تاكل لاني مكنتش بتاكل الاكل ده
ناديه: مالك يا تاج مش بتاكلي ليه
تاج: اصل الصراحه مش متعوده علي الاكل ده
ناديه: ليه ده انا عمالالك اكل يعني سهل
تاج: انا عارفاهم بس انا مش باكلهم
ناديه: طب تحبي تاكلي اي اعملهولك
تاج: معرفش
ناديه: هو انتي مش بتاكلي اللحمه
تاج: هو انا بعملها ليهم بس مكنتش بكلها
رعد: يمكن مش بتحبها يا نانا
تاج: اصل انا مكلتهاش قبل كده
ناديه: طب اي الاكل اللي بتحبي واجبهولك
تاج كنت مكسوفها ومش عارفه تقولها هي عايزه اي
ناديه: متتكسفيش قولي
تاج: ا.انا عايزه جبنه وعيش
ناديه: هو انتي قبل متنامي بتعملي رجيم لا مينفعش انتي خسه خالص
تاج: لا انا متعوده عليهم وبكل كده علي طول
ناديه: مش فاهمه ياتاج انتي مش بتاكل الاكل ده بليل بتاكلي اكل خفيف
تاج: اصل ياتيته انا مش باكل غير جبنه وعيش علي طول
ناديه: هو انتي مش بتقولي بتعملي الاكل ده هناك
تاج: اه بس ابله سحر مش بتخليني اكل منه
ناديه ورعد في صدمه
يتبع…
