.jpeg){kind=small}
رواية حورية بين الذئاب الفصل السادس 6 بقلم منال عباس
رواية حورية بين الذئاب الجزء السادس
رواية حورية بين الذئاب البارت السادس
رواية حورية بين الذئاب
رواية حورية بين الذئاب الحلقة السادسة
البارت 6
استغرب زين فكل نظرات الحاضرين تنظر إلى أعلى السلم التفت بنظراته ليجد حور وهى تمسك بيد والده ولكن أوقفته ملابسها ..
زين : اه يا بنت ال*كل*ب…. استشاط غضبا من مظهرها …صبرك عليا يا حور بس الليله الز*فت دى تعدى …
ليجد صوت عمر من وراءه
عمر : ايوه يا عم ماشيه معاك حد قدك هتتجوز قمر 14 ولا نجمه هوليود في زمانها..
زين بحده : عمر لاحظ ان اللي بتتكلم عليها دي تبقى مراتي وانا مش هسمح لحد يتكلم عنها بالشكل ده..
عمر : ايه يا زين في ايه انا بهزر معاك عموما الف مبروك يا سيدي وحلال عليك… بقلم منال عباس
وصل محمد هو حور إلى أسفل الدرج
ليستلم زين عروسته من والده ..مع صفيق كل الحاضرين ….
امسك يدها بغل وضغط عليها
زين بهمس : ايه القرف اللى انتى لبساه دا …
حور بابتسامه : دا انسب حاجه للجوازة دى …حاجه كدا تليق بأخلاق العريس ….
زين : قولى بقي انك متعودة على الحاجات دى ف مش غريبه عليكى …
حور : الحقيقه ما بهمنيش رأيك خالص فقول اللى تقوله ..
زين بصوت مرتفع من غيظه : حووووور …التفت أثره لينظر الجميع إليهم …
أضطر زين يتحدث بأسلوب لائق : تعالي نرقص سوا..
حور. : يلا بينا
على انغام موسيقي هاديه بدأ العروسان يتراقصان …اقتربا منها زين بشده وضمها إليه بصدره العريض
فكم هو متضايق لرؤيه نظرات الإعجاب فى عيون المدعويين
زين : نخلص الرقصه دى …وتطلعى تغيرى الفستان دا …قبل ما المأذون يعقد القران …اصل قسما عظما ..هكسر عضمك لو نطقى كلمه تانيه غير حاضر ….
حور : من غير ما تقول ..انا هعمل كدا ..
بس حبيت اوريك حاجه بسيطه لو فكرت بس تتمادى معايا …قبل ما أفضح نفسي هفضحك انت يا سي زين
علشان ما تفكرش انى مكسورة الجناح وابتعدت عنه وبصوت ملائكى ..أمام الجميع
حور : زين حبيبي ..بعد اذنك هطلع اظبط الميك اب .ونظرت لوالدتها لكى تصعد معها ..
زين : اه طبعا يا روحى …
امسكت حور بيد والدتها وصعدت إلى الأعلى
وقف غانم يفكر
غانم : معقول الست اللى مع حور دى تبقي ……مستحيل …اه شكلها اتغير والزمن بان عليها بس ليه حاسس انها هى …انا لازم اتاكد بنفسي
لتستوقفه أميرة
أميرة : شوفت اختيارات زين …اللى يشوفه وهو بيتحكم فى كل حاجه ..مايقولش أن البنت اللى هيختارها تكون بالشكل دا …اكيد البنت دى غير ما عمر قال ..واضح انها استايل اوووى … بقلم منال عباس
غانم : كل واحد حر فى اختياره ..
أميرة : الحقيقه انا فرحت ..مش شايف كل الحاضرين كلهم من كبار المجتمع الراقى …اكيد البنت دى بنت حد مهم …فين اخوكى نسأله ..
غانم : لما الاقيه هبقي اسأله …عن اذنك دلوقتى…
وذهب للبحث عن محمد حتى وجده
غانم : الف مبروك يا محمد …
محمد : الله يبارك فيك عقبال عمر
غانم : فى حياتك يا حبيبي…كنت عايز اعرف …مين الست اللى طلعت مع العروسه فوق …
محمد : دى والدة حور …
غانم : اه تمام ..اسمها ايه يا محمد …
محمد : دى تبقي …ولم يكمل حيث نادى عليه زين …
زين : بابا المأذون مستعجل ..وحور لسه ما نزلتش ..
محمد : واضح أن انت اللى مستعجل اهى نازله يا سيدى يلا روح هات عروستك ..وانت يا غانم تعالى علشان تكون وكيل العروسه …
غانم باستغراب : وكيل العروسه !!!ازاى
هو فين باباها ولا حد من أهلها …
محمد : مش وقت اسئله جهز بطاقتك ويلا بينا …
نزلت حور وكانت ترتدى دريس ابيض طويل منفوش ومطرز ببعض الماس
وله فتحه قصيرة من الصدر وكب ضيق على الصدر جعلها كسندريلا من جمالها وعودها الممشوق …
نظر لها زين بإعجاب فتلك الفتاة كل الملابس تليق بها من شده جمالها ….
زين بدون وعى : انتى جميله اوووى وانحنى قليلا وأمسك يدها وقبلها كالاميرات ..
شعرت حور بالاحراج وخصوصا أن الشباب الحاضرين بدأو فى الصفير …
حضرت سارة صديقه حور بالعمل ليستقبلها عمر بترحاب ..
عمر : هو القمر بيطلع فى الارض برضو
سارة بخجل : مش اوووى كدا
عمر : لا اووووى كتير …ازيك يا آنسه سارة
سارة : معقول لسه فاكر اسمى
عمر : هل يخفى القمر …طبعا …انا بجد سعيد انى شوفتك النهارده …
سارة : الحقيقه انا الاسعد
عمر : يلا بينا نروح جنبهم المأذون هيبدأ دلوقتى…وعقبالك ..
سارة: عقبالك انت كمان
عند سمر
كانت جالسه والكل يأتى إليها ليهنأها فهى سعيدة جدا أن ابنها الكبير سيصبح زوج وتتمنى أن يأتى باحفاد لها تسعد بهم
تأتى إليها مريم
مريم : انا خايفه اووووى …
سمر : ليه بس
مريم : دلوقتى غانم هيعرف كل حاجه …
سمر : ما تقلقيش احنا معاكى …
تقف بسنت سعيده باخيها وحور وتتصل علي حسام فيديو كى يرى الحفله
بسنت : هفرجك بس ما تظهرش انت
حسام : عايز اشوفك انتى الاول
بسنت بضحكه : حاضر
يأتى من خلفها والدها
محمد : اقفلى الفون ويلا علشان هنكتب الكتاب دلوقتى
بسنت بارتباك أغلقت الهاتف : حاضر يا بابا …
التف الجميع حول العروسين وبدأ المأذون فى إجراءات عقد القران
طلب المأذون البطاقة الشخصية لكلا من العروسين والشهود …
المأذون : اسم الزوج زين محمد حسن المصرى…
اسم العروس حوريه غانم حسن المصرى …
غانم وزين والجميع فى ذهول …
زين : انتى تبقي بنت عمى !!!! ونظر إلى غانم …
غانم وهو لا يصدق ما يسمعه : ازاى …انتى مين ؟ فين اهلك يا بنتى
بدأت حاله من الهرج والمرج وبدأ الصحافيين فى التصوير وتساؤلات عديده من الجميع …
حور وهى الأخرى لا تعرف ماذا يحدث
بحثت بعينيها عن والدتها
حور : ماما …ايه اللى بيقولوا دا …
اقتربت مريم منها وبصوت مخنوق : ايوا يا حور …اللى واقف امامك دا يبقي غانم والدك
أميرة : ايه يا ست انتى اللى بتقوليه دا
ما تنطق يا غانم …
عمر : صحيح الكلام دا يا بابا ؟؟؟ حور تبقي اختى !!!
محمد : ايوا …الكلام دا صحيح ..وحور تبقي اختك يا عمر وبنتك يا غانم …بنتك اللى مراتك اول ما عرفت انك اتجوزت ..اكمل يا اميرة ولا انتى عارفه وقتها عملتى ايه ….
اظن من الأفضل نكمل الجوازة وبعدين نتناقش …
أميرة : حسابكم كلكم معايا بعد الخداع دا وتركتهم وغادرت …
أما عمر : فاعتذر من حور
عمر : صدقينى يا حور ..انا سعيد انك طلعتى اختى ..كنت حاسس من جوايا أن فى حاجه بتربطنى بيكى ..بس مش عارف احددها ….الف مبروك ليكى ..اعذرينى مضطر اروح ورا ماما
وتركهم وغادر …
زين : بقي هى الحكايه كدا وظن أن حور شريكه مع اسرته فى خداعه
زين فى نفسه : كدا اللعبه احلوت يا بنت عمى المصوره …
اعتذر محمد من جميع المدعويين لما حدث وطلب من الجميع الجلوس ..حيث اكمل المأذون عقد القران …وقال جملته الشهيرة
بارك الله لكما وبارك عليكما وجمع بينكما في خير… بقلم منال عباس
تعالت الزغاريط بين المدعويين وبدأ المطربين فى تقديم الاغانى ..
اقترب غانم من حور وبدموع تأتى من قلبه قبل عينيه : سامحينى يا بنتى انا ماكنتش اعرف بوجودك ونظر إلى مريم
دورت عليكى كتير يا مريم …مالقيتش ليكى اى أثر …ليه ماجيتيش …ليه هربتى وكتبتى ليا …انك مش عايزانى
مريم بدموع : كنت مضطرة …أميرة بعتت ليا ناس يهددونى كنت لسه يومها راجعه من عند الدكتور وعرفت انى حامل يادوب طلعت الشقه لقيت
كذا واحد موجود وهددونى أن لو رجعت هيق*تلونى وي*قت*لوك وخلونى كتبت ليك الجواب دا ..خوفت
منهم عليك …سافرت اسكندريه …واشتغلت ممرضه ..ولما حور كبرت ودخلت الطب جالها التنسيق طب القاهرة …وهى كانت مصممه تدرس فى جامعه القاهرة …اضطريت ارجع تانى …وبالصدفه فى شغلى رشحونى اجى هنا لمدام سمر وأما جيت اتفاجئت بيك ..كتير كنت بتهرب منك
وعايزة اخد بنتى وامشي …لحد ما محمد ..لاحظ دا وسألنى …وقتها اضطريت احكيله الحكايه كلها …
أن جوزانا كان فى السر علشان تقاليد عيلتكم …بس أميرة هى السبب فى اللى حصل لينا ربنا يسامحها …
غانم : حقكم عليا …وانتى يا مريم لسه على ذمتى …بالرغم من انى فقدت الامل فى انى الاقيكى …بس فضلت جوايا مراتى وحبيبتى …
كانت حور شارده لا تصدق ما حدث اليوم …قطع شرودها
زين : مش يلا يا عروسه …ولا اقولك يا بنت عمى …
حور : يلا على فين ؟
زين : انا شايف أن المعازيم كلهم فى البوفيه …وعمو وطنط انشغلوا بذكرياتهم …وانا الحقيقه تعبت وعايز استريح ..
حور وهى شارده : اه يلا بينا ..ولازالت نظراتها على والدها اللى انحرمت منه العمر دا كله …
فجأة يقوم زين بحمل حور …..ويصعد بها على السلم
حور : ايه اللى. بتعمله دا ..نزلنى يا حيوان …..
يصفق الجميع للعروسين …
زين : صبرك يا حوريه مستعجله ليه
خلينا نكمل التمثيليه أمام الناس
وصعد بها إلى أن وصل إلى حجرة نومه وما أن دخل بها حتى
يتبع….
