رواية وقعت في حب خادمتي الفصل التاسع 9 بقلم فرح القصاص
يزن بيشيل الفوطه من ع كتفه بعصبيه وخنقه وبير*ميها بتجي علي سما بتدلق القهوه علي اديها
سما بألم وصويت: اااااااههه
يزن بيلتفت ورا بخضه من صويتها وبيلاقيها ماسكه ايدها وبتعيط بيقرب منها وبيمسك ايدها براحه
سما بعياط وألم بتشد ايدها
يزن: سما مش وقته وريني ايدك
سما بتتجاهله وبتروح الحمام وبتشغل عليها المايه الساقعه وكانت بتعيط من الألم
يزن بيروح يفتح الباب
يزن بصوت عالي: عزيززززههه
بعد ثواني بترد
عزيزه: نعم يايزن بيه
يزن: هاتي تلج بسرررعههه
عزيزه: حاضر
وبيدخل بيلاقيها لسه في الحمام ومشغله المايه بيدخلها
يزن: لسه بتحرقك؟
سما مبتردش عليه ومازلت بتعيط
يزن بيقفل المايه وبيمسك ايدها التانيه يخرجها بره
سما بعياط وبتتشهتف: س.. سبني
يزن مبيردش عليها و بيقعدها علي السرير وبيمسك ايدها المحروقه
يزن ملامح وجه بيتغير لمه بيشوف الحرق
يزن بفزع من شكل ايدها: اييي ده انتي جلدك اتشال... ده كله من فنجان قهوه
سما ومازلت بتعيط: ايدي حساسه اوي لو لسعه ممكن تكون بسيطه لي اي حد بس عندي بتكون حرق كبير
وبتقاطعهم
عزيزه: يزن بيه كمادات التلج
يزن: هاتي لعندي يعزيزه
عزيزه بتقرب منهم تدي التلج
عزيزه بفزع: يلااهوي ايي الحرق ده
يزن: اطلعي انتي دلوقتي يعزيزه مش وقته
عزيزه: حاضر يبيه
وبتروح لعند الباب وقبل ما تخرج بتنظر وراها بتلاقي يزن مهتم بيها
عزيزه بغيره: الدنيا حظوظ وبتخرج وبتقفل الباب وراها
يزن بيضع التلج علي الحرق
سما بتسحب ايدها لان الالم زاد
يزن: وجعك
سما بعياط: اه حرقني اكتر
يزن بيمسك ايدها تاني وبيضع التلج: معلشي هتحرقك في الاول بس
وبعد دقايق وهو واضع التلج ع الحرق بيشيله
وبيقوم يجيب كريم وشاش
سما: انت هتعمل اي
يزن: هحطلك الكريم ده وهلف ايدك بالشاش عشان ميجيش عليها حاجه
سما: لا شكرا حلو اوي كدا
يزن: ممكن تسكتي بجد ومتدخليش في حاجه
سما: دي ايدي علي فكره
يزن: و مين سبب الحرق؟
سما: انت
يزن: بس تبقي اسكتي لحد معالج الحرق السببته
سما بصوت منخفض: ياريت لو كان علي الحرق ده بس
يزن: بتقولي حاجه؟
سما: لأ
يزن بيضع الكريم علي الحرق براحه عشان ميوجعاش
سما بتغمض عنيها من الوجع
يزن بيخلص وبيلف ايدها بشاش
يزن: بس خلاص خلصت
سما بتفتح عنيها: يعني خلاص
يزن بيهز راسه بمعني(ايوا)
سما بتقوم تقف: مع انك سبب الحرق بس شكرا وبتروح لعند الكوبايه القهوه المكسور وتلم الازاز
يزن بيقوم لعندها وبيقومها
يزن: انتي بتعملي
سما: بشيل الازاز من ع الارض
يزن: انتي عايزه تتعوري كمان يعني ولا اي مش كفايه الحرق سيبي كل ده انا هنادي لعزيزه تجيب واحده من الخدم يشيلو وينضفه
سما: عادي مش هتفرق انا هخلص بسرعه
يزن بنرفزه: انا مش عايز اتعصب عليكي بجد
سما: خلاص مش هعمل حاجه
يزن: راحه فين
سما: هروح اوضتي عشان انام
يزن: امم تمام
سما بتخرج من الاوضه
ويزن بيشيل الازاز من ع الارض وبيرمي
وبيروح لعند السرير بيرمي نفسه وفي ثواني كان نام من ارهاق الشغل طول اليوم
꧁بقلم فرح القصاص꧂
*****************************
أليس: داده عزيزه
عزيزه: نعم يبنتي
أليس: تعالي معايا شويه عيزاكي في موضوع مهم
عزيزه بتروح معاها
عزيزه: خير في حاجه
أليس: هو في حاجه بين البنت الي اسمها سما ويزن
عزيزه بتتوتر: ل.. لي بتسألي السؤال ده
أليس: يعني عادي
عزيزه: لا مفيش حاجه بنهم مجرد واحده بتشتغل والبيبه بتاعها بس
أليس بشك: متأكده يداده قوليلي الصراحه
عزيزه: لو في حاجه هقولك يبنتي بس اكيد ورا السؤال ده حاجه
أليس: اصل لقتها لسه نازله من عنده دلوقتي وهي كانت من بدري فوق وساعت مو*ت ياسين الله يرحمه كانو حضنين بعض في قولت اكيد في حاجه بنهم
عزيزه: اممم لا والله معرف حاجه بس انتي شكلك غيرانه ولا اي
أليس بإرتباك: لا طبعا اغير اي ومن مين اصلا من خدامه
عزيزه: انتي لسه بتحبي يزن بيه؟
أليس: انا منستهوش عشان ابقي لسه بحبه ياداده
عزيزه بتتسم بخبث: يعني عايزه تخلي يحبك وتقربي منه
أليس: يااااا ده حلم عمري يداده بس مش عايزه اعشم نفسي ع فاضي
عزيزه: طب لو خليت يزن بيه هو اليقولك انكو تتجوز
أليس عنيها بتلمع وبتتسم: بجد يداده
عزيزه: بجد اويي كمان اوثقي فيا وهخليكي الهانم بتاعت البيه
أليس بفرحه بتحضنها: يارب يداده يارب
عزيزه بتتسم بحقد وخبث
꧁بقلم فرح القصاص꧂
******************************في الصباح
سما كانت واقفه في المطبخ بتحضر الفطار وبتحاول تعمل الحاجه بإيد واحده عشان الحرق
أنس كان بيفرك عينه: صباح الخير يداده
سما بضحكه بسيطه: صباح النور
أنس بإبتسامة: سما.. مخدش بالي انك انتي فكرتك داده عزيزه
سما وهي مشغوله في تحضير الاكل: دي تاني مره
أنس: ايوا منا خد بالي بس اخر مره خلاص
سما بإبتسامة: كنت عايز حاجه اعملهالك
أنس: ايوا كنت عايز داده عزيزه تعملي اسبرسو
سما: اصبر عليا دقيقه بس وهعملهالك
أنس: خدي راحتك وبيلاحظ ايدها
انس: ايدك مالها
سما وبتعملو الاسبرسو: حرق بسيط
انس بندهاش: حرق؟
سما؛ ايوا بس بسيط يعني عادي
انس: طب مش تخلي بالك من نفسك
سما: هبقا انتبه بعدين وكانت بدور ع حاجه
انس: بدوري عليه اي
سما: خلاص لقيتها بس فوق
انس؛ هي اي
سما: القهوه وبتشب تجيبه
انس: استني انا هجبهولك
سما: لا خلاص عرفت اجبها وبتشب اكتر وبتحركه ناحيتها وكان هيقع عليها
انس:سمااا بيشدها من ايدها لعنده وكانت قريبه منه
انس: انتي كويسه
سما بتعبد ع طول: ايوا.. انا اسفه بجد
انس: بتعذري علي حاجه
سما: هروح اجيب قهوه من المخزن وهعملهالك ع طول
انس: لا لا خلاص خليكي المهم انك كويسه.
سما: بجد شكرا يأنس بيه
انس بإبتسامة: بلاش بيه دي قوليلي انس ع طول
سما: ازاي يبيه مينفعش
انس: بيه تاني؟ ومينفعش ليه انا مش عايزك تقوليلي يابيه دي
سما: طب اقولك اي أستاذ
انس: لا برضو قوليلي انس بس
سما بإبتسامة: خلاص ماشي يا انس
انس بإبتسامةاعجاب: طالعه منك حلو اوي
سما بإبتسامة بسيطه: شكرا وكانت بتنظر حوليها بتلمح يزن واقف علي باب المطبخ وناظر ليهم بعصبيه لدرجه سما خافت من نظرلته
سما بتوتر: يزن بيه
انس بيلف ورا
انس: يزن انت واقف كدا لي
يزن مبيردش عليه وبيوجه كلامه لسما
يزن: تعالي ورايا
سما: طيب هفطر حامد بيه عشان ياخد علاجه وهاجي ورا
يزن بشخط: قولتلك تعالي ورايا
سما: حاضر
انس بيروح لعنده: انت بتزعقلها لي يايزن البنت بتقولك هتفطر عمي عشان ياخد علاجه عملت اي يعني
يزن: وانت بدافع عنها لي؟
انس: عشان انا شايف انها مغلطتش عشان تشخط فيها وتزعلقها كدا
يزن بعصبيه وبيضع ايده علي كتفه: لوسمحت ياانس متدخلش في اي حاجه تخصني
انس: وسما تخصك؟
يزن بنفعال: سما م... وبيسكت
انس: سما اي؟ كمل
سما بتتدخل
سما: يزن بيه خلاص انا جايه ورا حضرتك ع طول
يزن: وبسرعه سامعه وبيطلع
سما: متزعلش من يزن بيه هو طبعه كدا
انس: انا مزعلتش منه بس اتضايقت عشانك بس
سما: لا انا خلاص اتعود عليه
انس: بس هو عايزك في اي
سما: معرفش والله هروح واشوف
انس: طيب خلاص روحي عشان ميتعصبش عليكي تاني
سما: تمام عن اذنك
꧁بقلم فرح القصاص꧂
***************************في الاوضه
سما بتدخل
يزن : اقفلي الباب وراكي
سما بتقفل الباب
سما: كنت عايزني في اي
يزن: كنتي بتعملي اي في المطبخ مع انس؟
سما: انا كنت بحضر الفطار وانس جي وكان عايز اعملو اسبرسو
يزن بيتلفت ليها: ال اسبرسو بتعملي في حضنه؟
سما بتنظرله اوي: انت بتشك فيا؟
يزن : ومشكش فيكي ليه واحده مش محترمه زيك وعامله علاقه قبل الجواز مشكش فيها ازاي
سما بتمسك دموعها: امم صح اكيد تشك فيا بس مضايق لي؟ يعني ولا انتي معتبرني مراتك وبتكرهني جدا كمان فرق معاك لي بقا؟
يزن بعصبيه: انا اه بكرهك بس متنسيش انك مراتي
سما: انا وانت بس لي نعرف محدش يعرف يعني قدام الناس مجرد خدامه وبشتغل عندك
يزن بعصبيه وبزعيق: انتي كنتي بتعمليييي اييييي معاااااه
سما: وانت مالك
يزن بيقرب منها وكان شكله يخوف من العصبيه: انا مالي؟
سما بترجع لورا بخوف وبتحاول متبينش لي: ايوا
يزن وهو مازل بيقرب منها: لو مقولتش كنتي بتعملي معاه اي ياسما.... وبتقاطعو
سما: هتعمل اي يعني؟
يزن: عايزه تعرفي هعمل اي؟
سما بتخاف وكانت بترجع لورا لحد ما لزقت في الحيطه
ويزن قرب منها جدا
سما ضربات قلبها بتزيد ومكنتش عارفه تاخد نفسها من قربه ليها
يزن: مش حرقتلك ايدك؟ وبيكمل هحرقلك وشك الفرحانه بي وبدل ما الكل اللي بيشوفك يعجب بيكي هخلي عينه متفكرش تيجي عليه
سما: انا مش فاهمه عايز مني اي انت مش بطقني مضايق ليه حتي لو في حاجه بنا
يزن انفعل من الكلمه وضر*بها بالقلم
وبيدخل عليهم انس مره واحده وهو متعصب جدا
#Farah_Alkasass
