روايه جبروت انثي وسطوة رجل الفصل العشرون 20 بقلم الاء عبدالرحمن
فاق ادهم وفضل متأمل نور مش مصدق انها بين ايديه دلوقت
حاول يفوقها اكتر من مرة ما فاقتش :نور قومي بقى
ما ردتش
ادهم قام خد شاور ولبس بجامة ونزل كلم مطعم يجبله فطار وجهز كل حاجة وطلعلها
نوور قومي بقى
نور بنعس :سبني يا ادهم
ادهم بغضب :قومي بقى انا ما ينفعش معايا الكلام ده
نور قامت بغيظ :في ايه هاه في ايه بتصرخ ليه وايه الي ما ينفعش معاك
ادهم بغضب مصطنع :عايزة تنكدي على نفسك من بدري انتي هاه طيب افهمي الكلمتين دول لاني ما بحبش اكرر كلامي كتير
نور رفعت حاجبها بغيظ :ايوه عايزة انكد على نفسي اخلص عايز ايه
ادهم بصوت عالي :مبدئيا كده اصحى الاقي فطاري جاهز
نور :هه اه
ادهم :والبيت بيبرق عارفة يعني ايه بيبرق وهدومي مكوية وانتي واقفة قدامي اول ما افتح تضحكي في وشي فاهمة
نور 🤨:ولو ده محصلش هتعمل ايه
ادهم بسخرية :لا ما انصحكيش تعرفي لاني مش هسكت
نور بصوت عالي نسبيا :ايوه هتعمل ايه يعني
ادهم بابتسامة : مبدئيا كده هصحى اعمل انا الفطار واجي اصحيكي واقولك يا هانم فطارك جاهز
اتفضلي يا هانم
نور :هههههههه
ادهم قرب منها :اجمل ضحكة دي ولا ايه يا صباح الي بتغني
نور حطت ايدها صدره وبصت في عينيه :مع انه شكلك ما يديش على هزار باين كده جد اووي من بعيد
ادهم غمزها :ده معاك انت يا جميل اي خدمة يا قشطة
نور :ههههه طيب حضرتك ممكن تبعد على شان اخد شاور واجي اشوف الخدمة بتاعة الفطار عاملة ايه
ادهم اعتلاها وغمزها :ما تيجي تشوفي خدمتي بالسرير عاملة ازاي ونشوف حكاية الفطار دي بعدين
نور بصت في عينيه وهي بتلعب بشعر صدره : ينفع برضه
ادهم عينيا حضرتك وقبلها بعشق وخدها لعالمه
...............................................
عند ادم
كانت ندى نايمة على صدره فاق وبص لملامحها البريئة
ندى اتململت واول ما شافته صرخت بعلووو صوتها :الحقووووني
ادم اتخظ :في ايه يخرب بيتك هتفضحينا
ندى دارت نفسها بالملاية :انت عملت ايه فيا منك لله يا ادم ضيعت مستقبلي
ادم 😳:في ايه يا بنت المجنونة انتي مراتي هو انا شاقطك من الشارع
ندى بدموع مزيفة: ده كده وانت ابن عمي ليه يا ادم عملتلك ايه شربتني ايه
ادم حط ايده على بوقها وحشرها بين ايديه وغمزها :بقولك ايه ما تفكك من العبط الي بتمثليه ده لانك مش عارفة تمثلي وتيجي اصبح عليكي بطريقتي
ندى بغيظ :هنسافر امتى
ادم 🤦:يا بت اتهدي انتي ايه
ندى بهزار :انا بحبك
ادم :وانا بقيت بعشق جنانك ده تعالي هنا
لكن ندى كانت اسرع منه وجريت للحمام
ندى :ههههه مع نفسك يا دومي
ادم بغيظ :ده ايه المجنونة الي اتجوزتها دي
..................................................
عند مازن وسيرين
فاقت الصبح كان مازن مش بالاوضة استغربت
دخلت خدت شاور ولبست فستان ابيض قصير ونزلت بخجل
صباح الخير
كانوا بيفطروا ومازن ما بصلهاش اصلا
مايا (اخت مازن):اهلا يا عروسة
والدته :كنا هنصحيكي يا بنتي لكن مازن قال خليكي مرتاحة
رامز :اقعدي يا بنتي اتفضلي جنب جوزك
مازن ضحك بسخرية وكمل اكله
سيرين قعدت وهي مكسوفة جامد منهم
مايا :انتي بقى يا عسل بتعملي ايه
سيرين :احم انا خريجة هندسة تصميم السنة دي وبشتغل برضه في الشركة
رامز بوقار :على خير يا بنتي اتفضلي سمي بالله وما تتكسفيش ده بيتك من دلوقت
والدة مازن كانت بتبصله باستغراب :مازن انت كويس
مازن ببرود :كويس مفيش حاجة هطلع ابدل هدومي وانزل الشركة
سيرين بصتله بصدمة :هتنزل الشركة النهاردة
مازن بسخرية :امال هفضل قاعد جنبك يا حلوة
رامز بغضب :بتكلم مراتك كده ليه
مازن وقف ببرود وبص للجميع :بقولكم ايه دي مراتي عارفين يعني ايه مراتي واضن انا الوحيد الي اعرف ازاي ينفع اتصرف معاها ومحدش له دعوة فيها وبص لوالدة ولو مش عاجبك انا ممكن اخدها على شقتي الي في التجمع
والدته بخوف :لا يا حبيبي اعمل الي انت عايزة لكن ما تسبنيش
مازن بص ببرود لسيرين :حصليني عالاوضة
طلع مازن وحصلته سيرين بجنان من الي عمله مازن تحت قدام عيلته
رامز بغضب :ابنك ده جبله
مايا باستغراب :هو بيعاملها ليه كده
والدته :مش عارفة ومش فاهمة ده اول مرة يصرخ في وشنا كده
عند مازن وسيرين
دخل مازن الاوضة وحصلته سيرين وقفلت الباب
ولسه هتلفله
مسك شعرها بغضب
سيرين :ااااه بتعمل ايه
مازن بغضب :انا قولتلك تنزلي تحت وبصراخ لو عايزك تنزلي كنت فوقتك من بدري تقعدي هنا زي اي جزمة عندي فاهمة وشك مش عايز اشوفه تحت غير لما انا اطلب منك
اكلك يجيلك الاوضة هنا
سيرين بدموع :مازن بتوجعني ارجوك سبني
مازن زقها بغضب وبدل هدومه وبصلها بتحذير:الي بيحصل هنا في الاوضة ما بخرجش منه حاجة بره فاهمه لاني لو عرفت انك قولتي لحد حاجة عننا مش هيحصل طيب وساعتها مش هعمل خاطر لادهم الي اتجوزتك اصلا على شان خاطره
وسابها وخرج وهي مصدومة منه وبتعيط على حبها الي طلع كله اوهام في خيالها
.....................................................
عند سامي
كانوا بيفطروا
سامي :كامل كلم اخوك واعرف هيعملوا ايه هيروح للعرسان ولا هيسافروا ولا هيعملوا ايه
كارما بسخرية :الا يا سامي بيه مش عيب الي عملته حفيتدك ده امبارح
ازاي تفاجىء ادهم بالشكل ده
سلمى :فعلا ايه الجرأة دي
مالك بصلهم بقرف : اضن انتوا عارفين ومتأكدين انه ادهم بيعشق حاجة اسمها نور ولا ايه والمفاجاءة الي مش عجباكم دي كانت عنده بالدنيا كلها
فريدة :لكن انا كنت عايزة افرح فيه مش بالطريقة دي
كامل بغضب :ما بس بقى انتي شفتي فرحة ابنك عاملة ازاي يالله روحي اضربي عليه ونكدي عليه ما انا عارفك
سناء بصتلهم بسخرية ووجهت كلامها لسامي :عمي انا عايزة اطمن على بنتي
سامي :خنروحلها نهاية الاسبوع عرسان سيبوهم لوحدهم
فريدة بغيظ للشغالة :انا صح قولتلك فوقي ادم ومراته
هنا نزل ادم ماسك في ايد ندى الخجولة :صباح الفل
سامي بابتسامة :اهلا يا سبع ازيك وبص لندى
ازاي حفيدتي الحلوة
ندى بكسوف :كويسة يا جدو
قعدوا تحت مباركات الجميع
مالك قرب على ادم :امك عاملة عزا من الصبح هي واختها
ادم رفع حاجبه :ليه
مالك : خايفة عليه من نور هههههههه
ادم :هه لا والله هيبتدي كيد الحموات من دلوقت ولا ايه وبهمس انا هفلسع انا ومراتي لباريس النهاردة
مالك :ههههه هتكون عملت خير ليك وليها
ادم :جدو بقولك انا هسافر انا وندى النهاردة
ندى بفرحة :بجد
فريدة بغيظ :شوفوا البت من شوية كنتي مكسوفة
ندى طنشتها ومسكت ايد ادم :بجد يا ادم
ادم باس ايدها :بجد يا روح ادم
كامل :ربنا يهنيكم يا رب
نادر :ما تاخدوني معاكم ينوبكم فيا ثواب
ادم :اتخرج وادجدعن واتجوز مش هنقولك لا
نادر :يااااااه على اليوم ده
فريدة بجنان :اخوك بضربله من الصبح ما بيردش
ادم ببرود :عريس يا ماما اكيد مش هيرد
سامي خبط على الطاولة بغضب:فريدة اقسم بالله كلمة زيادة وهيحصل حاجة مش هتعجبك وبص لادم مش يالله يا ادم لازم تلحقوا الطيارة انت واخوك
ادم :ادهم هيسافر المالديف مش هيسافر معايا
فريدة بصتلهم بغضب وطلعت اوضتها وحصلتها كارما وسلمى
.........................................
عند ادهم
خد شاور ولبس خرج كانت نور بتسرح شعرها
ادهم باسها على خدها :ينفع كده الفطار برد
نور بابتسامة :بقى عندي فضول اعرف عامل شوشرة من الصبح ليه
ادهم :ههههه اتفضلي يا هانم
مشيت معاه نور لحد الطاولة
ادهم شدلها الكرسي :اتمنى الخدمة تكون عجبت سعادتك
نور بابتسامة :الله لا الخدمة هنا فايف ستار
ادهم بجدية :لا انا اعجبك مش هخليكي تزهقي ابدا هنا بس اوعي تتعودي على كده
نور :ههههه لا والله
ادهم :ايوه يعني هنوعلك هشكل مره فطار مره غدا مره عشا
نور بهزار :قشطة انا اصلا مليش في جو الاكل كتير كبيري اعمل قهوة
ادهم مسك ايدها وباسها :بعشقك
نور ابتسمتله وفطروا تحت جو الهزار
ادهم :ياااه ماما مكلماني كتير قووي
ادهم ضربلها
فريدة بغضب :الوو ما لسه بدري هي من دلوقت هتاخدك مني ولا ايه انت ابني وهتفضل ابني فاهم
ادهم بابتسامة :ايه الي مزعلك يا ست الكل على الصبح كده
فريدة بغيظ :بضربلك ما بتردش قلقتني
ادهم :لسه فايقين يا امي احنا كويسين ما تخافيش ونور اهي بتسلم عليكي
فريدة : وايه الي عملته الزفتة دي امبارح هو في بنت محترمة ترمي نفسها على راجل وتدبسه في جوازه منها كده ايه البجاحة دي
ادهم بنفاذ صبر :الله يبارك فيكي يا امي سلمي على الجميع
فريدة بغضب :ادهم بكلمك
ادهم :امي انا هسافر كمان ساعة لازم نجهز روحنا سلام
ادهم قفل معاها ونور كملت اكلها ببرود
ادهم بص لنور وعرف انها سمعت كل حاجة
ادهم :مش عايزة تقولي حاجة
نور حطت العيش من ايدها وبصت لادهم ببرود : بص يا ادهم من البداية كده كيد حموات وقرف وغيرة وتدخلات انا مليش بالحوارات دي نهائي
انا وانت حياتنا لينا لوحدنا هنعيشها مرة واحدة بس
وبصت في عينيه يعني مش عايزاك تكدب عليا ولا تخوني واي حاجة مدايقاك مني تيجي تقولي
ادهم مسك ايدها يطمنها :نور انا راجل بعرف افصل كويس بين عيلتي ومراتي
امي ليها احترامها لكن في نفس الوقت انتي ليكي غلاوتك في قلبي ولا يمكن اخلي حد يجي عليكي
نور بابتسامة :قشطة يا معلم مش يالله نجهز ولا ايه
ادهم :هكلم الجبلة الي اسمه مازن هشوف هيسافر ولا هيعمل ايه
ادهم :الووو
مازن :اهلا يا ادهم
ادهم :بتعملوا ايه هتسافر فين
مازن بسخرية :اسافر فين والشركة هخليها لمين
ادهم : ما يولع الشغل كله اسبوع ونرجع وباستفاهم هو انت فين
مازن ببرود :بالشركة
ادهم شد على ايده بغضب :لا ده انت جبلة بقى
مازن :ادهم اتهنى وافرح انت وملكيش دعوة فيا ولما ترجع ابقى اشوفك سلام
قفل في وشه
نور :صاحبك ده جبلة وسيرين خسارة فيه
ادهم :هيعرف قيمتها صدقيني
نور :طيب هروح اكلم ماما واجهز روحي اوك
نور كلمت والدتها ومروى وطمنتهم عنها
وسافروا للمالديف
وادم سافر باريس
عاشوا اجمل اسبوع عسل
عند مازن وسيرين عايشين كل واحد في حاله مازن بيخرج وهي نايمة وما بيرجعش غير وهي نايمة وتقريبا ما بيشوفوش بعض نهائي
عند سامي بعت رسالة لمروى تديه وقت وهيقول لمالك كل حاجة عن والدته
.......................................................
بعد اسبوع
رجع فيها ادم
وحصله ادهم في نفس اليوم
كانت فريدة بانتظارهم اول ما دخل جريت عليه تحت نظرات نور الباردة
ادهم حضنها : ازيك يا امي عاملة ايه
فريدة بفرحة :وحشتني يا ادهم اتأخرت قوي
كامل :مبارك يا اولاد
نور سلمت على الجميع وباركولها
مالك حضنها : ايه الجمال ده يا بت
نور :ههههه شكرا يا عمي مع انك صغير على عمي دي
مالك باسها :تقدري تقوليلي مالك وبس يا عسل
ادهم سحبها منه بغيرة :ايه يا عمي ازيك
نور رفعت حاجبها بعدم رضا وسكتت.
هنا نزلت ندى وهي بتصرخ :نووووور
نور ابتسمت :رجعت المجنونة
نور حضنتها :ازيك يا حبيبتي
ادم سلم على ادهم
سامي :اطلعوا ارتاحوا اكيد تعبانين
نور بصت لادهم
ادهم مسك ايدها :فعلا لازم نرتاح ونشوفكم المساء
وامر الخدم يطلعوا الشنط على الاوضة
وخدها وطلع
نور دخلت وراه :افهم ايه انا
ادهم اتنهد :نور انا قولتلك هنعيش لوحدنا اه لكن اكيد مش دلوقت انا بحترم رغبتك جدا لكن جدي تعبان وعايز عيلته تكون جنبه في الوقت ده
نور بغضب :وما قولتليش ليه حضرتك من الاول كده ليه لما فاتحتك في الموضوع قولتلي اوك
ادهم بنفاذ صبر :ما كنتش عايز انكد عليكي واحنا مسافرين
نور بغضب :ادهم انا قولتلك من البداية مش هعيش هنا
ادهم بغضب مكتوم وتحذير :ما تعليش صوتك يا نور بكره الصوت العالي تتكلمي معايا كويس زي ما بكلمك كويس وعدتك اوك على عيني وراسي لكن مش دلوقت
نور بصتله بغضب وخدت هدومها ودخلت الحمام
ضربت عليها مروى
نور حاولت تبان طبيعية :اهلا يا خالتوا ازيك
مروى بابتسامة :وحشتيني جدا يا نور عاملة ايه
نور :وحشاني يا خالتوا هجيلك النهاردة ان شاء الله
مروى بغيظ :ادهم عامل ايه معاكي
نور :ههههه لا انتي باين بتحبيه قوي
مروى :انتي مجنونة حد يعمل الي انتي عملتيه ده
نور اتنهدت :حبه يستاهل فرصه يا خالتوا انتي ما شفتيش ولا حسيتي بحنيته عليا
مروى :اوعي تديله امان كامل كل حاحة في بدايتها حلوة واوعي تخلفي منه دلوقت غير لما تعرفيه وتعرفي طبعه فاهمه
نور :ما تخافيش يا خالتوا انا برضه مش لقمة سهلة انا باخد منع حمل
مروى :براڤو عليكي لكن ايه هتعيشي معاهم ولا ايه
نور :لا طبعا ده مؤقتا على ما مجهز شقتنا
مروى باشتياق :طيب ما تتأخريش عليا واحشاني
نور بابتسامة :قشطة يا خالتوا
نور خدت شاور وبدلت هدومها لفستان جميل اخضر وخرجت كانت ادهم بدل هدومه
نور :انا هروح لماما النهاردة واحشاني
ادهم :لا
نور :مش فاهمة
ادهم وقف قدامها وشدها عليه
نور :ابعد عني ما تكلمنيش
ادهم بهمس :انا بعشقك
نور بصتله بطفولة :بتعشقني وبتضحك عليا تيجي ازاي دي
ادهم :نور اقسملك هنعيش لوحدنا لكن اديني شوية وقت ما ينفعش اروح اقول لجدي خبط لزق كده هنسيب البيت ونستقل لوحدنا ابويا ما عملهاش
نور رفعت حاجبها :ابوك ابنه لكن انت حيالله حفيده
ادهم :لكن اقربله من ولاده نفسهم
نور :حاضر يا ادهم هشوف كلامك ده هيتنفذ امتى
هنا دخلت فريدة من غير ما تخبط
ادهم بعد عن نور و بغضب مكتوم: مش تخبطي يا امي
فريدة بكيد :اسفة يا حبيبي عايزة وقت على ما اخد انه في حد معاك في الاوضة
نور بسخرية :ودي حاجة تتنسي برضه يا حماتي
ادهم بتحذير:نووور
نور بصتله من فوق لتحت وطلعت التراس
ادهم بغضب لوالدته :امي حركات الحموات دي مش عايزها فاهماني مراتي في اوصتي تخبطي مش يمكن قالعين بنعمل حاجة ازاي تدخلي كده
فريدة بغيظ :انت بتصرخ عليا بسببها يا ادهم
ادهم :لو سمحتي يا امي عايزة ارتاح
فريدة بغضب :عموما انا كنت جايالك عشان اقولك مازن وسيرين هيجوا المساء لهنا على شان تنزلوا
ادهم :ان شاء الله
خرجت فريدة وادهم اتنهد :هنبتدي من دلوقت
وخرج لنور حضنها من ظهرها وبهمس :انا اسف
نور اتنهدت :حصل خير يا ادهم
ادهم بصلها بعشق :بحبك
نور ابتسمتله :وانا كمان بقولك ايه انا هروح لماما كمان شوية
ادهم :لكن سيرين ومازن جايين
نور :مش هتأخر ماما وخالتوا واحشني وانت عارف خالتوا مش بتيجي هنا
ادهم :جدي قالي انه هيقول لعمي مالك عن والدته
نور بفرحة :بجد
ادهم بابتسامة :بجد
نور :خالتوا هتفرح قوي
...................................................
عند فريدة
كارما :انتي تعملي الي قولتلك عليه فاهمة
فريدة :لكن انا
كارما :لازم تعملي كده اختها مش زيها وادم متعلق فيكي اكتر من ادهم
فريدة راحت لادم وخبطت
ادم فتحلها :امي تفضلي في حاجة
فريدة كانت بتعيط
ادم بقلق :امي مالك فيكي ايه
فريدة بدموع :كارما يا ادم كارما معاها كانسر
يتبع
لقراءة الفصل التالي اضغط هنا 👉
