.jpeg){kind=small}
رواية حورية بين الذئاب الفصل الحادي العشرون 21 بقلم منال عباس
رواية حورية بين الذئاب
رواية حورية بين الذئاب الحلقة الحادية والعشرون
البارت 21
تتصل سوزان على رقم سمر منتظرة سماع خبر وفا*تها لتتفاجئ بصوت سمر …تتضايق سوزان وتغلق الهاتف
سوزان بغيظ : هو انتى زى القطط مفيش فايدة …وتتصل على أميرة
أميرة : أيوة يا سوزى …نقول مبروك
سوزان : على ايه ..أن شاء الله
أميرة : مش خلصنا من سمر
سوزان : انا لسه متصله عليها وهى اللى ردت عليا
أميرة : ازاى دا داده فاطمه عملت كل حاجه زى ما طلبتها منها …طب اقفلى اشوف فى ايه …
فى فيلا زين
يصل محمد ومعه غانم
ليجدوا الجميع في انتظارهم ..
محمد : متجمعين على الخير ديما
سمر : بوجودكم …
غانم : عامله ايه يا حور يا بنتى …
حور : الحمد لله انا بخير ….
محمد : يلا نكمل كلامنا على الغدا
جلس الجميع وكانوا يتسايرون الحديث فيما بينهم …ولكن عمر ظل صامتا ….
محمد : مالك يا عمر مش عوايدك تفضل ساكت كدا …
عمر : لا يا اونكل انا كويس ..ليرد زين
لا يا بابا عمر مش كويس وواضح أن فى سر مداريه علينا …
عمر : ولا سر ولا حاجه ..
مريم بحب وطيبه قامت من مكانها واقتربت منه وامسكت يديه
مريم : مالك يا عمر …انت زى حور يا ابنى .واتمنى تعتبرنى زى الست والدتك …
ليضع عمر رأسه على صدرها وينفجر فى البكاء ..فى ذهول كل الحاضرين .
غانم : الموضوع كدا ما يتسكتش عليه
عمر : بابا انا آسف انى ضايقتكم …واسف يا طنط
مريم : ما تقولش كدا يا عمر
انت ابنى اللى ما خلفتهوش ….
عند طارق فى قسم الشرطه
طارق : هه مش هتقولى مين وزك تعملى كدا …
فاطمه ببكاء : والله يا بيه ما عملتش حاجه …والست حور هى اللى كانت بتحضر الفطار وهى اللى صبت اللبن اللى فيه السم
طارق : ومين بقي اللى قالك أن السم كان فى اللبن …
فاطمه بارتباك فقد وقعت فى شر أعمالها ….
فاطمه : اصل اصل …
طارق : وهو يخبط على المكتب …هتتكلمى ولا ارميكى فى الحجز
فاطمه : خلاص يا بيه هتكلم …. بقلم منال عباس
عند حور
حور : ايه رايك نقضى سهرة هنا يا عمر علشان تفك شويه وهكلم سارة تيجى
زين : فعلا فرصه وخصوصا أن حسام جاى ليا النهارده …هخليه يجيب سارة معاه …
عمر بلهفه وشوف لرؤيه سارة تمام
يتصل زين على حسام ويخبره أنه فى انتظاره وطلب منه إحضار سارة معه
حسام : حاضر …مسافه السكه
وذهب إلى خالته ليخبرها أنه سيأخذ معه سارة
سارة بحزن لتجاهل عمر لها الفترة السابقه : مفيش داعى يا حسام
حسام : مش عارف ايه مضايقك …بس لو سمحتى تعالى معايا ..واخبرها أنه سيطلب يد بسنت
سارة بفرحه : بجد ..الف مبروك يا حسام بجد فرحتنى …خلاص جايه علشان خاطرك …وقامت لاستبدال ملابسها …
يتصل طارق على زين
طارق : عايزك تيجى القسم حالا
زين :بس انا جاى ليا ضيوف كمان ساعه
طارق : مش هأخرك بس لازم تيجى ضرورى …
زين : حاضر مسافة السكه
واستأذنهم للمغادرة لمشوار ضرورى
حور : طب والضيوف ..
زين : مش هتأخر ..وانت يا عمر استقبل الضيوف لو اتأخرت
غانم : يلا يا مريم اوصلك فى طريقي قبل ما اروح …وودعوا الجميع وغادروا .. بقلم منال عباس
عند أميرة
شعبان : الحقى يا ست هانم …فى مصيبه
أميرة : مصيبه ايه ..اتكلم
شعبان : الست فاطمه اللى بعتينى اسأل عنها ..
أميرة : مالها
شعبان : مالقيتهاش ..والجيران بيقولوا الشرطه جات اخدتها …
أميرة : الشرطة !! طب ما عرفتش ليه
شعبان : لا يا هانم ..
أميرة : طب اقفل اما اشوف المصيبه دى كمان …
أميرة : لازم اعمل اى حاجه..تخليهم يتلهوا بيها ..قبل ما يركزوا معايا ..
اتصلت على سونى
أميرة : عايزة زين للأبد
سونى : ياريت
أميرة : يبقي تنفذى اللى هقولك عليه بالحرف …انا من خلال اتصالاتى عرفت ان زين خرج دلوقتى من الفيلا
لو عايزة ليكى ابدأى دلوقتى …
سونى : هتسمعى اخر الاخبار النهارده
يا أنا يا انتى حور …
واتصلت على رقم حور
حور : الو
سونى : ازيك يا ست حور ….
حور : انتى سونى !!
سونى : عليكى نور …كنت عايزة اقولك …أن زين حبيبي جاي ليا دلوقتى والمياه هترجع لمجاريها
حور : انتى كدابه …زين عمره ما يعمل كدا
سونى : دا بإشارة منى …وقولت ليه تعالى ..ما كدبش خبر ..وجاى اهو فى الطريق …ولو مش مصدقانى تعالى شوفى بنفسك
حور : ادينى العنوان
سونى : العنوان …………..وأغلقت الهاتف
اتصلت حور على زين ولكنه لم يجيب
حور : يعنى سونى مش بتكذب …
وارتدت ملابسها للذهاب إلى ذلك العنوان ..
عمر : رايحه فين يا حور ..ومين سونى دى
حور : بعدين يا عمر ..ارجوك …مش عايزة اتأخر وذهبت بسرعه ….
وصل زين الى قسم الشرطه
ليخبره طارق بكل شئ عن فاطمه
زين : مستحيل …بقي مرات عمى غانم يطلع كل دا منها …
طارق : للاسف مفيش دليل قوى اغير ادعاء فاطمه …وحبيت اعرف منك ايه علاقه أميرة بوالدتك
زين : علاقه عاديه …علشان كدا مش عارف..ليه تعمل كدا …
طارق : عموما كل حاجه هتظهر ومن الصبح فى أمر ضبط وإحضار ل أميرة بتهمه التحريض على الق*تل
زين : اللى تشوفه صح اعمله …
طارق : تمام ..مفيش داعى تعرف حد ب اللى دار بينا علشان يكون فى سريه
زين : اطمن …يلا اسيبك بقي علشان جاى ليا ضيوف ..واستأذنه وغادر
عند عمر
يصل حسام هو وسارة
يستقبلهم عمر وبسنت بترحاب
سمر : نورتوا يا اولاد …
سارة : منور بوجود حضرتك يا طنط ..اومال فين حور
عمر : زمانها على وصول
حسام : طب زين فين
عمر : هو كمان ..دقائق وهيكون هنا
سمر : البيت بيتكم ..اعذرونى هطلع ميعاد الدواء بتاعى
سارة وحسام : اتفضلى يا طنط
عند حور
تصل حور إلى ذلك العنوان لتدخل الشقه وتسمع صوت زين من الداخل
تدخل إلى تلك الشقه وتفتح باب الحجرة …التى يصدر منها صوت زين …لتجد الحجرة فارغه والصوت كان صوت مسجل ل زين … بقلم منال عباس
حور : زين ..مش موجود وبحثت فى بقيه الحجرات لتجد باب الشقه يغلق
لتنظر باتجاهه لتجد شاب عارى الصدر
الشاب : اول مرة يبعتولى واحدة حلوة
بجد حلال اللى اندفع فيكى ….
حور : انت مين …وعايز منى ايه
الشاب بسخريه : ههههه وهيفرق معاكى ايه انا مين ..مش المهم انك اخدتى اجرتك
حور وبدأت تشعر أنها وقعت فى فخ
حور : عايزة امشي من هنا
الشاب وبدأ فى تناول الكحول ينظر لها برغبه : مش قبل ما اخد مزاجى الاول
لينقض عليها …….
يتبع..
لقراءة الفصل التالي اضغط هنا 👉
