روايه جبروت انثي وسطوة رجل الفصل الثالث والعشرون 23 بقلم الاء عبدالرحمن
23
في الصباح
كان الكل مجموع على السفرة وسامي مترأسها كالعادة
نور بخجل لادهم :اسأل جدو عن خالتوا يا ادهم
فريدة بغيظ :امال فين مروى يا عمي
سامي :اسمها مروى هانم او تندهيلها حماتي فاهمة
كارما بغضب :يعني ايه هتتحكموا في اختي تقول ايه ومتقولش ايه
هنا نزلت مروى بكل شموخ لابسة عباية باللون الفيروزي مناسبة لسنها وشال مرمي على شعرها الحريري
مروى نزلت ببرود : انا بقول انك يا كارما طولتي اووي في زيارتك دي ولازم ترجعي بيتك بقى
ندى قربت من ادم :العب دي هتحلو قوي
نور ابتسمت بصمت
فريدة بغضب :انتي اتجننتي ازاي تطردي ضيفة في بيتي
كارما بغضب :انا مش قاعدة في بيتك ما تتكلم يا عمي
سامي كانت عينيه من جمال مروى بالعباية الي كانت من اختياره
كامل بغضب مكتوم :ما تتكلم يا والدي
مروى قعدت جنب سامي :يتكلم يقول ايه وبصت لكارما انا اعرف الضيف يجي خفيف ويروح خفيف لكن انتي تقيلة قوي على القلب
ادهم شد على ايده بغضب وبص لجده
سامي :كملوا فطاركم
فريدة بغضب :يعني انت موافق يا عمي على الي هي بتقوله
سامي :مروى من النهاردة ست البيت ده والي تقول عليه يتنفذ
ادهم بص لجده بصدمه
وقام وهو متعصب :انا هروح الشركة
سلمى قربت من ادهم بدموع :عجبك الي بيحصل ده يا ادهم اهيء اهيء
ادهم مسح على شعرها بحنية :اهدي يا سلمى وبص لمروى محدش هيقدر يخرجك من هنا والي هيخرجك من هنا يوريني نفسه
نور بصت لادهم بغضب مكتوم ازاي حاضن سلمى ومحلل لنفسه لمسها
سامي بصله ببرود :افهم ايه من الي بتقوله ده
ادهم بغضب وصوت عالي نسبيا :افهم انه ضيوف امي ضيوفي والي هيطردهم من بيتي كأنه طردني انا شخصيا ودي حاجة لا يمكن اسمح فيها فاهم
مروى بصت لسامي وبهمس وصله :لو الزفته دي ما طلعتش من البيت ده النهارده انا مش هفضل هنا ولا ثانية
سامي اتجنن منها وبص لكارما ولادهم ومش عارف يعمل ايه
كارما بغضب :انت لسه هتسكت كمان وبصت لفريدة راحت عليكي يا حبيبتي ما بقيتيش تقدري تستقبلي في بيتك حد
كامل بص لوالدة بغضب وخرج
ادهم بص لجده ولمروى :وست الحسن عايزانا هنا ولا نمشي احنا كمان وبغضب ما خلاص البيت ده هيمشي على كلمة مرة
مروى بصتله بغضب :تحترم روحك وانت بتكلمني فاهم
سامي بغضب :بس اسكتوا مش عايز اسمع صوت حد وبص لادهم
الي بتدافع عنها دي عايزة تجوز اخوك ادم لبنتها وتخرب حياته وجودها هنا بيسمم عقل امك اكتر ما هو مسموم
ندى بغضب:نعممممممممممم ده انا اقطعها بسناني دول
ادم كتم ضحكته : لازم تتكلموا قدامها يعني هيطلعلكوا عم عبده البواب دلوقت
ندى بصتله بغضب :اسكت خالص فاهم
ادم بخوف مصطنع :يمااااا حاضر
سلمى عيطت جامد وطلعت لامها وفريدة حصلتهم
نور فضلت ملتزمة الصمت
نادر بتهرب :استأذن انا هروح الجامعة
ادهم شد على ايده بغضب وراح الشركة من غير ما يتكلم ولا يقول حاجة لنور وده جننها بزيادة
نور بصت لخالتها بعدم فهم :انا هروح شركتي عن اذنكم
مروى حصلتها على الباب
نور
مروى : ما تستغربيش قوي كده هفهمك كل حاجة بالليل
نور باستغراب :عايزة توصلي لايه دلوقت
مروى :لكل حاجة واولهم ابني
نور باستغراب :صحيح هو عمو فين مش باين
مروى :سافر الصبح
نور بصدمة :بتتكلمي جد ليه
مروى :هفهمك بالليل لكن خدي بالك من ادهم ده باين واخد صفهم مش صفنا
نور باستنكار :خالتوا احنا مش في حرب
مروى :هههه لا دي الحرب ابتدت يا نور وهاخد حقي ووحق امك كمان
نور :انا مش فاهمة حاجة بالليل لازم نقعد مع بعض وتفهميني مش هفضل كده
سلام
........................................................
عند مازن
فاق الصبح كانت سيرين لسه فايقة واثار الدموع في عينيها
مازن خد سيجارة من جنبة :ما تجمدي يا بت ايه محسساني انها اول مرة يعني محنا عملناها كتير قوي قبل كده
سيرين دارت وشها عنه ما كانتش طايقه تشوفه
مازن نفخ في وشها بمكر :لكن تصدقي كنتي واحشاني
وسابها مع صدمتها من تقلباته ودخل الحمام خد شاور ولبس
ولسه هيخرج :ما اسمعش انك خرجتي بره الاوضة لانه مش هيحصل طيب فاهمه
وسابها ونزل الشركة
......................................................
عند نور
راحت الشركة تحت ترحيب الموظفين
ودخلت مكتبها
دخل داني بابتسامة :اول ما قالولي انك هنا ما صدقتش
نور :هههههه وحشتني يا داني
داني بغيظ :على شان كده بضربلك وبتكنسيليني
نور بابتسامة :معلش بقى
داني :قوليلي بقى عاملة ايه مع الجواز وازاي ادهم معاكي
نور ببرود :كويس
داني :هههههه لا باين قوي ده انتي باين واكله المر منه
نور :مش كده يا داني لكن تحكماته الزيادة بتخنقني بندم احيانا اني اديته فرصة عايز يتحكم بلبسي وبمكلماتي وبشغلي
داني بمكر :ياااه ده قفل قوي
نور اتنهدت : نرجع للشغل ايه اخبار التصاميم الجديدة
داني :كل حاجة تمام هجيبهم دلوقت مع الداتا تشوفيهم تمام وفي عارضات جداد برضه عايزك تشوفيهم
خرج داني ونور شردت خرجها من شرودها رنة الموبايل بتاعها
كان ادهم
نور كنسلته كانت متجننه منه
ادهم ضربلها مرة تانية
برضه نور ادته مشغول
ادهم اتجنن ضرب على ادم
ادم :الوو
ادهم :انت فين
ادم :في البيت
ادهم :طيب ادي موبايلك لندى تطلعه لنور عايز اكلمها وموبايلها مش بيعلق
ادم باستغراب :لكن نور مش هنا
ادهم بغضب :انت بتقول ايه امال فين
ادم :في ايه مالك راحت الشركة بتاعتها هي ما قالتلكيش
ادهم قفل في وش ادم وهو بيتنفس بغضب
ادم :ماله ده
ادهم خد مفاتيحه ولسه هيخرج دخل مازن :رايح فين
ادهم :مش هتأخر هخلص حاجة وارجع
مازن ضحك بسخرية لانه شاف غضبه في عينيه
ادهم ركب عربيته وراح لشركتها
..............................................
عند نور
حضر داني التصاميم وعرضهم على نور
وشافت العارضات واختارت منهم
وبعد وقت طويل خلصوا
نور بتعب :ياااه ده انا باين كنت غايبة جامد وسايبة كل ده عليك حقك عليا يا داني
داني بابتسامة :انت تؤمر يا جميل
نور :ههههه بتخرجني دايما من الي انا فيه
هنا اتفتح الباب
السكرتيرة :ما يصحش كده يا فندم عيب كده
نور بصتله ببرود وهو بينفس بغضب
داني :احم اهلا يا ادهم ازيك
ادهم بغضب :اطلعوا بره
داني رفع حاجبه وبص لنور
نور بابتسامة لداني واعتذار :معلش يا داني حقك عليا سيبنا لوحدنا
داني بص لادهم باستفزاز وخرج
ادهم خبط الباب وراه
نور بغضب :في ايه مالك بتصرخ ومتعصب كده ليه وازاي اصلا تدخل عليا بالشكل ده
ادهم كان بيقرب منها وهو بيفترسها بعينيه ونور بتبصله بلا مبالاة
ادهم مسك وشها بايد وحدة بغضب :ما قولتليش ليه يا محترمة انك هتخرجي من البيت
نور حاولت تبعد ايده عنها ما قدرتش
ادهم بغضب اكبر :وبضربلك بتكنسليني طبعا اكيد لانك قاعدة مع حبيب القلب وصوت ضحكتك واصل لاخر الشركة
نور زقته عنها بالعافية :احترم روحك ايه الي بتقوله ده لو متعصب روح ارمي غضبك على غيري
اطلع بره
ادهم مسكها من شعرها :اعرفي انك بتتكلمي مع جوزك هاه جوزك يا نور واوعي تقللي احترام مرة تانية
نور زقته عنها بغضب :مين الي قلل احترام مين انا ولا انت الي بتحضن سلمى وبتتحدى خالتي على شان وحده ما تسواش جنيه في سوق النسوان
ادهم بغضب :احضن اتزفت انا راجل فاهمة عايزة تخرجي تضربيلي الاول ويا اوافق يا ما اوافقش ولو ما وفقتش تقعدي في البيت ما تتحركيش فاهمه
انا مش سامي الي هتمشيه مروى
نور بصتله بصدمة والدموع اتحجرت في عينيها دارتها بسرعة عنه : سبني لوحدي يا ادهم
ادهم بصلها بغضب :الساعة اربعة تكوني في البيت ولو روحت البيت وما كنتيش فيه مش هتعدي الليلة دي على خير
وسابها وخرج
كان داني عند السكرتيرة
ادهم بصله بغضب وتحذير :ابعد عن مراتي يله واوعى تفتكر اني مش فاهم نظراتك ليها يعني ايه هنسفك يا داني لو قربت من نور
داني باستفزاز :انت مش واثق بنفسك ليه كده
ادهم بغضب اكبر :هنسفك لو قربت من مراتي يله فاهم
وزقه وخرج
عند نور
دموعها نزلت جامد على الضعف الي هو سببه
دخل عليها داني بلهفة :نور انتي كويسة
نور مسحت دموعها بسرعة :كويسة انا بعتذر عنه يا داني هو متعصب دلوقت ومش عارف بيعمل ايه
تلفونها رن كانت سيرين
نور اتنهدت :الووو ازيك يا حبيبتي
سيرين بعياط :مش كويسة يا نور مش كويسة
نور حطت ايدها على السماعة :داني لو سمحت تلفون مهم
داني خرج
نور :ليه في ايه
سيرين بدموع مقهورة :بيعاملني كأني جارية اشتراها يا نور ممنوع اخرج بره البيت وحتى الاوضة ممنوع اضحك وبعياط وامبارح خدني غصب وبيقولي كلام وسخ وجارح قووي انا تعبت مش هقدر اكمل كده
نور اتنهدت :سيرين انتي حامل فاهمة يعني ايه حامل يعني لو حتى قولتي لاي حد وانتي ما كملتيش اسبوع ونص عنده وحامل هتبقى فضيحة
حاولي طنشيه على قد ما تقدري وتجنبيه تماما
سيرين :بيجرحني يا نور مش قادرة استحمل
نور بغضب مكتوم :انتي الي عملتي بنفسك كده في حد عنده عقل يسيب نفسه لحد قبل الجواز ده ايه الهبل ده لازم تتحملي نتيجة اغلاطك
وهبقى اشوف ادهم يتكلم معاه من غير ما يصرحله بحاجة
سيرين :تعاليلي يا نور انا محتاجاكي
نور :ان شاء الله هحاول اعدي عليكي سلام
.......................................
عند سامي طلع لمروى
ودخل من غير ما يخبط
مروى كانت بتدهن جسمها كريم :مش تخبط قبل ما تدخل
سامي عينيه ما راحتش من عليها كان هياكلها بعينيه واتكلم بصوت متحشرج :اي ايه الي عملتيه تحت
مروى بصتله ببرود :عملت ايه
سامي بغضب مكتوم :مش من حقك تطردي حد من بيتي دي عمرها ما حصلت
مروى وقفت قدامه ببرود :واهي حصلت دلوقت واضن انا قايلالك شروطي قبل ما اوافق
سامي مسك دراعها بغضب :ما تتحدينيش يا مروى انا سامي العمري الي عمره ما جد مشى كلامه عليه
مروى قربت منه وبصت في عينيه :حتى انا
سامي بتوهان :تعملي الي عايزاه وقرب منها عايز يبوسها
مروى بعدت عنه بسرعة ولفتله ظهرها وابتسمت بنصر
مروى :مالك هيرجع امتى
سامي وهو بيفصلها بعينيه :يومين كده
مروى :وهتقوله بنفس اليوم
سامي قرب منها برغبة وحضنها من ظهرها
مروى اتخضت والرعشة صابتها وبصراخ :ابعد عني
سامي فضل متمسك فيها :مش قادر ارحميني بقى انتي هتفضلي قريبة وبعيدة كده لامتى انا عمري ما تمنيت حاجة وما طولتهاش غيرك
مروى زقته عنها وبتحذير :اوعى تكرر الي عملته فاهم بينا اتفاق تلتزم فيه
سامي بغضب ونفاذ صبر :مروى للصبر حدود فاهمه
مروى بلا مبالاة :وانا صبري ملوش حدود وسقفه عالي
وسابته وخرجت
كانت كارما وخده شنطتها وهتنزل ومعاها سلمى الي بتعيط
مروى ضحكت بسخرية
فريدة قربت منها بغضب: اوعي تفتكري انك اتجوزتي عمي هتقدري تضحكي عليه هاه انا هفضل وراكي وراكي لحد ما اطفشك زي ما طفشت الي قبلك
مروى بصراخ مصطنع :ااااااااه
فريدة بصتله باستغراب
مروى بدموع مصطنعة :ااااه بتعملي ايه انتي
هنا خرج سامي
ومروى وقعت على الارض
قربلها سامي بلهفة :مروى حبيبتي فيكي ايه كويسة
مروى حضنته بدموع : مرات ابنك ضربتني يا سامي
سامي بص لفريدة بغضب :ايه الي هببتيه ده ازاي جتلك الجراة تقربي منها
فريدة بصدمة :عمي انت هتصدق والله ما قربتلها
سامي سند مروى الي متعلقة فيه وبتهديد لفريدة :اقسملك اني مش هسكت على الي عملتيه ده تعالي يا حببتي
مروى مشيت معاه لاوضتهم وهي بتعيط بشكل مصطنع
فريدة بصت لكارما وهي مصدومة:شفتي المفترية
كارما :دي خطر قوي عليكي وسابتها ونزلت
................................................ ...
في المساء
رجع ادهم من الشركة وبص حواليه نور ما كانتش موجودة
ادهم :امي فين نور
فريدة :اهي متلقحة في اوضتها
ادهم اتنهد :بتتكلمي كده ليه يا امي
فريدة قربت منه بدموع مصطنعة :هو انا مش ام ولا ايه هو انا محدش بيحبني ليه هنا
ادهم مسح دموعها :مين قال كده بس ده انتي ست الكل
فريدة قصت عليه الي عملته مروى النهاردة
ادهم بصدمة :وجدي صدق
فريدة:ايووه وزعقلي
ادهم :وبابا عمل ايه
فريدة بغيظ:ما انت عارفة يا ادهم طول عمره ما بياخدش حقي ومسالم في كل حاجة
ادهم باس دماغها وهو بيتوعد لمروى وطلع اوضته
ولسه هيدخل
سمع مروى بتقول لنور
مروى : انا بجد بحبه يا نور انا ضيعت من عمرنا كتير قوي خلاص عايزه اعيش مع ابني وجوزي الايام الي فاضلالي في الحياة
نور كانت مصدومة من خالتها
مروى بهمس :جوزك عالباب كملي معايا على نفس الخط
نور بصت للباب كان خياله
نور سكتت وبان عليها الحزن ومروى حست فيها
مروى :انتي كويسة
نور اتنهدت :كويسة يا خالتوا
دخل ادهم وبص لمروى ببرود :مساء الخير
نور سكتت
مروى :مساء النور اسيبكم انا
خرجت مروى
وادهم قرب من نور :انا اسف اتعصبت عليكي النهاردة معلش
نور بعدت عنه واتجهت ناحية الشباك وفضلت باصه ناحية اللاشيء
ادهم قرب منها وحضنها من ظهرها :انا عارف اني جرحتك النهاردة قوي
نور لفتله وبصت في عينيه ببرود ونظرة خالية من المشاعر :طلقني
لقراءة الفصل التالي اضغط هنا 👉
