روايه جبروت انثي وسطوة رجل الفصل السادس والعشرون 26 بقلم الاء عبدالرحمن
26
عند ادهم
رجع المساء واستغرب انه مفيش حد والبيت ساكن
طلع اوضته
وبص حواليه كانت فاضية خبط على الحمام ما كانتش موجودة
اتجنن وصرخ بعلووو صوته نوووووور
هنا طلعت وحدة من الشغالات
ادهم بغضب :فين نور
الشغالة :طلعت يا بيه ومعاها شنطه
ادهم خبط الانتريه الي قدامه برجله وغضب العالم متجمع فيه :ااااااااااااااااه
ادهم شاف ورقه جنب السرير
مكتوب فيها (اوامرك دي على نفسك مش عليا اشبع بتحكماتك يا ادهم وورقتي توصلني لبيتي سلام يا سي السيد )
ادهم شد على ايده بغضب جامد وهو بااص في اللا شيء
هنا دخلت فريدة بقلق من صوته :في ايه يا حبيبي صوتك عالي كده ليه
وبصت حواليها باستفسار مصطنع :نور فين
ادهم حاول يهدا :سابت البيت
فريدة بفرحة داخلية :يالهوي ليه يا ابني حصل ايه
ادهم ببرود :اكتشفت انها بتاخد حبوب منع للحمل واتخانقنا
فريدة:طيب هتعمل ايه هتروح تجيبها
ادهم :هه مش هعمل حاجة خالص هناام انا اصلا جيعان نووم
لو سمحتي يا امي سيبيني لوحدي ولو حد سأل تحت ابقي قوليلهم الي حصل
فريدة :نام يا حبيبي نام وارتاح انا قولت من الاول البت دي ما تستاهلش واحد يحبها ويقدرها زيك
ادهم بنفاذ صبر :امي ما خلاص خلصنا
فريدة :خلصنا يا حبيبي خلصنا قطعت وقطعت سيرتها بنت منال
وسابتها وخرجت وهي هتنط من الفرحة :يالله عقبال العقربتين الي فاضلين
كامل :ايه يا فريدة بقيتي تمشي تكلمي نفسك
فريدة بفرحة :مراتك ابنك سابت البيت
كامل :مين بتهرجي
فريدة :لا والله نور سابت البيت اصل العقربة كانت بتاخد منع حمل وادهم اكتشف ده ورماها بره القصر رميت الكليبة
كامل بصدمة :ادهم عمل كده في نور مستحيل
فريدة مشيت من قدامه وهو بيكلم نفسه
عند ادهم قعد لوحده متجنن بيبص حواليه مش مصدق انه علاقتهم وصلت لهنا
..............................................................
عند نور
منال بغضب :ما تتكلمي يا بنتي في ايه قلقتيني ومين الي عامل بوشك كده
نور عيطت جامد في حضنها :ادهم يا ماما ادهم الي عمل كده
منال :يا لهوي وازاي الحيوان ده يمد ايده عليكي وابوكي فين عن كل ده
نور مسحت دموعها : محدش يقدر يقله حاجة في البيت
منال :طب ايه الي وصلكم لكده
نور :اكتشف اني باخد منع حمل
منال :يا لهوي وانتي بتاخدي منع حمل ليه لا وكمان من غير ما جوزك يعرف
نور بصوت عالي نسبيا :وهو ليه عندكم لازم الست تخلف من اول يوم مش لازم اعرف البني ادم الي اتجوزته مش اعرف طباعه واسلوبه ينفع اكمل معاه او لا واهو برغم كل الحاجات والصفات الي مستحملاها فيه على اول موقف بقى زي المجنون بيضرب وبيتعصب وبيخانق ووقفت بغضب انا مش غلطانه يا ماما من حقي اقرر مصير حاجة زي دي
من حقي ما اجيبش طفل وافضل مذلولة مع ابوه على شانه لو طلع مش كويس
من حقي اقرر ابو الطفل الي هجيبه ده ينفع يكون اب ولا لا
منال بقلق :وما خفتيش من ردة فعله لما يعرف انك سبتيله البيت ادهم مجنون
نور بسخرية :مجنون على نفسه وانا عارفة ازاي هواجهه وزي ما دخلت برجليا لناره هعرف ازاي اخرج نفسي منها
منال :ربنا يهدي سرك يا حبيبتي
نور طلعت اوضتها وعيطت جاامد وخدت شاور مختلط بدموعه وخرجت غطت بنوووم عميييق
..........................................
في بيت مازن
مازن كان مستغرب مجيتهم
سامي :ازيك يا ولد عامل ايه مع حفيدتي
مازن :اهلا يا جدي كويسين
سيرين بدلع جنن مازن لجدها :اييه يا جدو كده تسيبني وما تسألش عن سيرو حبيبتك الفترة دي كلها
سناء بصوت وصل لنبيل : اذا كان ابوكي نفسه مش سايل عنك عشتي ولا متي هيسأل جدك عنك
نبيل شد على ايده بغضب وبهمس :اكتمي لا اقسم بالله اوريكي وشي الي ما جربتيهوش قبل كده
سناء :😏
سامي :ههههه دايما في البال يا حبيبتي انا بس جاي اشوف واستفسر انتي ما بقيتيش تروحي الشركة ليه
سيرين بصت لمازن ولسه هتتكلم
مازن بخبث :جدي سيرين دلوقت حامل وانا بحبها جدا وبخاف عليها واي مجهود منها ممكن يأثر على الحمل خليها دلوقت مرتاحة وبعدين نبقى نشوف حكاية الشغل دي
سامي رفع حاجبه لسيرين :معاه حق صراحة
سيرين بصتلهم بغيظ
مازن كتم ضحكته وبصلها بانتصار
سيرين بغيظ :يعني ايه
مازن قرب منها وحاوط كتفها بايده :يعني يا حبيبتي مفيش شغل عايزك تتفرغي للي ببطنك وليا
سيرين بصتله بغضب
ندى بضحك :هههههه هتاكلك يا مازن
نبيل :انا برضه بقول كده
سناء : ما تسيبوا بنتي في حالها
هنا نزلت مايا :السلام عليكم
عنين ادم اتعلقت فيها وده الي جنن ندى
ندى بغضب مكتوم لسيرين :مين دي
سيرين :اخت مازن
رامز :تعالي يا بنتي
مايا سلمت عليهم بلطف ولما وصلت لعند ادم مدتله ايدها
لكن ندى كانت الاسرع وبادلتها السلام وبابتسامة :معلش يا مايا جوزي ما بيسلمش
مايا بأحراج :اها انا اسفة
ادم 🤨:احرجتيها على فكرة
ندى 🥴:وانت يهمك في ايه ده
ادم طنشها بكل برود وده جننها
ندى قربت من خالتها الي شاردة :خالتوا انتي كويسة
مروى اتنهدت :كويسة بس خلصوني من ام الزيارة دي
وفعلا مفيش نص ساعة واستأذنوا ومشيوا
لكن طول الطريق منال بتضرب على نبيل
نبيل ركن على جنب ورد عليها :انتي كويسة في ايه
منال بدموع :الحقني يا نبيل نور متخانقه مع ادهم وسابتله البيت وجت هنا
نبيل بغضب :انتي بتقولي ايه
منال قصت عليه الي حصل
نبيل بغضب :متأكده انه مد ايده عليها
منال بعياط :ايووه
نبيل بغضب :ليلته امه سودا النهاردة
قفل مع منال وجري على القصر
سناء :في ايه يا نبيل خير
نبيل ساق العربية بسرعة كبيرة
وادم وراه بالغربية :غريبة عمي سايق بسرعة كده ليه
ركنوا العربيات ونزلوا
ونبيل بيصرخ بعلوا صوته على ادهم
ما ردش
ادم :في ايه يا عمي بتندهله كده ليه
سامي :ما تفهمنا بدل ما انت بتتعصب كده عمال على بطال
نبيل بغضب :الوسخ متخانق مع نور وضاربها فاكر انه الدنيا سايبه
هنا نزل ادهم :وتستاهل اكتر من كده
ووقف قدام عمه اتفضل عايز ايه انا قدامك
كامل بغضب :اتكلم مع عمك عدل يله
نبيل مسكه من تيشيرته بغضب :الا بنتي يله الا بنتي فاهم ادفنك مطرحك انا ما صدقت انها رجعتلي
ادم :اهدى يا عمي نفهم منه
ادهم نزع ايده عن التيشيرت بتاعه وحك دقنه بغضب :بنتك اه وبصراخ دلوقت افتكرت انها بنتك ده يا اخي انا الي اسمي ابن عمها كنت بدور عليها اكتر منك يا الي اسمك ابوها
اسمع بقى يلي بتدافع عن بنتك بنتك الحلوة بتاخد منع حمل وانا ما اعرفش وحرماني اكون اب لو كنت مكاني كنت هتعمل ايه
فريدة بسخرية :ولا حاجة ما هو جوز الست
نبيل بغضب :كااامل
كامل بصلها بغضب
فريدة 😏
نبيل بغضب :مش مبرر تضربها اكيد عندها اسبابها
مروى قربت منه وغضب جامد في عينيها : صرعت دماغنا بكلمة بحبها بعشقها ما اقدرش اعيش من غيرها فين حبك هاه الي بيحب بيسامح ويغفر مش على اول غلط بعت وهانت عليك
ادهم بصلها بغضب العالم ورفع صباعه بوشها :كل حاجة حصلت ليا ولمراتي كانت بسببك انتي انتي الي كنتي بتغرسي افكاركك المسمومة زي الافعى في ودانها لحد ما وصلتينا لهنا
ابعدي عنها فاهمه وحياتنا هتبقى تمام قوي
مروى بصتله بقرف من فوق لتحت : ايييه يعني المفروض انا اخاف كده ولا ايه ما هو انت لو راجل ما ترفعش ايدك على ست
ولو راجل فعلا وحسستها بالامان ووثقت فيك كانت لوحدها هتبطل الحبوب الي بتاخدها لكن للاسف انت اثبتت النظرية الي كنت مراهنة عليها وانك مش راجل لانه مفيش راجل بيمد ايده على ست
وسابته وطلعت اوضتها والغضب هيخرج من عينيه
سامي قرب من ادهم :الامور تتحل بعقلانية عمرها ما تتحل بالضرب والصراخ روح لمراتك وطيب خاطرها
ادهم بغضب :انا بحب اه لكن اقسملكم اني بحب كرامتي اكتر من اي حد عايزة تروح ربنا معاها وبص لذبلته لكن بنتك عمرها ما هتخرج من الحصار ده
ندى :ادهم دي نور حصار ايه الي بتقول عنه فين عشقك الي بتقول عنه
ادهم بغضب مكتوم :للاسف عرفت اختك بجدارة تكسره وتهزه
وسابهم وطلع اوضته
كامل :سيبوه صدقوني هيروق لوحده
نبيل سابهم وراح لمنال
وكل واحد طلع لأوضته
عند ادم
حضن ندى من ظهرها
ندى حاولت تبعده
ادم :انا عارف اني جيت عليكي كتير وفلتت مننا الامور
ندى بدموع :ادم انت عارف انت بتعمل فيا ايه مع كل موقف حصل بتدبحني من جوا ليه يا ادم
ومسحت دموعها بقوة مش متعود عليها ادم
لا يا ادم مش هتدوس على كرامتي واول ما تقول اسف اقولك تعال في حضني
ادم بنفاذ صبر :ندى انتي عارفة كل حاجة ممكن اعديها الا الحاجة الي تخص امي
ندى بسخرية :يبقى روح نام عند امك يا حبيبي
وسابته ونامت وهو متجنن
.............................................
عند مازن
خرج من الحمام
كانت سيرين بتدهن جسمها كريم
ما قدرش يشيل عينيه عنها وتفاحة ادم خاصته بتطلع وبتنزل
سيرين بصتله بطرف عينيها وابتسمت بنصر
مازن جه يقرب منها :سيري
سيرين بتعمد حطت ايدها على بوقها وجريت للحمام كانت بتصطنع التقيؤ
مازن بقلق :سيري انتي كويسة
سيرين خرجت وما بصتلوش
مازن مسك دراعها بغضب :في ايه مالك بتتعاملي بالاسلوب ده ليه
سيرين :مش طايقاك ريحتك بتقلب معدتي
مازن بغضب :نععععم ومالها ريحتي يا روح امك
سيرين بلؤم :اصل والوحام بتاعي كله على ريحة البرفن بتاعك مش طايقاها اوعى تقرب مني يا مازن بريحتك دي
وسابته بيغلي من الغضب وغطت نفسها بالملاية بسرعة وهي مبتسمة بنصر كبير
....................................................
عند سامي
دخل الاوضة كانت مروى بتتكلم مع نور
مروى :اوك يا نور هكلمك بعدين
نور :سلام يا خالتوا
مروى قفلت الفون وكانت هتنام
سامي مسك دراعها بغضب :ابعدي نور عن عنادك وسيبيها تعيش مع جوزها
مروى :وانت مالك ومالها ربي حفيدك وقوله ازاي يعرف يتعامل مع مراته
سامي بغضب :مروى
مروى :هههه ايه ولا عايز ادهم يكون نسخة منك يا سامي عايزة يعمل في نور الي اتعمل فيا لا فوق لا يمكن نور مستحيل تكون مروى
سامي بغضب :انتي مش هتسامحي بقى انسي ابوس ايدك انسي هعملك اي حاجة لكن انسي الي اتعمل زمان
مروى بصتله بقرف :صلح علاقتي مع ابني وقوله الحقيقة وانا هبقى انسى الي حصل زمان وسابته ونامت
................................................
عدا اسبوعين تقريبا ادهم ما شافش فيه نور
ونور مصدومة من بروده معاها وفاحتة روحها في الشغل
وندى وادم بيقربوا وبيبعدوا عن بعض
ومازن بيحاول ينكر حبه لسيرين وان الي بيحصله ليس الا رغبة وبس
وفي يوم
فاقوا على صوت وصراخ ادم
فريدة :قولتلك من زمان الزفتة دي ما تستاهلكيش
ادم :انا دماغي هتتفجر
سلمى بقلق مصطنع :انا اول ما جتلي المحادثات قولت ابعتهم ليك
ادم بص لتصاميم هما بذاتهم وفعلا موجودين في اوضته ودلوقت اختفوا والمحادثة فيها كل التصاميم
ادهم بسخرية :وليه انتي الي تتبعتلك الصور يا سلمى
سلمى بتوتر ظهر عليها :لا لاني رحت لادم اكتر من مرة المكتب انا اصلا مش عارفة ازاي جابوا رقمي انا خايفة خايفة يا ادم ليقتلوني لاني قلتلك
ادهم قرب من ادم وبهمس :في لعبة في الموضوع مراتك غالبا مضلومة
ادم شدى ندى معاه وخدها لاوضته وسامي بيندهله
ادم قفل الباب وبصلها بغضب :ايه الي سمعته ده وازاي التصاميم تتسرق من اوضتي ومحدش بيدخلها غيرنا ازاي
ندى :ادم ما حصلش انت ازاي تفكر اني ممكن اعمل كده مستحيل
ادم بغضب :مش يمكن على شان تنتقمي مني
ندى بدموع :انت اقسم بالله مريض لا يمكن تكون طبيعي بقولك ما حصلش ما حصلش
ادم شد شعرها بغضب :اقسم بالله لاخليكي تكرهي اليوم الي فكرتي تغدريني فيه يا ندى ما بقاش ادم لو ما عملت كده
ندى زقته عنها بغضب :انت وسخ قووي انا الي خسارة فيك وعايز تصدق الي شفته صدق لكن اقسملك يا ادم لما تعرف الحقيقة مش هقبل اعتذارك وهتندم
هتندم لانك صدقت وحدة وسخة كل همها بس اننا نبعد عن بعض
ادم ضربها بغضب :الي بتتكلمي عنها دلوقت اشرف منك فاهمة
هنا دخلت مروى من غير ما تخبط
مروى بغضب :صوتكم عالي كده ليه
ندى جريت على خالتها بدموع :مش عايزاه يا خالتوا مش عايزاه خليه يطلقني انا بقيت بكرهه بكرهه
ادم بص لمروى بغضب :انتي ازاي تدخلي اوضتي بالشكل ده
مروى بتهديد :ادم اوعى اسمع او اشوف انك عاملتها تاني بالشكل ده ومسكت فلاشة ورمتها في وشه
وخد شوف تسجيل الكاميرات في الڤيلا هتعرف الحقيقة
جه سامي :ايه الي بيحصل هنا ده
مروى بصت لادم بغضب :اسأل المحترم الي مصدق الغدر من مراته
ندى حضنت جدها :والله يا جدو ما عملت حاجة انا مش عايزاه خليه يطلقني ارجوك
مروى قربت من سامي بهمس :انصفها وانا هعملك الي عايزه بالليل
سامي بعدم تصديق 🤨:وده من امتى ده ايه خدمة بخدمة
مروى شدت على ايدها بغضب وبلا مبالاة مصطنعة :انت حر
ادم بغضب :لو سمحتوا انا ومراتي محدش يتدخل بينا
سامي بصله بسخرية :بتقول ايه حضرتك ما ايه ما نتدخلش فيكو
بص يا عم الحلو الي عاملي راجل ورافع صوتك عليا من هنا لحد ما تتعدل مع حفيدتي مش هتقربلها خااالص فاهم
هي هتنام في اوضة وانت هتنام في اوضة وعايز اشوف ازاي بقى هتقف قصادي
ادم بغضب :جدي انت بتقول ايه
ندى بصتله بانتصار
سامي :ده الي عندي فاهم وشد ندى معاه يالله يا ندى
مروى بصت لادم بسخرية ومشيت
..........................................................
في مكان تاني خالص
انت بجد هتعمل كده هي ما تستحقش ده
مش قادر انساها حاولت ومفيش غير الحل ده
مش عارف انت حر لكن انا حذرتك
ما تخافش الي هيساعدني من جوا بيتها
اهااا
........................................................
في الشركة
نور كانت بتشتغل جامد وفاحتة نفسها في الشغل
منال ضربتلها :اتأخرتي ليه العشاء جاهز
نور بتعب :شوية وجاية يا ماما لكن دماغي هتتفجر من الصداع
دخل عليها داني :نور ادهم بره
نور اتنهدت
دخل ادهم وبص لداني ببرود :اطلع بره عايز مدام نور في حاجة
داني بص لنور الي اومأتله بدماغها : انا طالع على شانها مش على شان اسلوبك الزفت
ادهم طنشه وقعد
نور رجعت بظهرها لورا لكن التعب باين عليها :اتفضل عايز ايه
ادهم بص في عينيها بمكر :شركتك بقت بأسمي انا وانتي ملكيش من النهاردة اي حصة فيها
نور بسخرية :احلف هههههه لا بالله عليك تحلف المطلوب مني اقفلك دلوقت ولا ايه
وقامت وقفت قدامه تصدق كنت مستنيك
نور قربت منه وبصت في عينيه بخبث ولؤم ومكر وقرف من الي عمله
اوعى تفتكر انك قدرت تضحك عليا انا لما بعتلك داني كنت عارفة انا باعتلك مين داني لما جه يمضي الورق بتاع فض الشراكة عرف على طول لعبتك ولما قالكم انا خارج وراجع هههه
الورق ده اتبدل يا روح امك والي في ايدك دي لو خدتها لاي محامي هيضحك عليك ويقولك بلها واشرب ميتها
وبصت في عنيه وكده ابقى المره الي خدعت ادهم العمري والمره الي هتخلعه بس انت قول يا رب
يتبع
لقراءة الفصل التالي اضغط هنا 👉
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)