رواية حين تقع في الحب الفصل الثالث 3 بقلم حبيبة الشاهد
مسك ايديها بعـ نف: أنتي رايحه فين
حاولة تفق ايديها من بين ايده بألم: في أيه راحيه افتح الباب مش سامع
: هتروحي تفتحي الباب بالمنظر دا بقمـ يص النوم
: دا مش قمـ يص نوم وبعدين ما أنا قاعده معاك بيه
: أنتي قاعده معايا علشان أنتي مراتي ادخلي البسي اي حاجه تسـ ترك او أقولك ادخلي ومتخرجيش خالص
سحبت ايديها بألم: ااه سيب ايدي هتكـ سرها
فق قبضته بخفه وهو تايه في جمالها مشيت من قدامه دخلت الغرفة حاول يتحكم في نفسه وفتح الباب : خطوة عزيزه يا معلم جابر نورت بيتك ومطرحك
نورا بتوتر: فين بنتي ليلى فين يابني
جابر: اهدي يا نورا ملوش لزوم القلق اللي أنتي فيه دا
: اتفضلي ادخلي يا هانم هي في الأوضة
سحبت حقيبة الملابس ودخلت الغرفة ليلى أول ما شفتها اترمت في حضن والدتها ببكاء
نورا بقلق شديد: مالك ياحبيبتي بتعيطي ليه سراج عملك حاجه
: أنتي وحشتيني اوي يا ماما علشان كدا بعيط
سحبتها نورا جلسة على أريكه صغيرة في الغرفة وليلى في حضنها: ليلى يا حبيبتي أنا مش عارفه اقولك اية بس يا حبيبتي أنتي دلوقتي بقيتي متجوزه وباباكي بيشكر في جوزك اوي مش عايزة كل يوم اتلقي مشكله جديدة منك بلاش عند وقولي حاضر ونعم وهو هيشيلك جوا عينه كفايه اللي عمله أمبارح لولا هو كانت الناس كلها هتتكلم علينا
: لا مش هكمل معاه زي ما بابا قالي فترة وهنطلق أنا مستحيل اقعد مع الهـ مجي اللي قاعد برا دا أنا معرفش عنه حاجه غير ان واحد اتجوزني علشان الفضـ يحه اللي كانت هتحصل
: لا يا ليلى مش عايزه اسمع منك الكلام دا تاني أنتي خلاص اتكتبتي على أسمه وبقيتي مراته
: يا ماما صدقيني مش هقدر أنا معرفش اي حاجه عنه حتا معرفش أسمه
: سراج أسمه سراج يا ليلى الاسم ميتنسيش لأنك هتقوليه كتير أنا هسيبك تغيري وهخرج اقعد معاهم برا
سبحان الله وبحمده عدد خلقه ورضا نفسه وزنه عرشه 🤎.
مسائًا.. كانت بتجري بكل قوتها وتصرخ بأعلى صوتها لينجدها أحد وخلفها ثلاث رجال داست على زجـ اجه في الأرض وقعت وهي بتصرخ بألم
: مفكره هتعرفي تهـ ربي مننا ياحلوه
ذحفت للخلف بخوف شديد قرب واحد منهم يمسكها صرخت مليكه بأعلى صوت عندها وهي بتحاول التخلص من بين ايده مسك حجر من على الأرض وضـ ربها على رأسها محاولة اسكاتها أتفجأ الكل بـ دخول الشرطه المكان طلع كل واحد سـ لاحه وقبل ما يضـ ربه كانت الشرطة اتغلبت عليهم وتم القبض عليهم
جريت عليه أول ما شفته كأنه توق نجاه ربنا بعتها ليها ببكاء بصلها من فوق لـ تحت بقرف: خدوها
مسكت ايديه بنهيار: لا أنا معملتش حاجه
مسكها من ايديها بعـ نف: أنتي هتستعبطي عليا أحنا مسكينك مع تالت رجاله لا وكمان تجار مخـ درات
حست ان الدنيا بقت تلف بيها ووقعت على الأرض فاقده الوعي نزل لمستواها شالها وخرج من المكان هو والقوة اللي معاه
ياسين بجديه: في حد تاني في المكان
: لا يا فندم بس مين دي
حطها في السيارة ببرود: لما تفوق هنعرف منها
بعد فترة من الوقت خرج الطبيب من غرفة الكشف
: عندها ارتجاج في المخ بسبب الخبطه وجـ رح كبير في رجليها
: هتفوق أمتا
: هيا فاقت جوا تقدر تدخلها بس بلاش تبداء معاها تحقيق دلوقتي على الأقل
هز رأسه بهدوء ودخل كانت نايمه على سرير المستشفى بتعب ورأسها ملفوفه بالشاش والقطن والمحليل متعلقلها قعد قدامها على الكرسي بهدوء وهو يتأمل معالم وشها
ياسين: شغاله معاهم من امتا واتعرفتي عليهم ازاي
فتحت عنيها بستغرب: هما مين
: اللي كنتي عندهم مفيش داعي للف أنتي مقبوض عليكي متلبسه والقضيه لبساكي لبساكي ازاى كانت تجارة المخـ درات او الـ ز..
هزت رأسها بمعنى لا بدموع: لا والله ما عملت حاجة حضرتك فاهم غلط أنا كنت ماشيه والعربية اتعطلت وتليفوني فاصل شحن ولما نزلة اشوف حد يساعدني مكنش في حد قدامي غير العربيه دي نزل منها التلت شباب " بداء جسدها كله يترعش و كملت ببكاء شديد " فكرتهم هيساعدوني بس خدوني غصب عني المكان اللي حضرتك جيت فيه وكانه كانه "سكتت ببكاء وهي مش قادره تكمل كلمها".
بصلها ياسين لـ لحظه وهو بيحاول يصدقها: أهدي دلوقتي وبكره نكمل تحقيق
: أنا عايزة أمشي من هنا ماما أكيد قلقانه عليا
: مش بالسهولة دي لسه التحقيق الرسمي مخلصش
لا إله إلا الله لا حول ولاقوة الا بالله العلي العظيم 🤎.
دخل الغرفة كانت قاعدة على السرير ممدده رجليها وهي لبسه بيجامه ستان هوت شورت وبضي بحملات من الون الأحمر شال عينه من عليها بصعوبة مد أيده نزل حقيبة السفر من فوق الدولاب وبدأ يحط فيها ملابسه
: جهزي نفسك علشان مسافرين
قفلت التليفون بستغرب: مسافرين فين
: بيت العائله أمي كلمتني وقالت ان جدي تعبان ولازم اروح أشوفه
: وأنا هروح معاك أعمل إيه
بصلها بحد: بصفتك مراتي وأنا مش هقدر اسيبك هنا وأسافر أنا مش عارف هاجي أمتا
بصتله بستغرب من تسرعه وأنه بيحط الهدوم بسرعة: اهدى شويه الدنيا مش هطير
: مفيش وقت لازم نتحرك دلوقتي أنا مش عارف هو ماله أنتي لسه ملبستيش يلا روحي البسي
أخذت ملابس من حقبتها ودخلت الحمام خرجت بعد فترة وهي ترتدي بنطال أسود وبلوزه بأكمام أبيض
: أنتي هتخرجي معايا بالشكل دا
: مالو لبسي وبعدين أنت بتتكلم على لبسي ليه
سحب حقبتها وخرج من قدامها بعصبيه: أنا مش هتكلم دلوقتي بس لما نوصل وأطمن على جدي ليا كلام تاني معاكي
نفخت بضيق ونزلة معاه فتحت باب السيارة وركبت وهو كان بيحط الحقائب في شنطة السيارة في الخلف فتح باب السيارة وركب ورزع الباب بعصبيه وأنطلق كانت ليلى تشعر بملل رهيب قفلت التليفون بزهق ونامت غصب عنها لأن الوقت أتاخر بعد ساعات طويله وقف سراج بـ سيارته أمام قصر عائلة الصاوي
بصلها وسرح في جمالها مد ايده شال شعرها اللي مخبي ملامحها رجعه للخلف فاق على نفسه بتوتر لما الغفير قرب على السيارة: يا ألف نهار أبيض نورت البلد يا سراج بيه
سراج بص قدامه بهدوء: البلد منوره باهلها خد الشنط من العربية دخلها
فتحت عنيها بضيق على صوتهم اتعدلة وهي بتبص حوليها بستغرب وبصت لـ الساعه: أنا نمت دا كله أحنا فين
فتح الباب ونزل: احنا في الصعيد
نزلة من السيارة وهي مش فاهمه حاجه دخلت وراه
رسميه جريت عليه أول ما شفته حضنته بشتياق: حمدالله على سلامتك ياحبيبي بقي كدا منعرفش نشوفك غير لما يكون في حاجه
قبل رأسها بحب: عندي ضغط شغل يا أمي فين جدي بقي عامل اية دلوقتي
نزل صفوان من على السلم قرب عليه بستغرب: إية الغيبه الطويلة دي كلها يبني
خرج والدته من حضنه وقرب على والده بحترام قبل ايده
قربت ليلى عليها بإبتسامة رقيقه: صباح الخير ياطنط
: بسم الله ماشاء الله عليكي ياحبيبتي قمر مين دي يبني مش تعرفنه
: دي ليلى مراتي
رسمية بصتلها بصدمة: إيه مراتك اتجوزت امتا وازاي
: كل حاجه جت بسرعة ملحقتش اعرف حد
صفوان بحد: تعاله ورايا على المكتب
بصلها سراج بصمت ومشي وراه والده دخل المكتب فضلت بصاله لغيط أما اختفاء من قدامها
رسمية: فهميني اتجوزته ازاي
بصتلها ليلى بأحراج ومشيت وراها دخلت غرفة المعيشة وبدأت تحكلها كل حاجه حصلت معاها بختصار شديد قطع كلامهم دخول سراج: عن اذنك يا أمي هطلع أنا وليلى نرتاح من السفر
: ماشي ياحبيبي نام شويه عقبال ما الغداء يجهز
هز رأسه بهدوء قامت ليلى مشيت معاه وهي تنظر لـ القصر بتدقيق دخلت معاه الجناح أول ما دخل خـ لع جذمته وحدف نفسه على السرير بأرهاق لم يمر ثواني وكان نايم بعمق بعد فترة كان نايم بعمق وما زال بملابسه فتح عنيه أول ما سمع صوت طرق خفيف على الباب
حط المخده على وشه بضيق: مين
: أنا جميله يا أبيه ماما بتقولك الأكل جاهز
: أمشي أنتي وأنا هغير واجي وراكي
مسكت رأسها وهي بتتعدل على الأريكه بألم: هو محدش يعرف ينام ساعتين على بعض معاك
رفع حاجبه بضيق: بطلي دلع وقومي غيري علشان الأكل جاهز
رجعت تنام تاني على الأريكه: لا خليهم يطلعه الأكل هنا
وقف قدام واتكلم بصوت مرتفع: أحنا مش في فندق خمس نجوم فزي يلا البسي
اتنفضت من مكانها وقامت بسرعه قربت على الحقيبه: حاضر
أخذ ملابس من الحقيبة ووقفها قبل ما تدخل الحمام ودخل هوا: أنا اللي هدخل الأول
خرج من الحمام بهيبه وشموخ وهو لبس العبايه الصعيدي بصتله وهي سرحانه فيه أول مره تحدق في ملامحه الرجوليه الجذابه
سراج وهو ينصر عطر: لو فضلتي مكانك كدا مش هننزل أنهارده
ميلت رأسها بخجل: خمس دقايق وهكون جاهز
: لا أنا نازل أشوف جدي وأنتي تعالي ورايا لما تخلصي
: حاضر
خرج سراج من الغرفة نزل للأسفل قرب على شقيقته الصغيره قبل رأسها بحب
: حمدالله على سلامتك يا أبيه
: الله يسلمك عامله ايه في دراستك
: بعمل اللي بقدر عليه صحيح أنت اتجوزت
رسمية: سيبي اخوكي يروح لـ جدك وتعالي سعديني اجهز السفرة
: حاضر يا ماما
: روحي معاها ونبقي نتكلم بعدين
ابتسمتله برقه ومشيت من قدامه تجهز السفرة قرب سراج على حمدان قبل ايده بحب: صحتك عامله ايه دلوقتي
: الحمدلله بقيت احسن الكلام اللي سمعته دا صح
: صح يا جدي مكنش قدامي اختيار تاني غير دا
: ويا ترا عرفتها ولا خبيت عليها
سراج بتوتر: مجتش فرصه أعرفها
دخلت جميله عليهم: السفرة جاهز
اتجمع الكل على السفرة وبدأ تناول الطعام معاده سراج الذي ينتظرها سمع صوت خطواتها بسبب الكعب اللي لبسه أتحولت ملامح الكل لـ الصدمه وسراج ملامحه اتحولت لـ الغضب من لبسها وقام بغضب جحيمي قرب عليها..
الفصل الثالث
حين تقع في الحب
لقراءة الفصل التالي اضغط هنا 👉
لفصول الرواية مجمعه اضغط هنا 👉
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)