.jpeg){kind=small}
رواية داغر ودليله قلبه من حجر الفصل السادس 6 بقلم حبيبه محمد
دليلا اتصدمت بكلامه اكتر وعياطها زاد وقالت بقوه مصطنعه: طلقني يا داغر….
داغر بعدها عنه وهو بيبص لعيونها المليانه دموع
دليلا بكرهه: طلقني بقولك
داغر جز علي سنانه بعصبيه: وبعد ما طلقك… هتروحي فين
دليلا قامت بعصبيه: ملكش دعوهههه دي حياتي حياتتتي وانا حره فيها
داغر بصوت عالي: قولتلك قبل كدا انك مش حره…. انتي دلوقتي مش حره
دليلا بعصبيه: هتفضل مقيدني بحديد طول عمرك…
داغر ببرود: هو انا عشان ببعدك عن شويه عيال صيع تقوليلي بتقيدني بحديد…
دليلا: هو انت هتفهم امتي… ان كل دا علي ورق وبس….. يعني انا بنسبالك ولا حاجه هتفهم امتي…
داغر: و مين قالك اني مش فاهم دا بس بحاول احافظ علي مظهري قدام الناس مش اكتر… يعني افعالك دي انا بحاسبك عليها عشان شكلي قدام الناس…
دليلا: انت انسان طماع واناني.. طب علي اقل…. شوف دموعي البتنزل حس… بيا… قول حرام عليا الظلم البعملوا فيها دا.. حرام البهدله البعيشها فيها دي اعمل حساب علي اقل لسني اعما اي حاجههه علي اقل….. ثم اكملت في سرها: علي اقل عرفني انك بتحبني متسبنيش وسط الجنه والنار كدا…
داغر فضل يسمع يسمع و في الاخر ب كل برود طلع لأوضته
دليلا قعدت علي الارض وفضلت تزعق: انا غلطانه اني بكلم واحد معندوش دم…
داغر نزل بعصبيه: فضلتي تزعقي وسكتت… اتعصبتي علبا وسكتت عليتي صوتك علياا وسكت بتضربيني في كتفي و في ضهري وبرضو بسكت لاكن تقلي ادبك وتشتمي مش هسكتلك يا دليلا
دليلا ببرود زي ما تكون استسلمت لكل حاجه: امم هتعملي اي بقا….
داغر بعصبيه مكتومه قرب منها وهمس بخفوت جمبها: اطلعي اوضتك و نامي…. واكفي شري يا دليلا….
دليلا بالفعل خافت منه تشان لما بيتعصب مبيشوفش قدامه…. قامت مصطنعه القوه وطلعت علي اوضتها وهي بتمسح دموعها…..
داغر مسح علي وشه بعصبيه:
يارب صبرني علي الطفله الانا مستحملها دي….
طلع علي اوضته ولبس هدومه بعصبيه وخرج من البيت كلو
دليلا سمعت صوت باب البيت خرجت تشوفه هو خرج ولا لأ
دليلا بندم : دا خرج!!.
طب انا بخاف انام في البيت لوحدي…..
دليلا طلعت تاني بس مدخلتش اوضتها…. دخلت اوضه داغر المبتدخلهاش غير للضروره
بصت من شباكه شويه وبعد كدا بدأت تمسك في صورهه… وتمسك البرفيوم بتاعه وكمان سرقت البيرفيوم بتاعه… عشان تبقي تشم ريحته لو اشتاقتله
حطت رجلها علي سريره… ورجعت لورا عند المخده وغمضت عينها….. وعماله تتقلب ومش عارفه تنام….
خايفه!!
******
داغر ببرود: قدر…. افتحي انا داغر…..
قدر: افتحلك ليه… عشان اجوزت مثلا لا بجد براڤو
داغر: انتي ملكيش دعوه بدليلا…. انا وانتي انتهينا يا قدر فاهمه انتهينا…
قدر: ولما احنا انتهينا جايلي لغايه هنا ليه…. ولا الشملوله طردتك من بيتها؟؟
داغر كان هيتعصب علي دليلا مسك نفسه بالعافيه وكان لسه هيمشي… قدر جريت وراه ومسكت ايده…
داغر: سيبيني
قدر: مش هسيبك انت ما صدقت تمشي ولا اي…
داغر: وانتي ما صدقتي تشوفيني….
قدر: بظبط كدا ما صدقت لقيتك يلا تعالا بقا اقعد معايا شويه…
داغر: انتي هبله؟ اقعد معاكي فين؟ البسي يلا وتعالي نتمشي شويه…
***
دليلا كانت خايفه وهي قاعده لوحدها…… مع انها مكانتش بتخاف بس زي ما تكون اتعودت علي وجوده معاها…. بس مهما كانت خايفه كرامتها عندها…. اكبر من انها تتصل بيه وتقوله تعالا….
: ازيك يا اياد
اياد بتوتر: د. دليلا ازيك…
دليلا بتوتر: كويسه الحمد لله
اياد: بتتصلي بيا في الوقت دا ليه؟
دليلا: لا مفيش كنت محتاجه منك رقم ميس روان…. الرفدتني بسبب سلمي وشيماء
اياد: ليه يعني؟
دليلا: بطلوا رخامه كل لما اقول لحد فيكوا علي طلب يقولي ليه…
اياد: خلاص متتقمصيش بعتلك الرقم علي الواتس
دليلا بأبتسامه: شكرا يا اياد
قفلت معاه وراحت علي الواتس
اياد: بس انا ملحقتش اعرفك علي بقيت الشله…
دليلا: انت عارف كويس اوي ان الشله بتاعتك دي مش كويسه وانا مش مستعده ارجع للماضي الكنت فيه
اياد بعتلها رساله: اي الماضي الهترجعيله؟ واي علاقته بالشله؟
دليلا بحسن نيه: احكيلك بس متقولش لحد؛ هعتبرك صاحبي وهحكيلك اوكي؟
اياد: احكي…
دليلا: انا…ماما وبابا من ساعه ما توفوا كان سني ١٢ سنه او ١١ مش فاكره فضلت اتنقل من هنا لهنا ومحدش قبل يربيني عنده لحد ما دخلت دار ايتام…وخرجت علي سن ١٦ سنه عشان من هنا هقدر اعتمد علي نفسي…..في دار الايتام اتعلمت اسوء حاجات اتعلمت السرقه…اتعلمت التسول…..ودايما انتوا بتسألو هي ازاي بتضرب بوكس كدا وشاطره هي بتلعب كونج فو؟ لا مبلعبش انا هناك كنت بضرب….وصحابي علموني اني لما اضرب….مسكتش لحد واضربه انا كمان ولغايه دلوقتي مش قادره اتجاهل الصفات الاتعلمتها لغايه دلوقتي وبحاول ابعد عنها بأي طريقه وقدرت ابعد عنها فا متجيش انت وصحابك والشله الشيك الروشه دي … و ترجعوني للماضي دا تاني….
اياد: يااااه كل دا يا دليلا…..
دليلا: شوفت؟
اياد: طب و جوازك من داغر؟
دليلا شافت الرساله وقفلت ومرديتش ترد…
*****
بعد وقت كبير ومن كتر الرسايل والتفكير كان الصبح طلع ودليلا عرفت تنام ومن ريحه سرير داغر الكلها ريحته دليلا اطمنت وقدرت تنام واستغطت وراحت في النوم..
***
داغر: انا مروح
قدر: ليه بس استني شويه
داغر: كفايا رجلي وجعتني من المشي احنا لفينا القاهره كلها
قدر: ابقي خليني اطمن عليك يا حبيبي…
داغر مشي من غير ما يرد عليها
*****
مراد نزل من عربيته وكالعاده نازل بغرور….
روان: يادي النيله……
كانت لسه هتمشي…
مراد: راحه علي فين بالشياكه دي…..
روان: وانت مالك هو انا اعرفك….
مراد: معقول كل الحصل والصدف الحصلت دي ولسه متعرفينيش
روان عماله تغمزله وتعرفه ان باباها وراها: انت مجنون…
مراد فهم: ااااه لا انا…
روان بغيظ وهمس: انت اي يا غبي…. ششش اسكت خالص انا هنقذ الموضوع….
روان: اااه افتكرتك انت استاذ مراد المدرس المعايا في المدرسه صح؟
مراد بهمس: انتي غبيه انتي نيلتي الموضوع اكتر… ابوكي يعرفني وعارف اني ظابط مش مدرس….
دليلا بتوتر: طب انقذ الموضوع بسرعه ونبي..
مراد: لا انتي اتلغبطي انا الظابط قريب البنت المشاغبه العندك في الفصل عرفاها…
روان بتحاول تقول اي اسم بنت مشاغبه: اااه دليلا البنت دي؟
مراد بأستغراب: دليلا.؟
روان بغيظ: اه في اي
مراد: دليلا؟ انتي تعرفيها منين….
روان: شش اسكت وهحكيلك في الطريق…
روان: عايز حاجه يا بابا
: لا يا روان يا حببتي خلي بالك منها يا مراد يبني…
مراد بيغيظها: طبعا في عينيا
*****
داغر دخل من باب البيت لقاه هادي جدا…. فقرر مييدخلش علش اوضته علطول…. يروح اوضه دليلا عشان يطمن عليها
داغر: دليلا؟
بيبص في كل حته في الاوضه ملقهاش!!
داغر: دليلا انتي فين….
ملقهاش…. فا فضل يدور في كل حته بس مش موجوده لغايه ما جه الدور علي اوضته الهو عمره ما يتخيل ان دليلا تكون دخلتها….
داغر: د.. دليلا؟ …. نايمه علي سريري كمان!!
كان متفاجئ جدا؛ عمره ما يتوقع ان دليلا تنام في اوضته
داغر دخل وقعد علي الكرسي جمبها ولامس شعرها بحنو…:
مشكلتك انك طفله ؛ و طفولتك و طبيعتك دي بتخليني احبك غصب عني..
داغر كان بيسارع نفسه: عقله يقول لا مبتحبهاش
وقلبه: يقول لا دا انت بتحبها وبتعشقها كمان
داغر بقا بيهرب منها عشان لما بيشوفها بيحبها اكتر
دليلا صحيت لقيته بيلمس شعرها وقاعد علي الكرسي الجمبها وبيبص ليها بسرحان يعني ختي هو مخدش باله انها فاقت…
دليلا فاقت بتوتر: ا.. انا…
انا مش عارفه اي جابني اوضتك…. بس انت مكنتش في البيت… يعني… انت كنت…
داغر: ششش اهدي
دليلا تاهت في كلامه و في عيونه…. ونظراته
دليلا فاقت من الوهم ال هي فيها وقررت تعيش في الواقع شويه…
دليلا بحده: انا…انا اسفه…
ثم اكملن بخفوت
بس انا كنت خايفه انام في اوضتي لوحدي…. ولما لقيتك مش موجود….. دخلت اوضتك وغصب عني لقيت نفسي نمت
داغر بهدوء مسك وشها بأيده الاتنين ورفع راسها بأيده:
خلاص ارفعي راسك مالك في اي مفيش حاجه حصلت….
دليلا كل لما تشوفه وتشوف نظراته بتفضل سرحانه هي كمان…. بس طلعت تجري مره واحده كدا….
داغر: طفله…. بسله
داغر تلقائي لما بيشوفها بيبتسم….خرج وراها وخبط علي اوضتها…
دليلا: نع..نعم
داغر: افتحي الباب يا اوزعه هكلمك شويه….
دليلا: يادي النيله مش قولتلك متقوليش الكلمه دي تاني…
داغر: طب افتحي يا بسله
دليلا: برضو!! بسله؟
داغر قاصد يغيظها: ما هو بصراحه دا الاسم اللايق علي طولك ما انا بصراحه بحس بمعاناه عشان ابصلك….انتي طول رجلي…
دليلا: نينينينيييي….
دليلا فتحت الباب بهدوء
داغر: مروحتيش مدرستك انهارده ليه؟
دليلا: بسببك….
داغر حرك راسه وهو بيرفع في حواجبه وينزلها: لا والله!! بسببي….
دليلا: ايوه بسببك!! خلتني اتعصب علي بنت معايا في المدرسه كنت هخنقها في ايدي والميس ادتني رڤد…
داغر: تخنقيها؟ انتي اتجننتي
دليلا: اه انت الجننتني…
داغر فضل باصصلها بمعني انها بدأت تقع بالكلام….
دليلا بتوتر: اا..يعني اقصد انت الخلتني اتعصب عليها انت فهمت اي غير كدا؟
داغر بيستهبل عليها: مفهمتش حاجه غير كدا في اي….
دليلا: اوعا بقا عشان هقفل الباب….
داغر وقف الباب بأيده: استني؛ هتيجي معايا انهارده عشان نروح نشوف المشكله دي…
دليلا بتلكيكه: لا مش عايزه اشوف وش البنت دي…
داغر: طب هسألك سؤال؟
دليلا: اسأل…
داغر: اي المخليكي نايمه بلبس المدرسه لسه لغايه دلوقتي…
دليلا بنعسان: مقدرتش اغيرهم بصراحه كنت مكسله…وسيبني عشان اكمل نوم
داغر عمل نفسه ماشي: امم تمام….
اديته هي ضهرها وفكراه مشي
لقيته رجع تاني وشالها حطها علي كتفه
وهي عماله تحرك في رجلها بعصبيه: نزلني يا داااااغر عايزه انااام…
داغر: صحي النوم وراكي مدرسه…
دليلا بصويت: مدرسه اي يا داغر….. الساعه ١ انت ناسي؟
ولا مشوفتش الساعه…
داغر: لا شوفتها بس هروح اشوف الحوار ده مع المديره
واخيرا دخلها الحمام ووقفها قدام المرايه وغسلها وشها وسنانها
دليلا: كفايا يا داغر صحيت خلااااص….
داغر: شش اراهنك انك لسه لغايه دلوقتي مفوقتيش عشان لو فوقتي هترجعي للنكد تاني وتقعدي تعيطي.. لاكن انتي دلوقتي مش واخده بالك اي بيحصل اصلا
دليلا: يوووه
داغر شدها من ايدها وقعدها علي الكرسي ومسك فرشتها والتوكه بتاعتها وسرحلها شعرها عملها ضفيره
دليلا: شعري يا داغر قطعت شعري حرام عليك… سرحني براحه…
داغر: مبتحطيش زيت ليه..
دليلا بصويت بتهاجم ايد داغر العماله تقطع في شعرها: ااااه… شعرييي
داغر: مبتحطيش زيت ليه بقولك….
دليلا: عشان بيخلي شعري وحش وناعم ومفرود وانا بحبه كيرلي….
داغر: طب قومي يلا سرحتلك شعرك….
دليلا قامت وهي فايقه ومركزه وواعيه لكل حاجه بتحصل بس بتستعبط شويه علي داغر..
داغر نزل حضرلها اكلها
: اقعدي علي الكرسي
دليلا قعدت: اي هتسرحلي شعري تاني؟
داغر بتريقه: لا يختي هلبسك الشراب….
لبسها الشراب و هي كانت نازله تجيب الكوتش…
داغر: استني استني هجيبو انا
دليلا كانت فرحانه اوي بأهتمامه بيها…
داغر هاتي رجلك الشبهه رجل الاطفال دي…. في بنت عندها ١٦ سنه بتلبس كوتش مقاسه ٣٧… ليه رجل نونه…
دليلا قامت وقفت
داغر: هتمشي والرباط بتاع الكوتش مفكوك…
نزل وربطلها الرباط..
دليلا في اللحظه دي حسته ابوها وحبيبها وكل حاجه ليها..
اهتمامه بيها بس كفيل يخليها لو هي بتكرهه تحبه….
داغر: شش صحي النوم لسه لغايه دلوقتي نايمه…
دليلا: لا لا فوقت
داغر: طب كويس…
داغر نزل علي السلم
و هي كان نفسها تجرب تجري علي السلم زيه وتفك الجبس.
فا نزلت تجري وهنا كانت هتقع
دليلا: ااا…ه..د داغررر
داغر سمع صوت نبرهه صوتها
لف لقاها لسه هتتقلب
طلع يجري عليها وسندها من ضهرها….
داغر: اي يا دليلا شغل العيال دا ولو كان حصلك حاجه؟
دليلا: يوووه عايزه أفك الجبس دا بقا زهقت…
داغر: هنروح انهارده للدكتوره ونسألها….
دليلا: مين الروحنالها قبل كدا؟
داغر: اه
دليلا بغيره: لا لا محبتهاش خالص….
داغر: اركبي يا دليلا العربيه وكفايا دلع….
دليلا ركبت مع داغر….
****
مراد: احكيلي بقا تعرفي دليلا منين واي الوداها المدرسه الانتي فيها…
روان: انت التعرفها منين… دي شكلها مجنونه اصلا
مراد: دي مزه
روان ضربته في كتفه: ما تحترم نفسك…
مراد للحظه حس بأستغراب اي اليخلي واحده هو ميعرفهاش اول ما يكلم عن بنت تانيه هي تغير….
روان: تعرفها منين
مراد: دليلا تبقي مرات صاحبي
روان: نعم؟؟ مرات مين…
دي لسه طفله….
مراد: زي ما بقولك كدا
روان: دا انا عندي ٢٢ سنه ولسه متجوزتش.. الطفله دي تتجوز….طب والله حرام… دي طفله….
مراد: المهم يلا اوصلك للمدرسه
*****
دليلا وصلت المدرسه مع داغر
وكان اياد موطود بس خاف يجي يكلمها بسبب داغر…
شيماء بهمس: بس جوزها قمر يا بت يا سلمي….
سلمي: بت محظوظه شكلها كدا…..
داغر خد دليلا في ايده وطلع للمديره
داغر بحده: ينفع اعرف دليلا عملت اي عذان ترفدوها!! هتحكيلي القصه الفكسانه الهتاكلي بدماغي بيها حلاوه وتقوليلي اصلها كانت هتموت صاحبتها و دي مجنونه والحركات دي…. هل سمعتي السبب… هتقوليلي اه سمعت…. طب السبب مقنع…. اقولك انا بقا لا مش مقنع….
البنت صاحبتها او البتقولي عليها زميلتها دي كل يوم بتتعدي علي دليلا بأما بالتنمر يأما بالضرب….
دليلا فضلت تضحك لأن هي دايما البتضربهم…
المديره: انا اسفه جدا لحضرتك يا حضرت المقدم وشيماء هتاخد جزائها… اخنا اسفين ليكي يا لي لي…
دليلا كانت فرحانه بأنتصارها عليهم…..
وخارجه مع داغر…. فرحانه جدا كان اول مره يشوفها فرحانه كدا…..
بسبب اهتمامه بيها ودفاعه عنها فا دا اكبر سبب كفيل يخليها تحبه….
اول ما خرجت من المدرسه…
حضنته…. وهي بتضحك وبتشب عشان مش طيلاه…
داغر في وسط استغرابه بس هو بص علي رجليها لقاها هتتكسر اكتر من كتر ما هي مش طايله فا مسكها من وسطها وحضنها هو كمان عشان تبقي طوله……..
هل دليلا وداغر هيستمروا في انهم يكونوا كويسين مع بعض وممكن يحبوا بعض مع الوقت؟
ولا لسه في حاجات تانيه هنعيشها معاهم؟
يتبع…..
لقراءة الفصل التالي اضغط هنا 👉
