روايه صدفه مجنونه الفصل السابع عشر 17 بقلم زهرة الربيع
#صدفه_مجنونه_البارت_السابع_عشر
يعني ضحكت على البنت وجرجرتها على شقتك وعزمت صحابك معاك علشان تتسلو بيها وعايزني بعد ده كلو اصالحك عليها وكمل بسخريه وقال..لا بسيطه ميكونش عندك فكره سهله قوي وكمل بغضب وقال..انا مش ناقصك انهارده بذات مش عايز اشوف حد منكم سامع
عمار لسه هيطلع ذياد قال بسرعه..ايه منكم دي انت ليه رابطني بتصرفات ماما مع اني عمري ما اتعاونت معاها في حاجه...هو انت..انت بتكرهني ليه يا عمار
عمار فكر في كلامو بدهشه هو ولا مره حاول يتكلم معاه فعلا معاه حق كان دايما ياخدو بذمب اهلو بصلو واتنهد بحزن وقال..اكرهك..ابدا..انا مش بكرهك..بس..بس كل الحكايه ان احنا الاتنين متعودناش على اننا قرايب واولاد عم..كنا ديما بعاد ومع ذالك علشان اثبتلك اني مش بكرهك هاجي معاك وهحاول مع البنت..يمكن تقتنع خصوصا بعد ما انت دافعت عنها وانقذتها..ها بقى..مين البنت
ذياد حمحم وقال بصوت ضعيف جدا يا دوب طالع..جنى
عمارمسمعهوش وقال..بتقول مين علي صوتك.. فيه ايه
ذياد اتشجع وقال..جنى.البنت جني بنت خالة صدفه مراتك..علشان كده بكلمك انت بالذات تحاول تكلم صدفه وهيه تلين دماغها وتصالحونا سوا
عمار اتسعت عنيه بزهول وبعد كده ضحك جامد وقعد على الكرسي وهو بيضحك
زياد بصلو باستغراب وقال..هو انا قولت نكته بتضحك على ايه
عمار قال وسط ضحكاتو..والله ما في نكته هتضحك اكتر من كده...يا عزيزي فاقد الشيئ لا يعطيه ...و انت متعرفش المصيبه الي انا عملتها مع بنت خالتها..يعني انا وصدفه نصالحكم دي مستحيله..دي صدفه لو تفت في وشي بعد الي عملتو معاها يبقى كرم منها والله
زياد قعد جمبو بدهشه وقال..ليه هو انت عملت ايه
بقلمي...زهرة الربيع
عند صباح كانت واقفه بضيق شديد وكان عرفه بيتكلم مع صباح وقال...وانا جاي اجدد طلبي واعيد من اول وجديد علشان خاطر عيونها بس..جاي اطلب ايد صدفه ..واعتذر لها قدامكم ..حقك عليا يا ست البنات مش هتتكرر اوعدك..ها قولتي ايه
صدفه نفخت بضيق ومردتش ودخلت اوضتها
راجل قاعد على كرسي بعجل ده نعيم جوز صباح قال ..يا عرفه يا ابني البنت لسه زعلانه..لدرجه انها مش راضيه تقول سبب خلافكم..وبعدين هيه لسه متجوزه ولسه متطلقتش ..لما تطلق وتخلص عدتها تبقو تتفقو ولا ايه
عرفه قال..عم نعيم..صدفه ليه ومش هتكون لحد تاني ومتقلقش الشاب الي اتجوزتو زمانه هيبعت لها ورقه طلاقها ده اصلا ميستهلهاش
طلعت من الاوضه بغضب وقالت..وانت بقى الي تستاهلني مش كده..اسمع يا عرفه انا مش هقلب في الي فات هما كلمتين مفيش غيرهم..انا مش هتجوزك..وصلت يا شاطر... ويلا وريني عرض كتافك
عرفه وقف وقال بابتسامه بارده..انتي تقولي الي نفسك فيه..بس انا كمان ليا كلام تاني..ومش هتجوز غيرك يا عسل حياتي ..بالأذن
عرفه مشي وصدفه قالت بغضب..لو هتجوزوني ليه هرمي نفسي تحت قطر تمام
صباح لسه هتتكلم نعيم قال..واحنا امتى جبرناكي على حاجه با بنتي يشهد ربنا انك طول عمرك زيك زي جنى واكتر..ولا انتي شايفه غير كده
صدفه اتنهدت وباست راسو وقالت...مفيش غير كده يا عم نعيم انا بس مضايقه متزعلش
نعيم قال ربنا يهدي بالك يا صدفه يا بنتي
صباح قالت طب انا هنزل الصاله ..هتيجي ولا غيرتي رأيك
صدفه قالت ..لا جايه هلبس واجي
عند عمار كان قاعد مع ذياد وبيفكرو هيصالحو جنى وصدفه ازاي وبيفكرو هيواجهوهم ازاي اصلا
عمار وقف وقال...شوف مفيش حاجه هتتصلح واحنا قاعدين ساكتين..لازم نروحلهم..المواجهه اقوى سلاح
ذياد قال ...انت متأكد ...يعني مظنش في حالتنا دي يا عمار..انا..انا مش عارف لو وقفت قدامها هقول ايه
عمار ابتسم وقال..وقتها مش انت الي هتقول لو صحيح بتحبها..قلبك هيدلك تقول ايه..قوم معايا وبعدين يعني مستحيل تكون اسؤ من حالتي على الاقل جنى بنت طيبه وهاديه امال اناهعمل ايه هقف في وش القطر ..قوم يلا بينا
وفعلا مشيو سوا وطلعو على بيت صدفه وجنى
اما وداد كانت عند بنتها وسوزان قالت..لا يا ماما انا اخاف اعمل كده وبعدين هينام معايا ازاي ده مش طايقني
وداد قالت بضيق...با بت الهبله انا بقولك ينام معاكي فيه ام تطلب من بنتها كده اصلا..انا هديكي علبه منوم تحطيلو منها واول ما ينام هجيلك نقلعو وتنامي جمبو ..كل الحكايه ان جدك يعرف انكم كنتو سوا انتي حفيدتو وعمرو ماهيرضالك الفضيحه وهيجبرو يتجوزك
سوزان لمعت عينها بفرحه بس قالت بخوف..طب لو اتكشفنا
وداد قالت.. متخافيش مش هنتكشف ....بس اهم حاجه ام اربعه واربعبن الي اسمها ابتسام متعرفش حاجه فاهمه
سوزان قالت ..تمام يا ماما اول ما يرجع هعمل الي قولتي عليه
بره على اللاب كانت ابتسام بتسمعهم وبتبتسم بسخريه ووقالت في نفسها...والله خطه حلوه يا وداد..بس هنغير حاجه بسيطه قويييي يعني بدال ما نيمو .. نخدرو وهو يبقى فايق شويه..مهو في النهايه اكيد مش بنتك الي هتكون في حضنو وابتسمت بخبث وميبت
في المكان الي صباح شغاله فيه ..كانت صدفه زي الفراشه بتتنقل بخفه وسط الرجاله الي عددهم زاد جدا لما عرفو بوجودها..وكانت بتنزل طلبات ورايحه جايه بابتسامه جميله بتداري بيها حزنها وقفت قدام صباح وقالت بتعب..الطاوله الي هناك عايزه الطلبات دي بس بسرعه
صباج اخدت منها الورقه وقالت ..مش هتقوليلي ايه الي حصل بينك وبين الجدع الحليوه بتاع القصر
صدفه اتنهدت وقالت...ابدا يا خالتي اصلا مكانش فيه حاجه من الاول علشان تحصل حاجه دلوقتي
صباح قالت باستغراب يعني ايه مش فاهمه هتطلقو كده من الباب للطاق
صدفه قالت ..قوليلي يا خالتي...هو انتي وعم نعيم يعني الله اكبر عليا عمري ما شوفتكم اتخانقتو..رغم ظروفو يعني هو مش بيقدر يشتغل وانتي الي بتصرفي..وبتطري تيجي المكان الزباله ده وسط الخمرجيه يعني هو مش بغير او بيشك فيكي ..عمره يعني ما فكر انك ممكن تكوني مثلا
قاطعتها صباح لما ضحكت وقالت..انا فاهمه قصدي يا صدفه بس الي ييني وبين نعيم كبير قوي وحتي من قبل ما يعمل الحادث...احنا مش بنحب بعض زي الشباب اليومين دول ..لا احنا بنحب بعض حب عشره وموده ..نعيم ممكن اوقات بغير عليا واوقات بيزعل قوي لانو مش قادر يريحني ويحميني من كلام الناس بس يشك فيا..دي مستحيله..لما عمل الحادث وقعد في البيت اخوه الله يجحمو مطرح ما راح جيه وقلو انت مش خايف تكون شغاله زي البنات الي هناك ..نعيم وقتها قال انا حتى لو شوفتها بعيني مش هصدق ..ودافع عني مع اني مكنتش موجوده كنت راجعه من بره وسمعتهم ...الي بيحب حد مستحيل يشك فيه
صدفه نزلت دمعه من عيونها وقالت..والي يشك يبقى محبش ابدا
صباح ابتسمت بحزن لما استشفت حااتها قالت ...مش شرط بس ممكن يكون غيرتو بتنسيه اي حاجه...وممكن يكون حب قوي لدرجه مقدرش يستحمل اي حاجه تتشككو فيكي
صدغه قالت بسرعه..انا...انا مش بتكلم عني
صباح ضحكت وقالت..عارفه يا روحي...وبلا ورانا شغل ...وشاورت على واحد وقالت..شايفه الجدع الي هناك ده..اسمو سالم عينو متزلتش من عليكي ..خليكي بعيد عنو ماشي لاني مش كل شويه همشي واحد بسببك يلا روحي
ثدفه اخدت الحجات وبقت توديها للزباين لحد ماسالم حط ايده على وسطها بطريقه وقحه وصدفه التفتتلو من غير اي كلمه ورزعتو قلم قوي
سالم وقف بعصبيه ومسكها من دراعها وقال..انتي اتجننتي يا بت الكلاب انتي
صدفه لسه هترد دخل عرفه وقال..فيه ايه يا سالم..انا كام مره حذرتك ولا لازم اعلم عليك
سالم قال بارتباك...انا معملتش حاجه هيه الي مدت ايدها..انا سيبهالكم بس لينا كلام تاني
سالم مشي وصدفه كانت بتبص لطيفه بقرف و عرفه وقف قدامها وقال..اسمعي كلامي يا بنت الناس وانتي تترحمي من قلة ادب الخلق
صدفه بصتلو يضيق وقالت..هو انت على طول فاضيي كده مش وراك حاجه يا اخي خلي عندك دم وحل عني ..ايه ده
بس عرفه مسكها قبل ما تطلع وقال..صدفه اسمعيني انا..
بس صدفه قالت بغضب...انت تشيل ايدك..انا مش السنكوحه الي كانت معاك في سريرك تمام
عرفه اتنهد وقال....يا بت انسيي بقى دي واحده متجيش جمبك حاجه ..كانت ظروف وخلصت انما اننتي الي في القلب من جوه
صدفه بصتلو بضيث ومشيت من غير مل ترد وبقت تشتغل وهيه بتتجاهلو
بس عرفه فضل وراها وقال ..طب انا هحلفلك بالايمانات كلها اني مش هكررها وهبقى ليكي انتي وبس
صدفه ضحكت جامد وقالت ..ياض انت فاكر اني غيرانه عليك يا مع،فن انا بس بستغرب على زوقك الزبا،له..لازم تعرف اني...كنت بحبك ومبهوره بيك لاني مشوفتش غيرك بس دلوقتي شوفت...الي اجمل منك واغنى منك واحسن منك يعني انت ولا حاجه دلوقتي في نظري
عرفه قال بغضب...ومين الي مالي نظرك بقى يا برنسيسه..يمكن قصدك على البيه الي رماكي رميه الكلاب من قصرو وطلعك في نصاص اليالي
عمار وصل قدام الخماره هو وزياد ودخلو وهما مستغربين المكتنان وبيحاول يشوفو اي حد يعرفوه وعماؤ كان بيدور بعنيه على صدفه لحد ما شافها واقفه مع عرفه ومضايقه وبتزعق معاه
عمار لسه هيروح لها وقفت قدامو بنت لابسه عبايه ضيقه جدا ومفتوحه على الرجلين وقالت ...الله اكبر..ادي الرجاله ولا بلاش جاي لمين يا حليوه انت وهو
بقلمي...زهرة الربيع
عمار بصلها بزهول من فوق لتحت واستغرب لانها نفس البنت الي كانت مع عرفه في الفديو اتنهد بضيق وقال..جايين لصدفه
البنت لوت بقها بضيق وقالت..اااااه صدفه....بقولكو ايه سيبكم منها..دي مش هتريحكم..اصلا ملهاش في الطراوه...لو عايز رأيي خليك معايا ..هتنبسط
زياد رفع حواجبو بزهول وعمار قال بغصب مكبوت..انا بقولك عايز صدفه ناديلها لو سمحتي
قالت بتريقه..لو سمحت..ههههئ وانببدي قمر ومحترم كمان على العموم هنادياك ست الحسن ...ومشيت
البنت راحت لصدفه بس عمار شافها من بعيد وهيه بتتخانق مع عرفه فمرضيش يستنى واتقدم عليها بسرعه
البنت لقت صدفه بتتخانق مع عرفه قالت..يا بت كفابه وخلينا نشوف اكل عشنا..ده فيه حتت موزين سألو عليكي
صدفه بصت لها بغضب وقالت..وديني وما اعبد يا نوال لو ما بعدتي من قدامي السعادي لاطلع عليكي القديم والجديد فاهمه
نوال قالت بردح...ااااه...وانا عملت ايه يا اختي..ولا انتي لسه مش قادره تنسي الي فات ..انا قولتلك..هو خطيبك الي طلب مني وانتي عارفه ابله صباح بتقول الذبون على حق
عرفه بصلها بغضب وقال..غوري من هنا يانوال..وانا هعرف احاسبك على الحركه الواطيه الي عملتيها
نوال قالت بدلال...كده برضو يا سي عرفه ده انا بحبك والنعمه
صدفه قالت..يا اختي اشبعي بيه وحلو عن دماغي هتجننوني بلاش قرف
هنا عرفه مسكها من دراعها بغضب وقال .يا بت كفايه طوله لسان هتلمي علينا الناس ..اوعي تفتكري اني هغير رأي لما تبعبعي كده لا انسي يا حلوه انتي ليا ليا انا وبس فاهمه
صدفه زقت ايده وقالت بغضب رهيب..لما تشوف قفاك يا زبا،له يا بتاع النسوان..وكملت قاصده تغيظه وقالت.. انا اصلا ست متجوزه ومش بحب غيرجوزي يعني ملكش كلام معايه
عرفه ضحك جامد وقال..وهو فين بقى جوزك ده يا حلوه قصدك على الي اتهمك انك حامل من غيره ومسح بكرامتك الارض هو فين مش شايفو
انا هو ..أؤمر... قالها عمار بمنتهي الغضب والثقه بعد ما سمع كل كلامهم وصدفه بصتلو بزهول شديد ووووووو
لقراءة الفصل التالي اضغط هنا 👉
لقراءة الرواية كاملة اضغط هنا 👉
لقراءة روايات اخري زوروا موقعنا من هنا 👉
