روايه صدفه مجنونه الفصل التاسع عشر 19 بقلم زهرة الربيع
#صدفه_مجنونه_البارت_19
صدفه وقفت بزهول عند الباب لما سمعت عمار بيضحك ونوال بتقول اي..اي براحه يا باشا ههههههيي
صدفه لهنا مقدرتش تستحمل زقت الباب ودخلت زي الاعصار وقالت بغضب...ما براحه يا باشا مش كده خليك حنين
عمار بصلها بابتسامه جانبيه وقال ...فيه حاجه يا صدفه
صدفه بصت حواليها وكانو بهدومهم ونوال بتطبق الهدوم قالت بارتباك..ايوه.ايوه فيه... ايه الصوت الي سمعتو ده
نوال قالت بدلع..اصل انا وبطبق الهدوم السوسته مسكت في شعري والباشا كان بيساعدني وطلعهالي..مش كده يا باشا
عمار بصلها بوقاحه قاصد يغيظ صدفه وقال...كده يا شبح هو انتي بتقولي حاجه غلط
نوال ضحكت بدلال وصدفه اتغاظت جدا وقالت ..متظبطي كده يا بت بقولك ايه ..يلا روحي روحي الباشا مش معاه حاجه اصلا بكره هيمشي مفيش داعي يطبق الدولاب يلا روحي
عمار قال...لا انا عايز اطبق الدولاب انا حر
صدفه قالت بغضب..امرك انا هطبقهولك امشي يا نوال
نوال قالت بضيق..براحتك...تصبح على خير يا باشا احلام حلوه
عمار قال ...اكيد الاحلام هتبقى عسل مدام شوفتك
نوال ضحكت بدلال ومشيت وعمار بقى يبص عليها وهيه ماشيه بوقاحه
صدفه كانت هتتجنن ضربتو في كتفه بغضب وقالت...متروح وراها احسن
عمار قال ..والله يا رييييت
صدفه بصتلو بغضب وهو قال بلامبالاه مصتنعه..انا مش فاهم مالك..هو احنا مش هنطلق
صدفه قالت بغضب..ايوه مش لمانطلق
عمار قرب منها وقال. ليه هو احنا فيه بنا حاجه علشان نستني لما نطلق
صدفه اتوترت من قربو وقالت ..انت معاك حق..انا..انا مش عارفه ايه الي جابني اصلا...عن اذنك.... ولسه هتطلع الباب متفتحش
صدفه بقت تحاول تفتحو وقالت...هو فيه ايه اول مره يعلق كده
عمار قعد على السرير وقال..لا هو مش معلق هو مقفول
بقلمي..زهرة الربيع
صدفه بصتلو باستغراب واتسعت عنيها بزهول لما فهمت ان كل ده حركات علشان يحبسوها معاه قالت...والنعمه لاوريكي يا صباح
تحت كانت صباح وزياد وجنى قاعدين قدام الصاله و نزلت نوال ومعاها المفاتيح ودتهم لصباح وقالت..كلو تمام قفلت عليهم
صباح قالت..جدعه يا بت..وبصت لزياد وقالت..انتو متأكدين ان الحركه النص كم دي هتجيب معاهم
زياد قال..انا بالنسبالي مش مصدق ان حركات الابيض واسود دي هتنفع بس الست جنى اصرت عليها
جنى قالت بحماس..هتشوفو ازاي هتنفع بكره تقولو جنى معاها حق وهيطلعو من جوه متصالحين
صباح قالت...يا رب يحصل كده لان لو محصلش صدفه هتشخرمني
زياد بصلها باستغراب وميل على نوال وقال..يعني ايه الكلمه دي ..نوال ميلت عليه وقالت...يعني ..يعني هتبهدلها..بس هيه صباح لها لغه لوحدها
زياد ضحك وقالها..هو انتي متجوزه
نوال ضحكت وقالت..يسمع منك ربنا
زياد ضحك وقال...طب معاكي تليفون
نوال لسه هترد جنى قالت بعصبيه..يلا يا استاذ زياد علشان تنام..الجو برد يلا بينا..وانتي نوال يا اختي شكرا على كده روحي الحقيلك ساعه نوم
نوال قالت اه طيب انا ماشيه ..ابقو قولو لصدفه متزعلش مني بقى انا بحاول اساعد اهو علشان تنسى موضوع عرفه ..يلا باي
نوال مشيت وصباح طلعت هيه وجنى وزياد على البيت
عند صدفه كانت بتحاول تفتح الباب بكل الطرق نفخت بتعب وهيه بتحاول بكل طاقتها
عمار قعد بلا مبالاه وقال..متتعبيش نفسك مش هيتفتح
صدفه بصتلو بغيظ وقالت...يا برودك يا أخي متقوم تحاول تفتحو بدل قعدتك دي
عمار قام وقرب منها وقال...ومين قلك انا عايزه بتفتح ...انا لو اطول احبسك في قلبي ومفتحش ابدا
صدفه سرحت في عيونه شويه بس بعدت بنظرها وقالت بتوتر...عمار افتح الباب وبلاش الكلام ده ملوش لزوم
عمار مسك ايدها وقال بحزن وندم..صدفه انا اسف انا عرفت انك مظلومه...الدكتوره كدبت عليا وقالت انك حامل مقدرتش استحمل ..سامحيني
صدفه بعدت وقالت بغضب..اسامحك..بالسهوله دي..بعد الي عملتو وبعد كل الكلام الي قولتو اسامحك عادي...انا عمري ما هسامحك يا عمار وياريت تطلقني وتسبني في حالي جدك عارف كل حاجه..وهو تمام يلا طلقني
عمار قال بدموع..اطلقك ..مقدرش...انا ...انا مقدرش اعيش من غيرك
صدفه نزلت دموعها وقالت...لا قدرت ..قدرت يا عمار بهدلتني وزلتني ومشتني من بيتك وطلعتني واحده و،سخه ..رجعت ليه دلوقتي..ايه الي جد مش انا نفس البنت بتاعت البارات الو،سخه ال ركلام عايز ايه ايه الي جد..سبني فب حالي معادش فيه سبب لجيتك اصلا
قالت كده وراحت تحاول تاني في الباب بس اتجمدت مكانها لما قال..انا بحبك يا صدفه ..ده مش سبب كفايه
صدفه بصتلو بزهوا وعمار قرب منها وقال بعشق واضح في عيونه..انا بعشقك با صدفه...وانتي كمان بتحبيني انا متأكد
صدفه كانت مش قادره تنطق وبتبصلو بارتباك وعمار قرب منها وقال...قولي انك مش بتحبيني..قوليلي انك مش عيزاني ..وانا همشي ومش هتشوفيني تاني
صدفه نزلت دموعها وقالت بتوتر..انا..انا مش..مش عايزاك يا عمار و
بس قطع جملتها بشفايفو وحتضنها بقوه في اجمل لحظات حياتهم وصدفه كانت بتبادلو بشوق
في القصر كانت وداد مع سوزان وقالت..يا بت افهمي ده هيخدرو بس مش هيأذيه هتحطيلو اربع نقط وهو هينام على طول
سوزان قالت بخوف..انتي متأكده انو هينام بس مش كده
وداد قالت بغيظ ...لا هقتلو والبسهالك ..انتي هبله يا بت...انتي هتنامي معاه وتقلعيه وانا هخلي جدك يشوفكم.. وبس..يلا خبيها
سوزان اخدت العلبه بفرحه وحطتها في الدرج وقالت..لو نجحت الخطه دي يا ماما انا هبقى اسعد واحده في الدنيا دي
وداد قالت هتنجح انتي ماتقلقيش بس تعالي معايا نقعد مع جدك ونحاول نفهم منو هو راح فين من الصبح ده حتى اخوكي مش موجود
سوزان نزلت مع وداد واول ما خرجو ابتسام طلعت من ورا الحيط وابتسمت بخبث ودخلت الاوضه فتحت الدرج وحطت علبه بدال علبه المنوم واخدت علبه المنوم معاها وخرجت
عند صباح نادت لجنى وقالت...بت يا جنى خدي الغطا ده ووديه للضيف
جنى قالت بارتباك..انا يا ماما
صباح قالت ...امال انا اخلصي با بت قبل ما ينام
جنى اخدت منها الغطا بارتباك وراحت ولسه هتخبط على الباب زياد فتح وشدها وقفل الباب بسرعه
جنى اتخضت وقالت بارتباك ...انت بتعمل ايه افتح الباب
زياد حاوطها باديه وقال وهو بيتأمل ملامحها...ليه مشيتيها..غيرتي عليا
جنى قالت بارتباك..احم..مش فاهمه هيه مبن
زياد قال بايتسامه..لا انتي فاهمه..البنت الي كنت بكلمها نوال...مشتيها وكنتي مضايقه انا وبكلمها ياتري ليه..لو انا فعلا مش هامك ليه عملتي كده
جنى قالت بتوتر..زيلد سبني امشي بقى ..امي ...امي هتموتني
زياد قال ..مش قبل ما تقوليلي..لسه بتحبيني
جنى فضلت مركذه في عيونه وهزت راسها بالرفض بتوهان
زياد قال بابتسامه...كدابه عنيكي بتقول غير كده وقرب منها وقال...سامحيني ارجوكي..انا عشت كل حياتي غلط..ومفيش حتى حد فهمني ان ده غلط انتي اول واحده تحسسني اني زباله قوي كده ارجوكي انا مش عارف انام يا جني
جني نزلت دمعه من عيونها وقالت...انا مسمحاك ياا زياد مفيش داعي تتعب نفسك ومفيش داعي تفضل مكمل في الي بتعملو ..خلاص انا سامحتك ..المفروض كل واحد يروح لحالو
جنى لسه هتطلع مسك ايدها وقال..استني انتي فاكره اني انا بقول كده علشان تسامحيني ..بس...
جنى قالت...امال علشان ايه تاني
زيادقال بسرعه..علشان حبيتك..وحبيتك بجد ومش عايز اخسرك يا جنى...اتقلب السحر على الساحر كنت فاكر اني بوقعك بس انا الي غرقت
بقلمي...زهرة الربيع
جنى اتسعت عنيها بزهول وحست بسعاده كبيره جواها بس مقدرتش ترد زقتو وطلعت جري وزياد طلع وراها
صباح شافتها خارجه بتجري وزياد طالع وراها قالت..الله الله ايه النظام كل ده بتدخلي الغطا
جنى ارتبكت ومقدرتش ترد بس زياد قال بسرعه...مدام صباح تقبلي تجوزيني بنتك
عند صدفه كانت مكسوفه جدا من الي حصل ومضايقه انها ضعفت قدامو وقبل ما عمار يتكلم قالت ...اسمع احسنلك تنسى الي حصل ده ...انا.....انا لسه عند موقفي وعايزه اتطلق..
عمار ابتسم وقال...هدي يا صدفه... مفيش داعي تتوتري كده ..انتي مراتي وده حقنا
صدفه قالت بزعيق لا ...لامش حقتا..مش حقنا ابدا..انا وانت مش متجوزين... وملناش حق على بعض فاهم..وحقك ده انت الي استغنيت عنو لما رميتني من بيتك واتهمتني اني واحده زباله فاكر قولت ايه قولتلي انتي زباله مرميه على الارصفه واي كلب له حق فيها...دلوقتي راجع ليه متخيل اني اسامحك ببساطه ونزلت دموعها وقالت..انا..انا كنت حبيتك فكرت ان الدنياضحكتلي وانك هتعوضني عن الزل الي شوفتو بس انت زلتني اكتر من اي حد ...عملت كده ليه..مجاش في بالك اني بريئه لو للحظه مجاش في بالك اني مظلومه مجاش في بالك اني مش كده او للحظه
عمارقلبو وجعو قوي من كلامها و قال بدموع..لا..لا مجاش ابدا...مجاش يا صدفه
صدفه اتفاجأت بردو وعمار قال بدموع...مش لاني شوفتك في البار ولا لاني شوفتك مع عرفه لا..انا مجاش في بالي انك بريئه لاني اتربيت على ان كل الستات كده...كلهم واطين..انتي مستحيل تحسي بيا ويمكن تفهمي اني بقول كده لاني عايزك تسامحيني لاكن دي الحقيقه
صدفه كانت بتبصلو باستغراب وعمار كمل وقال بوجع شديد.... شاب مكملش ال١٨ سنه تكون مرات ابوه بتجيلو من ورا ابوه علشان تغريه وعلشان عايزاه...عيزاه يخون ابوه طبيعي جدا ميأمنش لاي واحده ولا يثق في اي بنت
صدفه اتسعت عنيها بزهول من الي قالو وعمار قال ببكا ودموع..طبيعي يحس بالغدر من كل الي حواليه لما يبقى عارف انا ابوه مات بسببو وووووو
لقراءة الفصل التالي اضغط هنا 👉
لقراءة الرواية كاملة اضغط هنا 👉
لقراءة روايات اخري زوروا موقعنا من هنا 👉
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)