روايه جوهرة القصر المهجور الفصل الثاني 2 بقلم منال عباس

#جوهرة_القصر_المهجور بقلم #منال_عباس

البارت الثانى

صعد جاسر جريا على السلالم وفتح الحجرات إلى أن وصل إلى إحدى الغرف وفتحها وأضاء النور ليقف مصدوما ...ليشاهد فتاة نائمه بالسرير

وهى عاريه تماما ..اقترب منها

جاسر بصوت عالى : انتى مين يا بت انتى وهزها كى تستفيق ....

وفى نفس اللحظه ...تدخل الشرطه

الضابط العساكر : اقبض عليهم ...ولفوا الحلوة فى الملايا

جاسر : انتظر انت بتعمل ايه ...ويقبض على مين ..انت عارف انت بتكلم مين ؟!

الضابط : الكلام دا تقوله فى القسم ..واظن انك متلبس ....ولا الحلوة تبقي مراتك ....

العسكرى : البنت مش فايقه يا باشا

الضابط : ما هو اكيد ما الحلوين شاربين ....حرزوا الويسكى والكاسات كمان ... بقلم منال عباس

ولفوها وهاتوهم على البوكس ...

بدأت جوهرة تستفيق...لتجد نفسها فى البوكس

جوهرة وهى تفتح عينيها لتشاهد حواليها افراد الشرطه وامامها شاب مكبل اليدين ويبدو على وجهه الغضب ...

جوهرة : نظرت لنفسها لتجد الملايا حول جسدها ..

جوهرة بفزع : ايه دا ..وفين هدومى ...انتم مين ..

جاسر بغضب : انتى اللى مين ...وايه اللى جابك القصر بتاعى

جوهرة : انا ..انا ...وحاولت أن تستعيد

ماحدث لها .....

بعد وقت قصير وصلوا إلى القسم ...

وبدأ الضابط فى أخذ الأقوال ...

جاسر : انا لسه واصل القصر ..والقصر

مهجور من سنين ..

الضابط : كلام مش حقيقي ...القصر كان نضيف وكان فيه كاسين

نظر الضابط إلى جوهرة وجسدها يرتعش من الخوف

الضابط : انتى يا بت بتشتغلى لحسابك ولا انتى تبع حد ..

جوهرة : انا مظلومه ...انا كنت مع الخدم بشرف عليهم علشان ننضف القصر ...لان صديق عمى راجع من السفر وهيعيش فى القصر

جاسر : بغضب انتى كدابه انا ما طلبتش من حد ينضف القصر ...

الضابط : مين الخدم اللى كانوا معاكى

جوهرة : الخدم اللى شغال عند عمى

عصام الباجورى ...

وممكن تتصلوا عليهم وهما يقولوا اللى حصل ....

الضابط : بقي انتى بنت اخو عصام بيه الباجورى ...وتعملى فى نفسك كدا

واتصل على رقم عصام

رد عصام على الضابط

قص له الضابط ما حدث

عصام : مستحيل ..دى بنت اخويا محمد الباجورى مش معقول تعمل كدا ...عموما هجيب الخدم واحنا جايين ..حالا ..

أما جاسر : فاستأذن وطلب المحامى الخاص به

المحامى : هكلم ليك محامين أصدقاء ليا من دمياط يحضروا ليك حالا ...على ما اوصل ليك ...

وبالفعل خلال ساعه امتلأ القسم بمجموعه من المحامين ...

ووصل عصام الباجورى ومعه الخادمات وزوجته ...بقلم منال عباس

استجوب الضابط الخادمات ..

وجميعهن انكرن ما قالته جوهرة

جوهرة ببكاء : حرام عليكم ..احنا روحنا مع بعض ..وما اعرفش وبدأت تتذكر وهى تتحدث

جوهرة : ايوا افتكرت وأشارت إلى بهيه والدة حسنات ...انتى خليتى بناتك يكتفونى وبعدها ما حسيتش بنفسي ...

ثم نظرات إلى حسنات

جوهرة : قولى يا حسنات ارجوك. اللى حصل ..

حسنات بخوف من والدتها : ما حصلش اللى بتقوليه دا يا ست هانم

جوهرة : مرات عمى ارجوكى ..قولى أنهم بيكذبوا ...مش انتى اللى طلبتى منى اروح معاهم ..

سلمى : ابعدى ايدك عنى ..كفايه جرستينا بعملتك دى ...وانا برضو هبعتك ليه ...واحنا مالنا اصلا بالشخص ..

عصام : انتى اخر واحدة كنت اصدق أنها تكون بالاخلاق دى ..انا متبرى منك ليوم القيامه ...احبسوها ولا اقت*لوها بدل ما ادف*نها انا بايديا وأخذ زوجته والخدم وغادروا دون أى مراعاة لها ...

جوهرة بقله حيله : والله انا مظلومه وتذكرت صديقتها ريم ...

جوهرة : ارجوك اخر طلب ليا ...عايزة اكلم صاحبتى ريم

الضابط : اللهم ما اطولك يا روح

يا ترى دى معاكى فى نفس الشبكه

جوهرة : والله انا مظلومه

كان جاسر ينظر إليها بغضب ونظراته كلها تتوعدها ...فقد تسوء سمعته بسبب تلك الفتاة ولا يدرى من وراءها ..

اتصلت جوهرة على ريم

ريم بنعاس : الو

جوهرة ببكاء : الحقينى يا ريم وقصت عليها كل شئ

ريم : كان قلبي حاسس ان الست دى بتدبر ليكى حاجه ..وانتى كذبتى وقولتى أنها بتعاملك كويس ..اقفلى وهنجيلك انا وبابا حالا ..

بدأ المحامين بالدفاع عن جاسر وأنه لم يمسك متلبس فقد كان بملابسه كامله ...وان ما حدث له شئ مدبر ووجهوا التهمه إلى تلك المسكينه جوهرة ..

جوهرة : والله ما فى حد حرضنى وكل اللى قولته هو اللى حصل

بعد وقت قصير وصل اللواء محمد والد ريم هو وريم

وما أن رأى جوهرة بهذا الشكل فقام بخلع الجاكت خاصته وألبسه إياه

الضابط : حضرة اللواء محمد البنت دى اتمسكت فى القصر المهجور اللى على اطراف المدينه وهى عاريه تمام وكل الشهود اللى طلبتهم أنكروا كلامها ..

اللواء محمد وهو ينظر إلى جاسر .

محمد : أطلق سراحهم ..

الضابط : بس يا افندم ..

محمد : انا بقولك أطلق سراحهم لأنهم متجوزين

جاسر : حضرتك بتقول ايه !!!! انا اتجوز واحدة زى دى

محمد بحزم : نكتب الكتاب دلوقتى ويا دار ما دخلك شر ...ولا تحب تتحبس ومن بكرة تترحل على النيابه

اقترب منه أحد المحامين وأخبره أن هذا افضل حل ...وبعد كدا ابقي طلقها

براحتك ..

جاسر وهو ينفخ وينظر لها بكره شديد

جاسر : تمام ..خلاص اتجوزها

اتصل اللواء محمد على المأذون وحضر لكتب الكتاب وعقد القران

كانت جوهرة تبكى بانهيار وريم تحتضنها ...كى تهون عليها ...

تم عقد القران حيث كان اللواء محمد وكيلها ...واغلق المحضر ...

جاسر بغضب جحيمى : فوتى امامى يا حرمنا المصون

محمد بتحذير : مش من حقى أن امنعك تاخدها لأنها أصبحت زوجتك

بس حسك عينك تزعلها أو تيجى عليها

انا اللى هقف ليك

جاسر بلا مبالاة : تمام

وجذبها بكل قوته وركب مع أحد المحامين لايصاله إلى القصر

ريم : شكله هيأذيها يا بابا

محمد : انا قبل ما اعمل كدا ..سألت عنه ودا ابن صاحبي وجده حسن النجار كان زى والدى ...ودا افضل حل ليها يا بنتى ..لان عمها وأسرته مالهومش امان ...يلا نروح زمان والدتك قلقانه ...

وغادر القسم هو وابنته

فى فيلا عصام الباجورى

عصام : عمرى ما كنت اصدق ان البنت الهاديه الغلبانه دى يطلع منها كل دا ..

سلمى : صحيح اللى تحسبه موسي يطلع فرعون ..وكويس أنها غارت

كانت هتعمل لينا سمعه واحنا عندنا سهر بنتنا

عصام : هو فى زى سهر ولا ادب سهر

فى حجرة سهر تتصل على خطيبها

شهاب : هه طمنينى ..

سهر بضحك : عيب عليك ..كل حاجه تمت زى ما خططتنا .. ودلوقتي الاتنين فى القسم ومحدش هيسأل فيها ..حتى بابا رفض يساعدها ..

شهاب : مش عارف اقولك ايه انا بجد فخور بيكى واخيرا خلصت من أكبر منافس ليا ...هنطلع ونقب على وش الدنيا ...كدا انتظر فى الجرائد خبر

القبض على جاسر متصنع الشرف والاصاله ..فى قضيه ضد الشرف وضحك ضحكه خبيثه ...بقلم منال عباس

فى القصر المهجور