روايه جيم اوڤر الفصل الثالث 3 بقلم ديدا الشهاوي
#البارت_3
#جيم_اوڤر
بعد ماشاكر حكي لحسنا علي الحلم اتغدوا وطبعا قام يساعدها في لم السفره زي ماكان متعود طول ماهو عايش لوحده وكان شايل طبقه اللي كل فيه ودخل المطبخ عشان يغسله وحسنا كانت مبسوطه عشان مفكراه زوج متعاون
_شاكر بتعمل ايه
_بغسل الطبق
_بجد والله انت مافيش منك من اول يوم كده عاوز تساعدني اهي دي الازواج والا فلا.. استني بقي اجبلك بقيت الاطباق
_نعم اطباق ايه انا بغسل طبقي اللي كلت فيه
_طبقك حد قالك اني مش هغسله
_لا بس كل واحد لازم يعتمد علي نفسه ويعمل حاجاته بنفسه
_والله حاجته كلها
_طبعا كل حاجه غسيل وطبخ
_حسنا بعصبيه كفايه عشان بجد انا جبت اخري
_يابنتي دا التعاون بجد الحياه مشاركه
_حسنا بغيظ مش لما نبدا الحياه اصلا
ورمت فوطه المطبخ في وش شاكر وطلعت من المطبخ وقعدت في الانتريه وهي بتندب حظها
_ياميله بختك ياحسنا. ياشماتته الناس فيا.. يافرحك وانبساطك يااصفرا وقعدت تولول حسنا وشاكر سمع حسنا وجه قعد معاها
_الله الاغنيه دي حلوه قوليها تاني
_حسنا بغيظ اغنيه ايه اللي حلوه دا انا بندب حظي
_والله اسمها حلو اوي بس الاغاني المصريه اتغيرت عن زمان بقيت فيها حزن وشجن
_والله شاكر اقوم من ادامي يااما انا هقوم هموت نفسي
_بكل برود اقومي انتي عشان اصحابي جايين يباركولي
_حسنا بحزن وهي ماشيه بتبرطم يباركولك علي خيبتك
_بتقولي حاجه ياحسنا
_لا ابدا بقول يشرفوا دا بيتك
وهنا شاكر قام وبدا يجهز قاعده صحابه عشان زمانهم جايين
وبيجهز الشاشه عشان ناووين يلعبوا بلاي ستيشن
ومسك الريموت وبيجهز الفريق وبيدخل كل البيانات بتاعه اللعبه
هنا موبيله رن واللي كان جده شاكر
_شكوره حبيبي عامل ايه ياا بطل
_باستغراب حلو ياجدي انت مش كنت عندنا الصبح وكنت كويس
_هو لازم الموشح دا ماتقول الحمدلله وخلاص امال حسنا فين
_جوا في الاوضه. بتريح شوي
_وانت قاعد لوحدك ليه مدخلتش تريح ليه معاها
_لا اصلي مستني اصحابي يدخولوا معايا
_مستني مين يدخلوا معاك
_اصحابي ياجدي وبجهز القاعده والتسالي
_اصحابك انتي اهبل يابني ولا شكلك كده اي البرود دا
_اصل اصحابي فاهمين عني وبعدين هنقسم فريق يدخل شوي وبعدين الفريق التاني يكمل
_انت بتقول ايه يازفت انت انت هتموتني ناقص عمر منك لله
_ونسيت اقولك ياجدي واللي يجيب الجون هيحاسب علي القاعدات التانيه
_هولسه في تاني يااوا**طي
_ايوه ياجدي اصلي اكتشفت اللفينج عندي كبير ويساعنا بدل مانروح في مكان تاني اهو يساعنا كلنا
_اااه قلبي هاتشل منك واااد انت اسمع بقولك اتعدل في الكلام والا قسما بالله لاجي هقتلك وافرغ الرص*اص كله في دماغك
_ليه بس ياجدي انت شكلك بتشجع مدريد كريستيانو وكده انا بقي بشجع ميسي هبقي الاعبك لوحدنا
_تلاعبني ايه ياهطل انت
_بلاي ستيشن ياجدو ماهو اصحابي جاين عشان نلعب ماتش كوره
_ياعني انت معندكش دم وطلعت بارد كمان اصحابك نفس العينه وسايب مراتك عشان تلعب معاهم الصبر يارب
وهنا الجد شاكر قفل المكالمه في وش شاكر واللي مش فاهم هو جده متعصب ليه
_شاكر بهطل هو ماله زعلان كده شكله كان نفسه يدخل معايا اللعبه ومعزمتش عليه
جم اصحاب شاكر واقضوا ساعتين واللي مكنوش عاوزين يلعبوا عشان مايطولوش علي العريس
_شاكر كفايه كده احنا لازم نمشي
_لا خليكوا الماتش جامد
_جامد ايه بس دا وقته يلا، ياجماعه بقي دا لسه عريس احنا جينا باركنا وخلاص
وفعلا اصحاب شاكر مشيوا واللي استغربوا من طريقته وحسنا قامت تظبط الانتريه وكانت في المطبخ وفجاءه اتزحلقت وبدات تصرخ عشان رجله اتجزعت
_اااه شاكر الحقني... ياشاكر الحقني
_مالك ياحسنا ايه اللي وقعك كده وهنا بدا يمسك ايدها يقومها
وفجاءه افتكر الحلم بتاع الزيت والدقيق وهنا ساب ايدها بعد ماقومها وخلاها تقع تاني
_اااه انت مجنون يابني اااه رجلي
_لا ياختي هي بتدي كده ماليش فيه اخاف علي نفسي اتزحلق جنبك وهنا سابها وطلع من المطبخ
وحسنا كانت بتحاول تقوم نفسها بصعوبه وهي بتشتم في شاكر
_ااه يارجلي منك لله ياخي معرفش مستحمل عبطه ازي انا اللي استاهل كان عندك حق ياجدي
حسنا دخلت اوضتها دخلت تاخد شور بعد تعب وشغل المطبخ بعد سهره جوزها واصحابه ونست تاخد هدوم ليها حتي البرنس سبته علي السرير
ومش عارفه تعمل ايه وحتي خايفه تطلع عشان باب الاوضه بتاعتها سابته مفتوح وهنا حسنا
_ياربي هعمل ايه في الورطه دي وفضلت تندهه علي شاكر عشان دا الحل الوحيد
_ايوه ياحسنا ودخل شاكر الاوضه ولاقي حسنا من ورا الباب _شاكر من فضلك تناولني البرنس اللي علي السرير
وهنا شاكر افتكر الحلم
_اوبا هو في اي بقي هو الحلم هيتحقق ولا اي
وهنا شاكر مسك طرف البرنس وكانه حاجه وحشه واداها لحسنا اللي كانت ورا الباب مد ايدها وطلعت بنص جسمها اللي كان كتفها بايين وهنا شاكر
_هااااا بدهشه وغطي عينه بايده استري نفسك ياماما وهو ماسك صدره بخوف
_ حسنا علي فكره احنا متجوزين المفروض متجوزين ومتخفش مش هغتصبك يابيضه
شاكر طلع بسرعه واستني وقت كتير لغايه ماحسنا لبست ونشفت شعرها وكان قاعد متوتر، لحسن الحلم يبقي حقيقي
_حسنا خلصتي عاوز انام بقي
_ماتروح تنام
_طب عاوز انام عندك
_لا روح نام في الاوضه التانيه
_مش بحبها وانا اخترت دي من الاول
وهنا حسنا طلعت بعصبيه شاكر بطل شغل عيال عاوز تنام تعالي نام جنبي مش عاوز روح الاوضه التانيه ومن هنا دي اوضتك فاهم
ودخلت حسنا وسابت شاكر اللي كان بيدبدب زي العيال الصغيره وفعلا راح الاوضه التانيه واللي مرتحش فيها نهايء وفضل رايح جاي فيها من توتره فيها
_هي الاوضه دي عامله كده تحس شبه جدي كده كئيب وعلي طول عصبي
فضل شاكر صاحي لغايه الفجر لحد ماغلبه النوم وفجاءه وهو في عز نومه ومصدق انه راح في النوم
اتفزع شاكر وصحي علي صوت في الاوضه
_مين... حسنا انت هنا... مين
قام شاكر وهو خايف الصوت كل شوي يسمعه وبدا يمشي براحه وراح علي اوضه حسنا ودخل عليها براحه لاقها في سابع نومه
رجع اوضته والصوت اختفي
واول مادخل السرير بدا يسمع اصوات مش صوت واحد كانه اصوات رياح وخبط
_ايه الصوت دا صوت رياح واحنا في الحر
وبسرعه دفس راسه في السرير وغطي راسه بالغطا ولسه بيسمع الاصوات
_الله ايه الاصوات دي كانها اصوات رياح وصفير وفجاءه سمع اصوات كاصوات الاشباح
وهنا جري شاكر علي اوضه حسنا ودخل في السرير جنبها وهو مرعوب
واللي حسنا حست بيه
_ماكان من الاول
_الاوضه هنا احسن تراوه التانيه حر
_طب ماهناك تكيف مشغلتوش ليه
_يوه ياحسنا بقي هو تحقيق سيبني عاوز انام
_نسيت بقي وهنا شاكر كان مكلفت من الخوف
ونام شاكر وحسنا وكل واحد في جنب وطلع النهار ويوم جديد بس شاكر كان مرعوب
_شاكر... شاكر اقوم بقي عشان جدي علي وصول
_يوووه بقي هو الراجل دا فضي موروش حاجه
_عيب ياشاكر متتكلمش علي جدو كده
وهنا قام شاكر وخد شور وطلع قعد يستني جده وحسنا كمان واللي كانت بتجهز الفطار علي ماجدهم يجي
_شاكر.. شاكر ونبي هاتلي فوط مطبخ من الاوضه التانيه
_شاكر اوضه اي
_الاوضه اللي كنت بتنام فيها
_شاكر بخوف لا هاتيهم انتي
_ايدي مش فاضيه
_كده ماشي ياشاكر خليك زي الطوبه كده وهنا دخلت حسنا الاوضه وجابت اللي عوزاه وشاكر مراقبها واستغرب انها طلعت عادي
قام شاكر يدخل الاوضه لحسن يكون كان بيحلم ودخل الاوضه وكانت عاديه
_وانا كنت بحلم ولا اي
جدهم جه واللي اول مادخل
_ها طمنوني عاملتوا ايه
_شاكر الحمد الله كله تمام وهنا حسنا بصت لشاكر ولجدها وقامت جريت دخلت المطبخ
_بجد ياشاكر خلصت ياعني ودبحت القطه
_خلصت اي وقطه اي ياجدي بطل المصطلحات دي بقي
_اي زفت المهم عملت ايه كله تمام ياعني العمليه في النمليه ياعني
_شاكر باستغراب عمليه ونمليه جدو انت بتجيب الكلام منين انا بحس ساعات انك رئيس عصابه
_عصابه في عينك قليل الادب ودخل الجد وقعد
_نقول مبروك بقي
_ماتقول حد حايشك
_استغفر الله العظيم شاكر دخلت علي مراتك ولا لا
_ااه تقصد دخلت عليها الاوضه ااه دخلت
_وهي نايمه ازي وسابتك كده عادي
_وليه حضرتك تمنعني الاوضه دي انا اللي مختارها الاول يبقي لازم انام فيها
_اوضه اي وزفت ايه شاكر مراتك بقت مدام اقولك ايه تاني بقي عشان تفهم
_والله ياجدي مش بالالقاب والله المهم الشخص نفسه وانه يكون محب لنفسه وبعدين مدام ايه مدام دي فعل يدل علي انتهاء شيء ورحل وانما احنا في الحاضر والمستقبل
_ هنا الجد دماغه لافت قسما بالله حلال فيك اللي هعمله وقام مسك في رقبه شاكر واللي كان بيستنجد بحسنا واللي جرت عليهم ولاقت جدها علي شاكر وبيخنقه
وحسنا مبسوطه
ايوه ياجدي اديله ياجدي مترحموش،
_اهدي ياحج
_جدي... عاوز تطمن علينا ايوه احنا بقينا تمام وحصل اللي انت عوزه
هنا الجد وشاكر بصوا لبعض
وشاكر.... اييييييييي
_
بقلمي ديدا الشهاوي
_
لقراءة الفصل التالي اضغط هنا 👉
لفصول الروايه كامله اضغط هنا 👉
