روايه انت الترياق جاسر وغزل الفصل 31 الحادي والثلاثون بقلم هايدي احمد
من #انتِ_الترياق
نزلت مايا وكانت حاطه ميكب جريئ او مخيف بشكل اصح ولبسها كان فاضح وغريب زى (الباد جيرل)
اتصدم حازم وبص لجاسر الى ابتسم غصب عنه وطبطب على ضهره وهو بيبصله عشان يصعب عليه قرب عليه جاسر وهمس
انت قدها يا بطل
قدها ايه انت مش شايف هى عامله ازاى ده لو اخدتها كده لاهلى ممكن يقتلونى
متقلقش هاخد بالى انا من الحته دى
تعالى يا حبيبيتى
قعدت مايا جمب بابها الى كان متضايق من شكلها بس حاول ميبينش قدامهم
وبصت لوالدتها الى كانت بتصلها بوعيد وتحذير بس مهتمتش وبصت لحازم بتركيز وبعدين لجاسر وهى متضايقه انه كمان جاى معاه وعارف
ها يا مايا يا حبيبتي حازم طلب ايدك من ابوكى موافقه
بصت مايا لحازم بوعيد
ااا ممكن اتكلم معاه يعنى عشان..
اه طبعا حقك وبعدين فى رؤية شرعيه
ااا خديه يا مايا واقعدوا فى الصالون هنا واحنا هنستناكم
اوك يا مامى
قامت مايا وهى نظراتها مبتبشرش بالخير وشاورت لحازم يجى وراها
قعد جاسر يزق فى حازم عشان يقوم وهو متخشب
قوم يا ابنى مالك
صدقنى يا جاسر لو فضلنا فى مكان واحد هقتلها ممكن تجيبولنا الاسعاف النهارده
متقلقش انا مأمن ومجهزهم بره
يا صغير على الهم يا حازم
يلااا قوم
قام حازم وراح وراها
راحت مايا وقعدت على الكرسي فى الصالون وحطت رجل على رجل وهى بتبص لحازم من فوق لتحت بقرف اتنهد حازم وفك زراز البليزر وقعد قصادها
بعد شويه هجمت عليه مايا ومسكته من لياقة قميصه
انا عايزه اعرف انت ازاى اخدت الخطوه ودى وجاي تتقدملى ها عايزه اعرف فكرت فيها ازااااى
اهدى بس وارجعى ورا مينفعش كده سيبى القميص
اسيب مين ده انا هقت*لك هنا بقى جاى تتجوزنى ليه مش كفاك الى عملته فيك المره الى فاتت
عملتى فى مين يا بت انتى انتى اتجننتى ده انتى متاخديش فى ايدى غلوه انا غلطان انى جيت فعلا
بالضبططط يلا ورينا عرض قفاك واتفضل امشى من غير مطرود
ههه ضحكتينى
زقها حازم ورجعها ورى ووقعت على الكرسي وحط ايدها الى رجلين الكرسي
اسمعى انتى دلوقتى تطلعى وتقولى انك موافقه فاهمه والا هطلع انا واقول انى غلطت لما جيت وان سمعتك سبقاكى وطبعا والدك المحترم ميعرفش البلاوى الى انتى بتعمليها ولو عايزه ملف فى الاداب اجبهولك فى خمس دقايق ايه رايك
انت بتهددنى ولا ايه
لا ده تحذير
انا مبتهددش فاهم اهلى ميصدقوش كده عنى انت مين عشان يصدقوك ويكذبونى
انا ضابط وليا تحرياتى واظن ده اكبر دليل انهم يصدقونى وانايت الى كنتى فيه وكاميراته يشهدوا على كلامى
انت حيوان وزباله واعلى ما فى خيلك اركبه مش هتهددنى بشوية كاميرات ولا ملفات مزوره فاهم ثم انت ايه الى جابرك لما انا مش كويسه ومش عاجباك هت
بصلها جاسر شويه وعنيهم فى عين بعض
اهو كده مزاجى
انت مجنزن ومتخلف
ايه ده الاتنين طب يا. انسه مايا المجنون ده رايح لوالدك عشان اسحب كلامى الى قولته اصل عملت عنك تحريات وطلعتى مش ولا بد باى
سابها حازم وعد قميصه وادها ضهره ومشى وهى بتبصله بغيظ
ودخل لاهلها وجاسر بصله بإستفهام بس هو غمزله
ولسه هيتكلم
بصراحه يا عمى مايا...
موافقه
بص حازم ليها وهو مصدوم وهى ردتله بغيظ
وبعدين قربت لوالدها
بجد يا حبيبتي
اه يا بابى موافقه
الف الف مبروك يا حبايبى ربنا يتمملكم على خير
مبروك يا حازم ها يا جماعه نقرأ الفاتحه دلوقتى ونحدد معاد الخطوبه
رفعوا ايديهم وقرأوا الفاتحه وحتزم بيبص بسخريه لمايا الى مربعه ليديها وبتبصله بوعيد
★★★★★★★★★★★★★★★★★★★★★**
رجع جاسر هو ووالده البيت وبعدين طلع جاسر اوضته واول ما دخل شاف غزل بتكح جامد وهى بتتخنق فجرى بسرعه عليا وهو بيمشى ايده على ضهرها
فين البخاخه ..البخاخه فين
شاورت غزل ناحية الدرج وهى بتكح جامد و شها احمر
فراح بسرعه اخد البخاخه وحطها فى بوقها
اخد غزل نفس جامد وبعدها بدأت ترتاح وتهدى شويه وعينيها حمره ومدمعه وبعدين بصت لجاسر كان روحه رجعت تانى
انا مش قولتلك ميت مره البخاخه تفضل جمبك علطول مبتسمعيش الكلام ليه
مردتش غزل وهى شارده
هو الدكتور قالك هفضل كده لعند امتى
اتنهد جاسر جاسر وافتكر كلام الدكتور لما التحاليل ظهرت
فلاش باك
ها يا دكتور ايه اخبار التحاليل
بصله الدكتور بتردد
كل خير ان شاء الله ربنا مبيجبش حاجه وحشه الحمدلله ان احنا عملنا التحاليل بدرى عشان نلحق العلاج ان شاء الله
خير يا دكتور قلقتنى فيه ايه
مفيش هو بس من اثار الغاز ده انه هيأثر شويه فى التنفس وظه هيبان فى الاماكن المغلقه او فى الدخان وغيره من المأثرات على حاسة الشم عمتا
قصدك ربو ..بس هى يعن...
هو مش بالضبط كده متقلقش ده مش هيفضل فترة كبيره ان هكتبلها على ادوية وبخاخه وتستمر عليها فترة وان شاء الله هتتحسن ومش هتحتاجها اما بقى لو مرتاحتش هنضطر وقتها لعمليه والا الربو ده هيكمل معاها بس صدقنى متقلقش طلاما لحقناها من الاول
اتمنى تمام يا دكتور بعد اذنك
باك
يعنى انا فضل كده علطول
لا هى فترة اعتبريها فترة نقاهه لو طولت هنضطر لعمليه وهتبقى كويسه مفيش خطر عليكى
يعنى ...ده مؤقت يعنى ممكن يتنقل ل ..لو خلفت
بصلها جاسر شويه بشرود وبعدين رد
اكيد لا لان ده مش وراثه ده مكتسب متقلقيش
تمام
خليها جمبك هنا
هو انت وبابا كنتم فين
كنا ..بنخطب لحازم
ايه ده بجد الف مبروك بس غريبه هو مش متجوز
لا لسه متجوزش
امم على كده مين العروسه حد تعرفه بما ان باباك رايح معاك
مايا بنت عمتى
ايه ...مايا مين
مايا بنت عمتى فيه غيرها
بس ازاى مايا وحازم مش معقول
احم ليه مش معقول عادى ممكن تكون عجبته
بجد
ايوه ليه لا عموما احنا اتفقنا ان خطوبتهم الاسبوع الجاي وبعد شهر الفرح
وليه الاستعجال
هو عايز كده
سابها جاسر ودخل الحمام
اما هى كان فى الف سؤال فى راسها معقول فعلا الرجاله بيعجبهم البنات الى زى مايا ده انا كنت فاكره حازم شبه جاسر فى شخصيته معقوله جاسر كمان يكون بيفكر فى الحاجات دى ويبقى ....لا لا مستحيل ايه الى بفكر فيه ده يمكن فعلا حازم اعجب بيها او يمكن هى الى وقعته محدش عارف ) بعد شويه كان جاسر طلع من الحمام بينشف شعره وكانت غزل بتقرأ رواية ابتسن وبعدين قعد ينشف شعره وبعدين جاله تليفون وبص في الشاشه وبعدين خرج راح البلاكونه اخدت غزل بالها وطبعا كاى ست عندها الغيزه دى كانت عايزه تعرف هو بيكلم مين بس كانت بتمنع نفسها بعد شويه جاسر دخل فبصت تانى فى الكتاب وكانت متترده تساله بيكلم مين بعدها جه نام على السرير وقعد يقلب شويه فى التليفون وكانت غزل من وقت للتانى بتبص عليه وكانت مستغرباه شويه لان بقالهم فترة علاقتهم الزوجيه فاترة زى علاقتهم العادية ومش قادرة تقرر السبب مين هل هو لانه مبقاش عايزها ولا هى عشان مش قادرة تجذبه وبعد تفكير وحيرة سابت الكتاب واتغطت وحاولت تنام وهى مدياه ضهرها وعامله نفسها نايمه ومستنياه يمشى ايده على شعرها وفضلت شويه وبصت عليه كان لسه بيقلب فى التليفون فاضايقت ولفت تانى وهى بتنفخ بضيق وفقدت الامل لعند ما لقت ايده على شعرها وبيملس عليه فابتسمت وغمضت عنيها براحه وهى حاسه ان فيه امل
★★★★★★★★★★★★★★★★★★★★******
بعد اسبوع تمت خطوبة حازم ومايا تحت نفورهم هم الاتنين وضيقهم وفرحة الكل حواليهم ما عدا غزل الى صعبان عليها حازم وانه وقع فيها
باركلهم الكل بعد ما لبسوا الشبكه والمعازيم فى حدود العيله بس اما حازم مكنش موجود حد من اهله لسه قربت واحده من اصحاب مايا وباركتلها
الف مبروك يا حبيبتي
الله يبارك فيكى
الا قوليلى امتى ده كله حب من اول نظرة ولا ايه
حب ايه وزفت ايه ده جواز صالونات
ايه ده معقوله انتى تتجوزى صالونات
ايوه حكم القوى بقى اعمل ايه
طب ليه مرفضتيش
الى حصل بس على مين ده انا ناويه اوريه النجوم فى عز الضهر وهندمه انه اتقدملى اصلا
يخربيتك هتطفشيه بس ده شكله حلوه اوى
واعمل ايه بشكله طلاما مبحبوش
طب لو طفشتيه ابقى اشوحيه عليه ههه باى
بصتله مايا بضيق
كانت نقصاكى انتى كمان
جه جاسر ومعاه غزل عشان يباركوا ليهم وطبعا عين مايا بتطلع شرار وشويه وهتاكل نفسها من الغيظ
سلم جاسر على حازم وحضنه
الف مبروك يا حبيبي ربنا يتمملك على خير
الله يبارك فيك على الورطه دى
اجمد ياض فى ايه مالك
ما انا جامد اهو
بعد جاسر وجت غزل هزت راسها لحازم
الف مبروك عقبال فرحكم
الله يبارك فيكي يا مرات اخويا
بصتلها بقرف مايا ومردتش عليها
وكان عنيها بس على جاسر اخدت بالها غزل وشاورتله عشان يمشوا بعد الخطوبه اتفقوا ان فى خلال شهر هيتم الفرح وده طبعا بسبب اصرار حازم مع ان مايا ووالدتها رافضين الاستعجال ده
بعدها مشى المعازيم و جاسر ووالده وغزل وفضل حازم مع مايا
نعممم ايه الى انت بتقوله ده انت اتجننت ولا ايه فرحى ايه الى اعمله فى الصعيد انت بتحلم
وطى صوتك ده واقعدى انا بتكلم بهدوء
هدوء ايه الى عايزنى اتكلم بيه انت خليت فيها هدوء انا مايا ابو العز اعمل فرحى فى الصعيد وسط الفلاحين ليه مغفله
بقولك وطى صوتك ده واتلمى واقعدى والا والله بضهر ايدى ده وهنزلك صف سنانك
صف سنان مين الى تنزله وتضرب مين ده انا احبسك
تحبسى ضابط برضه
ايوه هخلى بابى يحبسك ميحبسكش ليه
اللهم طولك يا روووح يا مصبر الوحش على الجحش
الفاظك يا جدع انت
تصدقى انا غلطت انى اتنازلت وقعدت معاكى اتكلم بهدوء كان المفروض اجيبك من شعرك كده عشان يبقى فيه تناسب
لا والله تقدر اصلا وبعدين لما انت اتنازلت جيت اتقدمتلى ليه يا بارد انت انا مش عايزاك ولا عايزه اتجوزك اصلا
لا ياختى مش بمزاجك هنتجوز يعنى هناجوز ولا انادى حماتى تتصرف معاكى اظن انتى مش عايزه كده هه
ااااع مستفز وبارد
جدا جدا يلا اعمل ايه فى الى كان السبب
ايه ده
بس بس روحى نادى امك يلا عشان المشكله دى
اسمها امك يا فلاح
ايووه انا فلاح وانتى هتتجوزى الفلاح ده وهتبقى فلاحه زيه عاجبك ولا مش عاجبك
ان ....
يلا امشى انجرىييي ناديها
اتخضت مايا بس بصتله بغل ومشيت وهى بتدبدب برجليها بالكعب العالى وهى ماشيه
★★★★★★★★★★★★★★★★★★★★★*
بعد مرور شهر على خطوبة مايا وحازم
وافق والد مايا ان جوازهم يبقى فى الصعيد و اخدهم حازم عشان يتم الفرح هناك وطبعا راح معاهم جاسر وغزل وباقى العيله وده طبعا ضد ارادة مايا
وكانت دى كارثه بالنسبه لحازم الى كان قلقان طول الطريق لانه بلغ أهله انها معاه ضيوف بس ومحددش السبب
دخلوا البلد بعربيات كتير وكانت غزل مبسوطه بريحة البلد الى قابلتهم وهم داخلين وشكل الاراضى والبيوت والمناظر الطبيعيه والجو الحلو ده وكانت بتصور كل حاجه بتقابلها وبتتصور هى وداوود وبتغفل جاسر وتصوره وهو مش واخد باله وتضحك هى وداوود
بعدها وصوا لبيت عمدة البلد والد حازم ونزلوا
يا اهلا وسهلا يا اهلا اتفضلوا يا بهوات
طلع والد حازم بجلابيته وعمامته وعكازه ورحب بالضيوف وحضن حازم ورحب بيه وبعدين سلم على الباقى وحضن والد جاسر لانهم صحاب وبعدين دخلوا البيت وجت والدة حازم حضنته وبعدين رحبت بباقى الضيوف وقعدوا فى المندرة اما حازم اخد والده ودخلوا مكتبه ووالدة حازم دخلت المطبخ تعمل الضيافه ليهم
يلا يلا شهلوا الضيوف برا
الا يا خالتى ايه سبب الزيارة دى ولدك اول مره يعملها ويجيب معاه ناس كتير كده
معرفاش والله يا بتى دلوك هنعرف يلا تعالوا ورايا
خرجوا وقدموا الضيافه ليهم وكانوا مبسوطين بالجو بتاع الصعيد وشكل البيت القديم واكترهم غزل الى كانت مبسوطه بالجو وعايزه تتصور اوى فى البلد وتلف فيها لانها اول مره تيجى الصعيد وطبعا اكتر حد متضايق مايا الى عماله تبص لكل حاجه بقرف ومش عاجبها حاجه وحاطه رجل هلى رجل زائد لبسها الى مكانش مناسب خالص للجو ده وطبعا معجبتش الستات الى فى البيت
★★*★★★******★★*★★★★★★**★★★★★***
ايه ...انت اتجننت ايه الى عتقوله ده يا ولدى كيف تخطب من ورانا هى دى تربيتى ليك هو ده علامك الى اتعلمته من البندر
يا ابوى اسمعنى بس
اسمع ايه وافهم ايه افهم انك كنت عتتجوز من ورانا ولسه فاكر تيجى تقولنا
يا ابى انت فاهمنى غلط انا بس اديتهم كلمه وقريت الفاتحه معملتش حاجه تانيه واصل صدقنى وبعدين انا جيت اها عشان اعمل الفرح إهنه يا ابوى وجبتها هى واهلها
برضك مايصحش يا ولدى الى عملته ديه وبعدين انت خابر انى كنت هجوزك من إهنه من البلد من عيله واصل
مهى من عيله ومن اصل دى بنت اخت عمى داوود وابوها كان رئيسى فى الشغل يعنى من الشرطه برضك يا ابوى انا جبتها بنت اصل
طيب يا ولدى نشوف رأى امك ونتوكل على الله يلا نخرج يقولوا علينا ايه دلوك يلا
خرج حازم ووالده وراح حازم قعد معاهم اما والده راح لوالدته وهمسلها بالى حصل ففرحت وزعرطت
يا الف نهار ابيض وبعدين راحتلهم عشان تسلم على مايا بما انها مرات ابنها بس الى حصل .....يتبع
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)