روايه حكاية حنين الفصل الثالث 3 بقلم هاجر عفيفي
حسام بغضب : هتموتي نفسك علشانه
حنين بدموع : مش قادره أتخيل أن عمر إتجوز غيرى دي اخر حاجه كنت أتوقعها خلاص بقا ملكها هي
حسام : وخلاص عملها واتجوز وزمانه دلوقتي كتب الكتاب انسيه بقا
حنين بضعف : طيب ممكن تكلمه وتقوله أن تعبانه يمكن يجي يطمن عليا وعلى البيبي
حسام بعصبيه : حنييين انا صبرى خلاص نفذ انتي هتفضلي معندكيش كرامه ؟ عمر بيحب نفسه وبس وانا مش مستغني عنك انتي حامل عارفه يعني ايه حامل يعني مش مسؤوله من نفسك بس انتي جواكي طفل يعني تحاولى ترتاحي علشان متندميش لما تخسريه
هدي : أخوكي عنده حق انتي غاليه يابنتي ومينفعش ال بتعمليه فى نفسك كده
حنين بحزن : حاضر
حسام بتحذير : المره دي كان الضغط واطي وتعبتي المره الجايه اي غباء منك هتخسرى البيبي انا قولتلك اهو
حنين بخوف على البيبي قالت : لاء لاء والله خلاص هحافظ عليه
حسام بصلها بقلة حيله وخرج من الأوضه
هدي : هروح احضرلك حاجه تاكليها
خرجت وسابتها
حنين بتنهيده وحزن : يارب دلني على الطريق الصح
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
كريمه : لوولووى الف مبروك ياحبيبي مبروك يارحاب
رحاب بخجل مصطنع : الله يبارك فيكي ياماما
نعمه : مبروك ياعمر يابني تعيشوا وتتهنوا
عمر كان سرحان ومبيردش على حد
كريمه زقته فى كتفه وقالت : افرد وشك الناس موجوده
عمر بضيق : ماشى يا امي
رحاب : مش يلا نمشي
عمر : نمشي فين ؟
رحاب : شقتك
عمر بصدمه : نعممم احنا متفقناش على كده احنا هنعيش فى شقتك انتي ومحمود الله يرحمه
رحاب بغيظ : وده ليه إن شاء الله هو مش المفروض فى شقتك انت
كريمه بغضب : ايه ياعمر مالك هو انت هتصدر دماغك فى حاجه تافهه زي دي
عمر : لاء مش تافهه دي شقة حنين ومستحيل حد يدخلها غيرها
كريمه : واهي غارت فى داهيه هنعمل ايه هنبكي عليها خد مراتك وروحوا يلا شقتك
عمر باعتراض : بس
قاطعته أمه بعصبيه وقالت : والله العظيم ياعمر لو معملتش ال بقول عليه هكون غضبانه عليك
عمر اتعصب من ضغط أمه عليه ورحاب ابتسمت بانتصار وبصت لأمها بخبث
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
تاني يوم
حنين صحيت من النوم وخرجت من الأوضه لقت حسام بيفطر
حنين : صباح الخير
حسام بابتسامه : صباح النور ياحبيبتى عامله ايه دلوقتي
حنين : الحمد لله
حسام : انا اسف لو كنت ضايقتك بكلامي امبارح انا بس
قاطعته حنين وقالت : حسام انا فكرت فى كلامك كويس اوي فعلا انا سلبيه انا ضحيت بكل حاجه بحبها علشان عمر وهو مقدرش ده ابدا تخيل أن كان دايما أتحايل عليه علشان يقعد معايا نتكلم هو كان مهمل فيا اوي معرفش انا شيفاه ازاى بس انا حبيته اوي غصب عني مش قادره أكر"هه وبرضو مش هقبل بالوضع ده انا متلغبطه اوي ومش عارفه اعمل ايه
حسام : لو انتي واثقه فيا بجد سبينى انا اتصرف وصدقيني هجيبلك حقك بالذوق والاحترام ومن غير تجاوز وهعملك كل ال هيريحك انا مليش غيرك انتي وماما ياحنين مش عايز اشوفكم زعلانين ابدا
حنين ابتسمت وراحت عنده حضنته وقالت : ربنا يخليك لينا ياحبيبي صدقني انا واثقه فيك والله
حسام طبطب عليها بحنان وكان متضايق من عمر ال مش مقدر حبها ليه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
رحاب بغضب : هو ازاى ابقا عروسه ومتخلنيش انام فى الأوضه الكبيره دي وانام فى أوضة الاطفال
عمر بضيق : رحاب بقولك ايه الموضوع كله ملغبط اصلا انا مش هسمح لحد يدخل أوضة حنين كفايه انك فى الشقه دي
رحاب بعصبيه : وهو يعني ست حنين موجوده علشان نعملها حساب وكمان انا مراتك زي زيها يعني ليا فى الشقه زيها بالظبط
عمر بانفعال : هو انتي عايزه تتخانقي وخلاص
رحاب : لاء بس بقول الواقع العيال لما يجوا من عند امك هيناموا فين وانا هنام فين اكيد كلنا مش هنكون فى اوضه واحده وأوضة البرنسيسه حنين فاضيه
عمر بغضب : يووووه انا زهقت انا خارج
رحاب بسخريه : انت ملكش شخصيه
عمر بصلها بغضب وخرج من البيت
رحاب بوعيد : ماشى ياعمر أما خليتك ليا انا وبس مبقاش رحاب بنت نعمه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
عمر نزل ركب عربيته وقعد فيها بغضب وافتكر معاملة حنين معاه دايما
حنين بابتسامه : حمد الله على السلامه ياحبيبي يومك كان عامل ازاى النهارده
عمر بضيق : حنين مش وقته رغيك والله انا جاي على أخرى
حنين بزعل حاولت تداريه : حاضر ال تشوفه خمس دقايق والأكل يكون جاهز
عمر : لاء اتعشيت بره مع اصحابي فى الشغل
حنين : بس انا مكلتش ومستنياك
عمر : وانا مقولتش تستني وبعدين انتي مش صغيره ياحنين كبرى عقلك بقا بلاش تصرفات العيال دي
حنين بابتسامه حزينه : حاضر
رجع من تفكيره وقال بضيق : بس برضوا هي غلطانه ولازم ترجعلى ندمانه انا متأكد أنها بتحبني ومش هتقدر على بعدى وهتضطر تقبل الوضع
شغل العربيه وراح عند أمه
كريمه بسخريه: سايب مراتك وجايلى
عمر بضيق : انا عايز حنين ترجع
كريمه بضيق : هي واكله عقلك ليه كده ماتنشف كده
عمر : أمي ساعديني من فضلك
كريمه بخبث : اقولك على حاجه تخليها تجيلك لحد عندك
عمر باستغراب : ايه هي
كريمه : طلقها
عمر بصدمه : أطلق حنين
كريمه : أيوه طلقها وهي لما تحس ان بيتها اتخرب هترجعلك وتقبل بكل الوضع
عمر : تفتكرى
كريمه : أيوه مش قولتلك تكسرها علشان تعرف قيمتك
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
بعد أسبوع
حسام بضيق : حنين انا بكلمك
حنين فاقت من شرودها وقالت : معاك
حسام : انتي ولا معايا ولا حاجه
حنين لسه هترد الباب خبط وحسام قام يشوف مين وشاف محضر
حسام باستغراب : خير حضرتك
محضر : حضرتك فين مدام حنين
حامد : انا أخوها
المحضر : استاذ عمر مصطفى طلقها غيابي وعايزها تمضى على المحضر ده
حسام بصدمه : طلقها
فجأه صوت حاجه دبت بيلف شاف حنين واقعه على الأرض
يتبع
حنين ضعيفة الشخصيه ولا هبله ؟؟
لقراءة الفصل التالي اضغط هنا 👉
لقراءة الروايه كامله اضغط هنا 👉
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)