روايه دمعه من سمراء الفصل السادس بقلم ايات الرحمن
الدكتور : للاسف المدام دخلت في غيبوبه ومش عارفين نحدد امتي هتفوق منها واكيد يا دكتور رامز انت دكتور وفاهم ان وقفتكم كدا غلط
لقيت والدتي بصيت ليا بخيبة أمل ومااتكلمتش
رامز : اكيد فاهم اتفضل يا دكتور
#دمعه_من_سمراء 6
واخدت اهلي بعد ما اتطمنت علي الطفله ورجعنا البيت
والدتي ما صدقت وبدأت تقول كلام صعععب جدا ليا مهما قالت هي عندها حق
اسمع يا ابني احنا موجودين هنا لحد ما نرمين تفوق وترجع معانا مصر وانت حابب تيجي معانا اهلا وسهلا مش حابب وكملت بسخريه ابقي خليك مع الست هانم
واخدت الطفله ودخلت جوا
دخلت اوضة مكتبي وفجأة افتكرت نظرات نسمه للدكتور مؤنس صديقي قولت يمكن دا عادي كلنا بيحصل معانا كدا وخصوصا ان كلنا هنا اصدقاء واخوات
سمينا الطفله روضه ومر اسبوع ونرمين فاقت ومخطتي انا ونسمه بقي مالوش لازمه لان كنا مخطتين ناخد من نرمين الطفله ونطردها والدي ووالدتي بوصولهم غيروا كل حاجه كنا مخطتين ليها من تسع شهور
نسمه كانت متضايقه جدا من وجود اهلي خصوصا ان والدتي كانت واخده حريتها يعنى كانت بتدخل المطبخ تجهز رضعات للبيبي وتجهز اكل وكدا وتنظف في البيت فدا كان مضايق نسمه
ان والدتي مش بتستأذنها الاول وطبعا جيت واشتكت قولت ليها ان مستحيل اقول لوالدتي استأذني من زوجتي قبل ما تتحركي في بيت امك وقتها حصلت مشكله كبيره جدا بينا وكانت هتسيب البيت والدتي منعتها
وهنا حصلت المواجهه وقالت لوالدتي ان هما مقتحمين حياتها كإن البيت بيتهم مش بيتها هي
لما جيت اتكلم والدتي منعتني وقالت الغلط مش منها الغلط علي اللي هي شايله اسمه وانتي يا بنتي لو وجودنا هنا مضايقك
فإحنا ماشيين اول ما نرمين تقوم بالسلامه اما انتي لو جيتي عندنا مصر هعرفك مقابلة الناس الجدعان الناس التربيه صح مش اللي ما شافوش سنتي من التربيه
والدي هنا اتدخل وقال من أعمالكم سُلِط عليكم وهو واقع في شر اعماله ادخلي يلا جهزي الشنط عشان مش هنفضل هنا دقيقه بعد دلوقتي
عندك حق يا حاج
واخدت روضه ودخلت تجهز شنطهم دخلت اتكلم معاها قالت الكلام مالوش لازمه يا ابني ماكنتش اعرف ان خيبتي هتكون فيك انت مفيش عندك شخصية يا ابني والبنت دي لايقه عليك اوي المهم جهز لينا التذاكر عشان مش هنفضل هنا لحظه واحده
مهما اتكلمت ومهما قولت مش عايزه تسمعني وماسكتتش غير لما حجزت التذاكر ورجعت مصر هي ووالدي ونرمين وروضه
انا فعلا ما عنديش شخصية ان اسيب نسمه تهين اهلي كدا واقف اتفرج خرجت برا لاني كنت مخنوق من اللي حصل ورجعت متأخر من برا نمت وصحيت تاني يوم بدري تعبان روحت الشغل
بس ما قدرتش اكمل لاني مرهق جدا رجعت البيت وانا حرفيا علي ما وصلت كنت انتهيت من كتر ماانا مرهق فتحت الباب ودخلت وانا مفكر نسمه مش موجوده فاكرها في الشغل دخلت اوضتنا عشان ارتاح شويه لحد ما ترجع
نتناقش في موضوع اهلي واصالحهم علي بعض اول ما دخلت الاوضه لقيتها هي ومؤنس صديقي وهما
بقلمي أيات الرحمن
هذه الرواية متوفرة فقط علي مدونة الرسم بالكلمات
اكتب في بحث جوجل ( مدونة الرسم بالكلمات)
واكتب اسم الرواية لتظهر لك كامله او اضغط علي الرابط التالي 👇
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)