روايه ما قبل العاصفه الفصل الرابع بقلم كاتبة الظلام
_ _ انتي ايه اللي جابك هنا ياولية انتي
_ حسنية بتوتر :- هكون بعمل اي يعني
_قمر :- مالك اتوتري كدا ليه
_ سما بنت حسنية جت من وراها :- وتتوتر ليه يا بنت ابويا كنت حاسة بشوية سخونة جاية تكشف عليا وانتي عايزاني امو،ت عشان تلهفي كل حاجة لوحدك
_ قمر :- شالله تمو'توا انتو الاتنين ونخلص منكم
_ حسنية :- بتقولي حاجة
_ قمر :- بقول ربنا يشفيها
_ حسنية :- وانتي بقا بسلامتك بتعملي اي
_ قمر :- انتي عارفة اني بهتم بصحتي فكنت بتابع هنا وبعمل تحاليل كل فترة بطمن على نفسي ، ايوا امال مين يهتم بشركة بابا
_ حسنية بعصب'ية :- جتك بو انتي وابوكي يلا يبت يا سما
_____
حسنية :- الحمد لله انك جيتي ف الوقت المناسب يبت
_ سما :- عيب عليكي يما
_ حسنية :- اول ماتروحي جهزي كدا فرختين حلوين لابوكي وسيبلي انا الباقي
_ سما :- كنت نفسي اقولك بلاش بس هو اللي دايما كان بيعمل فرق وفضل ست قمر علينا ولا كأننا عياله من لحمه ودمه
_ حسنية :- ولا تزعلي نفسك يبت من النهاردة كل حاجة هتبقى باسمكم وتدلعوا اخر دلع
____
_ في المستشفى ، عدي بقلق :- هي مرات ابوكي عرفت حاجة
_ قمر :- لا اطمن مش لازم حد يعرف عشان ابني يفضل ف حضني
_ عدي :- بس االولية دي مش ساهلة انا خايف تعرف وتبوظ كل حاجة
_ قمر :- اطمن اول ماابني يطلع من هنا هيفضل ف الاوضة ومحدش هيشوفه لحد ماتعدى فترة على جوازنا ونقول اني خلفت ونمنع حد يشوفه برضوا واهو امايكبر محدش هيميز أنه أكبر سنة
_ عدى :- ايوا يعني وأبوه مش هيعرف
_ قمر :- أبوه ده هو اللي لعب بيا ولسة اللي هعمله فيه اكتر
_ عدى :- من غير أذية متنسيش أن ده اخويا
_ قمر :- انا مش قتا'لة قت'لة اطمن
___
_ في بيت حسنية
_ حسنية دخلت المطبخ على سما :- جهزتي الفراخ يا سما
_ سما :- وحمرتها وظبطها ياماما
_ حسنية :- طب اطلعي انتي واول ماابوكي ياجي بلغيني
_ سما :- حاضر ياماما
__ شوية وأبو قمر جه من الشركة ونادى على حسنية :- ياحسنية انتي فين
_ سما :- ماما في المطبخ من الصبح يابابا ياعيني واقفة على رجلها بتجهزلك الاكل
_ ابو قمر :- يااه امك دي حاسة بيت دانا جاي مي'ت من الجوع
_ سما :- في ثانية يابابا هقولها تجبلك الاكل
_ابو قمر :- ياريت
_ سما :- طيارة
_ سما دخلت على امها المطبخ :- ماما بابا جه وعايز ياكل
_ حسنية :- جهزي السفرة وانا جاية وراكي
_ سما :- حاضر ياماما
_ جهزوا السفرة وقعدوا ياكلوا ، ابو قمر :- انتي ليه حطالي الاكل دا كله ياحسنية هو انتي عرفاني اني بقدر اكل الكمية دي
_ حسنية بخب'ث:- كل ورم عضمك دانت طول النهار ف الشغل
_ ابو قمر :- سبحان مغير الاحوال
_ سما :- يعني دا غلط ماما انها عايزة تغذيك
_ ابو قمر :- يبت دايما واقفة مع امك كدا مفيش مرة تنصفيني ، طب الله يسمحلها قمر عليها كلام انما ايه يرد الروح
_ سما قامت بعصب'ية :- قمر قمر قمر هو انت مخلفتش غير قمر مفيش حاجة بتعجبك غير الست قمر هو احنا مش عيالك ؟! اي سدت النفس دي انا طالعة اوضتي
_ ابو قمر :- شوفي قلة الادب
_ حسنية :- انت دائما اللي كاسر نفسهم
_ ابو قمر :- ماهو بسبب تربيتك
_ حسنية :- طب ياخويا كل
_ ابو قمر :- مش عارف ليه أما كلت حسيت بوجع ف بطني وجسمي
_ حسنية أما اتاكدت إن مفعول الس'م بدأ يشتغل :- تلقاك بس عشان مكلتش من الصبح كل ياخويا كل
_ شوية وبعدها صر'خ أبوا قمر :- في حر'قان ف كل جسمي وبطني بتتق'قطع
_ حسنية قامت مسحت بوقها بفوطة ووقفت وراه وهو ساند على السفرة :- خليها تتق'طع كمان شوية
_ ابو قمر :- اطلبي الدكتور ياحسنية
_ حسنية :- ونطلبه ليه والعلاج معايا
_ ابو قمر :- علاج اي بس ابعتي للدكتور مش قادر
_ حسنية :- ليه دانا حتى مهنش عليا العشرة والعيش والملح ومرضتش احطلك الس'م كله
_ ابو قمر مسك نفسه ولف ناحيتها وحط أيده على رقبت'ها :- انتى بتقولي اي ياولية انتي
_ حسنية بعدت أيده وجابت ورق كانت حطاه على الكرسي اللي جنبها من غير ماابو قمر ياخد باله وقالت:- نزل ايدك ياراجل ياشايب ايوا انا س'ميتك ولو ممضتش على الورق ده مش هديك الازازة دي
_ ابو قمر :- اخف بس وشوفي هعمل فيكي اي ....هاااتي الازازة
_ حسنية :- مش هتاخدها غير أما تمضي على تنازل بكل حاجة لاولادى
_ ابو قمر بت'عب :- مش همضي قمر ليها حق زيهم حرام عليكي
_ حسنية :- يبقى هتم'وت وبرضو عيالي اللي هتاخد كل حاجة
_ ابو قمر حط رأسه على السفرة وبدأ يتوج'ع اوي ، حسنية جابت القلم والورق قدامه ومسكته القلم :- امضي
_ ابو قمر بصلها بغ'ضب وتعب وبعدها بص للورق ورفع القلم وحطه على الورق وبصلها
_ حسنية :- ايوا كدا يلا امضي شاطر
_ ابو قمر حط القلم على مكان امضته ولسة هيمضي و..........
لقراءة الفصل التالي اضغط هنا 👉
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)