روايه زهره وسط اشواك الفصل السادس عشر 16 بقلم فريده احمد
هذه الرواية متوفرة فقط علي مدونة الرسم بالكلمات
اكتب في بحث جوجل (مدونة الرسم بالكلمات)
ثم اكتب اسم الرواية لتظهر لك كامله
او اضغط على الرابط التالي 👇
... اسمه ايه
قالها حمزة بغضب مكبوت لزهرة اللي قاعدة معاه في العربيه ودموعها بتنزل بصمت ومش بترد
كرر حمزة سؤاله تاني بغضب واضح... اسمه ايه انطقي يابت
زهرة مسحت دموعها وقالت بهدوء .... هـ هو مين
حمزة.... اللي حملتي منو ياروح امك
زهرة من غير ماتبصله قالت بوجع..... معرفوش
حمزة مسح علي وشه بعصبيه وغضب وهو بيحاول يمسك اعصابه ويبقي هادي
حمزة..... انا لحد دلوقتي هادي. بس صدقيني مش هفضل كده كتير.. اتكلمي دلوقتي كده بالذوق وقولي مين اللي سلمتيلو نفسك. احسن اقسم بالله هخليكي تشوفي مني وش مش هتحبيه خالص. و هعرف بطريقتي هو مين. بس ساعتها مش هرحمك. فالاحسن ليكي تتكلمي دلوقتي..
وبهدوء... يلا. اتكلمي
زهرة كانت بتترعش بس ودموعها بتنزل
اتنفضت من صوته لما قال بغضب... انطقيييييي
زهرة وهي مش عارفه تجمع كلامها من شدة خوفها....
مـ. شعـ. ار. فه. و. و الله. ما اعر. فو
حمزة بغضب..... اقسم بديني. لو ما اتكلمتي وقولتي مين هو لا اخليكي تكرهي نفسك وتكرهيني من اللي هعملو فيكي. انطقيي ياروح امككك.. ماهو مش معقوله تكوني حامل ومش عارفه من مين
زهرة ودموعها نازلة قالت بشهقات وهي مش قادرة تبصله.... معرفوش. معرفوش.
مسكها حمزة من شعرها جامد ورفع وشها ليه وهو بيقول بغضب..... بصيلي يابت وقولي
زهرة كانت بتهز دماغها ودموعها بتنزل... صـ صدقني ا انا معرفش ح حاجة. و والله ماعرف
وهي ماسكة ايده اللي ماسكة شعرها وبتحاول تخفف من ماسكته
زهرة بوجع..... سـ سيب شـ شعري. حرام عليك
حمزة ولا كأنه سامعها قالها بغضب..... اقسم بالله لو ماتكلمتي لكون دافنك بالحيا مكانك هنا وما حد هيعرفلك طريق
زهرة وهي بتترعش ولسه ماسكه ايده اللي ماسكه شعرها.. والله مااعرف. صدقني انا نفسي هتجنن الزاي حصلي كده وانا متأكده محدش لمسني
وهي بتعيط اوي.... شـ شعري. سـ سيبو حرام عليك. بيوجعني
حمزة اخيرا ساب شعرها وهو بيمسح علي وشه بغضب
طلع سيجارة ولعها وفضل يدخن بغضب ودماغه عمالة بتودي وتجيب وهو هيتجنن
طفي السيجارة وبصلها .... الواد اللي كان خاطبك. هو مش كده..
كمل وقال.... ولا اللي كان معاكي في الصور.. او ابن خالتك اللي كان متجوزك عرفي. قوليلي مين فيهم. ولا في حد تاني انا لسه معرفوش
زهرة بصتله.... قصدك ايه
حمزة... قصدي اللي فهمتيه ياروح امك.
كمل بتوعد....بس اقسم بديني يازهرة ماحد هيرحمك من ايدي.. اصبري بس لما اعرف هو مين وساعتها هخليكو تتمنو المو. ت ومش هتطلوه. غير لما اوريكو العذاب الوان وبعدها هبعتكو لعزرائيل
زهرة بدموع وقهر.... اقتـ لني. اقتـ لني دلوقتي ياريت بقا وتريحني
كملت بصريخ.... اقتـ لني وريحني من الدنيا وقرفها بقاااا. انا مش عاوزة اعيش لأني تعبت. والله تعبت ومبقتش مستحمله كل اللي بيحصلي ده .. موتني وارحمني ارجووك
وهي بتعيط بانهيار
كان حمزة بيبصلها بملامح جامدة باردة ولا اتحرك منه شعره وقال.... مستعجلة علي ايه. هقتـ لك كده كده. بس لما اجيب الخروف اللي عمل معاكي كده واقتـ لكو انتو الاتنين مع بعض.. ولو عاوزني ارحمك علطول. قولي هو مين فيهم.
كمل بحيرة..... ابن خالتك.. تعرفي انو لسه متلقح عندي في المخزن
ابتسم بسخريه وقال.... بس ماينفعش اروح اقوله انت قربت من مراتي ولا لا.. متخيله ان حيوان زي ده ابقي عاوز اسأله ومش قادر.. ومش عارف. اصل هقوله ايه.. مراتي طلعت حامل قولي هي حامل منك .ولو مش منك قولي علشان اشوف من مين غيرك.
كمل بزعيق.... قوليلييي ادور اقول للناس والنبي حد يقولي مرراتي حامل من ميين.. هااا. اعمل كدااا
زهرة كانت بتعيط بوجع من كلامه
اتنهد حمزة وخد نفس وهو بيحاول يهدي نفسه .... اتكلمي يازهرة. دي اخر فرصة ليكي. اتكلمي
زهرة هزت راسها بتعب... قولتلك مش عارفه. مبقتش عارفه حاجة كل اللي اعرفه اني اقسم بالله ماسلمت نفسي
لحد
حمزة.... والمفروض ابقي اهبل واصدقك
زهرة..... انت حر. تصدق متصدقش.. انا واثقة من نفسي وعمري ماعملت الغلط..
حمزة..... وصورك اللي وصلتلي دي ايه. والفيدوهات. ايه
بردو متعرفيش عنهم حاجة
كمل وقال... انا الزاي كنت اهبل كده ومش عارف انك بالوسا. خة دي
زهرة بغضب ...انا ماسمحلكش. والصور دي متفبركة. دي مش انا. والله ما انا.. والحمل ده انا معرفش عنو حاجة. معرفش انا الزاي حامل. وحامل من مين. معرفش
حمزة بغضب..... انا مش عيل صغير يابت. يعني ايه حامل ومش عارفة من مين..
بصلها وقال بسخرية... ايه هما كتار للدرجادي. مش عارفة مين ابو اللي بطنك
هنا زهرة مستحملتش مسحت دموعها بعنف وقالت.... انا مسمحلكش.كفاااية كده بقااا.. كفاااية...كفاااية تتكلم في شرفي. مش هسمحلك فاهم. مش هسمحلك ولا هسمح لاي حد.. لاني شريفة وعارفة نفسي كويس
حمزة.... واضح. واضح انك شريفة.
ابتسم بسخريه.... شرف ايه يا ام شرف اللي بتتكلمي عنو
.......
تاني يوم
حمزة ورحيم واقفين بيتكلمو في جنينه الفيلا
فجأة دخلت من بوابه الفيلا واحدة ست وقربت عليهم وهي بتعيط وبتقول ل رحيم.... بنتي فين. بنتي فين يارحيم. عملت فيها ايه
ودي كانت مامت ياسمين
رحيم ببرود.. وانا مالي ومال بنتك ياست انتي
الست بعياط.... انت اللي خطفتها انا متأكدة. بس بنتي معملتش حاجة ارجوك سيبها
رحيم.... روحي دوري علي بنتك بعيد. يلاا
الست.... انا مش متحركة من هنا لاني متاكده انها عندك
رحيم بغضب.... اخرجي برا ياست انتي بدل ما اخلي الرجاله هما يرموكي
حمزة بهدوء.... اتفضلي دلوقتي وانا اوعدك اني هرجعلك بنتك
مامت ياسمين بدموع.. هي هنا صح.. ارجوك انا عاوزة بنتي.. ارجوك خليه يسيبها هي معملتش حاجه
حمزة..... اتطمني متقلقيش. هرجعهالك
مامت ياسمين بترجي.... طب اشوفها. ارجوك. عاوزة اشوف بنتي
رحيم.... انسي بنتك لانك مش هتشوفيها تاني
مامت ياسمين بعياط.... انت عملت في بنتي ايه. حرام عليك بنتي مظلومة
رحيم.... اطلعي برا بالذوق قبل ما اخلي الرجاله يرموكي يلااا
مامت ياسمين مسحت دموعها وقالت بقوة..... انا مش هتحرك غير لما اشوف بنتي و اخدها معايا
رحيم... تمام
و نده لرجالته
رحيم.... الست دي تطلع برا ومتدخلش من البوابه تاني. فاهمييين
الرجاله... مفهوم يارحيم بيه
ومسكوها ولسه هيطلعوها
حمزة بغضب.... ابعد عنها انت وهو
الرجاله بصو ل رحيم
حمزة.... في ايه يارحيم. من امتا واحنا بتعامل كده مع ستات
ووجه كلامو للرجاله.. قولت ابعدو
الرجاله بعدو بهدوء
مامت ياسمين..... هبلغ عنك يارحيم واقول انك خاطف بنتي
رحيم ببرود.... لو تقدري تعملي كده وريني
مامت ياسمين... حسبي الله ونعم الوكيل. ربنا علي الظالم
رحيم بغضب... اقسم بالله لو ماخفيتي من قدامي لاخلي الرجالة يعملو معاكي الصح
حمزة.... خلاص يارحيم. هي هتمشي
و قرب منها.... امشي دلوقتي لو سمحتي. وانا زي ماقولتلك
الست بصتلهم بقهرة ومشيت
...............
عند زهرة
كانت راحت لدكتورة علشان تنزل الجنين
زهرة وهي قاعده قدام الدكتورة..... انا عاوزة انزل البيبي
ممكن تعمليلي العمليه
الدكتورة.... حضرتك انا مش بشتغل في العمليات دي
ونصيحة مني متموتيش ابنك بايدك غيرك مش لاقي
زهرة من جواها بوجع وهي بتقول في نفسها عارفة انو حرام. بس هجيبو الدنيا الزاي وانا مش عارفة مين ابوه
لكن بصت للدكتورة وقالت... حضرتك انا ممكن ادفعلك كل الفلوس اللي تطلبيها. بس تعمليلي العمليه
الدكتورة.... انا اسفة انا مش بشتغل في كده.. مش هقدر اعملك اللي بتطلبيه
زهرة بتفهم قامت.... شكرا
واخدت شنتطها وخرجت من عند الدكتورة
وهي بتفكر تشوف دكتورة تانيه توافق تعملها العمليه
......
بعد يومين
في بيت جدة زهرة
حضرت جدتها الفطار وراحت تشوفها في الاوضه
خبطت علي الباب وهي بتقول..... زهرة. يازهرة. يلا ياحبيبتي علشان تفطري
لكن زهرة مكانتش بترد
فتحت الباب. اتفاجأت بـ زهرة واقعة علي الارض
جريت عليها بخضة.... زهررة. فوقي ياحبيبتي
وهي بتحاول تفوقها. لكن زهرة مكانتش بتفوق
جدتها بدموع.... فوقي يازهرة. فوقي ياحبيبتي
و بسرعة قامت مسكت تليفونها بدموع واتصلت علي حمزة
بدموع....حمزة الحق زهرة يابني. الحقها ارجوك
حمزة بقلق.. في ايه. مالها زهرة
جدتها بدموع..... واقعة ومغمي عليها. مش عارفه افوقها. الحقها ارجوك بسرعة. بسرعة يابني
حمزة كان اخد مفاتحيه ونزل بسرعة من شركته
حمزة..... انا جاي حالا
وقفل وخد عربيته وطلع بيها وفي وقت قياسي كان وصل
واخد زهرة في العربيه وطلع بيها علي المستشفى
..
بعد وقت
حمزة وهارون وجدة زهرة واقفين قدام غرفة الكشف مستنيين الدكتور يخرج يطمنهم
اخيرا الدكتور خرج
كلهم... هاا يادكتور. هي عاملة ايه
الدكتور....... اتطمنو.. هي بس كانت واخدة كمية كبيرة من المهدئات وده عملها هبوط. احمدو ربنا انكم لحقتوها والا كانت بعد الشر هتجيلها ازمة قلبية
جدتها وهي بتحمد ربنا...الحمدلله
كملت وقالت..... هي هتفوق امتا يادكتور
الدكتور..... ساعتين وهتفوق.. بس اهم حاجة تبعد عن المهدئات الفترة دي لاني اكتشفت انها حامل والادويه دي خطر علي الحمل
هارون بجمود.... نزله
الدكتور بدون فهم.... هو ايه
هارون..... اللي في بطنها
الدكتور..... بس انا مش دكتور نسا. دا غير ان شرف المهنة مايسمحش بكده
هارون بغضب..... وانا بقولك نزلو
الدكتور.... ياهارون بيه مش هينف..
حمزة طلع سلاحه وحطه في دماغ الدكتور..... انت هتعمل اللي بنقولك عليه. يا اما تتشاهد علي روحك
الدكتور بلع ريقه بخوف.... حـ حاضر. بس انا والله مش تخصصي. ا اوعدك هشوف دكتور نسا يعملها العمليه
حمزة.... اخلص
وبعد ساعات كان جي دكتور النسا عمل لزهرة عملية الاجهاض
مامت زهرة وباباها كانو عرفو وراحو ليها المستشفي
في نفس الوقت اللي خرج فيه الدكتور وهو بيقول... الجنين نزل ساعة وهتفوق
باباها ومامتها بصو لبعض بصدمه
امال بزهول.. جنين ايه. هي زهرة كانت حامل. الزاي
محمد باباها.... هو في ايه.... مالها زهرة. ويعني ايه كانت حامل
هارون بصلهم شويه .... انتو عرفتو منين اننا في المستشفى
جدة زهرة.... انا اللي قولتلهم..كنت خايفة علي زهرة وعاوزة اي حد يلحقها
محمد والد زهرة.... ايه ياهارون مكنتش عاوزنا نيجي ولا ايه
هارون... لأ الزاي.. بس احنا هنا بقالنا اكتر من 6 ساعات.. ايه لسه مفتكرين تيجو
محمد بتوتر... انا كنت مشغول شويه
هارون.... يعني عندك الشغل اهم
اتكلمت امال وقالت.... المهم انها كويسة..
وكملت بتساؤل.. بس ايه موضوع الحمل ده
هارون مردش ودخل جوا ل زهرة
امال بصت ل والدتها... في ايه ياماما ممكن تفهميني
والدتها.... مش وقتو نتطمن علي زهرة الاول
وسابتها ودخلت هي كمان تشوف زهرة
بعد ساعتين كانت فاقت زهرة وبعد ما مامتها وباباها مشيو
هارون وجه كلامو ل حمزة اللي واقف بممل وزهرة اللي علي السرير في حضن جدتها
هارون..... دلوقتي انتو جوازكو باطل. يعني مابقتوش متجوزين خلاص
وقبل مازهرة وحمزة يتنفسو براحة هارون كمل كلامو وقال.... بس ماحدش هيعرف حاجه.. هتفضلو متجوزين زي ما انتو قدام الناس لحد ماتكتبو كتابكو من تاني
حمزة بجمود.... انا مش عاوزها
غمضت زهرة عنيها بوجع
هارون.... يعني ايه
حمزة.... يعني انا مش هتجوز واحدة غلطت مع حد قبلي
مش انا اللي هلبسها
هارون بغضب..... اخرررس.. انا مش باخد رأيك
مسحت زهرة دموعها اللي نزلت وقالت... بس انا كمان مش موافقة ياعمي. انا مش هتجوزه. كفايه كده بقا.
هارون.... اسمعو انتو الاتنين. انا مش باخد رايكو
جوازكو هيفضل قدام الناس مستمر فاهميين.. عاوزين الناس يقولو ايه علينا.. هنقول ايه للناس وانتو مكملتوش اسبوع متجوزين
حمزة سكت وزهرة كمان
اتنهد هارون وكمل بهدوء..... كملو سنه علي الاقل وبعدين لو عاوزين تطلقو. اطلقو.. بس دلوقتي مش ينفع. لازم جوازكو يبان طبيعي علشان محدش يشك في حاجه
ومن هنا لحد مايتكتب كتابكو تاني هتفضلي يازهرة هنا مع جدتك. بحجة انك مشغولة في جامعتك وامتحاناتك
محدش في البيت هيعرف اي حاجة
حمزة بص لأبوه وبعدين خرج بغضب
وزهرة فضلت تعيط في حضن جدتها
...
بعد يومين
حمزة كان واقف بعربيته قدام القصر وهو شارد لحد ماجالو مكالمة من راجل من رجالته
حمزة.... ها جبتو
.. ايوا ياباشا
حمزة... فين
.. في المخزن
حمزة.... اوعي يهرب منكو لحد ما اجي
الراجل... متقلقش ياباشا
قفل حمزة ودور عربيته وطار بسرعة البرق
.....
في بيت جدة زهرة
امال بسخريه.... يعني مكملتش 3 ايام ورجعت بفضيحة طلعت حامل. ومن مين ان شاء الله.
كملت بنفس السخرية.... وانا اللي كنت فاكراها متربية. اتاريها مشافتش تربيه.. طبعا ماهي اكيد طالعة لامها
والدتها.... بس اسكتي. اياكي تقولي عليها كده. زهرة مفيش في تربيتها ولا اخلاقها
امال بسخرية.... واضح.. علشان كده راحت حملت في الحرام
والدتها... انا متأكدة ان زهرة عمرها متغلط. لاني واثقة في تربيتي
امال... انا مش عارفة الزاي بتدافعي عنها بعد اللي عرفتيه.
والدتها.... انا اللي مش عارفة انتي الزاي بتكرهيها الكره ده كلو عملتلك ايه علشان تكرهيها كده.طول عمرك بتكرهيها.. وبتفرقي بينها وبين شيماء.. هي مش زي شيماء بردو
امال بندفاع.... لا مش زيها. لان ببساطه شيماء بنتي. لكن زهرة مش بنتي. ولانسيتي.. الزاي عاوزاني احبها زي بنتي.الزااي. والزاي انتي اساسا ياماما بتحبيها كانها حفيدتك بجد. فوقي ياماما زهرة مش بنتي ولا حفيدتك
والدتها... زهرة هتفضل حفيدتي. حتي لو مش من دمي. انتي فاهمة وهفضل احبها
امال... براحتك ياماما. لكن انا مخلفتش غير شيماء. زهرة مش بنتي. انا مش همثل اكتر من كده. مش قادرة امثل كفايه بقا
في اللحظة دي كانتزهرةراجعةمنبرا فتحت الباب وهي مصدومة
جدتها بصدمة وهي خايفة تكون سمعت.. ز. زهرة
زهرة بصت ل أمال بدموع...
يتبع......
#زهرة_وسط_اشواك
#البارت_ال16
بقلم فريدة احمد
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)