روايه انت الترياق جاسر وغزل الفصل السادس و الاربعون 46 بقلم هايدي احمد
هذه الرواية متوفرة فقط علي مدونة الرسم بالكلمات
اكتب في بحث جوجل ( مدونة الرسم بالكلمات)
#انتِ_الترياق
ازيك يا حبيبي عامل ايه
انا الحمدلله بخير يا طنط..احم..امال مايا فين
هه مايا ثوانى ونازله ايه..الامور اتحسنت
يعنى شويه بس والنبى يا طنط لو تعرفى تلينى دماغها شويه ابقى شاكر ليكى
عينيا يا حبيبي سيبها عليا وانا هلينلك دماغها حاضر
صباح الخييير ..انت بتعمل ايه هنا
مايا عيب تكلمى جوزك كده
لا سيبيها يا طنط ما انا بقيت خطيبها خلاص
خطيبها ...ايه لعب العيال ده يا مايا
ايوه احنا دلوقتى فى فترة خطوبه يا مامى
لا ده انتى اتجننتى رسمى انا هناديلك باباكى يشوفلك حل
مشيت والدتها وهى بصت لحازم بغيظ
ارتحت دلوقتى
شدها حازم من ايديها وقعدها جنبه
طب بذمتك..موحشتكيش
ها...لا .لا موحشتنيش نهائى وبلاش الاسلوب ده معايا
قرب حازم اكتر منها وهى بدأت تتوتر
طب بصى فى عينى وقوليلى انت موحشتنيش يا حازم
ها
قوليى
انت...
همم
انت
ها ..كملى
يوووه قولتلك بلاش الأسلوب ده معايا
ههه...وحشتك ..بقولك ايه رمضان داخل علينا واحنا لسه مدخلناش دنيا ..ايه بقى مش هتحنى عليا
كانت لسه مايا هتتكلم بس حازم رد وهو بيقلدها
قولتلك احنا مخطوبين دلوقتييي
ضحكت مايا وهو ضحك معاها
طب عندى ليكى خبر حلو مش انتى كنتى عايزه تروحى الصعيد تانى
معقول هنروح
ايوه هنروح اول رمضان هنقضيه مع اهلى ان شاء الله
بجد ده الجو هيبقى تحفه هناك فى رمضان
بس اسمعى اهلى ميعرفوش بقصة الخطوبه دى فاهمه
لا انسى انا هقولهم انا مش هقعد معاك فى اوضه واحده كفاية نومتى على الكنبة الى كسرتلى ضهرى
قولتلك قبل كده مكانك جنبى انا.. بس مفهمتيش
بصتله مايا بإبتسامه وهو اخد ايديها وباسها وهو بيبادلها الإبتسامة
حبيبة ابوها عامله ايه
الحمدلله يا بابا
باسها والدها من جبينها وقعد جمبها
امال مالك مزعله ماما ليه
اتنهدت غزل ومردتش عليه
بصى يا بابا محدش يقدر يغصبك على حاجه الى انتى عايزاه هيحصل بس ميبقاش بالطريقه دى يبقى بالسياسه وبطريقه كويسه ملوش لازمه الزعيق والتكشيرة والعند ده كل حاجه بتيجى بالسياسه وبالإتفاق يا حبيبتي يلا..قومى صالحى ماما وتعالى نتفرج سوى على الماتش الاهلى الى بيلعب
بجد ..ثوانى اروح لماما واجيب حاجه تتاكل وجايه علطول
كان جاسر قاعد فى الجنينه وحاطط ايده على وشه وهو بتنهد بضيق
بابي بابى
شال جاسر ايده
ايوه ياداوود
المس قالت النهارده ان الاسبوع ده رمضان هيجى وانا قعدت اقولها مين رمضان ده قالتلى شهر..شهر ازاى اسمه رمضان وهيجى يقعد عندنا ازاى
ابتسم جاسر وقعد داوود على رجله
بصى يا سيدى
انا عندنا تاريخين فى التاريخ الميلادى الى هو الايام والشهور الى احنا ماشين بيها يعنى احنا مثلا فى شهر مارس دلوقتى ٢٠٢٤ صح
ايوه
فى بقى تاريخ هجرى وده بدأ من أول هجرة النبي قول صلى الله عليه وسلم
سلى الله عليه وسلم
فى التاريخ الهجرى ده شهر اسمه رمضان انت طبعا تعرف القرآن كتاب ربنا
اه جدو قالى عليه
اهو بقى القرآن ده ربنا نزله فى شهر رمضان عشان كده شهر رمضان الذى انزل فيه القرآن ومعروف بكده وربنا قال كمان ان اول ما نشوف الشهر والهلال بتاعه نبتدى نصوم
يعنى ايه نسوم
يعنى من اول ما الفجر يأذن مناكلش ولا نشرب خالص الا لما المغرب يأذن او ما يأذن نشرب وناكل زى ما احنا عايزين ونرجع تانى نصوم بعد أذان الفجر فهمتنى
يعنى مش هناكل طول النهار خالس
ايوه
ولا حتى مايه ولا عسير
ولا حاجه خالص وطول ما احنا صايمين نصلى لربنا ونقرأ قرآن ونتعبد عشان الحاجه الوحشه الى هنعملها فى رمضان هتبقى بعشرة زيها والحاجه الحلوة برضه بعشرة زيها ..يعنى منجيش طول النهار وننام لعند ما المغرب يآذن
بجد... انا كنت هعمل كده
اهو ده بقى غلط كده كأنك مصومتش خالص بس انت مش لازم تصوم معانا لانك لسه صغير
بجد يعنى هاكل عادى
ايوه بس مش علطول اول ما تتم سبع سنين تصوم وتصلى معاما
حاضر
باسه جاسر من راسه وهو بيضحك
يلا روح غير هدومك عشان ناكل
مش قولت هنسوم
ايوه بس مش دلوقتى لسه
طيب ....هى ماما غسل مش هتيجى بقى انت قولت يومين وهتيجى هى والنونو السغيرة
اتنهد جاسر وطبطب على راسه
حاضر يا حبيبي هتيجى متقلقش يلا ادخل انت
مشى داوود وفضل جاسر قاعد بيفكر وقاطعه رنة تليفونه وكانت حماته فرد بسرعه
ايوة يا طنط..غزل حصلها حاجه
بابا ناولنى حبل النور ده لسه
لا لا انزلى لتقعى يا بنتى انتى لسه تعبانه
تعبانه ايه يا بابا ما انا زى الحصان اهو ناولنى بس
كانت غزل واقفه على الترابيزه بتعلق زينة رمضان فى البيت من جوه وبعدين كملت من بره وكانت مبسوطه ان اجواء رمضان فى بيتها مفتتهاش وقد ايه كانت هتوحشها طلعت بره البلاكونه وهى بتساعد العيال الصغيرة فى تعليق الزينه فى الشارع
ولا يا حساام... .امسك ده ..ايوه علقه الناحية دى
اياكم تاخدوا الزينه كلها عندكم انا دافعه نص الفلوس
ما انتى اخديتهااا كلها عندك يا ابله غزل
بتقولوا حااجه
لا مبنقولش ..يلا يا ولاد عشان نعلق فى باقى الشارع
ضحكت غزل عليهم وبصت على الشارع كله وهو مليان زينه وهى بتاخد نفس و شامه روايح رمضان فى كل مكان واجواء رمضان الى ملت كل مكان
ااه..هل هلالك يا رمضان
رمضان مبارك عليكم يا عياال
ابتسمت غزل ودخلت تساعد والدتها فى البيت
اول يوم رمضان
غزل... فين العصير
عصير ايه بس دلوقتي يا ماما لسه ساعتين على المغرب
يا بنتى اعمليه من دلوقتى عشان منتلبخش قبل المغرب ونفضل رايحين جايين
نتلبخ ليه ده انا وانتى وبابا
ها ..اه بس برضه يا بنتى
ماما انتى مخبيه عليا حاجه
ها...هخبى ايه بس يا بنتى
يعنى قايمه من بدرى وعامله اكل كتير ومش راضيه امد ايدى معاكى فى الاكل وشكلك متوتر ..ماما هو حصل حاجه انا معرفهاش
يا غزل يا بنتى انتى دماغك بتجيبك كتير وتوديكى على الفاضى ادخلى ارتاحى يا بنتى شويه وهصحيكى قبل المغرب ها..يلا
دخلت والدتها المطبخ وغزل بصتلها بإستغراب
يا ترى مخبيه ايه
بسم الله ماشاء الله...
كان حازم واقف عند العربيه مستنى مايا واتفاجأ بيها داخله عليه ولابسه دريس طويل ولافه الطرحه عليه بلفه لايقه عليها وجايه عليه وهى مكسوفه
ده حقيقه ولا ده تأثير الصيام وانا مش واخد بالى
انت شايف ايه
خيال ده اكيد خيال
ومعقول انا فى خيالك محجبه
انا فى خيالى مفيمك مش محجبك
ضحكت مايا بكسوف
ها بقى صايمه ولا زى كل سنه
ههه حد قالك انك دمك خفيف قبل كده
اه كتير
ومين الكتير دول بقى ان شاء الله
هههه انتى عايزاهم ايه ...يلا يا شيخه منك لله ادى رمضان جه اقعد معاكى فى بيت واحد ازاى بعد كده ها
وانا مالى ايه ماخدش وقتى
ادعى عليكى وانا صايم روحى الهى تقعى فى حبى وتدوقى من النار الى انا فيها
قربت مايا وهى مبتسمه
علفكرة النار الى انت فيها حرقتنى قبل ما تجيلك
بصلها حازم بتوهان وهو بيبلع ريقه
مدد يارب
ضحكت مايا على شكله
ايه مالك قالب على المداح كده ليه
هز راسه بسرعه واخد السبحه فى ايده
استغفر الله استغفر الله عاجبك كده هتفطرينا اول يوم
ههههه ايه الى انت عامله فى نفسك ده
لا ما هو ده اللوك بتاع رمضان المداح
وده بقى موجود علطول
اى وقت بس العيد بقى هتلاقى رامز جلال يلا يا ختى اتاخرنا على الناس يلا عشان الحق نفسى قبل ما افطر
كانت غزل واقفه فى المطبخ بتعمل العصير والسلطه ومامتها كانت بتقرأ فى المصحف وقاطعها صوت جرس الباب
حاضر حاضر
مسحت غزل ايديها وفتحت الباب واتفاجأت بجاسر وهو واقف قدام الباب وشايل فى ايده بنتهم اتصدمت غزل وحطت ايديها على بوقها وهى بتبصله ومش مصدقه وهو مبتسم وهزلها راسه بتأكيد وقرب منها وحطها فى ايديها مسكتها غزل براحه واديها بترجف وبتبصلها بدموع كانت بنتها ملفوفه فى قماش ناعم ومغمضه عنيها بنوم وشعرها مايل للاصفر والبنى وده لان شعر جاسر بنى وكانت رافعه ايديها عند وشها وقفلاهم بنعومه قربت منها غزل وباستها براحه خوف عليها ونادت وصوتها بيرجف من الفرحه
مامااا...ماماااا
بسم الله الرحمن الرحيم ايه فى ايه يا بنتى
جت والدتها بسرعه وضحكت لما شافتها شايله البنت
جت...يا ما انت كريم يا رب الحمدلله.. الف مبروك يا بنتى الف مبروك مبروك يا ابنى تتربى فى عزكم يا رب
قرب جاسر من غزل وهى بصتله بدموع وهو ابتسم ومسحلها دموعها واخدها هى وبنته فى حضنه
رمضان مبارك علينا
وانا معااكم
بعدوا عن بعض لما سمعوا صوت داوود جاى عليهم ووراه جدو وضحكوا على شكله و هو جاى يدخل فى النص بينهم شاله جاسر وضموا معاهم فى الحضن
ربنا يسعدكم يا حبايبى وتفرحوا بعيالكم
امين يا ام غزل بس يعقلوا الاول ويفهموا يعنى ايه عندهم عيال
ما هم عيال برضه مهما يكبروا فى نظرنا عيال هه
بسم الله الرحمن الرحيم ناولينى يا بنتى بسم الله ماشاء الله..انتى يا غزل وانتى صغيرة
قعدت ستها تبوس فيها بحنان
حبيبة ستك
اخدها منها والد جاسر
لا استوب هنا دى حبيبة جدها بس واد انت وهى محدش يقرب منها
ولا النبى يا بابا انا ماصدقت
تتربى فى عزكم يا بنتى
باسها جدها واداها لغزل واخدتها وهى مبسوطه
السلام عليكم
جه حازم ومايا وهم واقفين على الباب لسه
ايه يا جماعه معقوله كلكم واقفين مستنينا
خبطته مايا فى كتفه وهو بيضحك
ايه ده انت جبتها يا جاسر ..ورينى يا غزل
سمى الله يا حازم
بسم الله الرحمن الرحيم حبيبة عموو ياختي
يوووه هى حبيبة مين فيكم اوعى يا عمو حاسم هاتها دى حبيبيتى انا بث هات
طب براحه يا داوود هديهالك افرد ايدك براحه
اخدها داوود براحه وباسها
سكلها حلو اوى ..هى اثمها ايه
لسه يا حبيبي هنسميها وهنعملها سبوع
خلاص يا عم شوفتها هات بقى
شالها حازم وجت مايا شافتها وباستها براحه وهى بتمسك ايديها براحه
شكلها صغير اوييي يا خرابى على القمر
عقبالنا
بصتله مايا بخحل وهو بيضحك على كسوفها
عقبالكم يا حبابيبى ونفرح بيكم
يارب يا طنط ادعيلنا والنبى
ضربته مايا فى كتفه بحرج
يلا يا جماعه بدل ما احنا واقفين على الباب يلا
دخلوا كلهم وجه والد غزل وشال حفيدته وهو الدموع فى عينه
عشت وشوفت ولادك يا غزل تتربى فى عزك يا بنتى
تسلملى يا بابا ما انت الى هتربيها زى ما ربيت غزل يا ابوا غزل
باس والدها راسها وبعدين باس بنتها
مامى هتثموها ايه عثان اناديها باثمها
ايا يا ابنى سموها اسم دلوقتى عشان تتسجل
بصت غزل عليها وهى مبتسمه بحنان وبصت لجاسر الى هز راسه عشان تسميها هى
رقية.....رقية جاسر الإيبارى
ابتسم جاسر وباس راسها
تتربى فى عزكم يارب الف مبروك يا ولاد
رقيه ..بت يا روكا انا عمك حازم
قولت رقيه يا حازم
وماله دلع روكا حلو برضه
ههه عقبالكم يا اولاد
قريب إن شاء الله يا عمى ادعيلى
بصتله مايا بغيظ
اسكت بقى
يدعول. عشان تحنى عليا بقى
ضحكت مايا
لا برضه بعينك
يلا يا بنتى دخليها جوه عشان تنام
طب يا ماما هى هتاكل ايه شكلها جعانه بتمص فى صابعها
هتاكل لبن يا حبيبتي بعد الفطار ان شاء الله ترضعيها وحاولى ما تصوميش الايام الجايه عشان تعرفى ترضيعها كويس يلا يا حبيبتي
بعد شويه
يلا يا بنات فاضل عشر دقايق على الاذان هاتوا العصير وباقى الاكل
كانت مايا وغزل بيجيبوا الاكل ومامت غزل بترص الاكل على السفرة والرجاله بيتوضوا عشان يصلوا المغرب الاول
مايا هاتى كمان طبق سلطه هنا
حاضر
غزل طلعى البط من الفرن وهاتى كمان طبق محشى
كفايه محشى يا ماما السفره كلها محشى
هاتى يا بت خلصى ده ده الى هيتاكل
تعرفى يا طنط انا مباكلش المخشى نهائى بس لما شميت ريحة المحشى بتاعك شكلى هتغاضى عن مبادئى واخرج عن القاعده ههه
بالهنا والشفا يا حبيبتي
ها يا جماعه لسه كتير هموت من الجوع وريحة الاكل دى
ما تستحمل شويه دى اول سنة تصوم ولا ايه
لا اصل انا رمضان دايما مواعدنى يا فى الحيش يا فى القسم بفطر مع المساجين انما دلوقتى مش قادر استنى
جه جاسر وهم واقفين
ما تنشف يا شيخ مبروك
ايه شيخ مبروك دى ده صابر المداح يا جاهل
قصدك صابر الفلاح ..يلا يا اخويا
خد يا حازم حط المعالق والشوك دى هناك
عينيا
يلا يا ام غزل تعالى وهاتى البنات
مدفع الافطاار اضرررب
الله اكبر الله اكبر
جابت غزل طبق التمر ليهم ومعاه اللبن وفطروا عليه وبعدين قاموا يصلوا المغرب جماعه وبعدين قعدوا على الاكل وبدأوا ياكلوا وسط لمه مليانه بالدفى وأجواء رمضانيه بيستنوها من السنه للسنه
بابا هات رامز زمانه بدأ
رامز ايه بس ده بيجيب الناس يهزأهم
لا مقالبه حلوه وبتضحك وبعدين هم جايين بمزاجهم
رامز ايه على الفطار طب قولى بكار
ياااه بكار ده بتاع زماان
يلا والنبى اشوف مين اول ضيف
كلوا الاول وابقوا اتفرجوا يلا
قامت ام غزل تحطوالاكل قدامهم
كلى يا حبيبتي كلى انتى طالعه من ولاده
وانتى يا حبيبتي كلى عشان تتخنى شويه
لا يا طنط انا مش عايزه اتخن
لا اديها يا طنط خليها تتخن
بس انت
كملوا اكل وهم بيضحكم اما حازم ومايا كانوا بيتخانقوا على الاكل وفضل قدامهم صابع محشى فى الطبق وقعدوا يتخانقوا مين ياخده
سيب يا حازم ..سيب
بس بس يا ولاد فى كتير اهو اشمعنا ده
اتفرجى دول الى هيشيلوا اللقمه من بوقهم ويدوها لعيالهم
قعدوا يضحكوا عليهم وهم بيكملوا اكل لعند ما خلصوا
الاه الواحد اكل كتير معدتى معدتش فيها مكان همو*ت
ايه يا عم صابر المداح تعبت من الاكل
يلا يا ولاد كلوا الكنافه
ليه كده يا طنط كنافه لييه طب استنى افضى مكان
ههه اهى يا حبيبي كل وقت ما تحب
ما كفايه اكل بقى هتاكلنا
بس اسكتى وقبل ما نمشى تاخدى الوصفات دى كلها من طنط عسان تعمليهالى
قصدك اعملهالى انا عشان انا حبيت المحشى اوى من ايد طنط
تسلميلى يا حبيبتي
كان جاسر مركز مع غزل الى مركزه مع التلفزيون
مش يلا بينا بقى على بيتنا ولا ده بيتك بس
على فكره التانى بيتى زى ما ده بيتى بالضبط وكده كده هرجعله بس انا مكنتش عايزه اول رمضان يفوتنى هنا كان هيوحشنى اوة اللمه مع اهلى ووقت الفطار وتعليق الزينه دى حاجات اتربيت عليها مقدرش انساها
هو من الناحيه دى الجو ده ميتسابس ولا يتنسى اول مره من سنين احس بفرحة ولمة رمضان
طب ممكن بلاش نروح النهارده عايزه اقعد هنا كمان يومين
ليه انتى لسه زعلانه منى
لا بس عايزه ماما تبقى معايا عشان...لسه متعودتش وخايفه اوى
ضحك جاسر وباس راسها
متقلقيش يا حبيبتي غريزة الامومه الى عندك هى الى هتعلمك شويه شويه متقلقيش ..زى ما انتى عايزه اقعدى هنا كمان يومين وهاجى اخدك
ابتسمت غزل وهى ماسكه ايده بإمتنان
اه سيب داوود هنا
ومدرسته
مش مشكله لو غاب اليومين دول خليه هنا معايا
طب مش عايزه ابوه اليومين دول برضه ولا داوود بس
لا داوود بس ابوه بعدين
ماشى يا ستى مسيرك تقعى فى ايديى
ضحكت غزل بخجل وجاسر بيضحك عليها بس وقف لما بص ناحيتهم وهم قاعدين بيبصوا عليهم وبياكلوا الكنافه فاتكلم حازم وهو بياكل
كمل كمل يا كبير وقفنا عند مسكة الايد والضحكه فاضل اهم لقطه
اتحرجت غزل وبصت بعيد اما جاسر اخد مخده وشوحها على حازم وهو بيضحك
كده يا كبير بتضرب المداح هسلطهم عليك بقى
ياخى اتنيل اقعد
ما تبس بقى يا حازم الله سيبهم فى حالهم
لا ازاى ميبقاش حازم لو محشرش مناخيره فى كل حاجه
طب اسكتوا خلاص المسلسل هيبدأ
قامت غزل بسرعه وقعدت جمب مامتها وجاسر بصلها بذهول انها باعته ومشيت فى ثانيه
تعالى هنا جمبى يا كبير ملناش غير بعض
قام جاسر وقعد جمب حازم واتفرجوا على المسلسل وبعدها قاموا يصلوا العشا والتروايح نزل الرجاله المسجد وفضلت الستات فى البيت
مايا مايااا
ايه موطيه صوتك ليه
بقولك ايه تعالى نطلع فوق السطح بعد الصلاة
ليه هقولك بعدين
مااشى
خلصوا الصلاة وطلعوا يتسحبوا لفوق السطح
ايه فى ايه قلقتينى
اما تحت كان الرجاله رجعوا من الصلاة كان والد غزل وحازم وجاسر اما والد جاسر استأذن ومشى
دخل جاسر وحازم يدوروا على مايا وغزل
هم غزل ومايا فين يا طنط
انا عارفه يا ابنى كانوا بيصلوا التروايح مش عارفه راحوا فين
دخل جاسر يدور في الاوضه ملقهاش ورن عليه مردتش فقلق هو حازم
امال راحوا فين دول لسه كانوا هنا من شويه
نزل جاسر يدور تحت قدام البيت هو وحازم وملقهومش وبعدين طلعوا تانى ناحية السطح لما سمعوا صوت جاى من هناك واتفاجأوا لما لقوا مايا وغزل بيولعوا صواريخ وسلك وبيلعبوا سوى على السطح
وقف جاسر مصدوم وهو بيبص لحازم الى ميفرقش عنه
مراتك دى
ايوه هى الى بتلعب مع مراتك
عوضنا على ربنا متجوزين شوية اطفال
وقفت غزل ومايا واتخضوا لما شافوا جاسر وحازم واقفين مصدومين وبيتفرجوا عليهم
انت هنا من امتى
من اول الصواريخ يا ختى انتى وهى
اتحرجت مايا هى وغزل وهم بيبصوا لبعض
اما جاسر وحازم بصوا لبعض وبعدين قربوا عليهم وهم خافوا ورجعوا لوره
جه جاسر عشان يا خد الولاعه والسلكه من غزل الى كانت مخبياها وره ضهرها واخدهم غصب عنها وبعدين بصلهم بسخرية
امال سبتوا ايه لداوود الصغير ها
مش عارف والله
بص جاسر لحازم وهو بيكتم ضحكته على شكلهم وبعدين اخد السلكه وولعها هو وحازم وقعدوا يلعبوا بيها تحت نظرات الصدمه من غزل ومايا
شوفتى عملوا التمثيلية دى عشان ياخدوا الولاعه والسلك والصواريخ
طب بالنسبه بإننا كبار وعاقلين راح فين كلامكم ها
هات الولاعه دى
امسك يا حاازم
يووه هتخلصوا السلكه كلها
راح جاسر لغزل واداها حته هى ومايا وحازم كان بيولع صواريخ وقعدوا يلعبوا سوى وهم بيضحكوا وكل واحد حضن مراته وقعدوا يتفرجوا على الهلال والسما
كانت غزل نايمه على كتف جاسر
ده احلى رمضان عدى عليا عشان انتى جيتى نورتى حياتى
هو رمضان الى قبل ده كان حلو بس
امم بس ايه
بصتله غزل بحب
بس ده احلى كنت كل رمضان ادعى واقول امتى اقضى رمضان مع قرة عينى فى بيتنا
اخد جاسر ايديها وباسها وهى بتبصله بحب
وادى ربنا استجاب لدعوتك
بص حازم عليهم وبص لمايا الى قاعده جمبه
وانتى يا ختى مدعيتيش ربنا باى حاجه وقولتى يارب ابعتلى واحد قمر كده ودمه خفيف وكل البنات بتحبه
ضربته مايا فى كتفه بغيظ
لا يا اخويا وانا خلاص مفيش غير الدعوه دى الى يوم ما اجى ادعى لربنا اقولها
الله ما اهى استجابت اهى تلاقيكى كنتى بتقوليها فى الخفى عشان ربنا يرزقك بيا
حازم قوم من هنا
ههه خلاص خلاص بهزر
اخدها حازم فى حضنه وهو بيضحك
ده انا الى امى دعيالى عشان ربنا يرزقنى بيكى وتدخلى حياتى عمرى ما كنت اتصور انك من نصيبى ...والقمر دى هتبقى مراتى
بجد
اكتر مره اكون بتكلم بجد فيها
ابتسمت مايا بكسوف وهو ضحك على كسوفها
طب ايه مش هنجيب بنوته حلوه كده عشان الواد داوود يتجوزها
ضربته مايا فى صدره
اتلم بقى
لا بقولك ايه ابعد عنى خالص ده الى ناقص اناسبك مرتين
ليه كده يا كبير ده بدل ما تقول احجزلى البت للواد داوود
قومى يا غزل قومى هيجوز بنته قبل ما تيجى
ضحكت غزل ومايا عليهم
يلا انا عايزه انزل عشان البنت زمانها صحيت
اخد جاسر غزل ونزلوا وحازم راح وراه
استنى بس عشان نتفق ...طب مش عايز منك مهر
وكده نقول تمت 😂♥️
![](https://www3.0zz0.com/2024/05/26/06/919983638.jpg)
![](https://www3.0zz0.com/2024/05/24/17/749409247.jpg)
![](https://www12.0zz0.com/2024/05/23/19/529447582.jpg)