روايه حب الماضي الفصل العاشر بقلم مارينا على
هذه الرواية متوفرة فقط على
لمتابعه روايه حب ماضي اضغط هنا 👇
مازن: انتو مين؟
جنة بصدمة: مازن انت مش فاكرنى انا جنة مراتك
حط ايده على راسه بتعب
-انا مش فاكر اى حاجة كل الل فاكره ان حد ضربنى على دماغى
عمر بااستفسار: حد مين حاول تفتكر يامازن
-مازن انا اسمى مازن؟
عمر: ايوا
مازن: وانت مين
عمر: انا اخوك عمر
-انا مش فاكر حاجه....
غمض عينه بألم
جنة بخوف: مازن مازن.... هو حصله ايه ياعمر انده للدكتور
بعد قليل
الدكتور: للاسف حصله فقدان للذاكرة
جنة بصدمة: ايه!
عمر: طب لو حاولنا يادكتور نفكره هترجعله ذاكرته تانى؟
رد الدكتور بسرعه: بلاش تحاولوا تضغطوا عليه كتير وبالنسبة ان ذاكرته ترجعله تانى
فده احتمال ضعيف مع ذلك فى عملية بس هتكون مكلفة جدا
عمر بسرعة: مش مهم التكاليف يادكتور ابدأ انت الاجراءات
جنة: بس اهم حاجة ان العملية متكونش خطيرة على حياته
-عملية ايه دى الل بتتكلموا عليها؟
فارس بااستغراب: كارمن
نفخت جنة بضيق وقالت بغضب
-انتى ايه الل جابك؟
فارس : عرفتى تخرجى ازاى؟
اتجاهلتهم كارمن ووقفت قصاد الدكتور
-عملية ايه يادكتور الل بتتكلم عليها؟ مازن هيكون كويس بعدها؟
-دى عملية عشان ترجعله ذاكرته
بصدمة: هو مازن فقد ذاكرته!....... بس اكيد فاكرنى انا متأكدة انه عمره ماينسى حب عمره
فارس: مازن مش فاكر اى حد ياكارمن كفاية اوهامك دى
-انا هثبتلكوا ان مازن لسة فاكرنى
ودخلت اوضة مازن
-استنى عندك مين سامحلك تدخلى
قالتها جنة وهيا بتدخل وراها ودخل فارس وعمر كان مازن فاق ولقى كارمن حضنته بشوق وحب
-مازن انا كارمن حبيتك قول للكل انك لسة فاكرنى
مازن: كارمن
كارمن بابتسامة وعدم تصديق: ايوا ياحبيبي شوفتوا مش قولتلكم لسة فاكرنى
مازن: كارمن مين! هو انا اعرفك
ابتسمت جنة هيا وفارس اما كارمن كانت مصدومة
مازن: انتو مين؟ وعايزين منى ايه؟
جنة بحب: انا مراتك يامازن
كارمن: وانا حبيبتك
مازن: انا مش فاهم حاجه يعنى انا كنت بحب مين فيكم؟
جنة: انا مراتك وحبيبتك يامازن
كارمن: كنت بتحبنى انا
مازن:ولما انا كنت بحبك اتجوزت الست دى ليه؟
ابتسمت جنة باانتصار وهمستلها
-جاوبى بقى
قربت كارمن منه وحضنته وقبل ماجنة تعترض كان مازن زقها
-ابعدى عنى ياست انتى انا مش عايز حد فيكم
بعد اسبوعين
كان يوم خروج مازن من المستشفى
انتى مين؟
جنة بملل: كل شوية هفكرك
-ايوا افتكرتك مراتى... طب احنا رايحين على فين دلوقتي؟
جنة: هنروح بيتنا يامازن
-بيتنا! انا كنت اعرفك يا... وسكت
جنة بزهق: جنة اسمى جنة وانا مراتك يامازن ومتجوزين عن حب
خرجت صور بتجمعهم وبدأت تفرج مازن عليها كان بيبص بذهول وهو مش مصدق ان هو الل فى الصور
«عايزة اتكلم معاكى شوية مستنياكى قدام المستشفى»
كانت دى الرسالة الل وصلت لجنة
-حبيبى انا خارجة عشر دقايق وجاية علطول
هز راسه بموافقة ورجع يبص فى الصور
-عايزة ايه؟
-ابعدى عن مازن ياجنة هو خلاص معتش فاكرك
جنة: ولا فاكرك انتى كمان ياكارمن
-بس مازن قلبه هيميل ليا تانى لانى حب حياته
جنة بتحدى: مازن قلبه هيميل لحبه الحقيقى ياكارمن وانا الحب الحقيقى فى حياته
كارمن: اممم.... ايه رأيك نتفق اتفاق؟
جنة: اتفاق ايه ده!
كارمن: الل قلب مازن هيميل ليها ويحبها هيبقى مازن ملكها سواء كنت انا او انتى
بس لو ده حصل وقتها الطرف التالت هيخرج برا حياة مازن للابد واوعدك
انى هنفذ بالاتفاق ده يعنى لو مازن قلبه اختارك انتى هخرج من حياتكم للابدأ ولو العكس انتى هتخرجى برة حياة مازن
كانت كارمن المرادى بتتكلم بصدق وثقة لانها متأكدة ان مازن قلبه كان ملكها
وهيفضل دايما بس هل ياترى اعتقادها ده صح ولا التحدى الل هيا بنفسها قالته هيخليها تخسر مازن للابد
ردت جنة بكل ثقة: وانا موافقة ياكارمن.... استعدى للخسارة لانى واثقة فى عشق مازن ليا
يتبع.......
تفتكروا قلب مازن هيختار مين
قلب مازن هيختار الحب الحقيقي وبكدة هنعرف مازن حب مين فيهم
رأيكم يهمنى
