روايه صدفه الفصل السادس بقلم مريم اشرف
هذه الرواية متوفرة فقط علي
بعد أيام..
بسمه نزلت من اوضتها ولقتهم بيفطرو..
بسمه بصدمه: ايه ده ايه ده..ايه كل الأكل الحلو ده يا طنط..
شروق ضحكت وبصت لأنس: والله البنت دي عسل..أنا معرفش مبتحبهاش ليه؟
بسمه: آه والله أنا كيوت وقمر أهو يا أنوس باشا
أنس: هقوملك والله لقوم مديكي بالجزمه!!
بلعت ريقها بخوف منو وقعدت تاكل بصمت..
شروق: حاسه بايه يا بنتي..راسك لسا بتوجعك؟
بسمه: الحمد لله بقيت أحسن..
أنس: جهزي نفسك النهارده هنروح المستشفى عشان يغيرولك خياطة الجرح..
بسمه صرخت: لااااااا..ليه تحسسني بالوجع ده من الصبح حرام عليك..
أنس ابتسم بهدوء وقال: أنا بقولك أهو..
بعد مده جهزو وراحو للمستشفى..
في الأوضه:
بسمه بخفه: بسبس..اسمعي احنا لسا عند اتفاقنا فاكره؟
الممرضه بذهول: ايه ده انتي تاني؟؟!
بسمه: بالله عليكي قوليلو اني لسا فاقده الذاكره أصل لسا مكملتش انتقامي فيه..
في اللحظه دي طلع أنس من الحمام وزقف بايديه: براڤو..لأ براڤو بجد طلع شكي في محلو!!
الممرضه: احم..عن إذنكو..
بسمه مسكتها من شعرها: ايه ده انتي قولتيلو؟!!
قرب منهم أنس وشال ايديها من على الممرضه: سيبي البت هتموت في ايدك!!
الممرضه خرجت..
بسمه بتوتر: احم..الجو حار مش كده؟
قاطعها وهو بيبتسم: لأ دنا هخليه بارد على روحك حالاً..انتي عاوزه تجلطيني ليه..عاوز اعرف اتحذفتي عليا منين؟!
بسمه: طب بص كل الموضوع اني كنت متغاظه منك وحبيت أنتقم منك لطريقتك معايا و..وكمان عشان مترجعنيش لأهلي..
اتكلم بصوت عالي: كان ممكن أعمل كده من غير ما تكذبي عليا!!
بسمه بعياط: انت بتزعق ليه..أنا بخاف منك كده..
أنس: مانتي لو كنتي بتخافي مكنتيش تضحكي عليا..قال كده ومشي وسابها..
بسمه قامت تجري وراه..
دخل العربيه وهي خبطت على الإزاز: أنس..أنس أرجوك متسبنيش..متسبنيش يا أنس والله مش هكذب عليك تاني..
أنس: لأ يا ماما شوفي هتروحي فين دلوقتي وضحك باستهزاء..
بسمه بعياط: والله لمو*ت نفسي لو مأخدتنيش معاك..هرمي نفسي قدام العربيات!!
أنس بعصبيه: وحياتك يا بسمه؟؟!
بسمه كانت هتمشي ناحية الطريق بس شدها من ذراعها جامد وزقها ناحية العربيه..
أنس: شكلك بتتفرجي على أكشن كثير..
بسمه: أكشن؟..يعع..أنا بتفرج على مسلسلات تركي بتعرفها؟
أنس برطم بحاجات..
بسمه: أنس ممكن توديني للبحر؟
أنس: انتي ولا يمكن تكوني بني آدمه زينا..بحر ايه اللي نروحو؟!
بسمه: أرجوك يا أنس حابه أغير جو..أنا عمري ما رحت البحر في حياتي..
أنس: هو في حد عمرو ماشاف البحر؟
بسمه بحزن: آه والله أنا..أهلي مبيخلونيش أروح مطرح..
أنس: انتي هتعيطي ولا ايه..حاضر هنروح..
بسمه: تحياتي ليك يا أنوس باشا..
أنس: بسمه!!!
_______________
في نفس الوقت ببحر اسكندريه الجميل كان زياد بيتمشى مع صاحبو وبيسألو الناس عن بسمه من الصور..فضّل انو يدور عليها في الشط عشان عارف انها بتحب البحر ونفسها تروحو من زمان..
ركن أنس العربيه ومشي هو وبسمه ناحية الشط..
أنس: هو ده البحر يا اختي اتهنيتي؟
وقفت بإعجاب: ياااه هو ده البحر اللي الناس بتحكيلو مشاكلها..ممكن يا بحر أحكيلك مشاكلي؟
أنس ابتسم وقال في نفسو: مجنونه والله
فضلت تحكي وتفرغ كل اللي فقلبها لدرجة انها عيطت..
قرب منها وكان عاوز بحضنها بس اتراجع في آخر لحظه..فجأه وقفو شاب وكان زياد
زياد: ممكن أسألك يا أستاذ مشوفتش البنت دي في مكان؟
بص أنس على الصوره وشهق من الصدمه..
لفت بسمت على صوتهم وقالت بصدمه: ز..زياد؟
___________________
رواية: صدفة
الفصل: 6
