روايه حب الماضي الفصل السادس بقلم مارينا على
هذه الرواية متوفرة فقط على
لمتابعه روايه حب ماضي اضغط هنا 👇
بعتذر عن التأخير ☺️
والد جنة بغضب: بما ان جوزك مصر على رأيه يبقى تختارى انتى ياجنة
....ياتيجى معايا وتطلقى منه....
ياتعيشى معاه وتنسى ان ليكى اهل؟
جنة بصدمة: بابا انت بتقول ايه! انا مش هقدر استغنى عن حد فيكم
كان وصل انس اخو جنة ووالدتها وسمعوا لما والدها خيرها
أنس: بابا اهدى انت كدة بتخرب عليها بيتها...
والد جنة بغضب: انت متتكلمش خالص وانا بتكلم
ومسك ايد جنة عشان ياخدها معاه
بس مازن مسكها من ايدها التانية
مازن بهدوء : وانا مراتى مش هتخطى خطوة برة بيتها...
والد جنة بغضب: شيل ايدك عنها بنتى هتيجى معايا
مازن بغضب اكبر: شيل ايدك انت انا محترمك
عشان انت باباها ولو مش كدة كنت.....
زقتهم جنة هما الاتنين بغضب
جنة بغضب وانهيار: كفااااية بئا انتو الاتنين
كان لسة مازن هيقرب منها عشان يهديها
جنة بانهيار: متلمسنيش محدش يقرب منى
نعيمة بقلق: اهدى ياجنة يابنتى تعالى فى حضن امك ياحبيبتي
خدتها فى حضنها وفضلت جنة تعيط
وطلعتها على اوضتها لحد ماهديت ونامت
🌹🌹🌹🌹🌹🌹🌹🌹🌹🌹🌹🌹🌹🌹
انت لسة ملبستش؟ اتفضل يلا عشان نروح لماما....
عمر بتمثيل: تعبان... ومش قادر.... اروح فى حتة ياحبيبتي
لميس بعدم تصديق: بطلع دلع ويلا انت بتمثل عشان منروحش عند ماما
عشان انت مش بتحبها... صح؟
عمر بكذب: اانا! ده انا حتى بحب حماتى اوى دى هيا الخير والبركة
لميس: يبقى يلا عشان ماما متزعلش مننا
عمر: امك بتزعل لوحدها من غير ماعملها حاجة
لميس: عمر...
عمر: حاضر قايم البس اهو
وفعلا راحو.....
والدة لميس: واخوك عامل ايه بقى ياعمر؟
عمر: بخير وبيسلم عليكى ياحماتى
والدة لميس بسخرية: الله يسلمه ياخويا... كملت بغيظ انا
معرفش ازاى يسمح لبنت عمك تقعد عنده بعد الل عملته فيه
ده خسرته كل حاجة.....
عمر بضيق: هو حر.... وبعدين فى الاول والاخر كارمن بنت عمنا
والدة لميس بسخرية:هو فى حاجة جايباكم ورى غير خي'بتك انت واخوك
عمر بضيق: ماتجيبى سيرة تانية غير دى ياحماتى !
والدة لميس: ماشى ياجوز بنتى
🌹🌹🌹🌹🌹🌹🌹🌹🌹🌹🌹🌹🌹🌹🌹
والد جنة: عاجبك الل حصل لبنتى انت السبب..
مازن: انا برضو السبب ليه هو انا الل خيرتها بينى وبينك؟
كارمن: كفاية خناق كل ده بسببى!
انا موافقة اجوز فارس يامازن
انس بصدمة: فارس مين؟ ابن خالتى؟
والد جنة: اخرس انت دلوقتي
مازن بهدوء: متعمليش حاجة انتى مش حاباها ياكارمن
كارمن: يبقى تتصالحوا حالا بلاش تضغطوا على جنة اكتر و..
مازن: لو سمحتى ياكارمن متدخليش
دى مشكلة بينى انا وابو مراتى وهنحلها
كارمن بااحراج: اسفة
حست كارمن بالاحراج وطلعت فورا على اوضتها
والد جنة: انا همشى دلوقتي عشان مش عايز اضغط على بنتى
بس كلامنا لسة مخلصش
🌹🌹🌹🌹🌹🌹🌹🌹🌹🌹🌹🌹🌹🌹🌹
حبيبتي انتى كويسة؟ انا اسف بجد على الل حصل
جنة: خلاص يامازن انا بقيت كويسة
باس مازن راسها
مازن بحب: انا بحبك اوى ياجنة ومقدرش اعيش من غيرك
اوعدينى انك هتفضلى معايا دايما؟
جنة بحب: اوعدك ياحبيبي... صحيح فين كارمن؟
افتكر مازن لما احرجها
مازن بضيق من نفسه: خرجت من شوية... انا غب'ى احرجتها قدام
اهلك اكيد مكنش مفروض اعمل كدة بس كنت متعصب..
جنة بغيرة: هنفضل نتكلم على ست كارمن؟
مازن: اسف ياحبيبتي مقصدش
جنة: تمام يامازن
🌹🌹🌹🌹🌹🌹🌹🌹🌹🌹🌹🌹🌹
فى عربية فارس كانت كارمن بتعيط
فارس: ممكن طيب افهم حصل ايه؟ بطلى بقى عياط
كارمن: ما... مازن احرجنى
فارس: اممم طيب تحكيلى الل حصل؟
حكتله كارمن كل الل حصل
فارس: كارمن انتى لسة بتحبى فارس؟
كارمن بارتباك واضح: لا طبعا.... وبعدين بتسأل سؤال زى ده ليه؟
فارس باابتسامة: عشان هتبقى مراتى وملكى انا
كارمن بتوتر: بس انا لسة موافقتش عليك ...
وبعدين تليفونها رن فشافت الاسم ابتسمت
كارمن: هروح دلوقتي يادكتور فارس
فارس: استنى اوصلك؟
كارمن برفض: لا.. لا شكرا هروح بعربيتى
فارس تمام
بعدها مشيت كارمن
فارس بضحكة خبيثة: واضح فعلا انك مش بتحبيه ....
انا هندمك يامازن وهسرق منك حبيبتك زى ماسرقت منى حبيبتي
.... هخلى حياتها كلها دمار
حب الماضى[6]
